सचिन वाघे जिल्हा प्रतिनिधी

हिंगणघाट दि.३० ऑक्टोबर
घर बंद करुन मुलीचे लग्न असल्याने पाहुण्यासह सर्व कुटुंबिय मंगल कार्यालयात मुक्कामी गेल्याचे पाहुन चोरट्यांनी नगदी रक्कमे सह सोनेचांदीचे दागिने चोरी केल्याची घटना आज दि.३० रोजी उघडकिस आली.
सदर घटना स्थानिक इंदिरा गांधी वार्ड येथील रहिवासी अशोक श्रावण फूलमाळी(६२) यांचे घरी काल रात्री घडली असून चोरट्यांनी नगदी रुपये ६ हजार ७०० व सोने चांदीचे दागीन्यासह
एकूण ३१ हजार,८०० रूपयांचा माल उडविला.
मिळालेल्या माहितीनुसार श्री अशोक फूलमाळी हे सेवानिवृत्त रेल्वे कर्मचारी आहेत,स्थानिक वसंत लॉन येथे त्यांची मुलगी कु.प्रिया हिचे लग्न असल्याने काल दि.२९ रोजी लग्नकार्यासाठी आलेल्या पाहुण्यासह सर्व कुटुंबिय विवाहस्थळी वसंत लॉन येथे निघुन गेले,घरी कुणी नसल्याचे पाहुन चोरट्यांनी रात्रीतून हाथ साफ करीत ३ ग्राम वजनाची सोन्याची पोत,चाँदीचे इतर दागिने व रोख रक्कम असा एकूण ३१ हजार,८०० रुपये किंमतीचा मुद्देमाल उडविला.
आज सकाळी कुटुंबातील सदस्य मुलगी घरी गेल्यामुळे सदर चोरीची घटना उघडकिस आली.
घटनेची तक्रार हिंगणघाट पोलिसांत दाखल करण्यात आली असून पोलिस हवालदार परमेश्वर झामरे,नापोशी आशीष गेडाम हे पुढील तपास करीत आहेत.

सचिन वाघे जिल्हा प्रतिनिधी

हिंगणघाट :- 29 ऑक्टोंबर
शहरात महिलांवर होणाऱ्या हिंसाचाराचा घटना वाढत आहेत शहरातील युवती मध्ये दहशतीचौ वातावरण आहे,अशा घटना लक्षात घेत समाजसेवक सनी बासनवार यांची शहरात चार्ली पथक सुरू कराण्याची मागणी पोलीस अधीक्षकांकडे केली.
शहरात टवाळखोरी च प्रमाण वाढत चाललं आहे.बसस्टाॅप,नंदोरी चौक,बिडकर कॉलेज,झांसी यांनी चौक या परीसरात जास्त या घटना घडत आहे तसचं हिंगणघाट शहरात गेल्या तीन वर्षांत अनेक प्रकरणं झाले आहे यात अंकिता जळीतकांड व अन्य प्रकरण घडले आहे, या घटनांना लक्षात घेता शहरात चार्ली पथकाची गरज आहे यावर चर्चा करण्यांत आली यावर निर्णय घेत शहरात चार्ली पथक सुरू करण्यात यावे अशी मागणी अखिल भारतीय विद्यार्थी परिषद सहमंत्री सनी बासनवार यांनी केली .

सचिन वाघे जिल्हा प्रतिनिधी

हिंगणघाट :- 29 ऑक्टोंबर
दि 19 सप्टेंबर चे दुपारी 4 ते 5 वा. दरम्याण फिर्यादी ही भुमी अभिलेख कार्यालय, हिंगणघाट येथे त्यांचे जवळील डेल कंपनीचे शासकिय लॅपटॉपवर काम करीत असता, कोणीतरी अज्ञात चोराने त्यांचे कार्यालयातून शासकिय लॅपटॉप चोरून नेल्याचे तक्रारी वरून पोस्टे ला अपराध क्र. 1002/2022 कलम 380 भादंवि प्रमाणे गुन्हा नोंद .
सदर गुन्हा दाखल होताच पो. स्टे हिंगणघाट येथील गुन्हे प्रकटीकरण शाखेचे प्रथक प्रमुख पो. हवा. शेखर डोंगरे व त्यांचे पथक लॅपटॉप चोरी गेल्या पासुन पो. स्टे. हद्दीमध्ये शोध घेत असता, त्यांना दिनांक 27 ऑक्टोंबर रोजी मुखबीर कडून मिळालेल्या माहितीवरून संशईत आरोपी नामे अशोक गोविंदराव भगत, वय 58 वर्ष, रा. विर भगतसिंग वार्ड, हिंगणघाट यास ताब्यात घेवून विचारपुस केली असता, त्याने सदरचा लॅपटॉप चोरी केल्याची कबुली दिल्याने त्याचे ताब्यातुन एक डेल कंपनीचा लॅपटॉप कि. 45,000 रू. चा हस्तगत केला.
सदरची कामगीरी मा. श्री. नुरूल हसन, पोलीस अधीक्षक, मा. श्री. यशवंत सोळंके, अपर पोलीस अधीक्षक, वर्धा, मा. श्री. पियुष जगताप, उपविभागीय पोलीस अधिकारी, हिंगणघाट, पो.नि. श्री. कैलास पुंडकर, पोलीस स्टेशन, हिंगणघाट यांचे मार्गदर्शनात डि. बी. पथकाचे पो.हवा. शेखर डोंगरे, नापोशि. निलेश तेलरांधे, सचिन घेवंदे, विशाल बंगाले, पोशि सचिन भारशंकर यांनी केली आहे.

कोरपना – अतिवृष्टीमुळे नुकसान झालेल्या कोरपना तालुक्यातील शेतकऱ्यांना इतर तालुक्या प्रमाणे सरसकट नुकसान भरपाई मिळणे बाबत आमदार सुभाष धोटे व उपविभागीय अधिकारी संपत खलाटे यांना शेतकऱ्या तर्फे निवेदन देण्यात आले.
अतिवृष्टी व पुरामुळे पैनगंगा वर्धा नदी तीरावरील भोयगाव ,भारोसा , एकोडी , पिपरी, अंतरगाव , कोडशी, इरई, परसोडा ,पारडी, जेवरा, रायपुर, मेहंदी, भोईगुडा, तुळशी आदी गावात शेत पिकांचे मोठ्या प्रमाणात नुकसान झाले. यातील बऱ्याच गावात तीन ते चारदा पिके खरवडून वाहून गेली. या अनुषंगाने शासनातर्फे १३ हजार ६०० रुपये ची मदत तीन हेक्टर पर्यंत जाहिर करण्यात आले. मात्र कोरपना तालुक्यात प्रत्यक्षात थातुर मातूर सर्व्हे करून अत्यल्प नुकसान भरपाई देण्यात आली. त्यामुळे पुनच सर्वेक्षण करून मदत देण्यात यावी अशी मागणी निवेदनातून करण्यात आली. निवेदन देते वेळी विजयराव बावणे
सुरेश मालेकर, किसन डोंगे, राजू ठाकरे, अविनाश लांजेकर, राजेंद्र पाचभाई, रमेश बोंडे, दिनकर टाले, घनश्याम काळे, बंडू गेडाम आदी सह मोठ्या संख्येने शेतकरी उपस्थित होते. सुर्या मराठी न्यूज साठि मनोज गोरे कोरपणा-चंद्रपूर

सचिन वाघे जिल्हा प्रतिनिधी

हिंगणघाट :- 27 ऑक्टोबर
फिर्यादी जख्मी नामे प्रज्वल विठठलराव वरभे वय 20 वर्शे रा. सातेफळ त. हिंगणघाट जि. वर्धा हे दि. 27 ऑक्टोंबर रात्री 9 वाजता दरम्यान आपले मोबाईल दुकानातील काम संपवुन त्याची एक्टीव्हा मोपेड क्रमांक एम.एच. 32/ए.ए./0940 ने एकटे सातेफळ गावाकडे परत जात असता रात्री 9.15 ते 9.30 वाजता दरम्यान सातेफळ रोडवरील घोडे यांचे शेताजवळील विहीरीजवळ तिन अनोळखी ईसमांनी गाडीला आडवे होवुन गाडी थांबवीली नंतर फिर्यादी यास गाडीवरून हात धरून खाली पाडले. फिर्यादी यास लाथाबुक्क्याने मारहाण करून धारदार शस्त्राने शरीरावर ठिकठिकाणी वार करून जख्मी केले नंतर जख्मी फिर्यादी याचा रेडमी कंपनीचा मोबाईल, सॅमसंग कंपनीचा मोबाईल आणी पॅंटचे खिष्यातील 1000/- रूपये जबरीने काढुन फिर्यादी जख्मी याची पांढऱ्या रंगाची एक्टीव्हा मोपेड क्रमांक एम.एच. 32/ए.ए./0940 असा एकुण जुमला किंमत 46,000/- रू चा माल जबरीने चोरून घेवुन गेले. जख्मी/ फिर्यादी यांचे मृत्युपुर्व बयाणावरून पो.स्टे. हिंगणघाट येथे अप. क्रमांक 1099/2022 कलम 394, 397, 34 भादवि प्रमाणे गुन्हा नोंद करून तपासात घेतला.
प्रस्तुत गुन्हयाचे तपासात अन्वेषण अधिकारी श्री. सोमनाथ टापरे पोलीस उप निरीक्षक आणी गुन्हे प्रगटीकरण पथकाचे पो.हवा. विवेक बनसोड यांनी व त्यांचे पथकाने कसोशीने आणि शीताफीने प्रयत्न करून आरोपी नामे 1) भोजराज तुकारामजी जंगले वय 37 वर्ष, रा. भिमनगर वार्ड हिंगणघाट 2) आकाश उल्हास उईके वय 29 वर्ष, रा. सेलु मुरपाड आणी 3) निखीलअशोक भोकरे वय 18 वर्षे रा. संत चोखोबा वार्ड हिंगणघाट यांना निष्पन्न करून ताब्यात घेतले. त्यांचे ताब्यातुन गुन्हयात जबरीने नेलेली पांढऱ्या रंगाची एक्टीव्हा मोपेड क्रमांक एम.एच. 32/ए.ए./0940 किंमत 25,000/- रूपये, आरोपीतांचे दोन मोबाईल किंमत 20,000/- रूपये असा एकुण 45,000/- रू चा माल जप्त केला. पुढील तपास श्री. सोमनाथ टापरे, पोलीस उप निरीक्षक हे करीत आहेत.
सदरची कार्यवाही श्री. नुरूल हसन पोलीस अधिक्षक वर्धा, श्री. यषवंत सोळंखे अपर पोलीस अधिक्षक वर्धा, श्री. दिनेश कदम उप विभागीय पोलीस अधिकारी हिंगणघाट उप विभाग यांचे मार्गदर्शनात ठाणेदार श्री. के.एम. पुंडकर, पोलीस निरीक्षक पोलीस स्टेशन हिंगणघाट यांचे निर्देषानुसार सोमनाथ टापरे पोलीस उप निरीक्षक यांचे सह गुन्हे प्रगटीकरण पथकाचे पो.हवा. विवेक बनसोड, पंकज घोडे, प्रषांत वाटखेडेे, आषिश गेडाम, उमेष बेले, संग्राम मुंडे आणी सायबर सेल चे अनुप कावळे यांनी केली.