(तुकाराम राठोड)
जालना-तालुक्यातील ग्रामीण भागामध्ये रस्त्याची अतिशय दयनीय अवस्था निर्माण झाली असून,सार्वजनिक बांधकाम विभागाने लक्ष देण्याची गरज आहे.अशी नागरिकांची दिवसेंदिवस मागणी होत आहे.तरीपण सार्वजनिक बांधकाम विभाग याकडे दुर्लक्ष करीत आहे.बांधकाम विभागाचे अधिकारी झोपेचे सोंग घेत आहे. की काय अशी भावना नागरिकांच्या मनात वारंवार निर्माण झाली आहे.तसेच मागील बऱ्याच दिवसापासून सोशल मीडिया,प्रिंट मीडिया तसेच युट्युब चायनल च्या माध्यमातून अनेक जणांनी या रस्त्या संदर्भात शासन- प्रशासनावर आरोप- प्रत्यारोप केले आणी पहावयास मिळाले.तसेच सावंगी-पाहेगाव चौफुली ते नेर व पाथरूड-मानेगाव-रामनगर रस्त्याची अवस्था अतिशय खराब झाली आहे.त्यामुळे रस्त्यावर जागो-जागी खड्ड्त रस्ते की रस्त्यात खड्डे अशी स्थिती निर्माण झाली आहे.तसेच ऐजा करणाऱ्या प्रवाशांना तारेवरची कसरत करावी लागत आहे.तसेच एसटी बस सेवा देखील मागील बऱ्याच दिवसापासून बंद आहे.सदर ठिकाणी ये-जा करणाऱ्या प्रवासांना व खाजगी वाहनांना जास्त प्रमाणात प्रवाशी भाडा द्यावा लागत आहे.तसेच ग्रामीण भागातील ऐजा करणारे नागरिकांना व वाहनधारकांना याचा फार मोठा त्रास होत असून,याचा नाहक भुर्दंड त्यांना सोसावं लागत आहे.या रस्त्यावरुन दवाखान्यामध्ये जाण्यासाठी नागरिकांना विलंब लागत असल्यामुळे अनेकांना आपलं जीव गमवावा लागला आहे.त्यामुळे सार्वजनिक बांधकाम विभाग याला जबाबदार म्हणावे लागतील.या भागातील रस्त्याची त्वरित देखभाल दुरुस्ती व डाग-डुगी करावी व नवीन व सिमेंट काँक्रिटीकरण रस्त्यासाठी शासनाकडे प्रस्ताव पाठवावे.अशी मागणी मानेगाव व मौजपुरी सर्कल तसेच जालना तालुक्यातील ग्रामीण भागातील नागरिकांच्या वतीने मागणी होत आहे.अन्यथा आपल्या कार्यालयासमोर लोकशाही मार्गाने आंदोलन केली जाईल.तसेच
या रस्त्यासाठी दिनांक ०७/११/२०२२ रोजी सोमवारी १२ वाजता जिल्हाधिकारी कार्यालय जालना येथे निवेदन देण्यात आले होते.पण काही प्रमाणात प्रशासनाला जाग आली व अधिक प्रमाणात जाग करण्यासाठी परिसरातील सर्व नागरिकांनी दिनांक १६/११/२०२२ रोजी जिल्हाधिरी कार्यालय जालना येथे सकाळी १० वाजता मोठ्या संख्येने उपोषणाला उपस्थित राहावे असे आवाहन रस्ता संघर्ष समितीतर्फे करण्यात येत आहे.
