अकोला:- आगामी सण उत्सव लक्षात घेता मूर्तिजापूर शहरात सर्वत्र शांतता नांदावी या उद्देशाने मुर्तीजापुर शहर पोलिसांच्या वतीने शहर पोलीस स्टेशनचे ठाणेदार सचिन यादव, सहाय्यक पोलीस निरीक्षक राहुल देवकर यांच्या मार्गदर्शनात पथसंचलन काढण्यात आले.

आगामी सण उत्सवानिमित्त सर्वांनी प्रशासकीय नियमांचे पालन करण्याचे आवाहन पोलीस विभागातर्फे करण्यात आले. पुढे श्रीराम नवमी जन्मोत्सव असून, शांतता व सुव्यवस्था अबाधित राखण्यासाठी सर्व नागरिकांनी सहकार्य करण्याचे आवाहन यावेळी मूर्तिजापूर शहर पोलीस स्टेशनचे ठाणेदार सचिन यादव यांनी केले आहे. शहरातून निघालेला या पथसंचलनात पोलीस निरीक्षक, सहाय्यक पोलीस निरीक्षक व पोलीस कर्मचारी मोठ्या संख्येने सहभागी झाले होते.
———————–
मूर्तिजापूर वरून कॅमेरामन शाम वाळस्कर सह प्रतिनिधी प्रतिक कुऱ्हेकर सूर्या न्युज मराठी अकोला.

इस्माईल शेख शेगाव शहर प्रतिनिधी

शेगाव मुस्लिम बांधवासाठी पवित्र असलेला रमजान महिना सध्या सुरु आहे. या महिन्यात मुस्लिम बांधव रोजा म्हणजे उपवास ठेवतात. मुस्लिम समाजात ‘रोजा’ ला अनन्यसाधारण महत्व आहे. कारण मन आणि शरीर शुद्ध करण्याचा तो एक मार्ग आहे.

आजच्या या कठीण काळातही माणसाला निरोगी आणि चिंतामुक्त ठेवण्याचे काम रोजा करतो. रोजा ठेवणे म्हणजे अन्न पाण्याविना दिवस काढणे. अशात उन्हाळ्यात रोजा ठेवणे अतिशय कठीण आहे. तरीही येथील जवेरिया अनम मोहम्मद तनवीर या फक्त ६ वर्षाच्या चिमुकलीने जीवनातला पहिला रोजा ठेवला.

पहाटे ४.३७ वाजेपासून ते सायंकाळी ६.४८ वाजेपर्यंत उपाशी पोटी राहून (अल्लाह) ईश्वर प्रति आपली श्रध्दा व्यक्त करणे ही खूप मोठी गोष्ट आहे. म्हणूनच एवढ्या कमी वयात आपल्या जीवनाचा पहिला रोज़ा पूर्ण केल्याबद्दल ६ वर्षाच्या जवेरिया अनमचे सर्वत्र कौतूक होत आहे.

यावल ( प्रतिनिधी ) विकी वानखेडे

तालुक्यातील पंचायत समितीच्या अंतर्गत शासकीय सेवेत कार्यरत असलेल्या एका ग्रामसेवकास ग्रामपंचायत सदस्याने शिवीगाळ व मारहाण करीत धमकावल्या प्रकरणी फैजपुर तालुका यावल पोलीस ठाण्यात त्या सदस्या विरूद्ध गुन्हा दाखल करण्यात आला आहे .

या संदर्भात पोलीस सुत्रांकडून मिळालेल्या माहीतीनुसार प्रविण बळीराम कोळी वय३८ वर्ष राहणार भुसावळ हे यावल पंचायत समिती अतर्गत येणाऱ्या कासवा या अकलूद कठोरा दुसखेडा या गावांची ग्रुप ग्रामपंचायत असुन या ठीकाणी ग्रामसेवक म्हणुन मागील १ वर्षापासुन कार्यरत असुन ,

दिनांक २३ मार्च रोजी सकाळी ९ वाजेच्या सुमारास प्रविण कोळी हे कासवा ग्रुप ग्रामपंचायतमध्ये आपल्या कार्यालयातील कर्मचारी भगवान पंढरीनाथ कोळी आणि कारकुन संतोष रामचंद्र सपकाळे असे सेवेत कार्यरत असतांना गावातील ग्राम पंचायत सदस्य दशरथ अर्जुन सपकाळे यांनी ग्रामपंचायत कार्यालयात प्रवेश करून ग्रामसेवक प्रविण कोळी यांना सांगीतले

की मला विचारल्या शिवाय तुम्ही कोणतेच ग्रामपंचायतचे काम करू नका असे बोलुन टेबलावरील रजिस्टर बाजुला फेकुन दिले व ग्रामसेवक करीत असलेल्या शासकिय कामात अडथळा आणुन कामकाज बंद केले .

यावर ग्रामसेवक प्रविण कोळी हे त्यास बोलण्यास गेले असता ग्रामपंचायत सदस्य दशरथ कोळी यांने शिवीगाळ करीत चापटा बुक्यांनी मारहाण केल्याची घटनासमोर आली असुन , याबाबत प्रविण कोळी यांनी फैजपुर तालुका यावल पोलीस ठाण्यात फिर्याद दाखल केल्याने घटनेशी संबधीत ग्रामपंचायत सदस्य दशरथ सपकाळे याच्या विरूद्ध विविध कलमान्वये गुन्हा दाखल करण्यात आला असुन ,

पुढील तपास सपोनि सिद्धेश्वर आखेगावकर यांच्या मार्गदर्शनाखाली पोलीस करीत आहे .

प्रतिनिधी सचिन वाघे

हिंगणघाट :- २६ मार्च २०२३ रोज रविवारला ठीक ११.३० वाजता शिवसेना उद्धव बाळासाहेब ठाकरे या पक्षाची बैठक हिंगणघाट येथे घेण्यात आली. शिवसेना उद्धव बाळासाहेब ठाकरे या पक्षाच्या वरिष्ठ पदाधिकार्याच्या सूचनेप्रमाणे या बैठकीत हिंगणघाट तहसील मधील सर्व शिवसेना पदाधिकारी उपस्थित होते.

जिल्हा समन्वयक डॉ. उमेश तुळसकर तथा जिल्हा संघटक श्री.भारत चौधरी व उपजिल्हाप्रमुख श्री. राजेंद्र खूपसरे तथा माजी नगराध्यक्ष श्री.चंद्रकांत घुसे यांच्या उपस्थितीत येणाऱ्या कृषी उत्पन्न बाजार समिती हिंगणघाट च्या सार्वत्रिक निवडणुका- २०२३ लढण्याकरिता तयारी करून उमेदवार देण्यासाठी ही बैठक घेण्यात आली.

सदर बैठकीत तालुकाप्रमुख श्री. सतीश धोबे ,शहर प्रमुख श्री.सतीश ढोमणे उप तालुकाप्रमुख श्री. प्रकाश अनासाने, श्री.सुधाकर ड॔भारे, श्री.मनिष देवडे,शहर संघटक श्री.मनोज मिसाळ श्री.गजानन काटवले, नगरसेवक श्रीधर कोटकर माजी पंचायत समिती सभापती श्री.अमोल गायकवाड,श्री. गोपाल मेघरे, श्री.सुनील आष्टीकर श्री.नंदू रेडलावार,डॉ आनंद जगताब, श्री.संदीप नरड श्री.मोतीराम परीसे

प्रतिनिधी सचिन वाघे

हिंगणघाट :-शिवराज विजया शिंदे रा. वर्धा यांचे वाघोली येथे जल जिवन मिशन या योजने अंतर्गत पाण्याच्या टाकीचे बांधकाम सुरू असलेल्या ठिकाणी ठेवुन असलेले बांधकाम साहीत्य उर्वरीत अंबुजा कंपनीचे सिमेन्टच्या 150 बॅग किमत 52,500 रु. व 9. क्विंटल लोहा किमत 63,000 रू. असा एकुण जु कि 115,500 रू. चा माल कामावर असलेले ठेकेदार यांनी संगणमत करून चोरून नेले आहे. अशा फिर्यादीचे तोंडी रिपोर्ट वरून सदरचा गुन्हा नोंद करून तपासात घेतला.

सदर गुन्हा दाखल होताच पोस्टे हिंगणघाट येथील गुन्हे प्रकटीकरण पथक क्र. 1 हे तपासात वाशिम येथे रवाना होवुन आरोपीतांचा शोध घेतला असता सदर गुन्हयातील आरोपी नामे 1) अक्षय श्रीमत फंड वय 26 वर्ष रा. अधापुरी गुंज खुर्द, ता. पाथरी जि. परभणी 2) सागर सर्जेराव मोरे वय 32 वर्षे रा. शिवाजी नगर, सुटाळा बुद्रुक, ता. खामगाव जि. बुलढाणा, ह.मु. श्री जवादे यांच्या घरी तोडकर नगर पॉलीटेकनिक कॉलेज समोर, वाशिम जि. वाशिम येथे मिळून आल्याने त्यांना ताब्यात घेवुन त्यांना अटक करून, गुन्हयात विचारपुस करून त्यांचेकडुन चोरीस गेलेला संपूर्ण मुददेमाल व गुन्हयात वापरलेले वाहन असा एकुण जु.कि. 6.15,500 रू. चा माल जप्त करण्यात आला.

सदरची कामगीरी मा. श्री. नूरूल हसन, पोलीस अधीक्षक, मा. श्री. डॉ. सागर कवडे, अपर पोलीस अधीक्षक, वर्धा, मा. श्री. दिनेश कदम, उपविभागीय पोलीस अधिकारी, हिंगणघाट, पो.नि. श्री. कैलाश पुंडकर, पोलीस स्टेशन, हिंगणघाट याचे मार्गदर्शनात डि. बी. पथकाचे पो.हवा. नरेन्द्र डहाके, नापोशि सचिन घेवंदे, सचिन भारशंकर, विशाल बंगाले, व सायबर पोस्टे चे नापोशि दिनेश बोथकर यांनी केली आहे.

तळेगाव (श्या. पंत.) : कॉम्प्लेक्ससमोर उभी करून ठेवलेली दुचाकी अज्ञाताने चोरून नेली होती. याप्रकरणी तळेगाव पोलिसांत तक्रार दाखल करण्यात आली होती.

पोलिसांनी तपास करून गुन्ह्यातील अट्टल दुचाकी चोर शेख इमरान शेख इकबाल (२९) रा. गौरखेडा याला अटक केली. पोलिसांनी चोरीतील दुचाकीही जप्त केली.

मोहम्मद रिजवान साकिर अली रिजवान (रा. आर्वी) हा त्याच्या मित्रांसह १० मार्च रोजी शांताबाई कॉम्प्लेक्समध्ये टाईल्समध्ये कामानिमित्त गेला होता. त्याने त्याची एम.एच. ३२, एए. ७१८७ क्रमांकाची दुचाकी कॉम्प्लेक्सखाली उभी करून ठेवली होती.

मोहम्मद रिजवान हा डिक्कीतील डबा घेण्यास गेला असता त्याला दुचाकी दिसून आली नाही. मोहम्मद रिजवान याने याबाबतची तक्रार तळेगाव पोलिसांत दिली पोलिसांनी आरोपी नामे शेख इमरान

दोघांनी कचरागाडीवरील युवकास बदडले

घरातील कचरा उचलण्यास मनाई केली असता भावंडांनी कचरा गाडीवर असलेल्या युवकास लाथाबुक्क्यांनी मारहाण करुन अश्लील शिवीगाळ केली. ही घटना वॉर्ड १७ मध्ये घडली. याप्रकरणी कारंजा पोलिसात ११ रोजी तक्रार दाखल करण्यात आली. चालक रशीद अंसारी आणि प्रवीण पांडुरंग चरडे हे दोघे कचरा गाडी घेऊन वॉडॉवॉर्डात फिरत असताना शक्तीसिंग टाक याने प्रवीणला माझ्या घरातील कचरा उचलून गाडीत टाक, असे म्हटले.

प्रवीणने हे काम आमचे नाही तुमचे आहे, असे म्हटले असता शिवीगाळ करण्यास सुरुवात केली. दरम्यान, शक्तिसिंग टाक आणि हिम्मतसिंग टाक यांनी प्रवीण चरडे याला शिवीगाळ करीत लाथाबुक्क्यांनी मारहाण करीत जखमी केले.

अटक केलेल्या दुचाकी चोरट्यासह पोलिस अधिकारी व कर्मचारी.

शेख इकबाल याला ताब्यात घेत विचारपूस केली असता त्याने चोरीची कबुली दिली. पोलिसांनी त्यास अटक करून दुचाकी हस्तगत केली. ही

कारवाई पोलिस अधीक्षक नुरुल हसन यांच्या मार्गदर्शनात पोलिस निरीक्षक आशिष गजभिये यांच्या नेतृत्वात दिपेश ठाकरे यांनी केली.