मा. आ. सुधीरभाऊ मुनगंटीवार सेवा केंद्राच्या माध्यमातून निरंतर रुग्णसेवा सुरू राहील – भाजयुमोचे महाराष्ट्र प्रदेश उपाध्यक्ष विवेक बोढे यांचे मनोगत
( चंद्रपूर ,घुग्घुस) प्रतिनिधि
रमेश सूध्दाला
घुग्घुस येथील मा. आ. सुधीरभाऊ मुनगंटीवार सेवा केंद्रातून घुग्घुस परिसरातील वयोवृद्ध नागरिकांच्या मोतीबिंदूच्या शस्त्रक्रियेसाठी नेत्र रुग्णांची तुकडी सेवाग्राम येथे भाजपा जिल्हाध्यक्ष देवराव भोंगळे यांच्या सूचनेनुसार रवाना करण्यात आली.
याप्रसंगी बोलतांना भाजयुमोचे विवेक बोढे म्हणाले की आम्ही सतत असे सेवाभावी कार्यक्रम घेत आहोत. भारताचे लोकप्रिय पंतप्रधान नरेंद्र मोदी यांच्या वाढदिवसानिमित्त सुरु केलेला हा उपक्रम, 171 गोर गरीब, गरजू वयोवृद्ध नागरिकांच्या मोफत मोतीबिंदू शस्त्रक्रिया करून समारोप करीत आहोत. आता पर्यंत 200 च्या वर रुग्णांच्या मोफत मोतीबिंदूच्या शस्त्रक्रिया सेवाग्राम तथा डॉ. चेतन खुटेमाटे साहेबांच्या दावाखण्यात पार पडल्या आहेत. माजी अर्थ मंत्री सुधीरभाऊ मुनगंटीवार हे ‘रुग्ण सेवा हीच ईश्वर सेवा’ समजून निरंतर जनसेवा करीत आहेत. त्यांच्या माध्यमातून ही सेवा निरंतर सुरू राहणार आहे.
यावेळी भाजयुमोचे महाराष्ट्र प्रदेश उपाध्यक्ष विवेक बोढे माजी ग्रामपंचायत सदस्य साजन गोहने, भाजपाचे बबलू सातपुते, मधुकर धांडे, सुभाष मशाखेत्री, अजय लेंडे, उमेश दडमल उपस्थित होते.
