सिंदी रेल्वे ता.३ : लोकशाहीर साहित्य रत्न अण्णाभाऊ साठे यांच्या जयंतीनिमित्त मंगळवारी (ता.१) विविध कार्यक्रमाचे आयोजन करण्यात आले होते.

सर्वप्रथम सकाळी १० वाजता वार्ड क्रमांक १७ मध्ये साहित्य रत्न अण्णाभाऊ साठे यांच्या प्रतिमेचे पूजन करुन भव्य रॅली काढण्यात आली. रॅली मध्ये राष्ट्रवादीचे शहराध्यक्ष गंगाधर कलोडे आणि काग्रेसचे अजय कलोडे, गजानन खंडाळे आदीच्या प्रमुख उपस्थीतीसह असंख्य मातंग समाज स्त्री पुरुष सहभागी झाले होते. रॅली मुख्य मार्गने जात विहारात बुध्द आणि आंबेडकर प्रतिमेचे पूजन केले. तसेच संत रवीदास महाराज मंदीरात पुजाअर्चा करुन अण्णाभाऊ साठे उद्यानात समारोप करण्यात आला.

समारोपीय कार्यक्रमात काग्रेसचे शहराध्यक्ष प्रकाशचंद्र डफ,शिवसेनेचे शहरप्रमुख सचिन लांबट, सामाजिक कार्यकर्ते अनिल साखळे, रवी राणा अशोक कळणे यांनी अण्णाभाऊच्या जीवन कर्यावर प्रकाश टाकुन मातंग समाजाला मार्गदर्शन केले.
सुरेश खंडाळे यांनी संचालन केले. उपस्थितांचे आभार गजानन खंडाळे यांनी मानले.

कार्यक्रमाच्या यशस्वीतेसाठी नरेश बावणे,आशिष वानखडे,गंगाधर गायकवाड,रोशन बावणे,अजय खंडाळे, आकाश खंडाळे, लक्ष्मी खंडाळे, साहिल खंडाळे आदीनी तसेच शहरातील मातंग समाजातिल बंधु भगिनींनी परिश्रम घेतले.

यावल( प्रतिनिधी)विकी वानखेडे

शालेय शासकीय क्रीडा स्पर्धांसाठी यावल तालुका क्रीडा शिक्षकांची सभा दिनांक 3 ऑगस्ट 20223रोजी 11.00वाजता गटसाधन केंद्र यावल येथे गटशिक्षणाधिकारी माननीय विश्वनाथ धनके साहेब यांच्या मार्गदर्शनाखाली व क्रीडा शिक्षक महासंघाचे अध्यक्ष तथा क्रीडा समितीचे अध्यक्ष मुख्याध्यापक के यु पाटील यांच्या अध्यक्षतेखाली संपन्न झाली.

या प्रसंगी व्यासपीठावर स्पर्धा समितीचे सदस्य जितेंद्र फिरके दिलीप संगेले ,श्रीमती आर. एम.पाटील,के आर सोनवणे, प्रवीण महाजन, सय्यद अश्फाक अली, एम आर महाजन ,वाय.वाय. पाटील, मुख्याध्यापक पी बी पाटील ,योगेश कोळी, आदी मान्यवर उपस्थित होते या सविचार सभेत तालुक्यातील दहा खेळांचे तारीखा व ठिकाण निश्चीत केले.

तालुकास्तरीय क्रीडा श्री दत्त हायस्कुल चिखली,विकास विद्यालय सातोद,डाॅ.डी के सी विद्यालय डांभुर्णी,न्यु इंग्लिश स्कूल भालोद,इंग्लिश मेडियम निवासी माध्यमिक स्कूल दोनगांव,प्रभात विद्यालय हिगाेणे ,पाेदार स्कूल अकलुज,घ.का. विद्यालय आमाेदे, इंदिरा गांधी यावल या ठिकाणी 14,17,व 19 या वयोगटातील मुले आणि मुली च्या स्पर्धाचा कार्यक्रम निश्चित करण्यात आला.

तालुका सर्व जिल्हास्तर स्पर्धेमध्ये सहभागी होण्यासाठी मुख्याध्यापक के यू पाटील यांनी मार्गदर्शन व सूचना दिल्या नव नियुक्त यावल तालुका क्रीडा समन्वयक पदी. दिलीप बिहारी संगेले तसेच माध्यमिक शिक्षक पतपेढी मधे निवडून आलेल्या बद्दल अश्विनी काेळी मॅडम व याेगेश काेळी सर यांचा शाल श्रीफळ पुष्पगुच्छ देऊन विशेष सत्कार करण्यात आला यासंदर्भात या सभेत यावल तालुक्यातील विविध खेळातील क्रीडा शिक्षक बहुसंख्येने उपस्थित होते कार्यक्रमाचे सूत्रसंचालन जितेंद्र फिरके यांनी केले

मुस्लिम शाह फकीर या जातीचा समावेश भटक्या विमुक्त प्रवर्गात करण्याची मागणी

इस्माईल शेख बुलढाणा जिल्हा प्रतिनिधी

बुलढाणा. राज्यातील मुस्लिम शाह फकीर या जातीचा समावेश भटक्या विमुक्त प्रवर्गात करण्यात यावा, या मागणी करिता मुस्लिम शाह फकीर समाज संघटना महाराष्ट्र च्या वतीने क्रांती दिन 9 ऑगस्ट 2023 रोजी जिल्हा स्तरीय रास्ता रोको आंदोलन करण्यात येणार आहे

या बाबतचे निवेदन आज गुरुवार दिनांक 3 ऑगस्ट 2023 रोजी जिल्हाधिकारी बुलढाणा यांच्या मार्फत मुख्यमंत्री महाराष्ट्र राज्य यांना दिलेल्या निवेदनातुन करण्यात आली आहे. मा. मुख्यमंत्री यांना देण्यात आलेल्या निवेदनात नमूद आहे की, राज्यातील मुस्लीम शाह फकीर या जातीचा समावेश भटक्या विमुक्त प्रवर्गामध्ये महाराष्ट्र शासनाने अग्रक्रमाने करावा,

या महत्वपुर्ण मागणी बाबत राज्यस्तरावर व जिल्हास्तरावर मोठ्या प्रमाणात आंदोलने करण्यात आली.
परंतू राज्यातील शासनाने त्याची अद्यापपर्यंत कोणतीही दखल न घेतल्यामुळे राज्यात मुस्लीम शाह फकीर समाजामध्ये प्रचंड रोष आहे.
शासनाने या मागणीच्या संदर्भात संघटनेने वेळोवेळी दिलेले निवेदने व पुरावे याची दखल न घेतल्यामुळे बुलढाणा जिल्ह्यात क्रांती दिन दिनांक 9 ऑगस्ट 2023 रोजी पासून जिल्हाव्यापी “रास्ता रोको, जेल भरो आंदोलन सुरु करण्यात येत आहे.

शासनाने या आंदोलनाची तात्काळ दखल घेऊन समाजाला न्याय देण्यात यावा अशी मागणी निवेदनाच्या अंती करण्यात आली आहे.
यावेळी निवेदनावर संस्थापक अध्यक्ष के.जी.शाह, संस्थापक महासचिव जाकीर शाह, महाराष्ट्र प्रदेशाध्यक्ष लुकमान शाह,विदर्भ अध्यक्ष मुश्ताक शाह ,रहीम मकबुल शाह, तहेसिन शाह, मन्सुर शाह, अकील शाह, शाहीद शाह, एजाज शाह,

इब्राहिम शाह,अलिम शाह मोबिन शाह, इरफान शाह, हसन शाह, बशीर शाह, अबुबकर उर्फ अली शाह, सलमान शाह, कासम शाह, मोबीन शाह, सिकंदर शाह, सईद शाह यांच्या स्वाक्षऱ्या आहेत.

शेतकऱ्यांच्या प्रश्नांवर लढण्यासाठी सज्ज राहा : रविकांत तुपकर

इस्माईल शेख बुलढाणा जिल्हा प्रतिनिधी

बुलढाणा, दि. ३ ( स्वाभिमानी शेतकरी संघटना व पक्षाची बुलढाणा जिल्ह्यातील घाटावरील व घाटाखालील प्रमुख पदाधिकारी व कार्यकर्त्यांची बैठक २ ऑगस्ट रोजी स्वाभिमानी हेल्पलाईन सेंटर, बुलढाणा येथे पार पडली.

या बैठकीत विविध विषयांवर पदाधिकऱ्यांनी आपली मते दिलखुलासपणे मांडली. तर जिल्हा पातळीवरील पक्ष आणि संघटनेच्या नियुक्त्या जाहीर करण्यात आल्या. शेतकऱ्यांच्या प्रश्नांवर लढण्यासाठी सज्ज राहा, असे आवाहन यावेळी रविकांत तुपकर यांनी पदाधिकाऱ्यांना केले.

रविकांत तुपकर यांच्या अध्यक्षतेखाली जिल्ह्यातील प्रमुख पदाधिकाऱ्यांची बैठक पार पडली. यावेळी संघटना व पक्षीय पातळीवरील काही नियुक्त्या जिल्हा कार्यकारिणीच्या मान्यतेने करण्यात आल्या. यामध्ये स्वाभिमानी शेतकरी संघटनेच्या (घाटावरील) जिल्हाध्यक्ष पदी डॉ. ज्ञानेश्वर टाले (मेहकर) व पक्षाच्या जिल्हाध्यक्ष पदी बबनराव चेके (दे.राजा) व विद्यार्थी संघटनेच्या जिल्हाध्यक्ष पदी पवनकुमार देशमुख (बुलढाणा) यांची फेरनिवड करण्यात आली.

तर अल्पसंख्याक आघाडीच्या जिल्हाध्यक्ष पदी शेख जुल्फेकार (दे.राजा) यांची निवड करण्यात आली. जिल्हाध्यक्ष पदी अमोल राऊत (मलकापूर) यांची निवड करण्यात आली व युवा आघाडीच्या जिल्हाध्यक्षपदी अनंता मानकर (संग्रामपूर), अल्पसंख्याक आघाडीच्या जिल्हाध्यक्षपदी मासुम शहा (खामगाव) यांची फेरनिवड करण्यात आली.

तर पक्षाच्या जिल्हाध्यक्षपदी आनंदा आटोळे (खामगाव) यांची नियुक्ती करण्यात आली. तसेच स्वाभिमानी शेतकरी संघटनेच्या बुलढाणा जिल्हा संपर्कप्रमुख पदी श्याम अवथळे (खामगाव) यांची निवड करण्यात आली. या सर्व नवनियुक्त पदाधिकाऱ्यांचे रविकांत तुपकर यांनी अभिनंदन केले

तर उर्वरित सर्व नियुक्त्या येत्या आठवड्याभरात करणार असल्याचे रविकांत तुपकरांनी जाहीर केले. आगामी काळातील निवडणुका लक्षात घेता या नियुक्त्या करण्यात आल्याअसून सर्वांनी जोमाने कामाला लागावे, अशा सूचना या बैठकीत देण्यात आल्या. बुलढाणा जिल्ह्यासह महाराष्ट्रभर शेतकऱ्यांच्या प्रश्नावर आक्रमकपणे ताकदीने काम करण्याचा निर्णय या बैठकीत घेण्यात आला. शेतकरी चळवळ आणि संघटना मजबूत होण्यासाठी सर्व पदाधिकाऱ्यांनी शेतकरीपुत्रांना या चळवळीत सहभागी करुन घ्यावे. शेतकऱ्यांच्या हितासाठी संघटनेच्या माध्यमातून आपण २० वर्षांपासून लढा देत आहेत.

या संघर्षात सर्व पदाधिकारी, कार्यकर्त्यांनी तोलामोलाची साथ दिली असून आजही छातीचा कोट करुन कार्यकर्ते सोबत आहेत. यापुढेही शेतकऱ्यांच्या प्रश्नांवर लढण्यासाठी सज्ज राहावे, असे आवाहन यावेळी रविकांत तुपकर यांनी केले.

इस्माईल शेख बुलढाणा जिल्हा प्रतिनिधी

शेगाव .ग्रामीण पोलीस स्टेशनचेसेवानिवृत्ती कार्यक्रम अधिकारी व अमलदार 01 ग्रेड पोलीस उपनिरीक्षक तुकाराम भटकर 02 सहाय्यक पोलीस उपनिरीक्षक ज्ञानदेव ठाकरे03 पोना विजय गवई या कार्यक्रमास माननीय पोलीस निरीक्षक दिलीप वडगावकर साहेब तसेच पोलीस अंमलदार सफो अजिज सौदागर, अरुण जाधव,पोहे का

धनराज माने, अरुण मेटांगे, संजय देशमुख, प्रवीण गवई उमेश आखरे पोलीस नाईक श्रीराम चौधरी, निलेश हिवाळे,भानुदास तायडे, प्रवीण इतवारे, रवी कुमार मावस्कर, मंगलसिंग सोळंके, श्रीकृष्ण मेहंगे पोलीस शिपाई योगेश जाधव, मुकेश पवार, निलेश तोमर,

लोकेशसिंग तोमर, निलेश सोळंके नाजुकराव धुमाळे महिला पोहेका नीता खुरपडे मपोका राधिका पंजाबी व लासुरा बुद्रुक तसेच लासुरा खुर्द येथील पोलीस पाटील हजर होते.

इस्माईल शेख बुलढाणा जिल्हा प्रतिनिधी

शेगांव – श्री सुनिलजी अंबुलकर साहेब हे शेगांव शहर पोलिस स्टेशनच्या ठाणेदारपदी रूजू झाल्याबद्दल पतंजलि योग परिवार बुलडाणा जिल्हा व गो ग्रीन फाऊंडेशन शेगांवच्या संयुक्त विद्यमाने भट्टड जिन, शेगांव येथे दि. 1 ऑगस्ट रोजी किशोरजी कुळकर्णी प्राचार्य चिन्मय विद्यालय, शेगांव यांच्या अध्यक्षतेखाली, प्रल्हादजी सुलताने प्रांत सहकोषाध्यक्ष महाराष्ट्र (पूर्व) यांच्या शुभहस्ते व रमेशचंद्रजी भट्टड उद्योजक व नित्ययोग वर्ग भट्टड जीनचे आधारवड, चतुर्भूजजी मिटकरी जिल्हाप्रभारी भारत स्वाभिमान बुलडाणा जिल्हा यांच्या प्रमुख उपस्थितीत संपन्न झाला.

विशेष उपस्थितीमध्ये ज्ञानेश्वरजी मिरगे, कमलाकर चव्हाण, पुरूषोत्तम पिसे, जिल्हाप्रभारी किसान सेवा समिती, दशरथ लोणकर जिल्हा प्रभारी, हरिदास सोळंके जिल्हाप्रभारी युवाभारत, विनायकराव भारंबे जिल्हा प्रभारी सोशल मिडीया, निळकंठराव साबळे कोषाध्यक्ष, बाबुराव रोकडे महामंत्री, सुनिताताई चांडक महिला जिल्हाप्रभारी, कल्पनाताई मसने महिला सरचिटणीस भाजपा, वर्षाताई सरप महिला तहसिल प्रभारी व गो ग्रीन मंडळ हे होते.

कार्यक्रमाची सुरूवात श्री संत गजानन महाराज यांच्या प्रतिमा पुजनाने झाली. प्रकाशजी झामरे राज्यपुरस्कारप्राप्त सेवानिवृत्त मुख्याध्यापक यांच्या सुरेल आवाजातील स्वागत गीताने सर्वांना मंत्रमुग्ध केले. सत्कारमुर्ती श्री सुनिलजी अंबुलकर साहेबांचा परिचय वृक्षमित्र विठ्ठलराव मिरगे सरांनी करून दिला.

अंबुलकर साहेबांचा सत्कार प्रल्हाद सुलताने प्रांत सहकोषाध्यक्ष महाराष्ट्र (पूर्व), किशोरजी कुळकर्णी, रमेशजी भट्टड, चतुर्भूज मिटकरी यांनी शाल, श्रीफळ देवून केला. बुलढाणा जिल्हा पतंजलि परिवाराच्या वतीने सर्व जिल्हा प्रभारी, महिला जिल्हा प्रभारी, महिला तालुका प्रभारी यांच्या वतीने तर गो ग्रीन फाऊंडेशनच्या टिमच्या वतीने शाल श्रीफळ देवून करण्यात आला.

प्रल्हाद सुलताने, ज्ञानेश्वरजी मिरगे, किशोरजी कुळकर्णी यांची समायोचित भाषण झालीत. सुनिलजी अंबुलकर साहेबांनी सत्काराला उत्तर देतांना पर्यावरण रक्षक गो ग्रीन, आरोग्य रक्षक पतंजलि व सामाजिक सुरक्षा रक्षक पोलिस खाते या त्रिवेणी संगमाचे कौतुक केले व भविष्यात असेच समजोपयोगी कार्य एकत्रितपणे करण्याचे आश्वासन दिले.

कार्यक्रमाचे उत्कृष्ट संचालन हरिषजी चिंचोलकर सर यांनी केले. आभारप्रदर्शन दिपक सरप सर यांनी केले. पसायदानाने कार्यक्रमाची सांगता झाली. कार्यक्रमाच्या यशस्वीतेसाठी पतंजलि परिवारातील सदस्यांनी व गो ग्रीन फाऊंडेशनच्या टिमने अथक परिश्रम घेतले.