जिल्हयातील सर्व नियुक्त्यांचे अधिकार संपर्कप्रमुखांकडे…

बुलडाणा : – जिल्हा शिवेसना संपर्कप्रमुख खासदार प्रतापराव जाधव यांची पुनश्चनियुक्ती करण्यात आली आहे. शिवसेना मुख्यमंत्री एकनाथ शिंदे यांनी हि नियुक्ती केली आहे. महत्वाचे म्हणजे जिल्हयातील सर्व पदाधिकारी नियुक्तीचे अधिकारी संपर्क प्रमुख खासदार प्रतापराव जाधव यांना देण्यात आले आहेत.
एकनाथ शिंदे यांच्यासोबत जिल्हयातील दोन शिवसेना आमदार डॉ. संजय रायमुलकर, संजय गायकवाड हे नविन भाजप सेना सरकार स्थापनेमध्ये सामील झाले. सोबतच दिल्लीत बारा खासदारांनी एकत्र येत शिंदेना समर्थन देत एन.डी.ए. मध्ये सहभागी झाले. बुलडाण्याचे खासदार प्रतापराव जाधव यांचाही यात समावेश आहे. आपण शिवसेना सोडलेली नाही. हिंदुहृदयसम्राट शिवसेना प्रमुख बाळासाहेब ठाकरे यांचे विचार घेवुन आपण पुढे जात आहोत. अशि भुमिका खासदार प्रतापराव जाधव यांनी या आधिच जाहीर केली आहे. आज महाराष्ट्र सदन दिल्ली येथे मुख्यमंत्री एकनाथ शिंदे यांनी खासदार प्रतापराव जाधव यांच्याकडेच बुलडाणा जिल्हा शिवसेना संपर्कप्रमुख पदी पुनश्च नियुक्ती केली आहे. तसेच जिल्हयातील पदाधिकाऱ्यांची नियुक्ती करण्याचे अधिकार त्यांनाच बहाल केले आहेत. याप्रसंगी खासदार प्रतापराव जाधव यांचा मुख्यमंत्री एकनाथ शिंदे यांनी या प्रसंगी सत्कार केला. यावेळी लोकसभेतील गटनेते खा. डॉ. राहुल शेवाळे, खा. हेमंत पाटील, खा. कृपाल तुमाने, खा. धैर्यशिल माने, खा. सदाशिव लोखंडे उपस्थित होते.

प्रतिनिधि अशोक भाकरे

शहरातील पंचमुखी हनुमान मंदिर हरिहर पेठ येथे एक इसम हातात तलवार घेऊन आरडा ओरडा करीत असल्याच्या माहिती वरूण विशेष पथकाने जावुन पाहणी केली असता राहुल हौसिलाप्रसाद यादव वय 22 रा नया फाईल रामदास मठ हा युवक तलवार घेऊन दहशत फसरवण्याचा प्रयत्न करत होता या वरूण पोलीसानी त्याला ताब्यात घेतले त्याच्या जवळून एक तलवार हस्तगत केली व जुने शहर पोलीस ठाण्यात गुन्हा दाखल करण्यात आला आहे

अनिलसिंग चव्हाण मुख्य संपादक.

गडचिरोली:-गडचिरोली सारख्या आदिवासी,दुर्गम व नक्षलग्रस्त जिल्ह्यातील चामोर्शी तालुक्यातील गट साधन केंद्रात कार्यरत असलेले उपक्रमशील विषय साधनव्यक्ती चांगदेव सोरते यांना त्यांच्या उत्कृष्ट कार्याबद्दल त्यांची महाराष्ट्र राज्य शिक्षक सन्मान अभियानाच्या राज्य समन्वयक पदी निवड करण्यात आली आहे.
चांगदेव सोरते यांनी कोरोना कालावधीत स्थलांतरित कुटुंबातील पालकांना त्यांच्या कुटुंबापर्यत पोहचवण्यासाठी प्रयत्न केले आहेत.तसेच शाळा बाह्य विद्यार्थ्यांना शिक्षणाच्या मुख्य प्रवाहात सामील करण्यासाठी प्रभावी आणि परिणामकारक कार्य केले आहे.नियमित विद्यार्थी-शिक्षक यांना सातत्याने शैक्षणिक सहाय्य करण्याचे मौलिक कार्य केले आहे.आतापर्यत अनेक शिक्षक प्रशिक्षणात उत्कृष्ट कामगिरी बजावली आहे.महाराष्टातील जवळपास बारा जिल्ह्यातील शिक्षण परिषदांना त्यांनी जवळपास सत्तर ते ऐंशी हजार शिक्षकांना मार्गदर्शन केले आहे.त्यामुळे त्यांना आतापर्यंत अनेक संस्था व संघटनांनी पुरस्कार देऊन सन्मानित केले आहेत.त्यामध्ये गुरू गौरव,भामरागड भुषण,आयकाॅन ऑफ साऊथ गडचिरोली,प्रेरक अधिकारी,गुणवत्तेचे शिलेदार, आदर्श साधनव्यक्ती,राज्य स्तरीय अध्यापक पुरस्कार,बालरक्षक, इंटरनॅशनल आयडॉल अवार्ड, समाजभूषण सारखे इत्यादी पुरस्कार देऊन सोरते यांचा गौरव केल्या गेला आहे.
त्यांनी आपल्या सन्मानाचे श्रेय शिक्षक सन्मान अभियानाचे सर्व पदाधिकारी,जिल्हा शिक्षण व प्रशिक्षण संस्था गडचिरोली,विद्यार्थी शिक्षक पालक,अधिकारीगण, सामाजिक संस्था,आप्तेष्ट व मित्रपरिवार यांना दिले आहे.

यावल ( प्रतिनिधी ) विकी वानखेडे

संपुर्ण राज्यात अति पावसाने पूरस्थिती तसेच शेतीची परिस्थिती गंभीर होत चालली असतांना त्यात मुख्यमंत्री– उपमुख्यमंत्री हे दिल्ली वारी करण्यात व्यस्त आहेत तर राज्यातील जनता ही वाऱ्यावर असल्याचे चित्र प्रथम पहावयास मिळत आहे . राज्यात पंचविस दिवस झालीत राज्याचे मंत्रीमंडळ झालेले नाही या ठिकाणी जर मंत्रिमंडळ असते तर लोकांचे समस्या सुटण्यास मदत झाली असती शासनाकडुन नुकसान जनतेला काही मदत करता आली असती तसे न होणे हे आपल्या राज्याचे दुदैव आहे . लोकप्रतिनिधी ही राज्याची परिस्थिती प्रभावीपणे मांडु शकतो पण राज्यात मंत्रीमंडळच नसल्याने प्रशासनाची जबाबदारी ही शासकीय अधिकारी यांचे कडे देण्यात आलेली असुन अधिकारी हे आपले काम त्यांच्या चाकोरीत राहुन काम करतात असे मत माजी महसुल मंत्री राष्ट्रवादीचे नेते व आमदार एकनाथराव खडसे यांनी यावल येथे व्यक्त केले .

तालुक्यातील दहिगाव येथील उपसरपंच किशोर महाजन व येथील माजी नगराध्यक्ष राकेश कोलते यांचे वडीलाचे निधना निमित्ताने माजी मंत्री तथा आमदार एकनाथराव खडसे व्दार-दर्शनासाठी येथे आले असता येथील स्वामी कृषी केंद्रात त्यांनी पत्रकारांशी संवाद साधला याप्रसंगी ते बोलत होते.
या प्रसंगी बोलताना त्यांनी सांगितले की सध्या महाराष्ट्रामध्ये अति पावसाने पूरस्थिती पूरस्थिती निर्माण झाली तसेच शेतकऱ्याचे प्रचंड नुकसान झाले मात्र अजूनही मंत्रिमंडळ विस्तार नसल्याने त्यांचे कडे दुर्लक्ष होत आहे मुख्यमंत्री एकनाथराव शिंदे व उपमुख्यमंत्री देवेंद्र फडणवीस हे दिल्लीवारी करण्यात व्यस्त आहेत सरकार त्यांच्या चाकोरीतून काम करते लोकप्रतिनिधी असले तर समस्या सुटतात असे मत त्यांनी व्यक्त केले.
आगामी निवडणुका स्वबळावर
आगामी नगरपालिका, पंचायत समिती, जिल्हा परिषद निवडणुका संदर्भात त्यांना भूमिका विचारली असता त्यांनी कार्यकर्त्यांना स्वबळावर लढण्यासाठी तयारी करण्याचे निर्देश दिल्याचे सांगितले मात्र वरिष्ठ पातळीवर महाविकास आघाडीचा एकत्र लढण्याचा प्रस्ताव आल्यास त्या संदर्भात एकत्रित बसून विचार करता येईल आणि ठरल्या नुसार निवडणूक लढता येईल अर्थात तो नंतरचा भाग आहे. निवडणुकी या लागल्या आहेतच त्यामुळे कार्यकर्त्यांनी कोणत्याही तयारीत तयार राहावे अशा सुचना दिल्याचे त्यांनी सांगितले .याप्रसंगी त्यांनी राष्ट्रवादी काँग्रेस पक्षाच्या प्रमुख पदाधिकारी व कार्यकर्त्यांची बैठकही घेतली. या प्रसंगी पक्षाचे जिल्हा प्रवक्ते तथा माजी नगराध्यक्ष अतुल पाटील , तालुकाध्यक्ष प्रा . मुकेश येवले, राष्ट्रवादी आदिवासी विभागाचे जिल्हाध्यक्ष एम.बी.तडवी डॉ. हेमंत येवले . माजी नगरसेवक अताउल्लाखान,राष्ट्रवादीचे कार्यध्यक्ष मोहसीन खान, बापु जासुद , युवक राष्ट्रवादीचे गोलु माळी आदी कार्यकर्ते उपास्थित होते . याप्रसंगी काँग्रेसचे माजी नगरसेवक समीर शेख मोमीन, माजी नगरसेवक अस्लम शेख नबी यांनी माजी मंत्री आमदार एकनाथराव खडसे यांचे स्वागत केले .

दि 24 ओबीसी समाजाचे रद्द झालेले आरक्षण पुन्हा लागू व्हावे यासाठी राज्यभर ओबीसी समाजातील संघटनेचा व ओबीसी नेत्यांचा संघर्ष चालूच होता ओबीसी आरक्षण रद्द झाल्यामुळे ओबीसी समाजाचे मोठे नुकसान झाले होते. समाजाला आरक्षणापासून वंचित ठेवले जात होते काही निवडणुकीमध्ये ओबीसी समाजाला संधी मिळत नव्हती ओबीसी समाजाचा राज्यभर मोठमोठाले आंदोलन, मोठमोठे मोर्चे ,मोठ मोठाले रस्ता रोको, करून सुद्धा या ओबीसी समाजाच्या न्याय हक्कासाठी व न्याय मिळवण्यासाठी सरकारकडे वेळोवेळी मागणी निवेदन ओबीसी नेते करत होते‌‌. परंतु या समाजाकडे दुर्लक्ष केले जात होते.
राज्यात सत्ता परिवर्तन झाल्याच्या नंतर शिंदे- फडवणीस सरकारने काटेकोर पणे या ओबीसी समाजाकडे लक्ष देण्याचे काम केले व ओबीसी समाजाला न्याय मिळवण्यासाठी लक्ष दिले‌‌.
आज बीड येथे पुण्यश्लोक अहिल्यादेवी होळकर पुतळ्यासमोर प्रकाश भैय्या सोनसळे ओबीसी नेते यांच्या नेतृत्वाखाली ओबीसी समाजाला आरक्षण मंजूर झाल्याबद्दल प्रकाश भैय्या सोनसळे यांनी पेढे वाटून आनंद उत्सव साजरा केला यामध्ये सर्व समाज बांधव नेते कार्यकर्ते यांनी सहभागी होऊन आनंद साजरा करण्यात आला.
सर्वोच्च न्यायालयाने ऐतिहासिक निर्णय घेऊन ओबीसी समाजाला न्याय दिला या निर्णयाचा धनगर समाजाचे नेते प्रकाश भैय्या सोनसळे यांनी शिंदे व फडणवीस सरकारचे अभिनंदन केले व असेच सहकार्य असेच प्रेम व धनगर आरक्षणाचा लवकर प्रश्न मार्गी लावावा अशी मागणी लवकरच मुख्यमंत्री व उपमुख्यमंत्री यांची भेट घेऊन यांना निवेदन देणार आहे असेही प्रकाश भैया सोनसळे यांनी म्हटले आहे.
यावेळी हनुमंतरावजी काळे साहेब, नारायणजी भोंडवे सरपंच, भारत गाडे, ओंकार काळे, कैलास पांढरे ,अशोकराव पांढरे, शुभम भोंडवे सुदर्शन दादा भोंडवे , माऊली मारकड,मारकड ताई ,रोहन काळे, सरपंच बंगाल, आण्णा निर्मळ, प्रमोद गाडे,निलेश अडाले,पाराजी अडाले,मारकड भैय्या,हानुमंत राहींज, भोंडवे भैय्या आदी उपस्थित होते