प्रतिनिधी सचिन वाघे

हिंगणघाट (ता. ५ नोव्हेंबर) — शहीद हुतात्मा कोठारी बंधू यांच्या बलिदान दिनानिमित्त विश्व हिंदू परिषद व बजरंग दल, हिंगणघाट शहर यांच्या वतीने श्रीराम मंदिर परिसरात भव्य रक्तदान शिबिराचे आयोजन करण्यात आले. या शिबिरात ४० हून अधिक रामभक्तांनी स्वेच्छेने रक्तदान करून समाजसेवेचा आणि राष्ट्रभक्तीचा उत्कृष्ट आदर्श घालून दिला.

कार्यक्रमाची सुरुवात भगवान श्रीराम आणि भारतमातेच्या प्रतिमेचे पूजन करून करण्यात आली. रक्तदान या सर्वश्रेष्ठ दानातून अनेकांचे प्राण वाचतात, या भावनेने प्रेरित होऊन युवकांनी उत्साहाने सहभाग नोंदविला.

या शिबिराच्या यशस्वी आयोजनासाठी विहिप वर्धा जिल्हा सहमंत्री शरद कोणप्रतिवार, प्रखंड मंत्री देवा वाघमारे, बजरंग दल सुरक्षा प्रमुख प्रशांत तिवारी, प्रखंड संयोजक दीपक शर्मा, नगर संयोजक संदीप नासरे तसेच अजय भोंग, सुरेंद्र आगरे, ओमप्रकाश मस्कर, हर्षल लाखे, रोशन चंदनखेडे, संदीप सातपुते, प्रमोद टिपले, अतुल सूर, शंकर गेडेकर, संजय कडू, मनीष शेंडे, राम खोकले आदी कार्यकर्त्यांनी परिश्रम घेतले.

रक्तसंकलनासाठी सेवाग्राम येथील वैद्यकीय टीम उपस्थित होती. शिबिरात सूरज वर्थी, पवन गावंडे, जय आष्टाणकर, दिनेश नरड, हेमंत चाफले, नयन पणत, अंजेश पांडे, हर्षल मसाये, अनिल चांगल, महेश बोकारे, ऋषिकेश भोयर, नितीन सिंगरू, कुणाल राऊत, शुभम लाखे, राहुल जगताप, मंगेश तेल्हाडे, गोपाल जोशी, सौरभ कावळे, श्रीरंग धारकर, समीर भोयर, शंकर वरघने, निशांत शिरपूरे, कृष्णा नासरे, पंकज देशपांडे (भाजप), आदर्श सुपारे, जगदीश लोणकर, राजू खंडसकर आणि अन्य रक्तदात्यांनी रक्तदान केले.

Hingnghatnews /या उपक्रमास पोलीस स्टेशन हिंगणघाटचे ठाणेदार अनिल राऊत यांनी भेट देऊन आयोजकांचे अभिनंदन केले. तसेच श्याम इडपवार, भाजपचे अभय संचेती व पुंडलिक बकाने यांनी शिबिरासाठी सहकार्य केले.
या रक्तदान शिबिरातून सेवा, त्याग आणि राष्ट्रभक्तीचा संदेश समाजात पोहोचला. आयोजकांनी सर्व रक्तदाते व सहकार्यकर्त्यांचे मनःपूर्वक आभार मानले.

भव्य नाट्यगृह बांधकामाच्या भूमिपूजनाने शहरात सांस्कृतिक चैतन्य

प्रतिनिधी – सचिन वाघे

हिंगणघाट :नगर परिषद हिंगणघाट तर्फे आज दिनांक ३ नोव्हेंबर २०२५ रोजी शहरात भव्य अशा सांस्कृतिक सभागृह (नाट्यगृह) बांधकामाच्या भूमिपूजन सोहळ्याचा कार्यक्रम मोठ्या उत्साहात पार पडला. या प्रकल्पासाठी तब्बल ₹१७.२५ कोटींचा निधी मंजूर झाल्याने हिंगणघाट शहराला सांस्कृतिक वैभवाची नवी ओळख मिळणार आहे.

या नाट्यगृहाचे भूमिपूजन हिंगणघाट विधानसभा क्षेत्राचे आमदार समीर कुणावार यांच्या शुभहस्ते संपन्न झाले. अत्याधुनिक सोयीसुविधांनी सुसज्ज असलेल्या या सभागृहात १००० आसनक्षमतेचे वातानुकूलित सभागृह, आधुनिक ध्वनी-प्रकाश व्यवस्था, कलाकारांसाठी स्वतंत्र तयारी कक्ष, तसेच पर्यावरणपूरक बांधकामाचे वैशिष्ट्य असणार आहे.

या प्रसंगी वर्धा लोकसभा क्षेत्राचे माजी खासदार रामदास तडस, हिंगणघाट कृषी उत्पन्न बाजार समितीचे सभापती अ‍ॅड. सुधीर कोठारी, माजी नगराध्यक्ष प्रेम बसंतानी, निलेश ठोंबरे, नगर परिषद मुख्याधिकारी प्रशांत उरकुडे, तसेच माजी उपाध्यक्ष, नगरसेवक, विविध क्षेत्रातील मान्यवर, कलाकार, पत्रकार आणि नागरिक मोठ्या संख्येने उपस्थित होते.संपूर्ण सोहळा उत्साहपूर्ण वातावरणात पार पडला.

Hingnghatnews /मान्यवरांनी या उपक्रमामुळे हिंगणघाट शहराचा सांस्कृतिक विकास आणि कलात्मक चळवळींना नवे बळ मिळेल, असा विश्वास व्यक्त केला.

प्रतिनिधी सचिन वाघे

हिंगणघाट : हिंगणघाट शहरातील बस स्थानकाच्या पुनर्बांधणीचा भूमिपूजन सोहळा मोठ्या उत्साहात पार पडला. या कार्यक्रमास आमदार समीर कुणावार, माजी खासदार रामदास तडस, माजी नगराध्यक्ष प्रेम बसंतानी, प्रादेशिक व्यवस्थापक नागपूर प्रदेश श्रीकांत गभणे, कार्यकारी अभियंता नागपूर प्रदेश श्रीमती शितल गौंड, यंत्र अभियंता वर्धा विभाग प्रतापसिंग राठोड, वरिष्ठ संख्यांकिक अधिकारी नागपूर प्रदेश किशोर आदमने, ठाणेदार अनिल राऊत, तसेच वानखेडे मॅडम, कोसरे मॅडम, सुधीर गुल्हाने, लोणे मॅडम, उजवणे मॅडम आदी मान्यवर उपस्थित होते.

कार्यक्रमाचे संचालन नितीन सुकळकर यांनी केले, तर आभार प्रदर्शन बस स्थानक डेपोचे व्यवसस्थापक शेडमाके साहेब यांनी मान्यवरांचे आभार मानून केले.

Hingnghatnews /नवीन बस स्थानकाच्या बांधकामामुळे प्रवाशांना अधिक सुविधा उपलब्ध होणार असून, हिंगणघाट शहराचा विकास अधिक गती घेईल, असे मत या प्रसंगी व्यक्त करण्यात आले.