सुभाष मंडळाचे अध्यक्ष समाजसेवक अनिल लांबट यांचाही रा.काँग्रेस पक्षात प्रवेश

प्रदेश कार्याध्यक्ष जावेद हबीब यांच्या उपस्थितीत पार पडला पक्ष प्रवेश मेळावा…

प्रतिनीधी :-सचीन वाघे हिंगणघाट,

समुद्रपूर, सिंदी रेल्वे विधानसभा क्षेत्रातील भाजप पदाधिकारी ,कार्यकर्त्यांसह अनेकांनी शेकडोच्या संख्येत
राष्ट्रवादी काँग्रेस पक्षात प्रवेश केला. राष्ट्रवादी काँग्रेस सेलचे अल्पसंख्याक विभाग प्रदेश कार्याध्यक्ष जावेदजी हबीब यांच्या प्रमुख उपस्थितीत महावीर भवन येथे पक्ष प्रवेशाचा कार्यक्रम घेण्यात आला होता.
या कार्यक्रमाचे आयोजन राष्ट्रवादी काँग्रेस पक्षाचे प्रदेश सरचिटणीस ‘अतुल वांदिले’ यांनी केले होते.
कार्यक्रमाचे प्रमुख पाहुणे माजी केंद्रिय मंत्री तथा वर्धा जिल्हा संपर्क प्रमुख सुबोधजी मोहिते, वर्धा जिल्हा निरीक्षक राजाभाऊ टाकसाळे, जिल्हाध्यक्ष सुनील राऊत, अल्पसंख्याक प्रदेश उपाध्यक्ष खलीत साहेब, अल्पसंख्याक जिल्हाध्यक्ष नावेद शेख, माजी आमदार राजू तिमांडे, माजी नगरसेवक प्रलय तेलंग, जिल्हा सरचिटणीस दशरथ ठाकरे,
जिल्हा उपाध्यक्ष दिनकर घोरपडे, नागपूर जिल्हा निरीक्षक सुरेखाताई देशमुख, शहर अध्यक्ष विठ्ठल गुळघाने, माजी नगराध्यक्ष बबनराव हिंगणेकर, , युवक जिल्हा कार्याध्यक्ष सचिन पारसडे, ओबीसी सेल जिल्हाध्यक्ष हरीश काळे, जिल्हा उपाध्यक्ष पवन तिजारे ,
सिंदी रेल्वे शहराध्यक्ष गंगाधरजी कलोडे, चैनकरणंजी कोचर, कामगार नेते आफताब खान,
माजी नगरसेवक धंनजय बकाने, , अनिकेत कांबळे, माजी नगरसेवक अनिल भोंगाडे, यांची प्रमुख उपस्थिती होती.
यावेळी राष्ट्रवादी काँग्रेस पक्षाचे अल्पसंख्याकचे प्रदेश कार्याध्यक्ष जावेद हबीब बोलताना यांच्या हिंगणघाट येथील मतदार संघातील तरुणाईचा राष्ट्रवादी काँग्रेस पक्षाचे अध्यक्ष शरद पवार साहेब यांच्यावर यांच्या विचाराला प्रेरित होऊन पक्षात काम करण्यासाठी अतिशय उत्सुक आहेत. असा प्रचंड विश्वास तुमचा राष्ट्रवादी काँग्रेस पक्षावर असुद्या. याची अनुभूती आज तरुणांची गर्दी पाहून आली, असे प्रतिपादन प्रदेश कार्याध्यक्ष जावेद हबीब यांनी यावेळी व्यक्त केले.
हा तरुण राष्ट्रवादी काँग्रेस पक्षाकडे मोठ्या आशेने पाहत असून आपण त्यांच्या विश्वासाला तडा जाऊ न देता त्यांच्या मागे खंबीरपणे उभे राहिले पाहिजे. सर्व गटतट विसरून आपण सर्वांनी एकत्र यायला हवे. आपण एकत्र आलो तर जागा राष्ट्रवादी काँग्रेस हमखास जिंकेल, असा विश्वास जावेद हबीब यांनी यावेळी व्यक्त केला.
यामेळावामध्ये राष्ट्रवादी काँग्रेस पक्षात भाजप अल्पसंख्याकचे शहर अध्यक्ष मोहम्मद साबीरभाई ,सुभाष मंडळाचे अध्यक्ष अनिलभाऊ लांबट, रहीमभाई पट्टेवाले,सामाजिक कार्यकर्ते प्रवीण रघाटाटे, धनराज शेंडे, कृषी उत्पन्न बाजार समितीचे हमाल मापारी संघाचे समाजसेवक नानाभाऊ हाते यांच्यासह त्यांचे सहकारी, शिवसेनेचे कट्टर शिवसैनिक सुरेश तांदुळाकर,माजी सरपंच भास्करराव मानकर, ग्रा.सदस्य सौ. रंजना बावणे, समाजसेविका अर्चना कलोडे,सामाजिक कार्यकर्ते संजयभाऊ चौधरी, किरण तांदुळकर, भोई समाज क्रांति एकता दल उब्दा शाखा अध्यक्ष,सौ.वैशालीताई मेश्राम व त्याचे सहकारी,रोहित लेदे, माजी सरपंच दिलीप कुंभलकर, सुरेश कुलसंगे,नांदगाव ऑटो चौक युनियनचे पदाधिकारी, डॉ. ठाकुरदास रॉय, तलत पठाण, रेश्माताई मेश्राम, दर्शनाताई काळे, ज्योतीताई काळे, ज्योतीताई कापकर, आचलताई वकील, सपनाताई मुन्ने, अर्चनाताई डोंगरे, शम्मा अजुम, वैशालीताई भगत, रजनीताई महाकाळे, अश्विनिताई विश्नोई, रमेश भेदूरकर, झोंगुजी तुराळे, आकाश हुरले, राजू धात्रक, शाकिर अली यांच्यासह शेकडो लोकांनी राष्ट्रवादी काँग्रेस पक्षात पक्ष प्रवेश केला.

यावल ( प्रतिनिधी )विकी वानखेडे

येथील सातपुडा पर्वताच्या पायथ्याशी असलेला यावल हा आदीवासी तालुका अशी जिल्ह्यात ओळख असुन ,असे असले तरी एसटी बस आगार हे उत्पन्नात जळगाव जिल्ह्यात अग्रस्थानी आहे तरी देखील जुनाट व अतिशय जिर्ण झालेले बसस्थानक हे उपेक्षीत असुन मागील पाच ते सहा वर्षापासुन प्रवासी या बसस्थानकाच्या नुतनीकरण कधी होणार याची वाट बघत आहे . यावलचे एसटी बस आगार हे सुमारे पन्नास वर्षापेक्षा अधिक जुने असुन संपुर्ण बसस्थानकची ईमारत जिर्ण अवस्येत आहे . नाशिक विभागात व जळगाव जिल्हाात प्रवासी सेवा व उत्पन्नात नेहमीच अग्रस्थानी राहणाऱ्या यावल आगाराच्या बसस्थानकाची अवस्था ही अत्यंत बिकट व दयानिय झाली आहे .विशेष म्हणजे जळगाव जिल्ह्यातील जवळपास सर्व बस स्थानकांच्या ईमारतीचे नुतनीकरण झाले असून , यावल कडे मात्र लोकप्रतिनिधी , महामंडळाचे वरिष्ठांचे लक्ष का जात नाही असा प्रश्न सर्वसामान्य प्रवासांना पडला आहे .विशेष म्हणते यावल तालुक्यातील फैजपुर शहरातील बसस्थानकाचे नुतनीकरण झाले तरी यावल बसस्थानकाचे का नाही असा प्रश्न नागरीकांसमोर निर्माण झाला आहे.तालुक्याचे मुख्य शहर असतांना ही पन्नास वर्षा पेक्षा ही अधिक दिर्घ काळातील बांधलेले यावलच्या बसस्थानकाची अवस्था सर्व पातळीवर अतिश्य जिर्ण जुनाट झालेल्या बस स्थानकाच्या भिंती बांधकाम कोसळत आहे तरी देखील कुणी लक्ष देण्यास तयार नसल्याचे दिसून येत आहे . या विषयाला घेवुन प्रवासांचे हित लक्षात घेता यावल तालुका प्रवासी संघटनेचे अध्यक्ष जगदीश कवडीवाले यांनी सातत्याने बसस्थानकाची ईमारतीचे नुतनीकरण व्हावे याचा शासन दरबारी पाठपुरावा केला होता .मध्यांतरी सदरच्या बस स्थानकाच्या नुतन ईमारतीस निधी उपलब्ध झाल्याची चर्चा रंगु लागली होती मात्र खऱ्या अर्थाने पाठपुरावा झाला नसल्याने सदरच्या बसस्थानक नुतनीकरणाच्या कामाकडे सर्वांचे दुर्लक्ष झाल्याने अद्याप पर्यंत कामास मान्यता मिळवण्यात प्रगती झाली नसल्याचे दिसुन येत आहे . यावल आगाराला मागील तीन वर्षापासुन कायमस्वरूपी कार्य करणारे आगार व्यवस्थापक नसल्याने देखील अनेक समस्या निर्माण झाल्यात , मात्र आता यावल आगारास दिलीप महाजन यांच्या रूपाने कायमस्वरूपी एक कार्यकुशल व अभ्यासु एसटी आगार व्यवस्थापक मिळाल्याने आगाराच्या प्रलंबीत जुनाट व जिर्ण झालेल्या नुतनीकरण ईमारतीसह ईतर प्रवासांच्या समस्यांचे निराकरण होईल अशी अपेक्षा व्यक्त होत आहे .

प्रतिनिधी अशोक भाकरे

उरळ पोलिस स्टेशन अंतर्गत झुरळ बु.येथे दोन ठिकाणी विनापरवाना अवैधरित्या देशी दारूची विक्री करताना दोन इसमांना पोलिसांनी रंगेहाथ पकडुन त्यांच्याकडून दोन हजार चारशे रुपये किंमतीची देशी दारूचे 30 क्वाटर जप्त करून दोन जणांविरुद्ध उरळ पोलिसांनी 23 नोव्हेंबर रोजी सायंकाळी 7 वाजताच्या दरम्यान गुन्हा दाखल केला आहे झुरळ बु.येथे दोन इसम राहत्या घरातुन गेल्या काही दिवसांपासून विनापरवाना अवैधरित्या देशी दारूची विक्री करत असल्याची गोपनीय माहिती ठाणेदार अनंतराव वडतकर यांना मिळाली होती.त्या माहीतीच्या आधारावर सापळा रचून होते.त्यादरम्यान सदानंद भोजने हा त्यांच्या राहत्या घराच्या अंगणातून अवैधरित्या देशी दारु विक्री करत होता तेव्हा पोलिसांनी त्याला रंगेहाथ पकडुन त्यांच्याकडून देशी दारूची 18 क्वाटर असा 1हजार 440 रुपयांचा मुद्देमाल जप्त करून सदानंद विरूद्ध पोलिसांनी गुन्हा दाखल केला आहे तसेच त्याच गावातील अनिल तायडे यालासुद्धा देशी दारूची विक्री करताना पोलिसांनी त्याला रंगेहाथ पकडुन त्यांच्याकडून 960 रूपये किंमतीचे देशी दारूचे 12 क्वाटर जप्त करून अनिल तायडे विरूद्ध पोलिसांनी गुन्हा दाखल केला आहे ही कारवाई ठाणेदार अनंतराव वडतकर,व त्यांचे कार्यकर्ते बीट जमादार विजय झाकरडे, रघुनाथ नेमाडे, कांताराम तांबडे यांनी केली आहे

सचिन वाघे प्रतिनिधी

हिंगणघाट :- 24 नोव्हेंबर
स्कूल ऑफ स्कॉलर्स, हिंगणघाट यांनी इयत्ता 7 वी आणि 8 वी साठी पी व्ही टेक्सटाईल, जाम येथे औद्योगिक भेटीचे आयोजन केले होते. जिथे विद्यार्थ्यांना वास्तविकतेमध्ये
संस्थात्मक समायोजन मध्ये अंतर्दृष्टी प्रदान करते. पी व्ही. टेक्सटाईल ने भारतातील सर्वोच्च दर्जाच्या फॅब्रिक उत्पादकांच्या यादीत स्वतःचे नाव कोरले आहे. ही मिल जाम येथे आहे आणि भारतातील अग्रगण्य कापड गिरण्यांपैकी एक आहे. या भेटीत विद्यार्थ्यांनी औद्योगिक भेटीतून कापड गिरणीचे कामकाज समजून घेतले. संस्थेच्या प्रत्यक्ष अनुभवासह सैद्धांतिक ज्ञान त्यांना वस्त्रोद्योग क्षेत्रात उल्लेखनीय कारकीर्द घडवण्यास मदत करते. पीव्ही टेक्सटाइल्सच्या अर्चनाजी यांनी विद्यार्थ्यांना कामाच्या पद्धती, उत्पादन लाइन, वितरण वाहिन्या आणि रोजगार पद्धती याविषयी समजावून सांगितले. व्यवस्थापक श्री भूपेंद्रजी शहाणे यांनी विद्यार्थ्यांनी व्यावसायिक बनून आपल्या करिअर साठी ध्येय निश्चित करण्याचे आवाहन केले.

हा दौरा आणि प्रशासकीय अधिकारी प्रदीप जोशी आणि शैक्षणिक समन्वयक सौ.संतोषी बैस शिक्षक श्री.अभिनव जैस्वाल आणि सौ.प्रतिभा झिले यांच्यासोबत केला. शाळेच्या मुख्याध्यापिका कु. शिल्पा चव्हाण यांनी सहलीवरून परतल्यानंतर विद्यार्थ्यांशी मुख्य मुद्द्यांवर चर्चा केली आणि भविष्यात या ज्ञानाचा उपयोग करण्यास सांगितले. शाळेच्या या प्रयत्नाचे पालकांनी कौतुक केले.