अनिल सिंग चव्हाण मुख्य संपादक

गडचिरोली:-भारत स्काऊट आणि गाईड,जिल्हा संस्था गडचिरोलीच्या वतीने स्काऊट गाईड चळवळीचे जनक लॉर्ड बेडन पॉवेल यांचा जन्मदिवस चिंतन दिन म्हणुन २२ फेब्रुवारी २०२३ रोज बुधवारला सकाळी ८.०० वाजता जिल्हा कार्यालय,गडचिरोली येथे साजरा करण्यात आला.

सदर कार्यक्रमाच्या यशस्वीतेकरीता विवेक नाकाडे जिल्हा मुख्य आयुक्त तथा शिक्षणाधिकारी (प्राथ.),राजकुमार निकम जिल्हा आयुक्त (स्का.) तथा शिक्षणाधिकारी (माध्य.),अमरसिंह गेडाम जिल्हा चिटणीस तथा शिक्षण विस्तार अधिकारी यांनी चिंतन दिवसाबाबत व विजेत्या स्पर्धकांना शुभेच्छया दिल्या.

या कार्यक्रमाची सुरूवात लॉर्ड बेडन पॉवेल यांच्या पावन प्रतिमेस पुष्पहार व दिपप्रज्वलन करून सर्वधर्मिय प्रार्थनेचे आयोजन करण्यात आले.चिंतन दिनानिमित्त “स्वच्छता अभियान किंवा विविधतेत एकता” या विषयावर चित्रकला स्पर्धा तर “लॉर्ड बेडन पॉवेलचे जीवन चरित्र किंवा आझादी का अमृत महोत्सव” या विषयावर निबंध आणि चित्रकला स्पर्धांचे आयोजन करण्यात आले होते.यामध्ये गडचिरोली जिल्ह्यातील स्थानिक विविध शाळांमधून ७६ स्काऊटस् गाईडस् यांनी सहभाग घेतला.

पॅराडाईज इंग्लिश मिडीयम स्कूल आरमोरी येथील कु कश्यपी चांगदेव सोरते,कु श्रद्धा दडमल,खिरसागर इंदुरकर यांनी प्रथम क्रमांक पटकाविला तर शशांक कोहाळे यांनी द्वितीय क्रमांक पटकाविला.यात प्रथम,व्दितीय,तृतीय व प्रोत्साहनपर पारितोषिक देऊन विद्यार्थ्यांना गौरविण्यात आले.

मान्यवरांचे स्थानार्पण झाल्यानंतर पुष्प देवून स्वागत करण्यात आले.चिंतन दिन कार्यक्रमाचा मुख्य उद्देश विद्यार्थांच्या सुप्त गुणांना वाव देणे.स्काऊट गाईड यांनी चळवळीमध्ये जास्तीत जास्त सहभाग घेणे.शिल,संवर्धन, आरोग्य व सेवा शिक्षणाची चर्तुसुत्री असून आदर्श व चारित्रवान नागरिक घडविणे ही शिकवन लॉर्ड बैडन पॉवेल स्काऊट गाईड चळवळीमध्ये यांनी प्रसार व प्रचार केलेला आहे.
श्रीमती निता आगलावे जिल्हा संघटक (गा. )यांनी आपल्या प्रास्ताविक भाषणात कार्यक्रमाचे महत्त्व विषद केले. श्रीमती कांचन बोकडे जिल्हा प्रशिक्षण आयुक्त (गा.)यांनी बी.पी.चा अखेरचा संदेश वाचन केले.श्रीमती वंदना मुनघाटे जिल्हा मुख्यालय आयुक्त (गा.),स्मिता मुनघाटे आजीव सभासद,श्रीमती आशा करोडकर यांनी विविध उदाहरणाच्या माध्यमातून स्काऊटस् गाईडस्ना स्व:ची जाणीव करून देत आत्मविश्वास वाढविण्याच्या दृष्टीने मार्गदर्शन केले.

या कार्यक्रमाच्या अध्यक्षीय भाषणात श्री.एम.जी. राऊत माजी जिल्हा आयुक्त (स्का.) यांनी स्काऊट गाईडना मोलाचे मार्गदर्शन केले.या कार्यक्रमात गडचिरोली शहरातील स्कूल ऑफ स्कॉलर्स,विद्याभारती कन्या विद्यालय,राणी दुर्गावती कन्या विद्यालय,शिवाजी हायस्कूल,भगवंतराव हिंदी हायस्कूल,वसंत विद्यालय, कमलताई मुनघाटे हायस्कूल, संजीवनी विद्यालय,नवेगाव, विद्याभारती विद्यालय, गोगाव व पॅराडाईज इंग्लिश मिडीयम स्कूल,आरमोरी या शाळांनी सहभाग नोंदविला.पॅराडाईज इंग्लिश मिडीयम स्कूल आरमोरी येथील स्काऊट गाईडचे विद्यार्थी जिल्हास्तर चित्रकला स्पर्धेत चमकदार कामगिरी बजावल्याने शाळेच्या वतीने सत्कार करण्यात आला.

कार्यक्रमाचे सुत्रसंचालन श्रीमती निता आगलावे जिल्हा संघटक (गा.) यांनी केले तर आभार श्रीमती प्रतिभा रामटेके यांनी मानले. सदर कार्यक्रम यशस्वी करण्याकरीता राजेंद्र सावरबांधे लिपिक,श्रीकृष्णा ठाकरे,प्रमोद पाचभाई शिपाई,सेवार्थ चुधरी रोव्हर व स्थानिक शाळेतील सर्व स्काऊट मास्तर, गाईड कॅप्टन, व ७६ स्काऊटस्, गाईडस् असे एकुण १०५ सभासद उपस्थित होते.
कार्यक्रमाच्या शेवटी खाऊ देऊन सांगता करण्यात आली.

इस्माईल शेख शेगाव

शेगाव वीर.अभिमन्यू वाच
ण्यालयाच्या वतीने उच्च व तंत्र शिक्षण संचालक‌ महाराष्ट्र शासन यांच्या निर्देशानुसार आजच्या डिजिटल युगात विद्यार्थ्यांना वाचनाची आवड निर्माण व्हावी, वाचनालयाची माहिती व जाणीव राहावी.

या करीता शिवजयंतीचे‌ औचित्य साधून बालवाचक मेळाव्याचे आयोजन व ग्रंथालयाच्या क्षेत्रात कार्य रत असलेल्या ग्रंथालय भारती या संस्थेचा वर्धापन दीन व शिवजयंती उत्सव मोठ्या उत्साहाने साजरा करण्यात आला.

कार्यक्रमाच्या अध्यक्ष स्थानी प्रा.श्री कॄष्णलाल रावलानी केशव अर्बन क्रेडिट सोसायटी चे अध्यक्ष तथा वीर अभिमन्यू वाचनालयाचे जेष्ठ संचालक होते.तर प्रमुख अतिथी म्हणून इंगळे इंग्लिश व क्लासेस चे संचालक श्री समाधान इंगळे सर तसेच श्री प्रमोद भाऊ मानकर तथा उपाध्यक्ष श्री प्रल्हाद काळे ‌मंचावर उपस्थित होते. अध्यक्षीय भाषणात प्रा.श्री रावलानी सर यांनी चांदोबा मासीकातील चांगल्या व्यक्तींच्या नावावरून आणि हि पॄथ्वी उभी आहे.

चांगली व्यक्ती चांगल्या संस्कारावर व चांगले विचार आणि चांगल्या वाचनावर अवलंबून आहे.ही गोष्ट सांगितली.संस्कार युक्त वाचनातून शिवाजी महाराजांच्या सारखे घडून हे सुराज्य घडवावे असे आवाहन ही केले.

या निमीत्त ग्रंथालय भारती घ्या वर्धापन दीनाचे औचित्य साधून संस्थेने १हजार पुस्तके घेवून त्यांचे वाचनालयात प्रदर्शन लावले.या डिजिटल युगात मोठ्या प्रमाणात मोबाईल कांपुटरचा वापर होत असला तरी आजच्या तरुण पिढीने वाचाल तर वाचाल याकडे दुर्लक्ष करु नये.

त्यांना लागणारी सर्व प्रकारची पुस्तके आम्ही वाचन्यालयामार्फत उपलब्ध करून देऊ असे प्रल्हाद काळे यांनी सांगितले.कार्यक्रमाचे संचालन ग्रंथापाल श्री गणेश ऊज्जैनकर यांनी प्रास्ताविक व परिचय .तसेच आभार प्रदर्शन श्री विजय तायडे यांनी केले.कार्यक्रम यशस्वी होण्याकरिता श्री निलेश पुंडकर व लव ठाकरे आणि शंतनु देशपांडे महाराज यांनी परीश्रम केले.
प्रास्तावीक व परीचय प्रल्हाद काळे आभार विजय तायडे

यावल ( प्रतिनिधी ) विकी वानखेडे

आज पासून सुरू होत असलेल्या इयत्ता बारावीच्या परीक्षेत तालुक्यातील सात केंद्रामधून एकुण ३५८७ विद्यार्थी परीक्षेस बसत आहेत.

आज दिनांक २१ फेब्रुवारीपासून इयत्ता बारावीची परीक्षा सुरू होत आहे. तालुक्यात एकूण सात केंद्र असून केंद्रनिहाय परीक्षार्थींची संख्या कंसातील आहे डॉ. झाकीर हुसेन उर्दू माध्यमिक व उच्च माध्यमिक हायस्कूल यावल (६८१) नगरपरिषद संचलित साने गुरुजी उच्च माध्यमिक विद्यालय (५४८) ज्योती विद्यामंदिर सांगवी ( ६१७) चिंचोली माध्यमिक विद्यालय( ३७८) तर फैजपूर येथील डी एन कॉलेज (६१७) मौलाना अबुल कलाम हायस्कूल फैजपूर (५१०) पी एस एम एस विद्यालय बामणोद तालुका यावल ( २३६) असे तालुक्यातून तीन हजार ५८७ विद्यार्थी परीक्षेत बसणार असल्याची माहिती येथील गटशिक्षणाधिकारी विश्वनाथ धनके यांनी दिली आहे. परीक्षा भयमुक्त व कॉपीमुक्त वातावरणात पार पडावी यासाठी प्रशासनाने योग्य ती उपाययोजना केली असल्याचे , गटशिक्षणाधिकारी विश्वनाथ धनके यांनी सांगितले.

कॉपी मुक्त वातावरणासाठी जिल्हा पातळीवरील ५ पथकासह दोन तालुका पातळीवरील भरारी पथके तहसीलदार महेश पवार व गट विकास अधिकारी डॉ .मंजुश्री गायकवाड यांच्या नेतृत्वाखाली दोन भरारी पथके राहणार असुन , याशिवाय प्रत्येक परीक्षा केन्द्रावर प्रत्येकी एक असे सात पथकांची नियुक्ती करण्यात आली अशी माहिती येथील यावल पंचायत समितीचे गटशिक्षण अधिकारी विश्वनाथ चावदस धनके यांनी दिली आहे .

यावल ( प्रतिनिधी) विकी वानखेडे

शहरात विविध ठिकाणी जाणता राजा छत्रपती शिवाजी महाराज यांचा जयंती उत्सव मोठया उत्साहात पार पडला. येथील शिवरत्न फाउंडेशन व छत्रपती ग्रुप आयोजित उत्सव समितीच्या वतीने सायंकाळी येथील बोरावल गेट पासून शहरातून छत्रपती शिवरायांच्या प्रतिमेची सवाद्य मिरवणूक काढण्यात आली.

या वेळी छत्रपती शिवाजी महाराज यांच्या जयंती निमित्ताने शहरातील विविध भागात उत्साहात शिवप्रतिमेचे पूजन करून शिवजयंती उत्साहात साजरी करण्यात आली आहे येथील बोरावलगेट परिसरात
शिवरत्न फाउंडेशन व छत्रपती ग्रुप आयोजित उत्सव समितीच्या वतीने सालाबाद प्रमाणे यंदाही उत्सवाचे आयोजन केले होते.

माजी नगराध्यक्ष अतुल पाटील डॉक्टर कुंदन फेगडे यांचे हस्ते शिवप्रतिमेचे पूजन करण्यात आले त्यानंतर शिव प्रतिमेची शहरातील प्रमुख मार्गाने रात्री उशिरा पर्यंत सवाद्य मिरवणूक काढण्यात आली. या निमित्ताने शहरातील मुख्य मार्गावरील रस्त्यावर रांगोळ्या,भगवे ध्वज, भगव्या पथकांनी शहर भगवेमय झाले होते.

संपुर्ण शहर छत्रपतींच्या जयजयकाराने शहर दुमदुमून गेले होते विविध पक्षांचे राजकीय पदाधिकारी, सामाजिक कार्यकर्ते शिवप्रेमी मोठ्या संख्येने मिरवणुकीत सहभागी झाले सुधाकर बावस्कर यांनी सूत्रसंचालन केले.

आज सकाळी बेस्ट फ्रेंड फॉर एव्हर यांचे वतीने देखील येथील खरेदी विक्री सहकारी संघाच्या संकुलनातील आवारात शिवजयंती उत्सव साजरा करण्यात आला याप्रसंगी जिल्हा परिषदचे गटनेते प्रभाकर सोनवणे , माजी नगराध्यक्ष अतुल पाटील, चंद्रकांत जगन्नाथ पाटील, प्रशांत चौधरी, आदीवासी विभागाचे पदाधिकारी एम बी तडवी, मराठा सेवा संघाचे अजय पाटील, आर डी पाटील माजी नगरसेवक असलम शेख नबी, प्रा. मुकेश येवले, भगतसिंग पाटील या प्रमुख मान्यवरांच्या हस्ते शिवरायांच्या प्रतिमेचे पुजन करत त्यांनी आपले मनोगत व्यक्त केले.

येथील छत्रपती शिवाजी महाराज मित्र मंडळाच्या वतीने येथील शिवाजी नगरात सायंकाळी आमदार शिरीष चौधरी जि प गट नेते प्रभाकर चौधरी माजी नगराध्यक्ष अतुल पाटील यांचे हस्ते प्रतिमेचे पूजन करण्यात आले यासह येथील बस स्थानक, धोबीवाडा ,महाजन गल्ली , शाळा, महाविद्यालय, शासकीय कार्यालयातही शिवजयंती उत्साहात साजरी करण्यात आली आहे.

इस्माईल शेख शेगाव

शेगाव : हिंदवी स्वराज्याचे संस्थापक छत्रपती शिवाजी महाराज हे रयतेचे राजे होते.त्यांनी कठोर परिश्रम घेऊन आपले पूर्ण जिवन स्वराज्य स्थापनेसाठी घालवले. त्यांच्या कार्याचा आदर्श आपण सर्वांनी घ्यावा व त्याप्रमाणे भविष्यात वाटचाल सुरू ठेवावी असे आवाहन आ.डॉ संजय कुटे यांनी येथे केले.

छत्रपती शिवाजी महाराज जयंती निमित्त आ.डॉ संजय कुटे यांनी शेगावात विविध ठिकाणी व मुख्य चौकात विविध छत्रपती शिवाजी महाराज मंडळाना भेटी देऊन अभिवादन केले.

तसेच
शिवजयंती निमित्त जमलेल्या शेकडो युवक, कार्यकर्त्यांचा उत्साह द्विगुणित केला.शहरातील प्रभाग १,मध्ये छत्रपती शिवाजी महाराज चौकाचे सौंदर्यीकरण,प्रभाग ४ मध्ये महर्षी वाल्मिकी चौकाचे सौंदर्यीकरण,कुंभारवाडा येथे संत गोरोबा काका चौकाचे सौंदर्यीकरण, वाण प्रकल्प कार्यालय समोर जिजामाता चौकाचे सौंदर्यीकरण कामाचे भूमिपूजन याप्रसंगी त्यांचे हस्ते करण्यात आले.

यावेळी मा. नगराध्यक्षा शकुंतलाताई बुच, मा. उपाध्यक्षा सुषमाताई शेगोकार, भाजप नेते शरदसेठ अग्रवाल,पांडुरंग बुच, मा.नगराध्यक्ष पी एम शेगोकार,संजय कलोरे,राजेंद्र शेगोकार,गजानन जवंजाळ, प्रदीप सांगळे, मा.सभापती पवन महाराज शर्मा,संतोष घाटोळ,अरुण चांडक,राजेश अग्रवाल,सचिन धमाळ, संदीप काळे,विजय यादव,राजेंद्र कलोरे, पुरोषोत्तम हाडोळे,रोहित धाराशिवकर,राजू भिसे,अरविंद इंगळे,भाजप महिला आघाडी जिल्हा सरचिटणीस
कल्पनाताई मसणे,डॉ अंजूषा भुतडा, यासह इतर भाजप पदाधिकारी आणि कार्यकर्ते मोठ्या संख्येने उपस्थित होते.

छत्रपती शिवाजी महाराजांच्या जयंतीनिमित्त जाणता राजा सेवा ग्रुप यांनी आयोजन केलेल्या व्याख्यानात आशिष सावळे करत असलेल्या सामाजिक क्षेत्रा मध्ये केलेल्या कार्याची दखल घेण्यात आली.

कार्य सामाजिक असो वा मग गरजू रुग्ण च्या मदती साठी किव्हा व्यतारिक्त कुठल्या अडचणी साठी आशिष सावळे सदैव रात्र दिवस गोरगरिबांच्या मदतीसाठी नेहमी तत्पर असतात व आशिष सावळे यांनी रक्त दान श्रेष्ठ दान या ग्रुप च्या माध्यमातून ह्या सेवाचे कार्य सुरु केलेले आहे.

व युवकांन मध्ये सुद्धा सामाजिक क्षेत्रात काम करण्याची आवड निर्माण केली आहे सामाजिक क्षेत्रात आशिष सावळे व त्यांचे सहकारी मित्र परिवार अतिशय निस्वार्थी पणाने कार्य करत आहे. याच कार्याची दखल घेता छत्रपती शिवाजी महाराज जयंती निमित्य जाणता राजा सेवा ग्रुप ने आयोजित केलेल्या व्याख्यानात आज युवा वर्गा मध्ये आवडते असलेले आशिष सावळे यांना शाल श्रीफळ व सन्मानचिन्ह देऊन सत्कार करण्यात आला