शेगांव-अर्जुन कराळे

डॉक्टर बाबासाहेब आंबेडकरांच्या संविधानाने कलम २१ अ नुसार शिक्षणाचा हक्क दिला त्यामुळे सर्वत्र सर्व शिक्षा अभियान राबविण्यात आले त्या अभियाना अंतर्गत शाळांना अनुदान देत इमारती वर्गखोल्या शैक्षणिक साहित्य सर्व भौतिक सुविधा दिल्या गेल्या हेतू एकच होता की कोणीही शिक्षणापासून वंचित राहू नये आणि सर्वांना उच्च दर्जाचे शिक्षण मिळावे परंतु येथील स्थानिक प्रशासकीय कर्मचारी अधिकाऱ्यांच्या दुर्लक्षामुळे ग्रामीण भागातील शिक्षणाचे तीन तेरा वाजले आहेत याच कारणामुळे येथील जिल्हा परिषद शाळा या बंद पडण्याच्या मार्गावर आलेले आहेत, शिक्षण वाचवा देश वाचवा या उद्देशाने आज
देशाचे भवितव्य असलेल्या विद्यार्थ्यांचा आज शाळा खोली अभावी शेगाव येथे शिवाजी चौकातून पंचायत समिती कार्यालयापर्यंत आक्रोश मोर्चा काढण्यात आला या मोर्चात शाळा द्या नाहीतर दाखले द्या, पंचायत समिती प्रशासन मुर्दाबाद, जिल्हा प्रशासन मुर्दाबाद, शिक्षण वाचवा देश वाचवा, अशा आक्रोशात चिमुकल्या विद्यार्थ्यांनी व पालकांनी शासनाप्रती रोष व्यक्त करीत हा मोर्चा काढून पंचायत समिती कार्यालयावर बीडिओच्या केबिन समोर ठिय्या आंदोलन केले।
सविस्तर वृत्त असे आहे की शेगाव पंचायत समिती अंतर्गत येत असलेल्या गोळेगाव बुद्रुक येथील जि, प ,शाळा वर्ग खोली आणि अंगणवाडी ही गेल्या तीन-चार वर्षांपासून अतिशय शिकस्त झालेली आहे मुख्याध्यापक एस एस पीलात्रे आणि अंगणवाडी सेविका माया गव्हाळे यांनी तीन-चार वर्षांपासून खोली शिकस्त असून नवीन खोली मिळणे करिता कागदोपत्री पाठपुरवठा केलेला आहे परंतु अद्यापही खोली मंजूर झाली नाही सदर शाळा खोली संदर्भात वेळोवेळी दैनिक सकाळमध्ये वृत्त प्रकाशित झालेले आहे परंतु झोपेचे सोंग घेत असलेले कर्मचारी अधिकारी यांच्या वेळ काढून धोरणामुळे आज रोजी गोळेगाव बुद्रुक येथील शिक्षणाचे तीन तेरा वाजले आहेत गोळेगाव बुद्रुक येथील जि प शाळा वर्ग खोली मंजुरात झाली होती १0 ऑक्टोंबर २०२१ रोजी जि प सदस्य राजाभाऊ भोजने यांनी सदर कामाचे भूमिपूजन सुद्धा केले होते परंतु ही वर्गखोली गोळेगाव बुद्रुक ऐवजी येथील कर्मचाऱ्यांच्या चुकीमुळे गोळेगाव खुर्द झाल्याने ती मंजुरात रद्द झाली आहे शाळा बांधकाम मिळण्यासाठी पालकांनी १२मार्च २०२२ रोजी शाळेला दहा दिवस कुलूप ठोकले होते परंतु गटशिक्षणाधिकारी यांच्या मदतीने त्यांनी दिलेल्या आश्वासनानंतर शाळापूर्वरत चालू करण्यात आली परंतु आज रोजी पालकांनी प,स,शेगाव येथे संबंधित कर्मचारी अधिकाऱ्यांना विचारणा केली असता फाईल सिओच्या टेबलवर असल्याचे गेल्या पंधरा दिवसापासून सांगत आहेत त्यामुळे या बांधकाम मंजुरातीचे गोड बंगाल कुठे दडलेले आहे याचा प्रश्न निर्माण झालेला आहे गोळेगाव बुद्रुक येथे आज रोजी चार वर्ग आणि एकाच खोलीत भरत आहेत तसेच अंगणवाडी ही गेल्या दोन वर्षापासून भाड्याच्या दहा बाय दहा रूम मध्ये २२ विद्यार्थ्यांसह भरत आहे शाळेला वॉल कंपाऊंड नाही शाळेच्या अवतीभवती जनावरांचे वास्तव्य घाण, कचरा आहे शाळेला मुताऱ्या नाहीत संडास नाहीत अशी दयनीय अवस्था शाळेची झालेली आहे।
विद्यार्थी देशाचे भवितव्य आहेत आणि त्यांचीच अशी दयनीय अवस्था काय असेल उद्याचे देशाचे भवितव्य असा प्रश्न आता ग्रामस्थ करीत आहेत।

आज दिनांक एक १ ऑगस्ट २०२२ च्या या आंदोलनात गोळेगाव बुद्रुक येथील जि प शाळेच्या वर्ग खोलीची मंजुरात १५ ऑगस्ट पर्यन्त न झाल्यास विद्यार्थ्यासह आम्ही सर्व पालक जिल्हा परिषद कार्यालय बुलढाणा येथे आमरण उपोषण करणार।

*धम्मपाल समदूर*
अध्यक्ष शाळा समिती जि प शाळा गोळेगाव

दिपक देशमुख
मेहकर
राज्यात सध्या सर्व दुर मोठ्या प्रमाणावर जोरदार पाऊस पडतोय व या पावसामुळे बर्याच शेतकऱ्यांना दुबार तिबार पेरणी ला सामोरे जावे लागले आहे.शेतकर्यांच्या शेतातील सोयाबीन, तूर, मूग, उडीद या पिकांचे खूप मोठ्या प्रमाणामध्ये नुकसान झाले आहे तर कित्येक शेतकऱ्यांच्या शेतामध्ये पाणी साचून तलावामध्ये रुपांतर झाले आहे तर कित्येक ठिकाणी शेतजमीन खराळल्याचे चित्र दिसत आहे.अशातच शेतकऱ्यांना फुल नाही फुलांची पाकळी मिळावी या आशेने शेतकरी पिकविमा भरतात पण पहिलेच दुबार तिबार पेरणी मध्ये वेळ गेला आणि सततच्या पावसामुळे नेटवर्क कनेक्टिव्हिटी च्या अडचणी यात वेळ गेला आणि आता पिकविमा भरण्यासाठीची मुदत संपत आली आहे.मागच्या वर्षी स्वाभिमानी शेतकरी संघटनेने सोयाबीन कापसाला भाव मिळण्यासोबतच पिकविण्यासाठी ही रान उठवले होते ज्याचा फायदा शेतकऱ्यांना भाववाढी सोबतचपिक विमा मिळण्याकरिता हा झाला.मागच्या वर्षीची पिकविण्याची मिळालेली मदत पाहता यावर्षी शेतकर्यांनी पिकविमा भरण्यासाठीची मानसिकता दाखविली परंतु मुदत संपत असल्याने बर्याच शेतकऱ्यांनी स्वाभिमानी शेतकरी संघटनेच्या पदाधिकाऱ्यांशी संपर्क साधून पिकविमा मुदत वाढवून भेटण्यासाठी आपण प्रयत्न करावे अशी विनंती केली . त्यानुसार कोणताही शेतकरी पिकविमा भरण्यापासून वंचित राहू नये सोबतच ज्या ज्या भागामध्ये अतिवृष्टी मुळे शेतकऱ्यांचं नुकसान झाले आहे त्या त्या भागातील पंचनामे करून शेतकऱ्यांना ओला दुष्काळ सदृश्य परिस्थिती नुसार मदत देण्यात यावी याकरिता स्वाभिमानी शेतकरी संघटनेच्या वतीने, कृषी मंत्री पद रिकामे असल्याने महाराष्ट्र राज्याचे मुख्यमंत्री मा.ना.एकनाथ शिंदे तथा महाराष्ट्र राज्याचे उपमुख्यमंत्री श्री देवेंद्र फडणवीस यांना स्थानिक स्वराज्य संस्थांच्या निवडणुकाच्या कामामुळे शेतकर्यांच्या समस्या दुर्लक्षित राहू नये या करीता निवेदनाद्वारे पिक विमा मुदतवाढ आणि नुकसानभरपाई मिळण्याची मागणी केली आहे.

हिंगणघाट शहरात अमृत योजनेअंतर्गत कामे हे 2019 ला पूर्ण करणे आवश्यक होते परंतु सत्ताधारी यांनी आपले कर्तव्य व विरोधी पक्ष यांनी आपली भूमिका योग्य पद्धतीने पार पाडली नाही त्यामुळे हिंगणघाट शहराला पाण्याची समस्या राहील (त्याला जबाबदार आम्हीच आहो) आजही हिंगणघाट शहरात अनेक योजनेतून अर्धवट कामे नियमाच्या आत झाले नाही व ते बाकी आहे .कामे अर्धवट राहिल्यामुळे पुन्हा यावर वाढीव रक्कम बिल काढेल व हे सर्व पैसे जनतेच्या कराच्या माध्यमातून वसूल करण्यात येणार आहे अमृत योजनेतील कामे हे नियमाच्या आत झाले का ?
सत्ताधारी व विरोधक यांनी याबद्दल जनतेला सांगितले का ? केंद्र शासन पुरस्कृत अमृत पाणी पुरवठा योजनेअंतर्गत हिंगणघाट नागरी पाणी पुरवठा योजना
प्रशासकीय मंजुरी (16/5/2016 )
:- 61 कोटी 58 लाख 60 हजार 88 रुपये
करारनामा दि.12/4/17 ते 12/4/19 (24 महिने )
ठेकेदाराचे नाव :- संतोष कंट्रक्शन अँड इन्फ्रा नांदेड
अंमलबजावणी करून घेण्याची जबाबदारी महाराष्ट्र जीवन प्राधिकरण

————————
नांदगाव खंडेश्वर पंचायत समितीतील आठ गणांसाठी आरक्षण सोडत आज २८/७/२०२२जाहिर करण्यात आले असुन अनुक्रमे लोणी पंचायत समिती गणासाठी अनुसूचित जाती स्त्री करिता राखीव असे आरक्षण निघालेले आहे तसेच धानोरा फसी गणासाठी सर्वसाधारण जनुना सर्वसाधारण फुबगाव सर्वसाधारण स्त्री धानोरा गुरुव नागरिकांचा मागास प्रवर्ग स्त्री मंगरुळ चव्हाळा सर्वसाधारण स्त्री वाढोणा रामनाथ अनुसूचित जाती सालोड नागरिकांचा मागास प्रवर्ग अशी आरक्षण सोडत जाहीर करण्यात आली असून या आरक्षण निरिक्षक अधिकारी उपविभागीय अधिकारी इब्राहिम चौधरी आरक्षण सोडत अधिकारी म्हणून नांदगाव खंडेश्वर चे तहसिलदार पुरुषोत्तम भुसारी हे होते व तसेच नायब तहसीलदार राठोड व निवडणूक लिपीक मंगेश गावनेर यांनी सोडतीच्या कार्यक्रमाचा पदभार सांभाळला होता अशी माहिती सुमित ढवळे यांनी दिली यावेळी तालुक्यातील विविध पक्षांचे पदाधिकारी यांची उपस्थिती होती…