Akola प्रतिनिधी अशोक भाकरे

अकोला,दि. ३ जिल्ह्यातील दिव्यांगांचे सर्वेक्षण करून दिव्यांग सक्षमीकरण कार्यक्रमाच्या अंमलबजावणीत देशात सर्वोत्तम जिल्ह्याचा मान पटकविणाऱ्या अकोला जिल्हा परिषदेला आज राष्ट्रपती द्रौपदी मुर्मू यांच्या हस्ते ‘राष्ट्रीय दिव्यांगजन पुरस्कार-२०२१’ने गौरविण्यात आले.

जिल्हा परिषदेचे मुख्य कार्यकारी अधिकारी सौरभ कटीयार यांनी हा पुरस्कार स्वीकारला.
दिल्लीतील विज्ञान भवनात आज ‘आंतरराष्ट्रीय दिव्यांग दिना’निमित्त सामाजिक न्याय आणि सक्षमीकरण मंत्रालयाच्या दिव्यांगजन सक्षमीकरण विभागाच्यावतीने वर्ष २०२१ आणि वर्ष २०२२ च्या ‘राष्ट्रीय दिव्यांगजन पुरस्कार’ प्रदान कार्यक्रमाचे आयोजन करण्यात आले. याप्रसंगी केंद्रीय सामाजिक न्याय व सक्षमीकरण मंत्री डॉ.

विरेंद्र सिंह, केंद्रीय सामाजिक न्याय आणि सक्षमीकरण राज्यमंत्री रामदास आठवले आणि श्रीमती प्रतिमा भौमिक उपस्थित होते.
अपंगत्वावर मात करत आपल्या कार्याचा ठसा उमटविणाऱ्या देशातील दिव्यांग व्यक्ती आणि दिव्यांग व्यक्तींच्या सक्षमीकरणासाठी उल्लेखनीय कामगिरी करणाऱ्या व्यक्ती, संस्था, संघटना, राज्य आणि जिल्हा आदींना यावेळी राष्ट्रीय पुरस्कार प्रदान करण्यात आले.

दिव्यांगांच्या सशक्तीकरणाकरिता शासकीय योजनांच्या प्रभावी अंमलबजवाणीसाठी दिलेल्या उल्लेखनीय योगदानाच्या श्रेणीत अकोला जिल्हा परिषदेला गौरविण्यात आले.

अकोला जिल्हा परिषदेच्या आरोग्य विभाग आणि समाज कल्याण विभागाच्या मदतीने जिल्ह्यातील दिव्यांगव्यक्तींचे सर्वेक्षण यशस्वीपणे पूर्ण केले. या सर्वेक्षणामुळे दिव्यांगांसाठी असलेल्या केंद्र आणि राज्य शासनाच्या विविध कल्याणकारी योजनांचा लाभ मिळणे जिल्ह्यातील दिव्यांग व्यक्तींना सुकर झाले आहे.

सांघिक भावनेने केलेल्या कार्यातूनच अकोला जिल्हा परिषदेने दिव्यांगांचे सर्वेक्षण कार्य पूर्ण केले आहे. जिल्हा परिषदेच्या अध्यक्ष संगिता अधाऊ, मुख्य कार्यकारी सौरभ कटीयार यांच्या नेतृत्वात हे सर्वेक्षण कार्य पार पडले. या कार्यात जिल्हाधिकारी निमा अरोरा यांनी सातत्यपूर्व मार्गदर्शन आणि सहकार्य केले. जिल्हा आरोग्य अधिकारी आणि शासकीय वैद्यकीय महाविद्यालयाचे अधिष्टाता व त्यांची टीम, समाज कल्याण विभागाचे अधिकारी कर्मचारी, आशा कार्यकर्त्या आदिंचा यात सहभाग लाभला.

या कार्यक्रमात एकूण १४ श्रेणीत विविध व्यक्ती तसेच शासकीय व अशासकीय संस्थांना
वर्ष २०२१ च्या ‘राष्ट्रीय दिव्यांगजन पुरस्कारा’ने गौरिविण्यात आले. यामध्ये अकोला जिल्हा परिषदेसह महाराष्ट्रातील दोन व्यक्तींचा समावेश आहे…

प्रतिनिधी अशोक भाकरे

निंबा फाटा येथे व्यापारी फिर्यादी प्रशांत गुलाबराव ठाकरे रा. मालवाडा यांनी दिनांक 22 11 2022 रोजी पोस्टला येऊन तक्रार दिली की त्यांचे निंबा फाटा येथील कृषी केंद्र दुकान अज्ञात चोरट्यांनी रात्री दरम्यान शटर वाकून दुकानातील नगदी 10,000/- रुपये चोरून नेले व तसेच माझे दुकान समोरील व्यापारी देवानंद अशोकराव पाथरिकर राहणार निंबा फाटा यांचे दुकानातील शटर वाकून वरील अज्ञात चोरट्यांनी नगदी 8000/- रुपये अशी दोन्ही दुकान फोडून अज्ञात चोरट्यांनी चोरी केल्याची पोलीस स्टेशन येथे फिर्याद दिली वरून अज्ञात आरोपी विरुद्ध कलम 461,380 भादविप्रमाणे गुन्हा दाखल करून तपासात घेतला.ठाणेदार अनंतराव वडतकार साहेब यांचे मार्गदर्शन तपास पथक तयार करून तात्काळ निंबा फाटा व परिसरातील सीसीटीव्ही फुटेज ची पाहणी करून व तांत्रिक साधनाचा वापर करून सदर आरोपींना काही दिवसातच छडा लावून संशयित आरोपींना नागपूर येथून ताब्यात घेतले आरोपी 1) धनंजय उर्फ चींना रामकृष्ण अप्पा रेड्डी वय 46 राहणार मगाल क्वाटर विकलांग क्वाटर इंदापूर रोड कादरी जिल्हा पटूपर्थी राज्य आंध्र प्रदेश,2) फरहान अहमद अब्दुल गफार वय 27 रा. इंदिरानगर कापूसतळणी तालुका अंजनगाव सुर्जी जिल्हा अमरावती ह.मू. हैदराबाद यांना ताब्यात घेऊन कसून चौकशी केली असता त्यांनी गुन्ह्याची कबुली दिली व त्यामध्ये अजून एक साथीदार शेख अन्सार शेख कयूम रा. अमरावती हा असल्याचे सांगितले आरोपींना अटक करून त्यांच्या जवळून मुद्देमाल जप्त करून आरोपी पोलीस स्टेशन उरळ पोलीस कस्टडी मध्ये असून पुढील तपास कार्यवाही सुरू आहे. कार्यवाही करणारे तपास पथक, ठाणेदार अनंतराव वडतकर, पोलीस अंमलदार संतोष भोजने, अनिल येनेवार, रवी हिंगणे, हरिहर इंगळे, शैलेश घुगे, कांताराम तांबडे यांनी कार्यवाही केली.

Yaval वीकी वानखेडे

यावल तालुक्यातील आठ ग्रामपंचायतीच्या सरपंच पदासह २९ प्रभागातील ७८ सदस्य निवडीसाठी १८ डिसेंबर रोजी होत असलेल्या निवडणुकीसाठी गुरुवारपर्यंत सरपंच पदासाठी ४१ तर सदस्य पदासाठी २२३ अर्ज प्राप्त झाले आहेत.

आज शुक्रवार दि. २ डिसेंबर रोजी उमेदवारी अर्ज दाखल करण्याचा शेवटचा दिवस असल्याने उमेदवारी आज अर्ज दाखल करण्यासाठी एकच गर्दी केल्याचे चित्र पहावयास मिळाले.

यावल तालुक्यातील मोठी ग्रामपंचायत असलेल्या न्हावी प्र यावल, चुंचाळे, पिळोदे बुद्रुक, पाडळसे, चिखली खुर्द, चिखली बुद्रुक, कासारखेडे, चितोडा या आठ गावांसाठी आठ सरपंच पदासह २९ प्रभागातील ७८ सदस्य निवडीसाठी १८ डिसेंबर रोजी निवडणूक होत आहे. उमेदवारी अर्ज भरण्यासाठी अंतिम दोन दिवस असताना गुरुवारी येथील तहसील कार्यालयात उमेदवारी अर्ज भरण्यासाठी गर्दी उसळली होती.

सरपंच पदासाठी आज दि. २ डिसेंबर हे उमेदवारी अर्ज भरण्यासाठी शेवटच्या दिवशी एकुण ४१ अर्ज तर ग्राम पंचायत सदस्य पदासाठी २२३ अर्ज दाखल झाले आहेत. आज शुक्रवारी उमेदवारी अर्ज दाखल करण्याचा अंतिम दिवस असल्याने यावलच्या तहसील कार्यालयात इच्छुक उमेदवारांची व त्यांच्या गावातील कार्यकर्त्यांची एकच गर्दी उसळली होती.

यावल तालुक्यातील या आठ ग्रामपंचायतच्या सार्वत्रिक निवडणुका भुसंपादन विभागाच्या अधिकारी शुभांगी भारदे , फैजपुर विभागाचे प्रांत अधिकारी कैलास कडलग, तहसीलदार महेश पवार यांच्या मार्गदर्शनाखाली आठ निवडणुक निर्णय अधिकारी म्हणुन कार्यभार सांभाळत आहे.