यावल तालुका( प्रतिनिधी) विकी वानखेडे

चुंचाळे ता. यावल तालुक्यातील सातपुड्याच्या पायथ्याशी असलेल्या चुंचाळे येथे ,श्री समर्थ सुकनाथ बाबा तपोभूमी, श्री समर्थ रघुनाथ बाबा जन्मभूमी,श्री समर्थ वासुदेव बाबा यांच्या कर्मभूमि मध्ये गुरुपौर्णिमे निमित्त त्यांच्या शिष्यगण परिवारातर्फे विविध कार्यक्रम आयोजन करण्यात आले आहे.

देशभरातून हजारो भावीक सातपुड्याच्या पायथ्याशी असलेल्या चुंचाळे येथील वासुदेव बाबा,रघुनाथ बाबा,सुकनाथ बाबा यांच्या समाधी स्थळाचे दर्शन घेण्यासाठी येतात चुंचाळे सह परिसरातून अध्यात्मिकतेची गंगा प्रगट करणारे वासुदेव बाबा यांचे शिष्यगण गुरु शिष्यातील नाते अखंडीत रहावे या हेतुने गुरुपोर्णीमेचा पर्व साजरा करतात याबाबत सविस्तर असे

सोमवार (दिनांक 03/07/2023) गुरुपौर्णिमेनिमित्त येथे यात्रोउत्सव व महाप्रसादाचे आयोजन केले जाते. वासुदेव बाबा मंदिरात हजारो भाविकांची दर्शनासाठी गर्दी होत असते. भाविकांच्या सेवेसाठी काही रिक्षाचालक भाविकांना मोफत मंदिरा पर्यंत आणून सोडतात. श्री समर्थ वासुदेव बाबा मंदिराच्या सुशोभिकरणासह भाविकांच्या निवास्थानासाठी व्यवस्था करण्याचे कार्य हाती घेतले आहे.यातील बहुतांश कामे पूर्ण झाली आहेत. हजारो भाविक रघुनाथ बाबा,वासुदेव बाबांचे दर्शन घेण्यासाठी येतात.

असा होईल कार्यक्रम
पहाटे पाच वाजता मूर्ती अभिषेक, सहा वाजता मारुती अभिषेक, दुपारी साडेबाराला महाआरती,सायंकाळी सातला आरती, सकाळी आठ पासून आरतीची वेळ सोडून भजन, भारुडे सुरू राहतील. दुपारी एक वाजेपासून ते सायंकाळपर्यंत महाप्रसादाचे वाटप होईल.

भाविकांनी महाप्रसादाचा लाभ घ्यावें असे आवाहन करण्यात आले आहे सायंकाळी पाच गावात वाजेपासून पालखी मिरवणूक निघेल रात्री आठ वाजेल दहीहंडी फोडण्याचा कार्यक्रम होईल.शिरपूर येथील पायी दिंडी चे आगमन आज दिनांक 03/07/2023 ला होणार आहे त्यात तालुक्यातील नायगाव, किंनगाव, दहिगाव, सौखेडा,गिरडगाव, वाघोदा, मानवेल सकाळी या भागांतील भाविक येथे दर्शनासाठी येत असतात.

इस्माईल शेख शेगाव शहर प्रतिनिधी

आज दिनांक ३०/०६/२०२३ रोजी भावीक भक्त सौ प्रियंका सचिन मसने वय 35 वर्षे राहणार नागपूर हे संत श्री गजानन महाराज यांचे दर्शना करीता त्यांची मुलगी कुमारी आराध्या वय 7 वर्षे हिचेसह आले असता श्री. गजानन महाराज मंदिर परीसरात भाविक भक्तांचे वर्दळीत त्यांची 7 वर्षांची मुलगी कुठेतरी हरवीली.

तेव्हा त्यांनी लगेच मुलीचा शोध घेण्यासाठी बंदोबस्तात हजर असलेले पोलिसांना गाठले असता पोलीसांनी मुलीचे शोध कार्यवाहीसाठी कार्यतत्परता दाखवुन मुलीचा शोध करीता सतत लाऊडस्पीकर वर अनाऊन्समेंट केली व मुलीचा शोध घेऊन तिला तिचे आईचे ताब्यात दिले. वरून त्यांनी पोलिसांचे मन:पुर्वक आभार मानले.

तरी सद्यस्थीतीत मो.सा. चोरी, सोन्याचे पोथ, गळ्यातील दाग दागीने, पाकीट मारी, मोटार सायकल चोरी व लहान मुले मुली हरविण्याचे, पळविण्याचे प्रकार पाहता श्री. संत गजानन महाराज मंदिरात येणाऱ्या भाविक भक्तांना आव्हाहन करण्यात येते की, दर्शनाकरीता येत असतांना आपले लहान मुला मुलींचा काळजीपुर्वक संभाळ करुन आपले दाग दागीने, पाकीट, पर्स, मोटार सायकल, मौल्यवान वस्तु चोरी किंवा लुट होणार नाही

या दृष्टीने सुरक्षीततेबाबत खबरदारी घ्यावी, आपणासोबत अशी कुठलीही दुर्घटणा होणार नाही याची दक्षता घ्यावी.

• विठ्ठल अवताडे शेगांव

स्थानिक शेगाव मधील रोकडिया नगर ( पवन गिरी वसाहत) येथे स्थानिक नागरिक आणि श्री विठ्ठल रुक्मिणी सेवा समितीच्या सहयोगाने नूतन श्री विठ्ठल रुक्मिणी आणि श्री शिव लिंग प्राणप्रतिष्ठा मंदिर लोकार्पण सोहळा सोहळा पार पडला दिनांक २७-६-२०२३ रोजी श्री विठ्ठल रुक्मिणी आणि श्री शिवलिंग यांच्या मूर्तीचे आगमन आणि शोभायात्रा पार पडली

तर दुसऱ्या दिवशी हवन पूजन स्थापना आणि कळस स्थापना पार पडली तर आज आषाढी एकादशीला सकाळी १० ते ११.३० पर्यंत राष्ट्रपती पुरस्कार प्राप्त ह भ प ज्ञानेश्वर महाराज मिरगे यांचे प्रवचन झाले त्यानंतर दानशूर व्यक्तींचा स्वागत सत्कार समारंभ आणि प्रसाद वाटप झाला तर सायंकाळी चार वाजता श्री विठ्ठल रुक्मिणी प्रतीमे सह टाळ मृदंगाच्या गजरात शोभायात्रा काढण्यात आली ,या

कार्यक्रमाच्या यशस्वितेसाठी श्री विठ्ठल रुक्मिणी मंदिर समिती तथा स्थानिक नागरिकांनी परिश्रम घेतले तर भविकभक्तांसाठी आता पंढरीच्या राज्याचे दर्शन संत नगरीत घेण्याचा योग या निमित्ताने आला तरी भाविकांनी लाभ घ्यावा असे आवाहन समिती मर्फक्त करण्यात आले .

इस्माईल शेखशेगाव शहर प्रतिनिधी

आषाढी एकादशी निमित्त आज 29 जून रोजी शेगाव येथे श्री संत गजानन महाराज मंदिरात लाखो भाविकांनी श्रींच्या समाधी मंदिराचे दर्शन घेतले पहाटेपासूनच भाविकांनी दर्शनासाठी मंदिरामध्ये गर्दी करणे सुरू केले होते जे भाविक आषाढीला पंढरपूर येथे विठ्ठलाच्या दर्शना निमित्त जाऊ शकत नाही असे भाविक विदर्भातील प्रति पंढरपूर म्हणून ओळखल्या जाणाऱ्या

संत नगरी शेगाव शहरात श्रीं संत गजानन महाराज मंदिरामध्ये येऊन श्री संत गजानन महाराजांचे समाधी मंदिराचे व श्रींच्या शयन गृह जवळील विठ्ठल रुक्माई चे दर्शन घेत असतात आज गुरुवार 29 जून रोजी आषाढी निमित्त मंदिरात पहाटे पासूनच आलेल्या लाखो भाविकांनी दर्शन बारी मध्ये तीन ते चार तास अतिशय श्रद्धेने व शिस्तबद्ध रीतीने उभे राहून श्रींच्या समाधी मंदिराचे दर्शन घेतले त्याचप्रमाणे राम लक्ष्मण सीतामाता व हनुमंताच्या मूर्तीचे दर्शन घेतल्यानंतर आषाढी एकादशी तिथी सोबतच आज श्रींचा पवित्र गुरुवार चा दिवस अशा दुहेरी संयोग मिळून आल्याने

हजारो भाविकांनी पारायण ग्रहांमध्ये पहाटेपासूनच श्री दासगणू महाराज लिखित श्री गजानन विजय ग्रंथाचे 21 अध्यायाचे भक्ती मय वातावरणामध्ये पारायण केले आज श्रींच्या गुरुवारच्या दिवशी आषाढी एकादशी तिथी आल्याने मंदिरामध्ये दर्शनाकरिता भाविकांची गर्दी नेहमीपेक्षा दुप्पटीने वाढलेली दिसत आहे संध्याकाळी साडेपाच वाजता श्री संत गजानन महाराज मंदिर परिसरातून श्रींच्या रजतमुखाची शेकडो टाळकरी भगवा ध्वजथारी यांच्यासह गण गण गणात बोते चा गजर करीत आषाढी एकादशी निमित्त पालखी करण्यात आली पालखीमध्ये शेकडो भावीक सहभागी झाले होते

यावर्षी हिंदू धर्मियांचे पवित्र तीथी आषाढी एकादशी व मुस्लिम धर्मियांचे बकरी ईद हे दोन्ही एकत्रित एकाच दिवशी आल्याने कोणतीही अनुचित घटना घडू नये किंवा धार्मिक तणाव निर्माण होऊ नये याकरिता शेगाव येथील कर्तव्यदक्ष डी वाय एस पी विवेक पाटील शहर पोलीस स्टेशनचे ठाणेदार पोलीस निरीक्षक विलास पाटील यांच्या मार्गदर्शनाखाली संपूर्ण शेगाव शहरात ठीक ठिकाणी पोलिसांचा चौक बंदोबस्त लावण्यात आला दुपारी दोन वाजता श्रींच्या मंदिरातून पालखी काढण्यात आली

जळगाव जा :- २८ जुन रोजी बुलढाणा जिल्ह्याचे कलेक्टर तुम्मोड साहेब जळगाव जामोद तालुक्याच्या दौऱ्यावर आले असता शेतकरी या नात्याने रिपाईचे युवा जिल्हा अध्यक्ष प्रशांत तायडे आणि तालुक्यातील शेतकऱ्यांनी कलेक्टरच्या समोरच आपल्या समस्या मांडल्या… विशेषतः पेरणी पावसाचे दिवस जवळ येवून सुद्धा शेतकऱ्यांना हवे ते बि बियाने बाजारात मिळत नसुन त्याची कृत्रिम टंचाई निर्मान केल्या जात आहे.त्यामुळे शेतकऱ्यांना नाईलाजाने नको ते बायाने घ्यावे विकत घ्यावे लागत आहे.

एकीकडे जिल्ह्यात अधीकाऱ्याकडून जिल्ह्यात बी बीयाने मुबलक स्वरूपात आहे असे सांगितले जाते तर दुसरीकडे अशा प्रकारे कृत्रिम टंचाई निर्माण केल्या जात आहे. त्यामुळे अगोदरच हवालदार झालेला बळीराजा फार अस्वस्थ झाला आहे.

सभ्रमाअवस्थेत सापडलेल्या शेतकरी राजा एकप्रकारे संकटात सापडला आहे.त्यामुळे अशा संकटात सापडलेल्या बळिराज्याच्या प्रश्नाकडे आपण गांभीर्याने लक्ष दिले पाहिजे. हवे ते सोयाबीन व कपाशी वान बाजारात उपलब्ध होईल यावर पावाले उचलून कृषी केन्दा मार्फत जो बियानांचा कृतीम तुटोडा निर्मान केल्या जात आहे तो दुर करून शेतकरी राज्याच्या पाठीशी खंबीरपणे उभे राहिले पाहिजे.

यामध्ये प्रशासनातील अधिकारी, कृषी विभागाचे अधिकारी कागदोपत्रीच कागदांचा बाजार मांडत असून, बाजारा मुबलक बियाने उपलब्ध असल्याचे शेतकऱ्यांना भासवत आहेत.एकप्रकारे ते शासनाची आणि शेतकऱ्यांची फसवणूकच करत आहे.कृषी विभागा मार्फत खोटी माहिती आणि चुकिची माहिती आपणाप्रयंत कागदोपत्री पोहचवल्या जात असून वास्तव मात्र वेगळ आहे.प्रत्येक तालुक्यातील अधीकारी आपणास कागदोपत्री खोटी माहीती देत आहे.

हे जीवंत वास्तव सर्व शेतकऱ्यांनी जिल्हा आधिकारी यांना सांगितले.
रुची १००१ सोयाबीन चे वान व असेच आधिक उत्पन्न देणारे बियाने बिजारात उपलब्ध नाही तेव्हा अशा बियाण्याची उपलब्धता होण्यासाठी आपल्या स्तरावरुन त्वरीत पावले उचलावी,तसेच अनेक शेतकऱ्यांचे शेत रस्त्याचे दावे महसुल विभागाकळे अनेक वर्षापासुन प्रलबित आहे ते दावे पेरणी वजळ येवून सुद्धा प्रलंबीत आहे,

त्याकळे सुद्धा आपन लक्ष देवुन प्रलंबीत दावे तात्काळ निकाली काढावे यासह अनेक समस्याचा पाढच जिल्हा अधिकाऱ्यांच्या समोर कथन केला.विशेषतः एक शेतकरी या नात्याने आर.पी.आय.युवा जिल्हा अध्यक्ष प्रशांत तायडे यांनी या महत्त्वाच्या मागणी साठी जिल्हा आधिकारी याची भेट घेवून चर्चा केली.व या बाबीकडे कलेक्टरचे लक्ष वेधले. शेतकऱ्यांना विश्वासात घेत जिल्हा अधीक्षक यांनी सांगितले की,कृषी विभागाला या बाबत अलंर्ट केले जाईल व प्रलंबित शेत रस्ते दावे बाबत जळगाव महसूल विभागाला तशा सुचणा केल्या.तसेच शेतकऱ्यानी जो प्रयत्न पेरणीयोग्य पाऊस होत नाही तोप्रयंत पेरणी करूच नका असा सल्लाही यावेळी कलेक्टर महोदयांनी शेतकऱ्यांना दिला.

यावेळी प्रशांत तायडे,अक्षय पाटिल, भास्कर भटकर, प्रभाकर वानखडे ,अनिकेत पाटील, बाळु दामोधर इत्यादी शेतकरी उपस्थीत होते

इस्माईल शेख शेगाव शहर प्रतिनिधी

आज दिनांक २९/०६/२०२३ रोजी महत्त्वाच्या अशा आषाढी एकादशी निमित्त संत श्री गजानन महाराज येथे भाविक भक्तांची गर्दी उसळलेली आहे. त्यात भाविक भक्तांचे सुरक्षिततेच्या दृष्टिकोनातून पोलीस स्टेशन शेगाव शहर चे पोलीस निरीक्षक श्री विलास पाटील व परी पोलीस अधीक्षक श्री विवेक पाटील यांनी चोख बंदोबस्त नेमलेला आहे.

या बंदोबस्ताचे फलस्वरूप आज दर्शनाकरिता आलेले भाविक भक्त निलेश पस्तापुरे राहणार मालेगाव तालुका पातुर यांचा आठ वर्षाचा मुलगा श्लोक हा दर्शना दरम्यान लोकांच्या गर्दीमध्ये हरविला होता त्यांनी बंदोबस्त ला हजर असलेल्या पोलिसांना मुलाचा फोटो व माहिती देताच पोलिसांनी बंदोबस्त ला हजर असलेल्या सर्व अमलदारांना मोबाईल व्हाट्सअप द्वारे फोटो पाठवून लहान मुलगा श्लोक याचा शोध घेतला. शोध घेण्यासाठी सतत लाऊडस्पीकर वर अनाऊन्समेंट केली. हरवलेली मुलगा मिळाल्याने व्याकुळ झालेल्या आईचे आनंदाश्रु अनावर झाले.

तरी सद्यस्थीतीत मो.सा. चोरी, सोन्याचे पोथ, गळ्यातील दाग दागीने, पाकीट मारी, मोटार सायकल चोरी व लहान मुले मुली हरविण्याचे, पळविण्याचे प्रकार पाहता श्री. संत गजानन महाराज मंदिरात येणाऱ्या भाविक भक्तांना आव्हाहन करण्यात येते की, दर्शनाकरीता येत असतांना आपले लहान मुला मुलींचा काळजीपुर्वक संभाळ करुन आपले दाग दागीने, पाकीट, पर्स, मोटार सायकल, मौल्यवान वस्तु चोरी किंवा लुट होणार नाही या दृष्टीने सुरक्षीततेबाबत खबरदारी घ्यावी, आपणासोबत अशी कुठलीही दुर्घटणा होणार नाही याची दक्षता घ्यावी.