प्रतिनिधी सचिन वाघे
Murdernews:हिंगणघाट,दि.२ एप्रिल.संत तुकडोजी वार्ड उपजिल्हा रूग्णालयामागील परीसरात काल दि.१ मे रोजी एका ६५ वर्षीय इसमाचा चाकूचे वार करीत जागीच खून करण्यात आला.
सायंकाळी ५.३० वाजताचे दरम्यान दिवसाढवळ्या हे हत्याकांड घडले असून यात आरोपीने मृतकावरती जोरदार चाकूहल्ला करीत सपासप वार करून जागीच ठार केले.
वडिलांवर जीवघेणा हल्ला झाल्याची माहिती मिळताच मृतकाचे मुलाने घटनास्थळी धाव घेऊन जखमी अवस्थेत पित्याला स्थानिक उपजिल्हा रुग्णालयात उपचारार्थ दाखल केले.
परंतु डॉक्टरांनी त्याचा मृत्यू झाल्याचे घोषित केले.
मृतकाची ओळख संघरक्षित उंदरुजी पाटील (६५) अशी असून मृतक संत तुकडोजी वार्ड येथील तथागतनगर येथील रहिवासी आहे तर आरोपीसुद्धा याच परिसरातील रहिवासी असून त्याची ओळख वितय अशोक कांबळे (३५) अशी आहे.
आरोपी वितय अशोक कांबळे यांनी मृतक संघर्षित पाटील यांच्यावर चाकूने सपासप वार करून जागीच ठार मारले व आरोपी घटनास्थळावरून पसार झाला.
मृतक व आरोपी हे दोघे एकमेकांच्या घराशेजारीच रहात असून मिळालेल्या माहितीनुसार त्यांच्यात ४- ५ वर्षापुर्वी नालीचे सांडपाण्यावरून वाद झाला होता. परंतु आरोपीने आता मृतकावरती हा हल्ला का केला याचे कारण अद्यापही स्पष्ट झाले नाही.
Murdernews :आता आरोपीच्या अटकेनंतरच हत्येचे कारण स्पष्ट होणार असल्याचे निदर्शनास येत आहे. सदर घटनेचा तपास ठाणेदार देवेंद्र ठाकूर यांच्या मार्गदर्शनाखाली पोलीस उपनिरीक्षक संदिप ताराम करीत आहेत.
