इस्माईल शेख बुलढाणा जिल्हा प्रतिनिधी

शेगाव : गणेशउत्सवात उत्कृष्ट कार्य करणाऱ्या मंडळासाठी घोषित केलेल्या गणराया पुरस्कार व सिद्धीविनायक पुरस्कारासाठी निरिक्षण समिती गठीत करण्यात आली आहे.दोन्ही पुरस्काराच्या निरिक्षण समितीची घोषणा नाहसंचे संस्थापक किरणबापू देशमुख यांनी केली आहे.

मोतीबाग व्यायाम प्रसारक व बहुउद्देशीय संस्था व नागरी हक्क संरक्षण समिती यांच्या संयुक्त विधमाने सदर पुरस्काराची घोषणा करण्यात आली असून गणराया पुरस्कार व सिद्धिविनायक पुरस्कारासाठी निरिक्षण समिती मध्ये अनुक्रमे 9 व 8 सदस्यांची निवड करण्यात आली आहे.

11 हजार रुपये व फिरती ढाल असे स्वरूप असणाऱ्या गणराया पुरस्कार समितीमध्ये नाहस तर्फे सदस्य म्हणून विजय ढगे, मोतीबाग प्रतिनिधी निकुंज देशमुख, पत्रकार म्हणून अनिल उंबरकार, वकील अड.गणेश पिसे, डॉक्टर डॉ.अभय गोयनका, प्रा.सतीष कलोरे,तहसील प्रतिनिधी विजय बोराखडे, पोलीस प्रतिनिधी गजेंद्र रोहनकार, न.प. प्रतिनिधी दिपक बांगर असे राहणार आहेत.

तर छोट्या मंडळासाठी 3 हजार रुपये व फिरती ढाल सिद्धिविनायक पुरस्कारासाठी नाहसचे दोन प्रतिनिधी अशोक गडकर, महेश देशमुख, मोतीबाग प्रतिनिधी उमेश देशमुख, पंकज तापी, पत्रकार प्रतिनिधी डॉ.जयवंतराव खेळकर,वकील प्रतिनिधी ऍडव्होकेट चेतन देशमुख, डॉक्टर प्रतिनिधी रमेश भुतडा, प्राध्यापक प्रतिनिधी प्रा.हरिदास सोळंके अशी समिती राहणार.

असून ही समिती नियोजित वेळी गणेश मंडळाचे स्थापनेपासून ते मिरवणुकी पर्यंत निरीक्षण करून आपला अहवाल बंद पाकिटात तहसीलदार शेगाव यांचेकडे जमा करतील व गणेशउत्सवा नंतर एक पुरस्कार वितरणाचा कार्यक्रम घोषित करून सदरचे पुरस्कार दिले जातील.असे नाहसंचे संस्थापक किरणबापू देशमुख यांनी कळविले आहे.

@शेगाव शहरातील गणराया पुरस्कार 2023 साठी निरिक्षण समितीत पत्रकार संघटनेचे प्रतिनिधी म्हणून लोकमत चे तालुका प्रतिनिधी तथा डिजिटल मिडिया परिषदेचे जिल्हाध्यक्ष अनिल उंबरकार यांची निवड झाली आहे.

जेष्ठ पत्रकार संजय सोनोने,बुलढाणा जिल्हा पत्रकार संघाचे विभाग संघटक राजेश चौधरी,शेगाव तालुका पत्रकार संघाचे अध्यक्ष फहिमभाई देशमुख,सचिव नंदुभाऊ कुळकर्णी, डिजिटल मिडिया परिषदेचे जिल्हा संघटक नारायण दाभाडे आदीसह पत्रकार बांधवांनी अनिल उंबरकर यांचे अभिनंदन केले.

शेगाव तालुक्यामधील नवीन नियुक्त जाहीर…

इस्माईल शेख बुलढाणा जिल्हा प्रतिनिधी

राष्ट्रीय स्वतंत्र पत्रकार संघ नई दिल्ली यांच्याकडून आज दिनांक 15.9.23 रोज शुक्रवार दुपारी एक वाजता स्थळ विश्राम भवन शेगाव येथे राष्ट्रीय स्वतंत्र पत्रकार संघ चे विदर्भ उपाध्यक्ष रविभाऊ शेगोकार विदर्भ सचिव शितलताई शेगोकार महिला जिल्हा अध्यक्ष उमाताई बोचरे

तालुका अध्यक्ष इस्माईल शेख तालुका उपाध्यक्ष श्याम पहुरकर तालुका सहसचिव विजुभाऊ जोशी शेगाव शहर अध्यक्ष शारिक भाई शेगाव कार्याध्यक्ष अमिन शेख शेगाव सहसचिव संजय सुरवाडे शेगाव तालुका अध्यक्ष इस्माईल शेख यांचे अध्यक्षतेखाली बैठक आयोजित करण्यात आली होती

बैठकीला प्रमुख मार्गदर्शक म्हणून श्री रविभाऊ शेगोकार विदर्भ उपाध्यक्ष शितलताई शेगोकार विदर्भ सचिव महिला जिल्हाध्यक्ष उमाताई बोचरे प्रामुख्याने उपस्थित होते यामध्ये शेगाव तालुक्यातील तालुका कार्यकारणी शहर कार्यकारणी पदाधिकारी यांना नियुक्तीपत्र देण्यात आले बैठकीला सर्वच मंडळी शेगाव येथील विश्राम भवन येथे उपस्थित होते

यावल तालुका( प्रतिनिधी)विकी वानखेडे

मणिपूर राज्यात आदीवासी महिलांवर झालेल्या अत्याचारातील आरोपींना व जळगाव जिल्ह्यातील आदिवासी महिलांवर होत असलेले अत्याचारातील संशयित आरोपींना फाशीची शिक्षा व्हावी, यासह तालुक्यातील आदिवासी बांधवांच्या प्रलंबित मागण्यांसाठी आदिवासी एकता परिषदेच्या वतीने येथील यावल पंचायत समिती कार्यालयापासून तर बु्ऱ्हाणपूर अंकलेश्र्वर या प्रमुख मार्गाने तहसील कार्यालयापर्यंत भव्य जनआक्रोश मोर्चा काढण्यात आला.

आदीवासी एकता परिषदच्या वतीने तहसीलदार मोहनमाला नाझीरकर यांना निवेदन सादर करण्यात आले आहे. याप्रसंगी निवासी नायब तहसीलदार संतोष विंनते , यावलच्या बालविकास प्रकल्प अधिकारी अर्चना आटोळे उपस्थित होत्या. मोर्चाचे आयोजन राज्य संपर्कप्रमुख सुनील गायकवाड , भिकाभाऊ कदम, सदाशिव बोरसे, देविदास मोरे , यशवंत अहीरे, सदाशिव भिल, वंचित आघाडीच्या शमीभा पाटील यांचे नेतृत्वाखाली काढण्यात आला होता.

आदिवासींवर होत असलेले अत्याचार व न्याय मागण्यासाठी आदिवासी एकता परिषदेच्या वतीने येथील तहसीलदार मोहनमाला नाझीरकर यांना दिलेल्या निवेदनात म्हटले आहे की, मणिपूर येथे विवस्त्र महिलांची काढलेली दिंड व त्यांचेवर अत्याचार करणाऱ्यांना फाशीची शिक्षा द्यावी, तसेच एरंडोल तालुक्यातील बालवस्ती गृहातील मुलींवर झालेला अत्याचार यासह समान नागरी कायदा करू नये, सन २०२२-२३ मध्ये जिल्ह्यातील भूमी दारिद्र्यरेषेखालील आदिवासींचे स्वाभिमान सबलीकरण योजना अंतर्गत शेतजमीन विक्रीसाठी ज्यांनी प्रस्ताव दिलेले आहेत त्या प्रस्तावावर कार्यवाही करून आदिवासी लाभार्थ्यांना जमीन वाटप करावी, तालुक्यातील वडोदा प्र यावल मालोद, चिपखेडा, उंटावत, साखळी, डांभुर्णी, वाघोदा, गिरडगाव, दगडी सातोद, यावल बोरखेडा, हिंगोणा, भालोद, माथन, चिखली, सांगवी बुद्रुक, बोरावल येथे आदिवासी भिल समाजासाठी दफनभूमीकरिता जमीन मंजूर करावी. यासह तालुक्यातील ज्या आदिवासींना अद्यापपर्यंत रेशनकार्ड दिले नाही,

त्यांना तात्काळ रेशनकार्ड द्यावे तसेच तालुक्यात ग्रामीण भागात विक्री होत असलेली अवैध व घातक दारू त्वरित बंद करावी, अशा 13 मागण्यांचा निवेदनात समावेश आहे.

निवेदनावर अशोक पठाण, प्रकाश सोनवणे, अतुल बोरसे, अनिल भिल , संतोष भिल , महेंद्र भिल , सुभाष भिल , अशोक भिल, भुरा भिल , देविदास भिल ,पिंटू भिल, प्रकाश भील, दिनकर भील ,रवींद्र भील, देविदास भील, बापू भील, शिवराम भील, प्रेमलाल बारेला यांचे सह अनेक आदिवासींच्या सह्या आहेत.

विकी वानखेडे यावल

शेतकऱ्यांनी मांडल्या समस्या आणि परिसरातील शेतकऱ्यांसाठी पीएम किसान लाभार्थी समस्या निराकरण शिबिराचे आयोजन शनिवारी करण्यात आले होते. यावेळी २२२ शेतकऱ्यांनी आपल्या समस्या मांडल्या. यावेळी यावल तहसीलदार मोहनमाला नाझीरकर उपस्थित होत्या

यावेळी यावल नायब तहसीलदार संतोष विनंते, माजी नगराध्यक्ष पांडुरंग सराफ, संजय महाजन माजी नगराध्यक्ष मिलिंद वाघुळदे चंद्रशेखर चौधरी, पप्पू चौधरी रवींद्र होले, नीलेश चौधरी, तलाठी तेजस पाटील, मंडळ अधिकारी एम.एच. तडवी, तलाठी हेमा सांगोळे, महसूल सहायक सुयोग पाटील, तलाठी स्मिता कोळी, कृषी सहायक डी.व्ही. कठोके, कृषी अधिकारी सागर शिनारे, तलाठी मिलिंद कुरकुरे उपस्थित होते

सुट्टीच्या दिवशी लॅपटॉप घेऊन कर्मचारी कामावर

● शिबिरामध्ये तीन ठिकाणी लॅपटॉप घेऊन , तलाठी मिलिंद कुरकुरे, स्नेहल फिरके शहरातील सेतू केंद्रातील बांधव आणि संजय राजपूत, ज्ञानेश्वर तायडे, तुषार जाधव यांनी कामकाज पाहिले..

तसीलदार मोहनमाला नाझिरकर यांनी शहरातील शेतकरी बांधवांची तांत्रिक अडचण दूर केली. या कार्यक्रमासाठी अंबिका दूध संस्थेचे संचालक पप्पू चौधरी यांनी परिश्रम घेतले.

पीएम किसान योजनेतील लाभार्थ्याशी चर्चा करताना तहसीलदार मोहनमाला नाझीरकर.

यावल तालुका (प्रतिनिधी)विकी

यावल – आदिवासींच्या विविध मागण्यांसाठी प्रकल्प अधिकारी एकात्मिक आदिवासी विकास प्रकल्प कार्यालयावर वंचित बहुजन आघाडी व अ. भा. आदिवासी विद्यार्थी महासंघ तर्फे वंचित बहुजन आघाडी जिल्हाध्यक्ष विनोद सोनवणे, अ. भा. आदिवासी विद्यार्थी महासंघ अध्यक्ष साहिल तडवी यांच्या नेतृत्वात आंदोलनाचे आयोजन करण्यात आले होते आंदोलकांनी विविध घोषणांनी प्रकल्प कार्यालय परिसर दणाणून सोडला

प्रकल्प अधिकारी अरुण पवार यांनी उपोषण स्थळी भेट देऊन सर्व मागण्या संदर्भात सकारात्मक चर्चा केली
1)आदिवासी विकास प्रकल्प यांचे अधिकारी आदिवासी पाड्यांवर न फिरता दलाला मार्फत सर्वे करीत असल्यामुळे आदिवासींपर्यंत विविध योजनांचा लाभ पोहोचत नाही व अधिकारी कार्यालयात आलेल्या आदिवासी बांधवांशी उध्दट पणे बोलतात

2)आदिवासींचे सुरू असलेले वन दावे तात्काळ मंजूर करून सातबारा त्यांच्या नावावरती करण्यात यावा, ग्रामपंचायत मार्फत घरकूल योजनेचा लाभ त्यांना देण्यात यावा.
आंदोलनात जिल्हा महासचिव दिनेश इखारे, महिला आघाडी जिल्हाध्यक्षा वंदना सोनवणे, कामगार आघाडी जिल्हाध्यक्ष बालाजी पठाडे, जिल्हा संघटक राजेंद्र बारी,जिल्हा सचिव दिपक मेघे,

यावल तालुकाध्यक्ष भगवान मेघे, तालुका महासचिव राजेश गवळी, जिल्हा उपाध्यक्ष मोहम्मद शफी,तालुका उपाध्यक्ष सागर झाल्टे,मेजर देवदत्त मकासरे,दिलीप भालेराव, कामगार आघाडी तालुकाध्यक्ष सुरेश बोदडे,संतोष तायडे, तालुका उपाध्यक्ष शरद अडकमोल, भुषण साळुंके, बाबुलाल पटेल, बिलालसिंग पारा, नरसिंग बारेला, हमीद तडवी, तुराब तडवी, शफी खान, श्याम डंगोरे,बिलसिंग पावरा, प्रतिभाताई कोळी, रोहन निकम, भुषण भालेराव, भानुदास महाजन, बळीराम कोळी, धीरज मेघे, जग्गु बारेला, प्यारसिंग बारेला, संभासिंग बारेला, आसाराम बारेला, रामदेव बारेला, रमेश जाधव, रजनीकांत डोळे आदि पदाधिकारी व कार्यकर्ते आंदोलनात सहभागी होते

विकी वानखेडे यावल

येथील जळगाव जिल्हा पूर्व विभाग माध्यमिक शिक्षक व शिक्षकेतरांची सहकारी पतपेढी मर्यादित भुसावळ या संस्थेची 36 वी वार्षिक सर्वसाधारण सभा प्रभाकर हॉल येथे संपन्न झाली या बैठकीमध्ये सभासदांना सप्टेंबर अखेर नफ्याच्या 15 टक्के डिव्हिडंट वाटप करण्यात येणार आहे तसेच पतपेढीच्या विकासासाठी विविध विषयांवर चर्चा होऊन सभा संपन्न झाली

या बैठकीच्या अध्यक्षस्थानी संस्थेचे अध्यक्ष गोपाळ पाटील होते यावेळी उपाध्यक्ष राजु लवांडे मानद चिटणीस विनोद पाटील खजिनदार प्रशांत सोनवणे संचालक शैलेंद्रकुमार महाजन नरेंद्र कुमार दोडके चेतन तळले अश्विनी कोळी ज्ञानेश्वर मोझे गोपाळ महाजन तुळशीराम सोनवणे दीपक गुळवे अमित कुमार परखड चेतन चौधरी नीलिमा नेमाडे तज्ञ संचालक राजेश महाजन आदी उपस्थित होते

बैठकीच्या सुरुवातीला मयत सभासद सैनिक व विविध क्षेत्रातील मान्यवरांना श्रद्धांजली वाहण्यात आली यानंतर संस्थेचा मागील सभेचे इतिवृत्त विनोद पाटील यांनी वाचून दाखवले यानंतर कार्यकारी मंडळींनी केलेला वार्षिक अहवाल तेरीज पत्रक नफा तोटा पत्रक ताळेबंद नफ्याची वाटणी शेअर डिवीडंट अंदाजपत्रकापेक्षा कमी अधिक झालेल्या खर्च मंजुरी चालू वर्षाच्या अंदाजपत्रकास मंजुरी हिशोब तपासणी अहवाल वाचून दप्तरी दाखल करणे.

वैधनिक लेखापरीक्षक यांचा तपासणी अहवाल तपासून दप्तरी दाखल करणे स्थानिक हिशोब तपासणीस यांची नियुक्ती करणे लेखापरीक्षक नियुक्ती करणे सभासदांचा जनता अपघात विमा पॉलिसी मुदत नूतनीकरण करणे वेळोवेळी लागणारे कर्ज उभारणीचे अधिकार कार्यकारी मंडळाला देणे यासह विविध 17 विषयांवरती या ठिकाणी चर्चा झाली

इस्रोचा केला अभिनंदनचा ठराव
इस्रो या संस्थेच्या वतीने चंद्राच्या दक्षिण ध्रुवावर यशस्वीरित्या चंद्रयान तीन चे लँडिंग केले तसेच सूर्याच्या अभ्यासासाठी आदित्य एल वन पाठवून भारत देशाचे नाव संपूर्ण विश्वात सुवर्ण अक्षरात लिहिले गेल्याने इसरो संस्थेचा अभिनंदन ठराव या सभेत पारित करण्यात आला

अहवालातील चुकांवरून धारेवर धरले
पतपेढीचा 36 वा वार्षिक अहवाल व ताळेबंद सभासदांना दिल्यानंतर या अहवालात चुका झालेल्या होत्या याबाबत सभासद एस एस अहिरे यांनी संचालक मंडळाला धारेवर धरले व यापुढे अशा प्रकारच्या चुका होणे योग्य नसल्याचे सांगितले तर गोपाळ पाटील यांनी पुढील वर्षी अहवाल छापताना विशेष व्यक्तीची दुरुस्तीसाठी नेमणूक करण्यात येईल असे सांगितले