यावल ( प्रतिनिधी )विकी वानखेडे

तालुक्यातील किनगाव गावातुन आज्ञात चोरट्यांनी मामाची मोटरसायकल भाच्या घरून चोरून नेल्याचा प्रकार समोर आला असून , पोलीस ठाण्यात याबाबत गुन्हा दाखल करण्यात आला आहे . या संदर्भात पोलीस सुत्रांकडुन मिळालेली मिळालेली माहीती अशी किनगाव खु॥ तालुका यावल येथील राहणार सरफराज युनुस पिंजारी वय२५ वर्ष यांने आपले मामा शेख नईम शेख सलमी पिंजारी राहणार आमोदा तालुका यावल यांची बजाज कंपनीची अंदाजीत ७ हजार रूपये किमतीची पॅलेटिना मॉडेलची काळया रंगाची एमएच १९ एटी८८५०या क्रमांकाची मोटरसायकल दिनांक ६ नोव्हेबर रोजी घरासमोर लावलेली असतांना रात्रीच्या वेळी अज्ञात चोरटयांनी चोरून नेल्याचा प्रकार दिनांक ७ नोव्हेबर रोजी सकाळी समोर आला आहे. सरफराज पिंजारी हे नेहमी प्रमाणे पाणी भरण्यास बाहेर आले असता हा प्रकार दिसुन आला याबाबत पिंजारी यांनी तक्रार दिल्याने यावल पोलीस ठाण्यात अज्ञात चोरटयाविरुद्ध गुन्हा दाखल करण्यात आला असुन,पुढील तपास सहाय्यक फौजदार विजय पाचपोळे हे करीत आहे .सरफराज पिंजारी यांनी आपले मामा यांच्याकडुन ही मोटरसायकल शेतीच्या कामासाठी वापरण्यास घेतली होती त्यामुळे मामाची मोटरसायकल ही भाच्याच्या घरून चोरीस गेल्याचा हा प्रकार बोलला जात आहे .

राज्याचे कृषी मंत्री आणि शिंदे गटातील आमदार अब्दुल सत्तार यांनी खासदार सुप्रिया सुळेंबाबत आक्षेपार्ह वक्तव्य केल्यामुळे चांगलेच अडचणीत सापडले आहेत. याप्रकरणी राष्ट्रवादी काँग्रेस कार्यकर्ते आक्रमक झाले असून ठिकठिकाणी आंदोलन करत आहेत.या वक्तव्यावरून आमदार,महिला नेत्या आणि कार्यकर्त्याही चांगल्याच संतापल्या आहेत.
हर्षल पाटील फदाट यांनीही अब्दुल सत्तारांना महाराष्ट्र फिरू देणार नाही असा इशारा दिला आहे.हर्षल पाटील म्हणाले की, शिंदे सरकारमधील मंत्री सातत्याने राजकारणातील महिलांविषयी अपशब्द वापरत आहेत. आज अब्दुल सत्तार यांनी सुप्रिया सुळे यांच्याबद्दल अपशब्द वापरले. अब्दुल सत्तार आपण किती दलिंदर विचारांचे आहात. आपण मंत्री होण्याच्या पात्रतेचे आहात का? आपण जाणूनबुजून महिलांबाबत जे बोलता हे महाराष्ट्रासाठी घातक आहे. तुम्ही सुप्रिया सुळे यांची माफी मागा,नसता यापुढे तुम्हाला महाराष्ट्रात फिरू देणार नाही, तुमची मंत्री होण्याची लायकी नाही, तुम्ही राजीनामा दिला पाहिजे, अशी संतप्त प्रतिक्रिया हर्षल पाटील फदाट यांनी दिली आहे.

यावल तालुका प्रतिनिधी .
विकी वानखेडे

हिंगोणा गावात पाच जलकुंभ असून ते जलकुंभांना चाळीस ते पंचेचाळीस वर्ष झाल्यामुळे त्या जलकुंभांची मुदत संपली असून जलकुंभ तात्काळ पाडून नवीन बांधकाम करण्यात यावे अशी तक्रार गावातील ग्रामस्थ ग्रामपंचायतीला नेहमी करीत होते त्या अनुषंगाने ग्रामपंचायत कार्यकारी मंडळाने सन १७/१८ या कालावधीमध्ये शासनाला पत्र दिले की मुख्यमंत्री पेयजल योजने अंतर्गत गावात नवीन जलकुंभाची उभारणी करावी गावात सन १८/१९या वर्षात १लाख लिटरचे जलकुंभ या योजनेत मंजूर झाले हिंगोणा ग्रामपंचायतीने रितसर जागेचा ठराव पाठवून हे जलकुंभ वि का सोसायटी परिसरात उभारणीचे काम ठरवीले परंतु काही ग्रामस्थांनी ग्रामीण पाणी पुरवठा विभाग यावल यांच्याकडे अर्ज दिले की ठेकेदार हे कामावर पाणी मारत नसून संपूर्ण निकृष्ट दर्जाचे काम केले जात आहे त्यामुळे गावातील ग्रामस्थांनी तीन महिने काम बंद केलेले होते मुख्यमंत्री पेयजल योजना ही ४७.३५लाख अंदाजीत रक्कम असून या योजनेत डोंगर हाड र्चौकातील २. लाख लिटर जलकुंभाची दुरुस्ती करणे गावात वितरण व्यवस्था करणे नवीन एक लाख लिटर जलकुंभाला तार कंपाऊंड करणे असे काम या योजनेत आहे परंतु एकही काम झालेले नाही फक्त पिण्याच्या टाकीचा सांगाडा उभा केलेला दिसत आहे भर उन्हाळ्यात हिवाळात पाण्याची टंचाई असल्यामुळे गावात पिण्याच्या पाण्याचा प्रश्न निर्माण होऊ शकतो येथे चार वर्षांपूर्वी मुख्यमंत्री पेजल योजना मंजूर होऊन आज तीन वर्षे पूर्ण होत आहे तरीदेखील या योजनेचे काम अपूर्णावस्थेत असून भर उन्हाळ्यात येथील ग्रामस्थांना या योजनेचा काय फायदा असे ग्रामस्थांकडून बोलले जात आहे पाण्याच्या टाकीचे काम अपूर्ण अवस्थेत असून ते पूर्ण न करता पाईपलाईनचे काम ज्या भागात पाहिजे त्या भागात केली नाही ती पाईपलाईन दुसऱ्याच भागात केली गेली आहे पण ते सुद्धा मोजकीच केलेली आहे अशा योजनेचा गावाला फायदा काय ही योजना फक्त अधिकार्यांच्या व ठेकेदाराच्या फायद्यासाठी आहे का असे हिंगोणा परिसरातून व गावातून बोलले जात आहे की ठेकेदाराच्या मनमानी कारभारामुळे होत आहे काम अपूर्णावस्थेत असून सुद्धा पाईपलाईनचे काम करणे व सात टक्के बिल काढणे हे कितपत योग्य आहे तात्पुरत्या स्वरुपाची दुसर्या भागात पाईपलाईन टाकून ते पाण्याच्या टाकीला जोडण्यात आले आहे का याची सुद्धा वरीष्ठ पातळी वरून चौकशी झाली पाहिजे तसेच गुलदस्त्यात आहे तरी काय .आंधळं दळतं आणि कुत्रं पीठ खातं अशी या योजनेचे गत हिंगोणा गावात झाली आहे या योजनेअंतर्गत 47 लक्ष एवढा निधी प्राप्त झाला आहे परंतु पाण्याच्या टाकीचे काम हे बद असल्याने या योजनेचा ग्रामस्थांना काही एक फायदा होत नसल्याने ग्रामस्थांमधून तीव्र नाराजी व्यक्त होत आहे तसेच पाणी पुरवठा योजनेचे कर्मचारी यांचे सुद्धा दुर्लक्ष असून याकडे भिजत घोंगडे करून जाणीवपूर्वक दुर्लक्ष करत असल्याचा आरोप ग्रामस्थ करीत आहेत
प्रतिक्रिया
प्रतिष्ठित शेतकरी मनोज भाऊ वायकोळे हिंगोणा
हिंगोणा गावात सत्तेचाळीस लाख रु मुख्यमंत्री पेयजल योजनेचा निधी येऊन बरेच दिवस होऊनसुद्धा ठेकेदार व अधिकार्यांच्या दुर्लक्षतेमुळे काम बंद अवस्थेत आहे त्यामुळे हिगोणा गावांचा पाणीप्रश्न केव्हा सुटेल यांची खंत वाटत आहे
प्रतिक्रिया
माजी ग्रामपंचायत सदस्य विजय सिंग रुपसिंग पाटील हिंगोणा
महाराष्ट्रात हिंगोणा ग्रामपंचायत ही दोन नंबर ग्रामपंचायत असून या गावामध्ये मुख्यमंत्री पेयजल योजनेचे तीनतेरा झाल्याचे दिसत आहे
प्रतिक्रिया
देविदास फालक हिंगोणा
महाराष्ट्र शासनाच्या दृष्टिकोनातून गावोगावी पाणीटंचाई निर्माण होऊ नये यासाठी मुख्यमंत्री पेयजल योजना हे गावात मंजूर असून वरिष्ठ अधिकाऱ्यांच्या दुर्लक्षतेमुळे व ठेकेदारचा हलगर्जीपणामुळे या योजनेचे काम शुन्य प्रतीचे दिसत आहेत अशा कामांची तात्काळ चौकशी करण्यात यावी

विकी वानखेड़े यावल

मौजे कोरपावली येथे पेव्हर ब्लॉक बसविणे कामाचे माजी आमदार चंद्रकांत दादा सोनवणे यांच्या मार्गदर्शनाखाली व माननीय आमदार लताताई सोनवणे यांच्या शुभ हस्ते स्थानिक विकास निधी अंतर्गत विकास कामाचे उद्घाटन .
माजी आमदार माननीय चंद्रकांत दादा सोनवणे यांच्या मार्गदर्शनाखाली कोरपावली येथे उद्घाटन सोहळा संपन्न झाला. गावामध्ये माननीय आमदार यांचे आगमन होताच फटाक्यांची आतिषबाजी तसेच ढोल ताशांच्या गजरात मोठ्या उत्साहाने धुमधडाक्यात स्वागत गावकऱ्यांच्या वतीने स्वागत करण्यात आले. सदरील काम हे पाटील वाडा परिसरात असून अंदाजित किंमत ही 5 लक्ष आहे. सदर कार्यक्रमास सरपंच विलास अडकमोल, मोहराळा सरपंच नंदा गोपाळ महाजन, ग्राम पंचायत सदस्य सत्तार तडवी, आरिफ तडवी, जुम्मा तडवी, शाखा अध्यक्ष भरत चौधरी शाखा उपाध्यक्ष प्रविण अडकमोल, अविनाश अडकमोल, भिमराव इंधाटे, किसन तायडे, समाधान अडकमोल, मनोज अडकमोल, अजय अडकमोल, उमेश जावळे, गजानन कोळी, सूर्यभान पाटील, भरत चौधरी सर, प्रकाश कोळी, समाधान कोळी, अरुण भालेराव, विक्की अडकमोल, सचिन भालेराव, माजी ग्रा. पं. सदस्य राजू पाटिल, दत्तात्रय महाजन, युगल पाटील, प्रमोद महाजन, विनायक पाटील विशेष करून या कार्यक्रमास महिलांची उपस्थिती ही लक्षणीय होती. तसेच या विकास कामांच्या प्रसंगी माननीय आमदार लताताई सोनवणे तसेच माजी आमदार चंद्रकांत दादा सोनवणे यांचे समस्त गावकऱ्यांच्या वतीने सरपंच विलास अडकमोल यांनी आभार मानले. तसेच विकास कामांचे उद्घाटन झाल्याने संपूर्ण गाव हे माननीय आमदारांचे कौतुक करत आहे.

यावल ( प्रतिनिधि)विकी वानखेडे

महाराष्ट्रातील वीज ऊद्योगातील कंत्राटी कामगारांचे अनेक महत्वपूर्ण विषयांवर मागील सरकारने पुर्णपणे निक्रीयता दाखविल्यामुळेच कामगारांचे प्रश्न प्रलंबितच राहीले आहेत , त्यामुळे प्रलंबित प्रश्नांबाबतीत महाराष्ट्र वीज कंत्राटी कामगार संघा सोबत लवकरच सविस्तर बैठक आयोजित करून निश्चीतच कामगारांना न्याय देण्यासाठी प्रयत्न करण्यात येईल असे आश्वासन ना. देवेंद्र फडणवीस उपमुख्यमंत्री व उर्जा मंत्री महाराष्ट्र राज्य यांनी महाराष्ट्र वीज कंत्राटी कामगार संघ ( संलग्न भारतीय मजदूर संघ) च्या शिष्टमंडळाला मंगळवार दिनांक 1 नोव्हेंबर रोजी मंत्रालय मुंबई येथे झालेल्या बैठकीत दिले आहे.

या शिष्टमंडळात कोथरुड विधानसभेच्या माजी आमदार व राष्ट्रीय महिला मोर्चाच्या उपाध्यक्षा मा.प्रा.डॉ.सौ:मेधाताई कुलकर्णी, महाराष्ट्र वीज कंत्राटी कामगार संघांचे ज्येष्ठ मार्गदर्शक मा.अण्णाजी देसाई, संघटनेचे अध्यक्ष निलेश खरात, सरचिटणीस सचिन मेंगाळे, महाराष्ट्र वीज कामगार महासंघाचे महामंत्री अरूण पिवळ, उपमहामंत्री प्रशांत भांबुर्डेकर इत्यादी उपस्थित होते.

संघटनेच्या वतीने कामगारांचे महत्वपूर्ण मागण्या बाबतीत सविस्तर निवेदन ऊर्जामंत्री यांना दिले आहे. इतर राज्या प्रमाणे महाराष्ट्रातील कंत्राटी कामगारांना कायम करावे याची सुरुवात वीज कंपनीतील कंत्राटी कामगारांच्या पासून करावी असे निवेदनात नमूद आहे. या साठी विशेष पाठपुरावा करण्याचे आश्वासन मा.प्रा.डॉ.सौ:मेधाताई कुलकर्णी यांनी संघटनेला दिले आहे.
सचिन भावसार प्रदेश उपाध्यक्ष महाराष्ट्र वीज कंत्राटी कामगार संघ संलग्न भारतीय मजदुर संघ महानिर्मिती व भुषण सुरवाडे जिल्हाध्यक्ष जळगांव जिल्हा महाराष्ट्र वीज कंत्राटी कामगार संघ संलग्न भारतीय मजदुर संघ

यावल ( प्रतिनिधी )विकी वानखेडे

शहरातील धनगरवाडा परिसरात राहणार आहे का व्यक्तीने गडफास घेऊन आत्महत्या केल्याची घटना उघडकीस आली आहे याबाबत यावल पोलीस ठाण्यात घटनेची नोंद करण्यात आली आहे येथील शहरातील धनगरवाडा परिसरात राहणारे राजेंद्र गंगाधर कचरे वय ५२ वर्ष धंदा मजुरी हे आपल्या कुटुंबासह राहत असून दिनांक ५ / ११ / २०२२ रोजी आपल्या कुटुंबासह घरात झोपले असता रात्री २ वाजेच्या सुमारास त्यांची पत्नी शोभाबाई कचरे यांना जाग आल्याने त्यांना राजेन्द्र कचरे हे खाटीवर मिळवुन आले नाही तेव्हा त्यांचा शोध घेतले असता तेव्हा कचरे हे आपल्या घरा समोरील धनगरवाडयातील स्वस्त धान्य दुकानाच्या मागील बाजुस असलेल्या निंबाच्या झाडाला दोरी गळफास घेत आत्महत्या केल्याचे दिसुन आले आहे . या संदर्भातील मयत राजेन्द्र कचरे यांचा मुलगा धनराज राजेन्द्र कचरे यांनी खबर दिल्यावरून यावल पोलीस ठाण्यात अक्समात मृत्युची नोंद करण्यात आली आहे . मयत राजेन्द्र कचरे यांच्या मृतदेहावर यावल ग्रामीण रुग्णालयाचे वैद्यकीय अधिकारी डॉ सचिन देशमुख यांनी शवविच्छेदन केले . घटनेचा पुढील तपास सहाय्यक फौजदार विजय पाचपोळे हे करीत आहे . यावल तालुक्यातील आठवडयाभरातील आत्महत्या करण्याची ही पाचवी घटना सर्वत्र चर्चचा विषय .