जळगाव जामोद/पल्लवी कोकाटे

जळगाव जामोद तालुक्यातील जामोद येथून जवळच असलेल्या सोनबडी येथील धरणामध्ये आपल्या मित्रांसोबत पोहण्यासाठी गेलेल्या लाडणापुर येथील करण मंगल शामस्कार २० वर्षीय तरुणाचा मृत्यू झाल्याची घटना सोमवारी ४ वाजताच्या सुमारास घडली.श्रावणातील पहिला सोमवार असल्याने करण मंगल शामस्कार आपल्या मित्रांसोबत जटाशंकर येथे गेला होता.तिथुन परत येत असताना सोनबडी येथील धरणावर पोहण्यासाठी गेला असता त्याच्या मित्रांनी त्याला पोहण्यास मनाई केली.तरीही मृतक करण पोहण्यासाठी धरणात उतरला.तो बाहेरच आला नाही.काही नागरिकांनी पाण्यामध्ये उतरुन पाहिले असता तो सापडला नाही २ ऑगस्ट रोजी जळगाव पोलिसांनी केलेल्या प्रयत्नानंतर मृतदेह शोधून काढला.मृतकाला अल्सरचा त्रास होतो.
घटनेची फिर्याद रवींद्र अहिर यांनी पोलिसात दिली.आकस्मिक मृत्यूची नोंद करण्यात आली.

यावल (प्रतिनिधी )विकी वानखेडे

तालुक्यातील आमोदा शिवारात शेतात काम असतांना अंगावर वीज कोसळल्याने वृध्द शेतकरी जागीच ठार झाल्याची घटना दुपारी घडली आहे. याप्रकरण फैजपूर पोलीस ठाण्यात अकस्मात मृत्यूची नोंद करण्यात आली आहे.

ज्ञानदेव धनु चौधरी (वय ६०) रा. आमोदा ता. यावल जि.जळगाव असे मृत व्यक्तीचे नाव आहे.

अधिक माहिती अशी की, आमोदा येथील रहिवासी ज्ञानदेव धनु चौधरी हे आमोदा शिवारातील आपल्या शेतात बुधवार ३ ऑगस्ट रोजी दुपारी १ ते २ वाजेच्या सुमारास काम करत होते. दरम्‍यान अचानक ढगांचा व विजांचा कडकडाट होऊ लागला. त्यानंतर त्यांच्या अंगावर वीज कोसळल्याने त्‍यांचा जागीच ठार झाला. या शेतकऱ्याच्या पश्चात पत्नी, मुलगा, मुलगी, आई, वडील असा परिवार आहे. शेतकरी आर्थिकदृष्ट्या कमकुवत असल्याने मुले उघड्यावर पडले आहे.

पोलीस निरीक्षक सिद्धेश्वर आखेगावकर यांच्या मार्गदर्शनाखाली हेड कॉन्स्टेबल सानप यांनी पंचनामा केला. शेतकऱ्याला व कुटुंबाला आर्थिक मदत मिळावी अशी मागणी परिसरातून होत आहे. फैजपूर पोलीस ठाण्यात अकस्मात मृत्यूची नोंद करण्यात आली आहे.

हिंगणघाट :- बस स्टॅन्ड वरील सोन्याचे दागिणे चोरनारी नागपुर येथील अट्टल महिला टोळी हिंगणघाट येथील डी. बी पथकाने अटक करून त्यांचेकडुन (सोने 12तोळा बीलानुसार) 2,80,000 रू. चा सोन्याचे दागिणे जप्त करण्यात आले.
घटना :- दि. 31 जुलै रोजी फिर्यादी सौ. कान्ता ज्ञानेश्वर झोरे या त्यांचे नातेवाईकांचे वास्तुशांती करीता वर्धा येथे जात असता, हिंगणघाट बस स्टॅण्ड वर फिर्यादीने त्यांच्या पर्स मध्ये ठेवलेले 12 तोळे सोन्याचे दागिणे बस मध्ये बसत असतांना कोणीतरी अज्ञात चोरटयाने चोरून नेले. फिर्यादीचे तोंडी रिपोर्टवरून पो.स्टे ला अपराध क्र. 0884 / 2022 कलम 379 भादंवि प्रमाणे गुन्हा नोंद करण्यात आला.
सदर गुन्हा दाखल होताच पो.स्टे. हिंगणघाट येथील पोहवा शेखर डोंगरे यांच्या गुन्हे प्रकटीकरण प्रथकास सदर गुन्हयाचा तपास सोपविण्यात आला. त्यांनी हिंगणघाट शहर, यवतमाळ, वणी, वरोरा, पाढरकवडा व लगतचे परिसरात सतत माहीती काढुन अनोळखी आरोपीतांचा शोध घेतला असता. सदर गुन्हयातील आरोपी नामे 1) सौ. मालाबाई मनोहर मानकर वय 42 वर्षे 2) सौ. कविता जतन नाडे वय 40 वर्षे 3) कु. संगीता कन्ना नाडे सर्व रा. शताब्दी नगर, रामेश्वरी टोली, अजनी, नागपुर यांना ताब्यात घेवुन त्यांना अटक करून, त्यांचा पिसिआर घेण्यात आला. पिसिआर काळात सर्व महिला आरोपींता कडुन गुन्हयात चोरीस गेलेले संपुर्ण सोन्याचे दागिणे जु.कि. 2,80,000 रू. चा माल जप्त करण्यात आला.
सदरची कामगीरी मा. श्री. प्रशांत होळकर, पोलीस अधीक्षक, मा. श्री. यशवंत सोळंके, अपर पोलीस अधीक्षक, वर्धा, मा. श्री. दिनेश कदम, उपविभागीय पोलीस अधिकारी, हिंगणघाट, पो.नि. श्री. कैलास पुंडकर, पोलीस स्टेशन, हिंगणघाट यांचे मार्गदर्शनात सपोनि प्रशांत पाटणकर, पोउपनि सोमनाथ टापरे. डि. बी. पथकाचे पो. हवा. शेखर डोंगरे, नापोशि. निलेश तेलरांधे, सचिन घेवंदे, विशाल बंगाले, सचिन भारशंकर, पोशि संग्राम मुंडे, मनापोशि प्रेमिला गुजरकर यांनी केली आहे.

हिंगणघाट :- बाबुच्या पुनर्वसनासाठी प्रकाश राऊत माजी नगरसेवक यांच्या माध्यमातून हितज्योती आधार फाउंडेशन सावनेर जिल्हा नागपूर यांच्याशी संपर्क करून हिंगणघाट ला बोलवण्यात आले त्यानंतर संत तुकडोजी पुतळ्याजवळ अपोलो टायर च्या दुकाना मागे जाऊन हितेश बनसोड व मी त्याला पकडून दोरी ने बांधून ॲम्बुलन्स मध्ये घेऊन , हिंगणघाट पोलीस स्टेशन येथे संबंधित प्रकरणाची माहिती दिली. त्यानंतर हितजोती आधार फाउंडेशन सावनेर जिल्हा नागपूर भंडारा व तिथून यवतमाळ नंददीप फाउंडेशन यवतमाळ संस्था कडे बाबुला दिले. (दिनेश वर्मा)

जळगाव- पल्लवी कोकाटे 

जळगांव जामोद तालुक्यातील ग्राम धानोरा महासिद्ध येथे राहत्या घरात अल्पभूधारक शेतकरी ओंकार ज्ञानदेव सोनोने वय 53 वर्षे यांनी राहत्या घरात गळफास घेऊन आत्महत्या केल्याची घटना 2 आगस्ट रोजी सकाळी उघडकीस आली.
दि.1ऑगस्ट रोजी पती पत्नी शेतात कामा करिता गेले व्होते परंतु शेतातील पीक चांगले नसल्याची खंत ओंकार सोनोने याचे मनात व्होती तसे घरा समोरील चौकामध्ये काही शेतकऱ्यांजवळ बोलले सुद्धा व्होते संध्याकाळी शेतातून घरी आल्यावर ते नाराज व्होते त्यांनी रात्री नवरा बायकोने सोबत जेवण करून झोपी गेले पती पत्नी व नातू घरा मध्ये समोरच्या खोलीत झोपले व्होते.अचानक त्यांनी रात्री 1—1:30 दरम्यान मागच्या स्वयंपाक खोली मध्ये गळफास घेऊन आत्महत्या केली असावी सदर बाब सकळी 3 वाजता त्यांची पत्नी यांना समजली तशी त्यांनी त्यांचे घरच्या जवळ राहत असलेले मुलगी व जावई यांना सांगितली.
ह्या वर्षी पिकपरिस्थीती चागली नसल्याने व डोक्यावर असलेल्या बैंकेच्या कर्जाचा डोगर या कारणामुळे आत्महत्या केलेल्या चे समजते त्यांचे मागे पत्नी,मुलगा,सून व मुलगी असा आप्त परिवार आहे ओंकार सोनोने यांनी केलेल्या आत्महत्ये मुळे गावात हळहळ व्यक्त करण्यात आहे.