प्रतिनिधी:(धाराशिव)आमचे प्रेरणास्थान मा.आ.बच्चुभाऊ कडू यांच्या आचार -विचाराने प्रेरित होऊन त्यांच्या वैचारिक -सामाजिक संकल्पनेतून दुरितांचे तिमिर जावो या ज्ञानेश्वर महाराजांच्या श्लोकानुसार समाजातील दुरित गरजवंत दिव्यांग,ऊस तोड कामगार,अनाथ तसेच शेतकरी आत्महत्याग्रस्त कुटुंबात दिवाळीचा आनंद प्रकाश पोहचवण्यासाठी श्री.संतोष राजगुरू यांच्या मार्गदर्शनाखाली प्रहार शिक्षक व शिक्षकेत्तर कर्मचारी संघटनाव्दारे एक दिवा दुरितांसाठी उपक्रम राबवण्यात येत आहे.
प्रहार शिक्षक शिक्षकेतर संघटना उस्मनाबाद(धाराशिव)येथे गोरगरीब,गरजू,निराधार,विधवा महिला यांना किराणा मालाचे किट्स वाटप करण्यात आले.याप्रसंगी जिल्हाध्यक्ष श्री.वैजीनाथ सावंत,जिल्हा कोषाध्यक्ष श्री.रघुनाथ दैन,तालुका उपाध्यक्ष श्री.शहाजी झगडे,तालुका नेते श्री.लक्ष्मण औताडे,तालुका संघटक श्री.सुबराव सुरवसे आदि.पदाधिकारी उपस्थित होते.
या उपक्रमात योगदानाबद्ल श्री.वैजिनाथ सावंत व त्यांच्या पदाधिका-यांचे प्रहार संघटनेतर्फे खुप खुप आभार व धन्यवाद.

सचिन वाघे जिल्हा प्रतिनिधी

हिंगणघाट :- दि. 21 ऑक्टोंबर
17 वर्षीय युवती ही 12 वाजताच्या दरम्यान संत तुकडोजी चौक येथे केक आणायला गेली होती. मैत्रिणीची वाट पाहत होती , या दरम्यान आरोपी आकाश वर्मा व त्याचा मित्र हे तिथे आले व जबरदस्ती मोपेड गाडीवर बसवून नांदगाव रोड कडील महाकाली नगरी येथे नेले आकाश वर्मा यानी जबरदस्तीने दारू माझ्या मुलीला पाजली नशेच्या हालात मध्ये नांदगाव गावा जवळ बंड्या वर 4 ते 6 च्या दरम्यान नेले व त्या ठिकाणी आरोपी आकाश/लाला वर्मा, अक्षय थुल, सुजित गावंडे यांनी माझ्या मुलीवर अत्याचार केला असे मुलीच्या आईने सांगितले. पुढील तपास हिंगणघाट पोलीस करीत आहे.

सचिन वाघे जिल्हा प्रतिनिधी

हिंगणघाट :- महाराष्ट्र सरकारकडून आनंदाचा शिधा योजना दिवाळी निमित्त स्वस्त धान्य दुकानांमधून वाटप करण्यात येत आहे . या किट मध्ये 1 लिटर पॉमोलियम तेल, 1 किलो चणा डाळ, 1 किलो तुर डाळ, 1 किलो रवा देण्यात येणार असून नाममात्र फक्त 100 रुपयामध्ये हि किट राशन कार्डधारकांना मिळणार आहे हिंगणघाट शहर व ग्रामीण 51314 व समुद्रपूर शहर व ग्रामीण 28300 असे एकूण 79614 कुटुंबांना लाभ मिळणार आहे . प्रत्येक शासकीय स्वस्त धान्य दुकानात एक किट शंभर रुपयांच्या मोबदल्यात प्रत्येक शिधापत्रिकाधारकांना देण्यात येत आहे पण सरकारी स्वस्त धान्याचे दुकान संत चोखोबा वार्ड क्र.31
प्रो.सलीम काजी
लोक जनशक्ती बहुउद्देशिय शिक्षण संस्था हिंगणघाट या दुकानात दोन ते तीन दिवस रोज मजुरी पाडून गोरगरीब लोक ज्येष्ठ नागरिक या योजनेचा लाभ घेण्याकरता चक्क रांगेत उभे आहे म्हणजे जवळजवळ शंभर रुपयाचं राशन घेण्याकरिता 300 ते 400 रुपये रोजी पाडून राशन दुकानाच्या लाईनीत उभे असलेले दिसत आहेत राशन दुकानदाराला याचे कारण विचारले असता ते म्हणतात की सर्वर लिंक नसल्यामुळे असे प्रकार घडत आहे.
दिवाळी निमित्त राबवण्यात आलेली योजना आनंदाचा शिधा या योजनेसाठी तब्बल तीन वेळा हाताचे ठसे थंब घेण्यात येत आहे आणि नंतरच लाभार्थ्यांना राशन देण्यात येत आहे या प्रक्रियेत जवळजवळ एका व्यक्तीस 15 ते 20 मिनिटं या प्रक्रियेमध्ये जात आहे आणि त्यातच लिंक जात आहे यामुळे चक्क दोन ते तीन दिवस राशन दुकानांसमोर लोकांच्या रांगाच्या रांगा उभ्या आहेत… यामुळे आनंदाचा शिधा या योजनेची किट तर नाहीच नाही पण जे रेगुलर मिळणार राशन धान्य आहे ते सुद्धा मिळण्यात अडचण जात आहे. सर्व लिंक नाही त्यामुळे धान्य नाही अशीच समस्या राहिली तर दिवाळीनिमित्त महाराष्ट्र सरकार कडून राबवण्यात येणारी आनंद शिधा योजना सर्वसामान्य जनतेला याचा लाभ मिळेल का ?
हिंगणघाट येथील सतीश खुशालराव गलांडे यांनी याबाबत व्हाट्सअप फेसबुकच्या माध्यमातून समोर आणली.
सुहास टोंग(हिंगणघाट पुरवठा निरीक्षक) :- महाराष्ट्रात कालपासून एकाच वेळेस आनंद दिघा किट वाटप होत असल्यामुळे मोठ्या प्रमाणात मशीनवर दबाव आल्यामुळे सर्वर डाऊन झाले . वरिष्ठांकडून निर्देश आले की ऑफलाईन वाटप करण्यात यावे त्यानुसार आम्ही दुकानदाराला ऑफलाईन वाटप 23 ऑक्टोंबर रविवार पासून करायला सांगितले

अनेक संघटनेच्या वतीने भोजन दान !
आज शुक्रवारी क्रांतीवीर शहिद बाबूराव पुल्लेश्वर शेडमाके यांच्या १६४ व्या शहिद दिना निमित्त चंद्रपूर जिल्हा कारागृहातील शहिद स्मारक येथे यंग चांदा ब्रिगेडच्या वतीने क्रांतीवीर शहिद बाबूराव शेडमाके यांना आदरांजली अर्पण करण्यात आली. या वेळी यंग चांदा ब्रिगेडच्या आदिवासी विभागाचे जिल्हाध्यक्ष जितेश कुळमेथे, महिला आघाडीच्या शहर संघटीका वंदना हातगावकर, सिध्दार्थ मेश्राम, या शिवाय संगीता येरमे, बंडु पेंदाम, सावन उईक, रवि मेश्राम, दिवाकर मेश्राम, सुनिल मेश्राम, साईनाथ मडावी, कार्तिक कोडापे, रमेश उईके, सविता दंडारे, आशा देशमुख, विश्वजित शाहा, हेरमन जोसेफ, तापोष डे, देवा कुंटा, कल्पना शिंदे, किशोर बोलमवार, वैशाली मद्दीवार कल्पना शिंदे यांच्यासह यंग चांदा ब्रिगेडच्या आदिवासी विभागातील इतर कार्यकर्त्यांची मोठ्या संख्येने उपस्थिती होती.

🟨🟪शहिद विर बाबूराव शेडमाके यांची पुण्यतिथी शहिद दिन म्हणून साजरी केल्या जाते. या वर्षीसुद्धा समाज बांधवांच्या वतीने शहीद दिना निमित्त विविध कार्यक्रमाचे आयोजन करण्यात आले होते. जिल्हा कारागृह येथील त्यांच्या स्मृतींना अभिवादन करण्यासाठी आदिवासी बांधव मोठ्या संख्येने आज उपस्थित झाले आहे.या प्रसंगी यंग चांदा ब्रिगेडच्या वतीने त्यांच्या स्मृतींना अभिवादन करुन आदरांजली अर्पण करीत त्यांना अभिवादन करण्यात आले.

दरम्यान शहिद दिना निमित्त यंग चांदा ब्रिगेडच्या वतीने आज नागरिकांना या ठिकाणी मसाला भात व पिण्याच्या पाण्याचे वाटप करण्यात आले.🟨🟪सुर्या मराठी न्यूज साठी चंद्रपूरवरून आमचे विशेष प्रतिनिधी किरण घाटे🟨🟪

यावल ( प्रतिनीधी.) विकी वानखेडे

किनगाव प्राथमिक आरोग्य केंन्द्राच्या वैद्यकीय अधिकारी डॉ.मनिषा महाजन यांच्या अभिनव उपक्रमातुन व किनगाव ग्राम पंचायत कार्यालयाच्या सहकार्याने “माझी वसुंधरा” अभियान अंतर्गत व स्वातंत्र्याचा अमृत महोत्सव निमित्ताने कोव्हीड १९ या महामारीमुळे जिव गमावलेल्या व्यक्तींची आठवण म्हणून वृक्षारोपणाचा उपक्रम गुरूवार दि.२० रोजी प्रा.आ.केंन्द्राच्या आवारात राबविण्यात आला ज्यांच्या घरातील व्यक्तींचा कोव्हीड १९ मुळे मृत्यु झाला ते अनपेक्षितच होते परंतु त्यांची आठवण कायम स्मरणात राहावी म्हणून वृक्षारोपण करण्यात आले झाडे जगली तर माणसे जगतील असा संदेश या उपक्रमाद्वारे डॉ.मनिषा महाजन यांनी दिला कोविड १९ मुळे मृत झालेल्या व्यक्तीच्या नातेवाईकांच्या हस्ते या कार्येक्रमाचा शुभारंभ करण्यात आला यात वत्सला तायडे,निलेश रामदास पाटील,अनिल शिंपी,नंदा महाजन,सुशीला रमेश चौधरी या मृत व्यक्तीची आठवण म्हणून प्राथमिक आरोग्य केंन्द्राच्या आवारात वृक्ष लागवड करण्यात आले.यावेळी कोरोणामुळे जिव गमावलेल्या अनिल शिंपी यांच्या पत्नी भाऊक झाल्या व त्यांनी सांगीतले की जेव्हा जेव्हा मी प्रा.आ.केंन्द्रात येईल तेव्हा तेव्हा माझ्या पतींची आठवण म्हणून हे झाड साक्ष देईल असे आशा शिंपी यांनी सांगितले व या उपक्रमाबद्दल डॉ.मनिषा महाजन यांचे कौतुक करत आभारही मानले यावेळी सरपंच सौ.निर्मलाताई संजय पाटील यांच्यासह ग्रामस्थ उपस्थीत होते.दोन वर्षांनपुर्वी अनपेक्षीतपणे कोरोनाची लाट आली आणी काहींच्या आयुष्यात अंधार करूण गेली मी आरोग्यसेवा देत असतांना माझ्या डोळ्यांनी हे पाहीले म्हणून कोरोनामुळे जिव गमावलेल्या व्यक्तींच्या परीवाराच्या आठवणींना उजाळा मिळावा म्हणून वृक्षारोपणाच्या कार्येक्रमाचे
आयोजन केल्याचे डाँ.मनिषा महाजन यांनी यावेळी सांगीतले.
डॉ.मनिषा महाजन या नेहमीच नवनवीन उपक्रम राबवीत असतात व परीसरातील रस्त्यावर अपघातग्रस्तांना महीला डाँक्टर असुन देखील वेळ न पहाता अपघातस्थळी आरोग्यसेवा देतात म्हणून त्यांनी राबवलेल्या अभिनव उपक्रमा बद्दल सर्व स्तरातून डाँ.मनिषा महाजन यांचे कौतुक होत आहे या कार्येक्रमाच्या यशस्वीतेसाठी प्रा.आ.केंद्राचे
आरोग्य सहाय्यक राजेश सुरवाडे आरोग्य सहाय्यीका श्रीमती उषा पाटील आरोग्य सेविका एस.आर.जमरा आरोग्य सेवक दिपक तायडे,जिवन सोनवणे,विठ्ठल भिसे,पवन काळे परीचर सरदार कनाशा,स्वाती बोराडे स्विपर निलेश कंडारे यांनी परिश्रम घेतले.

चंद्रपूर जिल्ह्याच्या चिमूर तालुक्यातील महादवाडी येथे वास्तव्य करणारे सिध्दार्थ गोमा रामटेके व रोहीत सिध्दार्थ रामटेके हे बापलेक गेल्या १३आक्टोंबर पासून आपल्या रास्त मागण्यांसाठी चंद्रपूर जिल्हा परिषद समोर साखळी उपोषणाला बसले आहे . एरव्ही उपोषणाला बसायचे म्हणजे छान पैकी एक मंडप उभारला जातो . भेटीसाठी येणा-या जाणां-या साठी दोन चार खुर्च्या ठेवल्या जातात .परंतू हे बापलेक कुठल्याही प्रकारचा मंडप न उभारता चंद्रपूर जिल्हा परिषद समोर साखळी उपोषणाला बसले आहे.आज या उपोषणाचा नववा दिवस आहे.परंतू प्रशासनाने या बाबतीत कुठलीही दखल घेतली नाही.ग्राम पंचायत महादवाडी यांचे कडे भत्ता व वेतनाची रक्कम थकीत आहे.या शिवाय त्यांना ग्राम पंचायतने परत कामावर घ्यावे अश्या प्रकारच्या त्यांचे अनेक मागण्या आहेत.अनेकदा त्यांनी पत्रांचे माध्यमातून या बाबत पाठपुरावा केला पण त्यांचे प्रयत्नाला यश आले नाही.शेवटी साखळी उपोषणाला बसुन त्यांनी प्रशासनाचे लक्ष वेधले परंतु त्यांचे उपोषणाची दखल काल पर्यंत कोणीही घेतली नव्हती.आर्थीक परिस्थिती अत्यंत बिकट असलेल्या या बापलेका कडे जिल्हा प्रशासनाने तातडीने लक्ष पुरवावे अशी मागणी आता सर्वत्र स्तरावरुन होवू लागली आहे.🟣 सुर्या मराठी न्यूज साठी चंद्रपूरवरून आमचे विशेष प्रतिनिधी किरण घाटे 🟣