यावल प्रतिनिधी विकी वानखेडे

चुंचाळे येथे बारावीच्या विद्यार्थांना मोफत फाईल फोल्डर वाटप
प्रतिनिधी l चुंचाळे ता यावल
बालपणापासुन आपण शैक्षणिक पात्रता वाढवण्यात गुंतलेलो असतो,यातुन थेट नोकरी लागेपर्यंत सुटका होत नसते,यामुळे प्रत्येकाने आपल्या शालेय जिवणातच शैक्षणिक पातळी उंचावण्याचा चांगला प्रयत्न केला पाहीजे,

यातुनच आपणांस यशस्वी होण्याचा मार्ग सापडू शकतो.प्रत्येकाच्या आयुष्याला दहावी व बारावीचे वर्ष हे कलाटणी देणारे ठरत असते,यामुळे आपण प्रत्येकजण जास्त गुण कसे मिळवता येतील याकडे लक्ष देतो.सध्या स्पर्धेच्या युगात आपल्या अंगी फक्त शैक्षणिक पात्रता अंगी असुन चालत नसुन यासोबतच अनेक व्यावसायिकतेची जोड असणे आवश्यक असते.

असे मार्गदर्शन नायगाव येथिल सामाजिक व शैक्षणिक कार्यकर्ते सचिन तडवी यांनी यावेळी केले.

यावल तालुक्यातील श्री समर्थ रघुनाथबाबा माध्यमिक व उच्च माध्यमिक विद्यालयात इयत्ता बारावीच्या विद्यार्थ्यांना अमिर प्रतिष्ठान मोहरद कडून मोफत फाईल फोल्डर वाटप करण्यात आले.यावेळी श्री समर्थ वासुदेवबाबा अध्यात्मिक व शैक्षणिक ट्रस्ट चे संचालक आर के पाटील,विद्यालयाचे प्राचार्य व्ही जी तेली,सामाजिक कार्यकर्ते रमजान तडवी,किनगाव येथिल प्रमोद पाटील,ग्रामविकास अधिकारी अशरफ तडवी,अरविंद चौधरी,वसतीगृह अधिक्षक चंद्रकांत चौधरी,सुधीर चौधरी,प्रा शारदा चौधरी,प्रा राकेश अडकमोल,प्रा जमिला तडवी आदी उपस्थित होते.यापूर्वीही अमिर प्रतिष्ठान कडून मोफत अपेक्षित वाटप करण्यात आले होते.

दरम्यान प्राचार्य व्ही जी तेली यांनी विद्यालयातील मागील पार्श्वभूमी सांगुन आपल्या उज्वल यशासाठी आपल्याला फार दुर जावे लागत नसल्याचे सांगितले.सर्वकाही जवळच उपलब्ध होते,याचा आपण सर्वांनी लाभ घेतला पाहीजे असेही सांगितले.कार्यक्रमाचे सुत्रसंचलन संजय गोसावी,आभार प्रशांत सोनवणे यांनी केले.

कार्यक्रम यशस्वी करण्यासाठी विद्यालयातील सर्व शिक्षक-शिक्षिका,कर्मचारी यांनी प्रयत्न केले.

लोणार – प्रणव वराडे

जगप्रसिध्द लोणार सरोवराच्या विकासाला चालना देण्यासाठी महाराष्ट्र पर्यटन विकास महामंडळ, जिल्हाधिकारी कार्यालय, जिल्हा परिषद व नगर परीषदेच्या वतीने पर्यटन संकुलनाच्या बाजूला असलेल्या मैदानावर मार्च २०१७ मध्ये तीन दिवसीय लोणार महोत्सवाचे आयोजण करण्यात आले होते. तब्बल ५ वर्षानंतर परत पर्यटन प्रेमी नागरीकाना लोणार महोत्सव व्हावा अशी ओढ लागली आहे.

लॉकडाऊनमुळे मागील दोन वर्षात तो झालाही नसता. परंतू मार्च २०१७ मध्ये झालेल्या या लोणार महोत्सवावर शासनाच्या वतीने ५० लक्ष रुपये खर्च करण्यात आले होते. तीन दिवसीय राजकीय-सामाजीक व सांस्कृतिक कार्यक्रमाचे आयोजन करण्यात आले आहे.

होते. या महोत्सवाला नागरीकांनी भरभरून प्रतिसादही दिला हा महोत्सव धूमधडाक्यात साजराही मान्यवरांनी आपल्या भाषणातून हा महोत्सव दरवर्षी साजरा करण्यासाठी शासन दरबारी पाठपूरावा करु असे चालना देण्यासाठी या महोत्सवाचे आश्वासनही दिले होते. परंतु या आश्वासनाचा विसर खुद्द मान्यवरांना पडल्याचे दिसून येते.

एकीकडे सरोवर विकास आराखड्याअंतर्गत तब्बल ३६९ कोटी रुपायाचा निधी मंजूर करण्यात आला असताना सरोवर विकासाला चालना देण्यासाठी लोणार महोत्सवाचे आयोजनही करणे तितकेच महत्वाचे

मान्यवरांनी दरवर्षी लोणार महोत्सव घेण्यायासाठी शासन दरबारी पाठपुरावा झाला. करु असे आश्वासन दिले होते. पण हे आश्वासन महोत्सवा बरोबरच ईतीहास जमा जमा झाले आहे. तरी यावर्षी तरी लोणार महोत्सव व्हावा अशी ओढ पर्यटन प्रेमी नागरिकांना लागली आहे. एवढे मात्र खरे..!

लोणार – प्रणव वराडे

जगप्रसिद्ध पर्यटन नगरी लोणार शहरातील प्रमुख मार्ग बस स्टॅन्ड चौक, महात्मा बसवेश्वर चौक, मंठा बायपास यासह लोणार शहरातून गेलेला प्रमुख शेगाव पंढरपूर महामार्ग याच महामार्गावर बाजारपेठ व बसस्थानक असल्याने या महामार्गावरून बस स्थानकातून निघालेली.

एसटी बसेस, लोणार सरोवर पाहण्यासाठी येणाऱ्या पर्यटकांच्या गाड्या, जड मालवाहतूक गाड्या मोठ्या प्रमाणात या रस्त्यावरून जात असतात एवढा महत्त्वाचा असलेला या रस्त्याच्या मधोमध मोकाट जनावरे बिनधास्त बसलेली आढळत आहे. परंतु याकडे स्थानिक प्रशासनाचे जाणीवपूर्वक दुर्लक्ष होत असल्याचे दिसून येत आहे.

या मोकाट जनावरांमुळे एखादा मोठा अपघात झाल्यास यास जबाबदार कोण राहणार हा प्रश्न नागरिकांच्या मनामध्ये निर्माण होत आहे सदर मोकाट जनावरे रस्त्यावरून हटवण्याचे साठी शासनाची कोणती यंत्रणा नाही का असा प्रश्न सुद्धा नागरिकांना व येणाऱ्या पर्यटकांना पडत असल्याचे चर्चा शहरात सुरू आहे.

मुख्य रस्त्यासह शहरातील गल्लोगल्ली मोकाट जनावरे फिरत आहे. पशुधना बरोबरच मोकाट कुत्र्यांची संख्या ही वाढलेली आहे. रात्री अपरात्री अनेक रस्त्यांवर, गल्लोगल्लीत एकटे जायचे असल्यास पुढे कुत्रे तर नाही ना असे भय नागरिकांच्या मनात निर्माण झाले आहे. कारण असंख्य नागरिक, महिला, व लहान मुलांना कुत्र्यांनी चावा घेतल्याचे प्रमाण दिवसेंदिवस वाढत आहे.

गल्लोगल्लीत लहान मुले घरासमोर खेळत असतात यावेळेस तेथे कुत्रे, डुक्कर व इतर मोकाट जनावरे येत असल्याने लहान मुलांना घरासमोर खेळणे सुद्धा धोकादायक झालेले आहे. काही कुत्रे तर अंगाला जखम असलेली, केस गळलेली व पिसाळलेली कुत्रे सुद्धा गलो गल्ली लहान मुले खेळतात त्या ठिकाणी येत आहेत.

एखादा पिसाळलेला किंवा अंगाला जखम असलेला कुत्रा लहान मुलास किंवा नागरिकास डसल्यास काय होऊ शकते याची कल्पना सुद्धा करता येत नाही. आज रोजी संपूर्ण लोणार शहरात जागो जागी मोकाट जनावरांचा सुळसुळाट पाहावयास मिळत आहे. या समस्येने लोणारकर अगदी मेटकुळीस आलेले आहे.

मोकाट जनावरांना पकडण्याची व दंडांची मोहीम राबविणे आवश्यक आहे नगरपालिकेच्या दुर्लक्षामुळे व कारवाईची भीती नसल्याने शहरातील मोकाट जनावरांची संख्या दिवसेंदिवस वाढत आहे. दोन ते तीन दिवसांपूर्वी लोणार शहरातील रामनगर येथील दोन बालकांवर कुत्र्यांनी हल्ला केल्यामुळे लहान बालकांना दुखापत झाली असल्याकारणाने लोणार येथील विनायक मापारी यांनी नगर परिषदेला निवेदन दिले आहे.

की नगर परिषदेने मोकाट जनावरांचा मोकाट कुत्र्यांचा पंधरा दिवसात बंदोबस्त करावा अन्यथा लोणार शहरातील मोकाट व पिसाळलेले कुत्रे नगर परिषदेत जमा करण्यात येतील असा इशारा निवेदनात दिला आहे आता या समस्ये कडे नगर परिषद लक्ष देणार की मोकाट जनावरांमुळे एखादी मोठी दुर्घटना होण्याची वाट बघणार याकडे शहरवासी यांचे लक्ष लागले आहे एवढे मात्र खरे

प्रतिनिधी अशोक भाकरे

अकोला पंचायत समिती अंतर्गत येणारी गट ग्राम पंचायत निंभोरा हे निवडणुकीपासून सतत चर्चेत राहणारं गाव झालं आहे. कारणही तसंच मागील 60 वर्षाची सत्ता परिवर्तन घडवून जनतेने शिवसेनेच्या तालुका प्रमुख प्रा नितीन सुभाषराव ताथोड यांच्या सुशिक्षित आणि दमदार नेतृत्वावर विश्वास ठेवून यांच्या ग्राम विकास पॅनलच्या उमेदवारांना विजयी केलं.

तसेच सरपंच पदाच्या उमेदवाराला रेकॉर्ड मतांनी निवडून दिल. हाच लोकांचा विश्वास कायम ठेवून गाव विकास हेच ध्येय समोर ठेवून गावातील मुख्य समस्या दूर करण्यासाठी प्रयत्न म्हणून लोकसहभाग महत्वाचा भाग म्हणून सरपंच यांनी पहिल्या ग्राम सभेचं आयोजन केले होते. निंभोरा येथील ही ग्राम सभा जिल्ह्यातील पहिली अशी आगडी वेगडी ग्राम सभा असेल ज्यात लोकांच्या ज्या विभागाच्या समस्या असतील त्यांचे निराकरण त्याच विभागाचे अधिकारी यांनी करवी.

अशी व्यवस्था सरपंच प्रा नितीन सुभाषराव ताथोड यांनी केली होती. एक प्रकरे ही ग्राम सभा म्हणजे जनतेचा ग्राम दरबाराच होता. सदर सभेला सर्व ग्राम पंचायत सदस्य,ग्रामसेवक, ग्राम पंचायत कर्मचारी, पाणी पुरवठा कर्मचारी, रोजगार सेवक, ग्राम पंचायत ऑपरेट,आरोग्य सेविका, आशा सेविका, स्वस्त धान्य दुकानदार, पशु वैद्यकीय अधिकारी, आरोग्य अधिकारी,तलाठी, पोलीस पाटील, बिट जामदार, महिला बचत गटाच्या प्रमुख,शाळेचे मुख्याध्यापक, शिक्षक, कृषी सहाय्यक, कृषी मित्र, तंटा मुक्ती अध्यक्ष,अंगणवाडी स्वयंपाकी यांनी त्यांच्या विभागाशी संबंधित जनतेच्या प्रश्नांची उत्तरे दिली.

लोकांच्या तक्रारी लिहून घेतल्या व त्या सोडवण्याचा प्रयन्त करणार असल्याचे लोकांना सांगण्यात आले. रोजगार हमी,15 वित्त आयोग, दलित वस्ती,स्मशान भूमी विकास, शेतरस्ते, अंतर्गत रस्ते, नाली बांधकाम,ग्राम पंचायत इमारतीच बांधकाम, नाला खोलीकरण, बंधारा बांधकाम, शाळा दुरुस्ती,इत्यादी महत्वाची कामे पंचायत समिती,जिल्हा परिषदच्या विभागांकडून मंजूर करून घेण्यासंदर्भात ग्राम सभेत चर्चा करून मंजुरात देण्यात आली. ग्रामसेवक अनंत वावगे यांनी गाव विकासासाठी घरकर आणि पाणिकर वेळेवर आणि नियमित भरण्याच्या सूचना लोकांना दिल्या.

आरोग्य सेविका संगीता टेलगोटे आणि कल्पना अवारे यांनी नागरिकांना आयुष्यमान भारत कार्ड आणि आभा कार्ड विषयी महत्वाची माहिती सांगितली. स्वस्थ धान्य दुकानदार भास्कर ताथोड यांनी शासनाच्या नवीन आदेशाची माहिती देऊन रेशन स्वतः बंद करण्यासंदर्भात मार्गदर्शन केले. कृषीच्या विविध योजना ची माहिती कृषी सहाय्यक प्रणित बंड आणि दिनेश डोंगरे यांनी दिली तसेच नानाजी देशमुख कृषी संजीवनी योजनेच्या समितीची (पोक्रा)शासन निर्णय नुसार ग्राम सभेत निवड केली. सोबतच बिट जामदार शमलाल शाहू यांच्या उपस्तीतीत तंटा मुक्त समितीची स्थापना करण्यात आली. शाळा मुख्याध्यापक चौधरी सर यांनी शाळेतील महत्वाच्या दुरुस्ती आणि आवश्यकता सांगितल्या.

सरपंच यांनी सर्व अधिकारी आणि जनतेचे ग्राम सभा यशस्वी होण्यासाठी केलेल्या योगदानाबद्दल आभार मानले आणि गाव विकासात अशीच साथ मिळत राहो ही अपेक्षा व्यक्त केली. सभेला जनतेचा भरघोस प्रचंड प्रमाणात प्रतिसाद मिळाला. ग्राम सभेची प्रस्तावना ऑपरेट अमित देवर यांनी केली.

ग्राम सभेची सर्व व्यवस्था कर्मचारी नितीन देशमुख आणि पाणीपुरवठा कर्मचारी राजेश बोर्डे यांनी पहिली.