प्रतिनिधी सचिन वाघे

हिंगणघाट: विकास विद्यालय, हिंगणघाटचे इ.10 वी सत्र 1993 चे विद्यार्थी यांनी अथक प्रयत्न करून तब्बल 32 वर्षांनंतर एक भव्य स्नेहसंमेलन 12 ऑक्टोबर 2025 रोजी आयोजित केले. या विशेष प्रसंगी निवृत्त शिक्षकांचा शोध घेऊन त्यांना सन्मानाने कार्यक्रमात आमंत्रित करण्यात आले.

कार्यक्रमाची सुरुवात राष्ट्रगीताने झाली. दीपप्रज्वलनानंतर विद्यार्थ्यांची हजेरी घेण्यात आली. कार्यक्रमाच्या अध्यक्षस्थानी पंढरीनाथ शिंदे सर होते. त्यांच्यासोबत मंचावर अंकुश खोके सर, गावंडे मॅडम, नांदुरकर मॅडम व खुपसरे मॅडम यांची प्रमुख उपस्थिती होती.

कार्यक्रमातील विशेष क्षण म्हणजे मुलींना चोळी, बांगडी व साडी देऊन ‘भाऊ’ म्हणून सन्मानित करणे — यामुळे संपूर्ण शिक्षकवर्ग भावूक झाला. त्यांनी विद्यार्थ्यांच्या सन्मानाने भारावून जाऊन सांगितले, “आम्ही घडवलेले विद्यार्थी आज ज्या प्रकारे आमचा सन्मान करत आहेत, तोच आमच्यासाठी खरा गुरुदक्षिणेचा क्षण आहे.”
विद्यार्थ्यांनी आपापल्या जीवनप्रवासातील सुख-दुःख शेअर केले, कुटुंबियांचा परिचय करून दिला. या स्नेहसंमेलनाचा प्रमुख उद्देश होता – बालपणीचे मित्र पुन्हा एकत्र आणणे, शिक्षकांचा सन्मान करणे आणि नवीन पिढीसमोर आदर्श निर्माण करणे.

कार्यक्रमात अनेक गुणवंत विद्यार्थ्यांचा विशेष सत्कार करण्यात आला. कार्यक्रमाच्या यशस्वी आयोजनासाठी पुढील विद्यार्थ्यांनी विशेष परिश्रम घेतले – अनिल निकोडे, किशोर ठाकरे, करीम खान, विनोद वाघमारे, रुपेश नेहरोत्रा, छोटू खापरे, जगदीश चंदनखेडे, गजानन वराडे, जागेश्वर कोरडे, जगदीश सटोणे, मुनेश्वर उरकुडे, नरेश चाटगे, राजू शिंदे, रवी धात्रक, सीमा परबत (झाडे), अनिता घरट (खांडवये), गीता राऊत (भोरे) आदींचा मोलाचा सहभाग होता.

कार्यक्रमाचे प्रभावी सूत्रसंचालन व संकल्पना सादरीकरण करीम खान यांनी केले.

प्रतिनिधी सचिन वाघे वर्धा, १० ऑक्टोबर २०२५:

वर्धा येथे नुकत्याच पार पडलेल्या जिल्हास्तरीय शालेय ज्युदो स्पर्धेत “दि वर्धा डिस्ट्रीक्ट अॅमेच्युअर ज्युदो असोसिएशन”च्या खेळाडूंनी चमकदार कामगिरी करत एकूण १७ खेळाडूंनी विभागीय स्पर्धेसाठी आपली पात्रता सिद्ध केली. नागपूर येथे लवकरच होणाऱ्या विभागीय स्पर्धेसाठी हे खेळाडू वर्धा जिल्ह्याचे प्रतिनिधित्व करतील.

पात्र ठरलेले खेळाडू पुढीलप्रमाणे आहेत:

अंडर-१४ गट:

शिव कोटकर

सक्षम पर्बत

वेदिका कापसे

गुंजन पुरी

स्वरांजली भडे

अंडर-१७ गट:

आदेश खांडरे

तनमय कोसुलकर

माहीम लांडगे

मंजीत पिसे

वैभव खोडे

प्रथमेश खोडे

अनन्या सोनकुसरे

ईशा फाले

अंडर-१९ गट:

चंचल कापसे

काशिश चिंचुलकर

प्रथमेश आंधे

अरमान धानरेल

या सर्व विजेत्या खेळाडूंना दि वर्धा डिस्ट्रीक्ट अॅमेच्युअर ज्युदो असोसिएशनचे सचिव प्रा. विठ्ठल आवचट, डाॅ. प्रा. राजू अवचट, आणि मनोज कोसुलकर यांनी हार्दिक शुभेच्छा दिल्या. तसेच ज्येष्ठ खेळाडू स्मीत श्रावणे, सतीश वरघणे, तेजस बरवड, आणि भूषण हिंगे यांनीही पुढील वाटचालीस शुभेच्छा दिल्या.

या यशस्वी कामगिरीमागे प्रशिक्षक सुबोध दादा महाबुधे व विशाल कस्तुरे यांचे मार्गदर्शन व मेहनत महत्त्वाची ठरली आहे. त्यांच्या प्रशिक्षणामुळेच खेळाडूंनी हे यश प्राप्त केले.अमॅच्युअर ज्युदो असोसिएशनतर्फे सर्व विजेत्या व सहभाग घेतलेल्या खेळाडूंना अभिनंदन करण्यात आले असून, नागपूरमध्ये होणाऱ्या विभागीय स्पर्धेसाठी शुभेच्छा देण्यात आल्या आहेत