प्रतिनिधी सचिन वाघे
हिंगणघाट : पंतप्रधान आदरणीय नरेंद्र मोदी यांच्या ७५ व्या वाढदिवसानिमित्त रोटरी क्लब हिंगणघाट तर्फे *सायकल बँक प्रकल्पांतर्गत* शाळेतील गरजू मुलींना सायकल वाटप करण्यात आले. या उपक्रमात एकूण ५१ सायकली१० शाळांतील मुलींना वाटप करण्यात आल्या.
कार्यक्रम भारत विद्यालयाच्या प्रांगणात पार पडला. यावेळी प्रमुख अतिथी म्हणून आमदार श्री. समीर कुणावार उपस्थित होते. मा. पी.डी.जी. श्री. राजे संग्रामसिंह भोसले तसेच समुद्रपूर येथील उपविभागीय अधिकारी उपस्थित होते.
समीरभाऊंनी रोटरी क्लबच्या उपक्रमांचे कौतुक करून पुढील वर्षी १०१ सायकली वाटप करण्याचे आवाहन केले.
कार्यक्रमाला भारत विद्यालयाचे प्राचार्य हरीश भट्टड विशेष उपस्थित होते. हा उपक्रम प्रोजेक्ट डायरेक्टर्स रोटेरियन डॉ. राजू निखाडे, रोटेरियन मुरली लाहोटी व रोटेरियन मुकुंद मुंधडा यांच्या नेतृत्वाखाली पार पडला. कार्यक्रमाचे उत्कृष्ट संचालन रोटेरियन प्रा. जितेंद्र केदार यांनी केले.
Hingnghatnews /सेक्रेटरी रोटेरियन मंजुषा मुळे यांनी सर्व मान्यवरांचे व सदस्यांचे आभार मानले. रोटरी क्लबचे पास्ट प्रेसिडेंट्स दिगंबरजी खांडरे, अशोक बोंगिरवार, अशोक चंदनखेडे, संजय बोथरा, डॉ. राजू निखाडे, मुरली लाहोटी, मुकुंद मुंधडा तसेच रोटेरियन उदय भोकरे, शशांक खांडरे, वैभव पटेलिया, शाकीरखान पठाण, केदार जोगळेकर, पुंडलीकजी बकाने, विवेक तडस, प्रतिभा वांढरे यांनी कार्यक्रम यशस्वी करण्यासाठी परिश्रम घेतले.
