हिंगणघाट :मलक नईम –

शासनउपक्रम*राष्ट्र नेत्यापासून राष्ट्रपिता पर्यंत सेवा पंधरवड्याअंतर्गत रोटरी क्लबने नगरपालिकेच्या सहकार्याने स्वच्छता मोहीम राबवली. त्याअंतर्गत इंदिरा गांधी पुतळ्यापासून टिळक चौक व परिसराची स्वच्छता करण्यात आली.
क्लबचे अध्यक्ष पराग कोचर यांनी सांगितले की, प्रदूषण आणि पावसामुळे शहरात रोगराई पसरत आहे.त्यासाठी शहर व परिसर स्वच्छ करणे गरजेचे आहे. रोटरी क्लबचे संस्थापक अध्यक्ष डॉ.अशोक मुखी म्हणाले की, स्वच्छ हिंगणघाट, निरोगी हिंगणघाट यासाठी रोटरी क्लब नेहमीच प्रयत्नशील आहे. प्लास्टिक निर्मूलनासाठीही प्रयत्न सुरू आहेत.स्वच्छता अशीच सुरू राहिली तर गाव सुंदर, शहर सुंदर, देश सुंदर होईल. रोटरीच्या टीमने इंदिरा गांधी पुतळ्याच्या परिसरात आणि आजूबाजूला गोठलेला कचरा साफ केला. त्यानंतर तेथून टिळक पुतळ्यापर्यंत संपूर्ण परिसराची पाने व कचरा उचलून जाळण्यात आला. यावेळी आमदार समीर भाऊ व माजी नगराध्यक्ष प्रेम बसंतानी यांनी त्या ठिकाणी भेट देऊन रोटरीच्या कार्याचे कौतुक केले.पालिकेने रोटरी क्लब सदस्यांचे आभार व्यक्त केले.
या स्वच्छता मोहिमेच्या यशस्वीतेसाठी सचिव सतीश डांगरे, शाकीर खान पठाण, मुरली लाहोटी, पंकज देशपांडे, प्रभाकर साठवणे, उदय शेंडे, पुंडलिक बकाणे, मुकुंद मुंधरा, माया मिहाणी, मितेश जोशी आदींनी परिश्रम घेतले.

जिल्हा प्रतिनिधी सतीश बावस्कर

मुंबईच्या सीआयडी पथकाने सहा महिन्यापासून फरार असलेल्या ड्रग्समधील एका आरोपीला बोदवड येथील मन्यार वाड्यातून ताब्यात घेतले आहे मन्यार वाड्यात राहत असलेल्या साडूच्या घरी चार ते पाच दिवसापासून राहत असल्याची गुप्त माहिती मुंबईच्या सीआयडी पथकाला मिळाली होती त्यानुसार मुंबई येथील सीआयडी पथकाने रविवारी ( दि. 25) रात्री तीन वाजता बोदवड गाठले व त्याच्या नातेवाइकांच्या घरून त्याला ताब्यात घेतले पुढील चौकशीसाठी आरोपीला मुंबई येथे सीआयडी पथक सोबत घेऊन गेले आहे अशी माहिती बोदवड पोलीस निरीक्षक राजेंद्र गुंजाळ यांनी दिली

हिंगणघाट मलक नईम दिनाक २३/०९/२०२२ स्थानिक नगर पालीका संचालीत जी.बी.एम.एम.हायस्कूल व कनिष्ठ महाविद्यालय हिंगणघाट येथे विद्यार्थांचा कौतुक समारंभ पार पडला. कार्यक्रमाच्या अध्यक्ष स्थानी शाळेचे प्राचार्य श्री.ढगे सर व प्रमुख पावणे म्हणून जिल्हा समन्वयक श्री.शाहीद सर उपस्थित होते. कार्यक्रमाची सुरवात आद्य शिक्षिका सावित्रीबाई फुले व विद्येची आराध्य दैवत माता सरस्वती यांच्या फोटोला माल्यापर्ण करून झाली.त्यानंतर कार्यक्रमाचे अध्यक्ष श्री.ढगे सर व प्रमुख अतिथी श्री.शाहीद सर यांचे स्वागत श्रावणी वैद्य व राखी राठोड यांनी केले. त्याचप्रमाणे शाळेचे पर्यवेक्षक श्री. कुरेशी सर व जेष्ठ शिक्षक डॉ.अनिस बेग सर व काजी सर यांचे स्वागत कोमल सातकर,लक्ष्मी वाडेकर ,श्रुष्टी इखार यांनी केले. कार्यक्रमाचे प्रास्ताविक व्यावसाय प्रशिक्षक श्री.त्रिरत्न नागदेवे यांनी केले. त्यानंतर जी.बी.एम.एम हायस्कूल मधील दोन विद्यार्थिनिनी आर्थिक परिस्थीतीवर मात करित स्वतःच्या जिद्द व परिश्रमाने गुरुकुल मधे सोफ्टवेयर इंजीनियर च्या प्रशिक्षणा करिता( Trainee)निवड झाली आणि विशेष म्हणजे 5000 विद्यार्थाना मागे टाकत ही जागा त्यानी मिळविली व प्रशिक्षण अभ्यासक्रम पुर्ण करताच त्यानां येत्या 2 वर्षात 20 ते 25 हजारी नौकरी सुद्धा मिळणार अशा विद्यार्थिनी प्रायुषा निमजे व ख़ुशी कचव्हा यांचा पुष्पगुच्छ व उपहार देऊन गुणगौरव करण्यात आला. विद्यार्थिनिनी त्याच्या यशाचे श्रेय व्यवसाय प्रशिक्षक व शाळेतील शिक्षक आणि त्यांच्या पालकांना दिले.प्रमुख अतिथी शाहीद सर यांनी व्यावसाय शिक्षणातील होणारे फायदे याबद्दल माहिती दिली.श्री.ढगे सर यांनी विद्यार्थांना यशाला गवसणी घालण्यासाठी जिद्द , चिकाटी , व मेहनत किती महत्वाची आहे याबद्दल मार्गदर्शन केले.डॉ अनिस बेग सरांनी निवड झालेल्या विद्यार्थांचे कौतुक केले व व्यावसाय शिक्षणाचे महत्व सांगितले.कार्यक्रमाचे संचालन ख़ुशी देशकर व प्रणाली हिवरे यांनी केले तर आभार प्रदर्शन भूमिका माने व प्राची कुकसे या विद्यार्थिनीनि केले.कार्यक्रम यशस्वी करण्यासाठी कला शिक्षक श्री.ऊकेकर सर ,व्यावसाय प्रशिक्षक श्री. सुमित तलमले व श्री.हर्षल बोधनकर तसेच शाळेतील सर्व शिक्षक व शिक्षकेत्तर कर्मचारी यांनी अथक परिश्रम घेतले.

जिल्हा प्रतिनिधी सतीश बावस्कर

बोदवड तालुक्यातील येवती रेवती जामठी बोदवड व तालुक्यातील बर्याच ठिकाणी वादळी वाऱ्यासहित पावसाने पिकांचे नुकसान झालेले आहे. आमदार चंद्रकांत भाऊ पाटील यांच्या आदेशानुसार नगराध्यक्ष.आनंदा पाटील नगरसेवक सईदभाई बागवान ता कुषी अधिकारी पाडवी साहेब मंडळ अधिकारी पवार साहेब कुषी सहायक मोरे तलाठी उगले अप्पा तलाठी रतनाळे अप्पा नगरसेवक गोलूभाऊ बरडिया नगरसेवक हर्षल बडगुजर नगरसेवक नितीन चव्हाण यांनी पाहणी केली असता शेतकरी बांधव यांचे मोठया प्रमाणात नुकसान झाल्याने शेतातूनच नगराध्यक्ष आनंदा पाटील यांनी आमदार चंद्रकांतभाऊ पाटील यांना भम्रणद्वणी दूवारे माहिती दिली असता त्यांनी संबंधित अधिकारी यांना तात्काळ पंचनामे करून अहवाल सादर करणयाचे आदेश दिले आणि शेतकरी बांधवाना मदत मिळवून देणयासाठी प्रयत्नशील असल्याचे सांगितले यावेळी शेतकरी सुनिल बडगुजर अकबर मन्यार युवराज परदेशी प्रदिपभाऊ तांगडे सुभाष बडगुजर राजु माळी मनोज राजपूत धनराज पाटील खलील मन्यार अरूण बडगुजर नाना वंजारी रहेमतुललाभाई मन्यार जितेंद्र पाटील सर मनोज पाटील सचिन माळी गोपाल पाटील उपस्थित होते

जिल्हा प्रतिनिधी सतीश बावस्कर

चोपडा : चिंचाल लालबाग ता.बऱ्हाणपूर येथील विवाहितेस तिचा पती दिनेश सुरेश जाधव व इतर ८ आरोपींनी फाशी देऊन मारले आहे अशा आशयाचा तक्रार सतीश गंगाराम गायकवाड रा.मुक्ताईनगर जिल्हा जळगाव यांच्या फिर्यादीवरून लालबाग बऱ्हाणपूर पोलीस ठाण्यात नोंदविण्यात आला आहे.
सविस्तर वृत्त असे की, सतिश गंगाराम गायकवाड मुक्ताईनगर जिल्हा जळगाव यांच्या फिर्यादीवरून दिनेश सुरेश जाधव, आरती सुरेश जाधव,ज्योती ईश्वर जाधव,सुरेखा गोपाल जाधव,कृष्णा गोपाल जाधव, ईश्वर दगडू जाधव,संजय सुरेश जाधव, अर्जुन गोपाल जाधव,सुरेश सखाराम जाधव सर्व रा.चिंचाल लालबाग तहसील बऱ्हाणपूर यांच्या विरुद्ध मृत्यू व हत्या अपराध प्रकरणी लालबाग पोलीस ठाणे बऱ्हाणपूर येथे तक्रार दाखल करण्यात आला आहे.
आरोपी हे फिर्यादीच्या बहिणीला नेहमी मारहाण करीत होते तसेच मानसिक छळ देखील करीत होते यापूर्वी देखील त्यांनी ५ फेब्रुवारी २०२२ रोजी दुपारच्या वेळेस दारू पिऊन अश्लील शिवीगाळ करून घरात असलेल्या डिझेलच्या साह्याने जाळण्याचा प्रयत्न सुद्धा केला होता.
तसेच यापूर्वी ६ फेब्रुवारी २०२२ रोजी देखील त्यांनी मला व माझ्या बहिणीला जीवे ठार मारण्याची धमकी दिली होती.
माझी बहीण ज्योती व तिच्या पती दिनेश जाधव यांच्या विवाह १८ वर्षांपूर्वी झाला होता. विवाह नंतर त्यांना दोन मुलं जन्माला आली.त्यात सतरा वर्षाची मुलगी लक्ष्मी व पंधरा वर्षाचा मुलगा दीपक या दोन मुलांचा समावेश आहे.
आरोपी क्रमांक दोन माझ्या बहिणीची सासू आहे.आरोपी क्रमांक तीन, चार व पाच माझ्या बहिणीच्या ननंद आहेत. आरोपी क्रमांक सहा माझ्या बहिणीच्या नणंदचा पती आहे. आरोपी क्रमांक सात माझ्या बहिणीचा दिर आहे.आरोपी क्रमांक आठ माझ्या बहिणीच्या भाचा आहे आरोपी क्रमांक नऊ माझ्या बहिणीच्या सासरा आहे.
यासंदर्भात याआधी देखील मी व माझ्या बहिणीने ७ फेब्रुवारी २०२२ रोजी पोलीस निरीक्षक लालबाग ठाण्यात तसेच पोलीस अधीक्षक बऱ्हाणपूर येथे तक्रार अर्ज दाखल केला होता.
पोलीस ठाण्यात या आधी दाखल केलेल्या तक्रारींच्या गांभीर्याने जर विचार करून कारवाई केली असती तर आज रोजी माझ्या बहिणीची फाशी देऊन जी हत्या करण्यात आलेली आहे ती हत्या करण्याची हिम्मत आरोपींची झाली नसती अशा प्रकारची भावना फिर्यादीने व्यक्त केली आहे.तरी पोलीस प्रशासनाने आता तरी गांभीर्याने विचार करून आरोपींना कडक शिक्षा व्हावी व त्यांना देखील फाशी व्हावी अशा प्रकारची मागणी केली आहे.माझ्या बहिणीने फाशी लावली आहे अशा प्रकारची माहिती मला संजय सुरेश जाधव यांनी फोन करून सांगितले मी जेव्हा हॉस्पिटलला पोहोचलो तेव्हा माझी बहिण पी.एम. रूम मध्ये मला आढळून आली.
तरी सर्व आरोपींनी संगनमत करून माझ्या बहिणीच्या जीव घेतला असून सर्व आरोपींना कठोर शिक्षा व्हावी अशी मागणी फिर्यादीने केली आहे.