इस्माईल शेख बुलढाणा जिल्हा प्रतिनिधी

शेगाव : तालुक्यातील वरखेड.गट ग्रामपंचायतचे सरपंच पद रिक्त असल्याने सरपंचपदासाठी निवड प्रक्रिया १८ ऑक्टोबर रोजी निवडणूक पद्धतीने ग्रामपंचायत कार्यालयात पार पडली. या निवडणुकीत सौ. शीतल अमोल भांगे यांना पाच तर त्यांच्या विरुद्ध असलेल्या सौ. रुपाली गोपाल कराळे यांना दोन मते मिळाल्याने सौ. शीतल भांगे सरपंच पदी विजयी झाल्या. गेल्या काही दिवसांपूर्वी वरखेड बु. ग्राम पंचायतच्या विजया गणेश कराळे यांनी सरपंच पदाचा राजीनामा दिला होता. त्यामुळे सदर पद रिक्त झाले होते.

यामुळे निवडणुक विभागाने सरपंच पदासाठी निवड कार्यक्रम जाहीर केला होता. त्यानुसार १८ ऑक्टोबर रोजी निवडणूक अधिकारी आर. आर. मुंढे यांचे अध्यक्षतेखाली ग्रामपंचायतमध्ये निवडणूक पार पडली. यावेळी ९ पैकी ८ सदस्य हजर होते.

यातील एक मत अवैध ठरले. निवडणूक साठी सहाय्यक म्हणून तलाठी हाके, ग्रामसेवक अनिल बिचकुले यांनी काम पाहिले.

सिंदखेडराजा सुरेश हुसे

तालुक्यातील दुसरबीड गावामधे पोलीस स्टेशन किनगाव राजा चे प्रभारी ठाणेदार श्री रबडे साहेब यांनी दुसरबीड येथील सर्व व्यापारी मंडळी यांची आज रोजी मीटिंग घेउन खाली प्रमाणे सुचना केल्या दुसरबीड गावांमधील मधील सराफा व्यापारी असोसिएशन, इलेक्ट्रिकल व्यापारी , किराणा दुकानदार व कपडा व्यापारी, सराफा असोसिएशन यांची मीटिंग घेण्यात आलेली आहे.

सदरच्या मीटिंगमध्ये प्रत्येक आस्थापना/दुकान मध्ये सीसीटीव्ही लावून CCTV चे बॅकअप कमीत कमी 30 दिवसाचे असावेत, शक्यतोवर संपूर्ण व्यवहार हा ऑनलाइन करण्यात यावा, आस्थापना/दुकान बंद करते वेळी कोणतीही रक्कम दुकानात ठेवू नये, दुकान वेळेत बंद करावेत, एखादा अनोळखी व्यक्ती कधीतरी येऊन अधिक रकमेची खरेदी करीत असल्यास पोलीस स्टेशनला माहिती द्यावी,

रस्त्यावर आस्थापने समोर लागणारे वाहनामुळे रहदारीस अडथळा निर्माण होऊ नये करीता आपले आस्थापने समोर वाचमन ठेवणे आवश्यक आहे, तसेच आगामी दसरा आणि दिवाळी सना निमित्त आपले सोने चांदीचे दागिने यांची काळजी घेणे,

सर्वांनी CCTV मध्ये पूर्ण एरिया कव्हर होईल अशा प्रकारे लावणे इतर महत्त्वपूर्ण सूचना देण्यात आलेल्या आहेत. मीटिंग करिता 15-20 लोक हजर होते.

इस्माईल शेख बुलढाणा जिल्हा प्रतिनिधी

शेगाव: बुलढाणा जिल्ह्यातील बचत गटातील महिलांनी तयार केलेल्या वस्तू विक्रीला प्रोत्साहन मिळावे या उद्देशाने दिशा बचत गट फेडरेशनच्या वतीने बुलढाणा येथे चार व पाच नोव्हेंबर रोजी आयोजित बचत गट प्रदर्शनी मध्ये शेगाव शहर व तालुक्यातील जास्तीत जास्त बचत गट महिलांनी सहभागी व्हावे असे आवाहन दिशा बचत गट फेडरेशनच्या संस्थापक अध्यक्ष एडवोकेट जयश्रीताई शेळके यांनी शेगाव येथे बचत गटच्या महिलांसाठी आयोजित कार्यक्रमांमध्ये बोलताना केले.#jayshrishelke

आज 19 ऑक्टोंबर रोजी नगरपालिकेच्या डॉक्टर श्यामाप्रसाद मुखर्जी नगर हाल मध्ये शेगाव शहरातील बचत गट महिलांसाठी दिशा बचत गट फेडरेशनच्या वतीने मार्गदर्शन कार्यक्रमाचे आयोजन करण्यात आले होते.#bachatgat

त्यावेळी त्या बोलत होत्या यावेळी मंचावर काँग्रेस जिल्हा उपाध्यक्ष सुनीता कलोरे प्रणिता धामंदे धामणंदे काँग्रेस महिला आघाडी शहराध्यक्ष कविता राजवैद्य बचत गट शेगाव शहर अध्यक्ष राजगुरे मॅडम सविता झाडोगार आदी मान्यवर उपस्थित होते#jayshrishelke #buldhana

न.प.ने तातडीने दखल घेऊन समस्या सोडवली!

इस्माईल शेख बुलढाणा जिल्हा प्रतिनिधी

खामगाव : प्रभाग क्र. १६. बिलाल मस्जीद, बड़े प्लॉट येथील बंद असलेले स्ट्रीट लाईट सुरू करण्यासाठी एम आय एम ने केलेल्या डफळे आंदोलनाची दखल घेऊन खामगाव नगरपालिकेने सदर बंद असलेले स्ट्रीट लाईट सुरू केल्याने एमआयएमच्या आंदोलनाला यश मिळाले अशी माहिती एम आय एम शहराध्यक्ष आरिफपैलवान यांनी दिली . सदर रस्त्यावरीलस्ट्रीटलाईट बंद असून चालु करण्याबाबतचे निवेदन दि. ०३/१०/२०२३ रोजी स्थानिक नगर परिषदेला दिले होते.

पण कोणतीही कारवाई करण्यात आली नाही म्हणून दि. १२/१०/२०२३ रोजी न.प. समोर दि.२०/१०/२०२३ ला मागणी मान्य न झाल्यास डफडे बजाव आंदोलन करण्यात येईल असा ईशारा देण्यात आला होता. त्यानुसार आज दि.२०/१०/२०२३ रोजी नगर परिषद कार्यालय समोर एम. आय. एम. चे शहर अध्यक्ष मो आरीफ अब्दुल लतीफ यांच्या नेतृत्वात डफडे बजाव आंदोलन करण्याकरीता गेले असता

, शहर पोलीस स्टेशन चे ठाणेदार श्री शांतीकुमार पाटील साहेब यांनी न.प. मुख्याधिकारी खामगाव यांच्याशी चर्चा करून समस्या सोडविण्याबाबत कळविले असता न.प. मुख्याधिकारी यांनी याची तात्काळ दखल घेवून स्ट्रीट लाईट सुरु करून दिली. त्यामुळे सदर आंदोलन करण्या अगोदर न.प. ने दखल घेतल्यामुळे सदर आंदोलनास यश मिळाल्यानंतर बर्डे प्लॉट भागातील नागरिकांमाध्ये तसेच एमआयएमच्या कार्यकत्यांमध्ये मोठा उत्साह दिसून आला.

सदर आंदोलनाच्या बातम्या प्रकाशित करणाऱ्या सर्व वृत्तपत्र संपादकांचे व मा. ठाणेदार साहेब श्री शांतीकुमार पाटील साहेब, शहर पोलीस स्टेशन खामगांव यांचे आभार व्यक्त केले.

परिसरातील नागरिकांनी तसेच मो. आरिफ पहेलवान, ए. रफिक ए कय्युम, खामगाव तालुकाध्यक्ष, सलीम शाह जिल्हा सरचिटणीस, यासीन खान युवक तालुकाध्यक्ष खामगाव, शेख इम्रान शेख जलील युवा अध्यक्ष खामगाव, गालिब शाह शाखा अध्यक्ष पहुरजिरा, शेख इम्रान शेख रशीद शाखा अध्यक्ष ताज नगर, फैसल खान, शेख रिजवान, शेख इमरान शेख रशीद शाखा अध्यक्षा. आदी उपस्थित होते.#एम आय एम #MIM

मोहम्मद आरिफ अब्दुल लतीफ

एमआयएमआयएम शहर अध्यक्ष

संग्रामपुर येथील तहसीलदारांमार्फत महाराष्ट्र राज्याचे राज्यपाल महोदय यांना राष्ट्रीय गुरु रविदास क्रांती मोर्चा यांच्या वतीने निवेदन देण्यात आले. निवेदनात म्हटले आहे की शिरशी ता. सोनपेठ जि. परभणी येथे दिनांक ४ऑक्टोंबर २०२३ रोजी ८ वर्षीय मुलीवर व पळशी ता.उमरखेड जि.या यवतमाळ येथे १० ऑक्टोंबर २०२३ रोजी ११ वर्षीय मुलीवर म्हणजेच या दोन्ही चर्मकार समाजाच्या अल्पवयीन मुलींवर लैंगिक अत्याचार झाला हे मानवतेला काळीमा फासणारी घटना आहे. महाराष्ट्रासह देशभरातील चर्मकार समाजामध्ये संतापाची लाट आहे.समाजामध्ये भीतीचे वातावरण आहे.

पीडित परीवारांना न्याय मिळावा म्हणून खालील मागण्यांचे निवेदन राज्यपालांना देण्यात आले आहे.

१) दोन्ही प्रकरणातील आरोपींना अटक करुन त्यांच्या सहकाऱ्यांना सुध्दा अटक करावे.

२) सर्व गुन्हेगारांवर ऍट्रॉसिटी अॅक्ट लावून त्यांना जमानत मिळू नये यासाठीच प्रयत्न करावा. आरोपी जामिनावर सुटल्यास पीडितांच्या जिवाला धोका आहे.

३) सदर खटले जलदगती न्यायालयात दाखल करुनआरोपींना कठोरात कठोर शिक्षा ठोठावण्यात यावी. अत्याचार झाल्यावर तक्रार घेत नाही अशा अधिकाऱ्यांना निलंबीत करण्यात यावे अशा विवीध मागण्यांचे निवेदन राष्ट्रीय गुरू रविदास क्रांती मोर्चा यांच्या वतीने देण्यात आले. पीडित कुटुंबांना न्याय न मिळाल्यास महाराष्ट्र भर राष्ट्रीय गुरू रविदास क्रांती मोर्चाच्या माध्यमातुन चरणबद्ध आंदोलन उभारण्यात येईल असा इशाराही निवेदनातून देण्यात आला आहे.

यावेळी निवेदनावर राष्ट्रीय गुरू रविदास क्रांती मोर्चा चे तालुका प्रभारी मंगेश वानेरे, गोविंदा डाखोडे,विशाल बावस्कर, जयप्रकाश डाखोडे बहुजन मुक्ती पार्टीचे पश्चिम विदर्भ अध्यक्ष सुजित बांगर,रामदास भारसाकडे अंकुश कोकाटे, नानाभाऊ तायडे, राष्ट्रीय ओबीसी मोर्चाचे अरुणभाऊ मानखैर पाटील,जगदिश कोकाटे, अंकित भारसाकडे व कार्यकर्त्यांच्या सह्या ह्या निवेदनात आहेत.

सिंदखेडराजा सुरेश हुसे

सिंदखेडराजा तालुक्यातील बहुचर्चित राजेगाव येथील ‘यशवंतराव चव्हाण माध्यमिक व स्व .भास्करराव शिंगणे उच्च माध्यमिक विद्यालय येथील शिक्षक गजानन संपतराव खंडारे यांनी विद्यालयाच्या संदर्भातील विविध मागण्यासाठी शिक्षण उपसंचालक अमरावती येथे दिनांक १८ ऑक्टोंबर पासून संपूर्ण परिवारासह साखळी उपोषणास सुरुवात,

त्यांनी पुढील मागण्या संदर्भामध्ये साठी उपोषण सुरू केले आहे यामध्ये

शिक्षक भरती प्रकरणी प्राचार्य विकास सरकटे यांना तात्काळ निलंबित करून त्यांच्यावर ४२० प्रमाणे फौजदारी गुन्हा दाखल करावा .शासनाला वारंवार फसंविणाऱ्या तोतया संस्था अध्यक्ष /सचिव सूर्यकांत हिम्मतराव पवार याचेवर ४२० फौजदारी दाखल करणे,
नियम बाह्य शिक्षक भरती प्रकरणी प्राचार्य व संस्था अध्यक्ष यांना अभय दिल्या प्रकरणी बुलढाणा शिक्षणाधिकारी माध्यमिक जिल्हा परिषद श्री प्रकाश मुकुंद यांना निलंबित करण्याबाबत ‘

आधी विविध मागण्यासाठी गजानन खंडारे यांचे अमरावती येथे कुटुंबासह उपोषण सुरू आहे,@buldhana #buldhana