जिल्हा प्रतिनिधी सतीश बावस्कर

भुसावळ शहरात लहान मुले अपहरण करणारी टोळी असल्याची अफवा पसरवली आहे मात्र कोणीही विश्वास ठेवू नये असे आव्हान पोलीस प्रशासनाने केले आहे मागील काही दिवसापासून सोशल मीडियावरून लहान मुलांचे अपहरण करणारी टोळी आली किंवा चोर आल्याच्या अफवा पसरवत आहे यामुळे अन्य जिल्ह्यात जमावाकडून बहुरूपी वाटसरू भिकारी व अन्य निष्पाप लोकांना मारहाण झाली आहे यातुन जमावावर गुन्हे दाखल करण्यात आले आहे अफवा फैलविणारे जर कोणी व्हायरल करीत असल्यास अशांची नावे माहिती असल्यास त्यांची नावे पोलिसांना कळवावी असे आव्हान पोलिसांनी केले आहे लोकांनी कायदा हातात घेऊ नये कायदा व सुव्यवस्था आबाधीत राहण्यासाठी सहकार्य करावे असे आव्हान पोलीस निरीक्षक राहुल गायकवाड यांनी केले आहे

हिंगणघाट तालुक्यात प्रत्येक प्रभागात चौका- चौकात सेंटर सुरू आहे . यांच्यावर पोलीस प्रशासनाकडून कोणती कारवाई नाही ? आज अनेक प्रभागातील युवा तरुण नकली विषारी दारू पिल्यामुळे टीबी ,जलपंडू या सारख्या बिमारीने त्रस्त व मरत आहे , कॉलेज शाळेकरी मुले यांच्यामध्ये गांजा , दारू , जुवा ,हुक्का पार्लर याचे व्यसन वाढत आहे. त्यामुळे तालुक्यात याच्याशी संबंधित व्यवसाय सुद्धा वाढत आहे . आज प्रशासनाचा कोणताही धाक नाही ,सार्वजनिक ठिकाणी खुलेआम हे व्यसन सुरू आहे नशेमध्ये व्हिडिओ सुद्धा बनवत आहे. आजचा युवा व्यसनाच्या आहारी जात आहे ? हे सर्व शोक पूर्ण करण्याकरिता चोरी ,किडनॅपिंग , ग्रुपने भाईगिरी हे युवा करीत आहे . आज अवैध्य व्यवसाय करणारे( पत्रकार ), लोकप्रतिनिधी , निवडणुकीत अवैद्य धंदे करणारे पक्षाचे फायनान्सर, यांचे व्यवसाय प्रभागात चौका चौकात सुरू आहे हे पक्षाशी जुडुन आहे. कारण जनतेला याच्याशी काही घेणे देणे नाही. जनता विचार केव्हा करेल ? लोकप्रतिनिधी हेच अवैद्य धंद्याचे मास्टर माईंड तर नाही ? प्रभागातील सत्ताधारी लोकप्रतिनिधी हे प्रभागात अवैद्य धंद्याच्या विरोधात उठाव का करत नाही ? लोकप्रतिनिधी निवडण्याचे सर्व अधिकार हे प्रभागातील जनतेला दिलेले आहे. (जशी प्रजा तसा राजा )

यावल तालुका( प्रतिनिधी)विकी वानखेडे

यावल : खड्ड्यांमुळे अंकलेश्वर बऱ्हाणपूर राज्य मार्गावरील अपघाताची मालिका थांबतचं नाहिये तालुक्यातील किनगाव – चिंचोली दरम्यान अचानक खड्डा समोर आल्याने दुचाकीस्वार एक खड्ड् चुकवत दुसऱ्या खड्ड्यात गेला व दुचाकी अनियंत्रीत होत दोघे रस्त्यावर कोसळून गंभीर जखमी झाले, जखमींना नागरीकांच्या मदतीने किनगाव आरोग्य केंद्रात दाखल करण्यात आले असुन दोघांवर प्रथमउपचार करून जळगाव हलवले आहे
अंकलेश्वर – बऱ्हाणपूर राज्य मार्गावर मोठ्या प्रमाणावर खड्डे पडले आहे. या खड्ड्यांमुळे किनगाव जवळ एका तरुणाचा जीव गेला होता. त्यानंतर पुन्हा बुधवारी रात्री याचं रस्त्या चिंचोली – किनगाव दरम्यान रात्री दुचाकी क्रमांक एम. एच.१८ ए.आर. २७४० घेवुन जगन नानू धनगर वय ४७ व वसंत धनगर वय ४० दोघे राहणार साक्री जि. धुळे हे येत होते. अचानक समोर आलेले खड्डे पाहून ते घाबरले व एक खड्डा चुकवतांना दुचाकी दुसऱ्या खड्ड्यात जाऊन अनियंत्रित झाली व दोघेही रस्त्यावर कोसळले या अपघातात यांच्या डोक्याला दुखापत झाली व ते गंभीर जखमी अवस्थेत रस्त्यात पडून होते. तेव्हा या रस्त्या वरून मार्गस्त होत असलेल्या नबाब पिंजारी, छब्बीर तडवी, भावेश महाजन, धीरज महाजनख् गजानन पाटील सह नागरिकांनी तातडीने या दोघ गंभीर जखमींना किनगाव येथील प्राथमिक आरोग्य केंद्रामध्ये उपचाराकरिता दाखल केले येथे डॉ. मनीषा महाजन, सरदार कनाशा, मोहिनी धांडे, निलेश खंडारे आदींनी त्यांच्यावर प्रथमोउपचार केले असून त्यांना पुढील उपचारा करीता जळगाव जिल्हा शासकिय वैद्यकिय महाविद्यालयाच्या रूग्णालयात हलवण्यात आले आहे.
खड्ड्यांमुळे अपघात.
या राज्य मार्गावर प्रचंड मोठ्या प्रमाणात खड्डे पडले असुन खड्ड्यामुळे वारंवार अपघात घडत आहे. तेव्हा अंकलेश्वर – बऱ्हाणपूर राज्य मार्गावरील खड्डे बुजवण्यात यावे अशी मागणी नागरिकांकडून केली जात आहे.

यावल ( प्रतिनिधी )विकी वानखेडे

तालुक्यात महाराष्ट्र राज्य ग्रामसेवक युनियनच्या तालुका संघटनेच्या वतीने राष्ट्रीय पेन्शन योजने ऐवजी शासनाने शासकीय कर्मचारी जुनी पेन्शन लागु करावी या मागणीसाठी शासनाने लक्ष वेधण्यासाठी मोटरसायकल रॅल्ली काढुन मागण्यांचे निवेदन तहसीलदार व गटविकास अधिकारी यांना देण्यात आले .

आपल्या दिलेल्या निवेदनात महाराष्ट्र राज्य ग्रामसेवक युनियन म्हटले आहे की , राज्यात २००५ नंतर शासकीय सेवेत लागलेल्या कर्मचारी यांना जुनी पेन्शन लागु नाही त्यामुळे सेवानिवृत्ती नंतर शासकीय कर्मचारी हा आयुष्याच्या उतार वयात दवाखाना खर्च , कौटुंबीक कार्यक्रम उदारणार्थ , मुलांचे शिक्षण , लग्न ईत्यादी कौटुंबीक कर्तव्य पार पाडण्यासाठी शासकीय कर्मचाऱ्यांच्या हातात सेवानिवृत्ती नंतर काहीच रक्कम उपलब्ध होत नसल्याने चरीतार्थ चालविणे देखील कठीन होत . त्यामुळे देशातील काही राज्याप्रमाणे शासनाने आपल्या राज्यात देखील जुनी पेन्शन योजना लागु करावी या मागणीसाठी संघटनेच्या माध्यमातुन संपुर्ण राज्यभरात शासनाचे लक्ष वेधण्यासाठी ठीकठीकाणी मोटरसायकल रॅली आयोजन करण्यात आले होते त्याच प्रमाणे यावल तालुक्यातील ग्रामसेवक संघटनेच्या वतीने तालुका अध्यक्ष रूबाब तडवी, तालुका सचिव पी. व्ही. तळेले, जळगाव जिल्हा उपाध्यक्ष बी.के .पारधी यांच्या नेतृत्वाखाली यावल येथील सार्वजनिक बांधकाम विभागाच्या कार्यालया पासुन पंचायत समिती व तहसील कार्यालयापर्यंत मोटरसायकल रॅली काढण्यात आली यात ग्रामसेवक संघटनेचे हितु महाजन ,राजु तडवी, शिवाजी सोनवणे , भोयराज फालक , आर .टी. बाविस्कर , सुबोध सोये , दिपक तायडे , पी .आर . चव्हाण, गुरुदास चौधरी , बाळु वायकोळे, उदय पाटील , आर . यु . कोठोके , के .जी . पाटील , व्ही .एल . पाटील , प्रविण चौधरी आदी ग्रामसेवकांनी यात आपला सहभाग नोंदविला यावेळी तहसील कार्यालयात नायब तहसीदार आर डी पाटील , यावल पंचायत समितीचे कक्ष अधिकारी सरवर तडवी यांनी मागण्यांची निवेदन देण्यात आली .

यावल ( प्रतिनिधी )विकी वानखेडे

तालुक्यातील मालोद व परसाडे येथील ग्रामपंचायत च्या पार पडलेल्या सार्वत्रीक निवडणुकीची मतमोजणी येथील तहसील कार्यालयात सुरू असताना वृत्तांकन करण्यासाठी यावल येथील पत्रकार शेखर पटेल यांनी तहसीलदार महेश पवार यांचे परवानगीने तसेच पोलीस निरीक्षकांनी ही परवानगी दिल्यानंतर एका पोलीस कर्मचाऱ्यांने, खरोखरच साहेबांनी परवानगी दिली आहे का जर दिली नसेल तर तुम्हाला महाग पडेल अशी धमकी दिल्याने यावल तालुक्यातील पत्रकारांच्या वतीने याबाबतचे निवेदन फैजपूर विभागाचे उपविभागीय पोलीस उपअधीक्षक डॉ. कुणाल सोनवणे प्रांताधिकारी कैलास कडलक तसेच येथील पोलीस निरीक्षक राकेश मानगावकर यांना दिले आहे. तहसीलदार तसेच पोलीस निरीक्षकांचे परवानगी नंतरही पोलिसांनी पत्रकारास दिलेल्या धमकीबद्दल तालुक्यातील पत्रकारांच्या वतीने या घटनेचा निषेध करण्यात आला असुन. या संदर्भातील निवेदन देताना पत्रकार संघ शहराध्यक्ष सुरेश पाटील ,अय्युब जी पटेल, डी, बी.पाटील, शेखर पटेल , भारतीय बहुउद्देशीय पत्रकार संघाच्या ग्रामीण क्षेत्राचे जिल्हाध्यक्ष अध्यक्ष प्रकाश चौधरी, सुनिल गावडे , तेजस यावलकर ,पराग सराफ , विकी वानखडे, दीपक नेवे, समाधान पाटील , भरत कोळी ,काबीज शेख फिरोज तडवी , ज्ञानेश्र्वर मराठे ,वासूदेव सरोदे ,योगेश सोनवणे, समीर तडवी , निलेश पाटील यांचे सह पत्रकार बांधव याप्रसंगी उपस्थित होते.