(चंद्रपूर घुग्घुस)प्रतिनिधी
रमेश सुध्दाला

कामगारांच्या असंख्य उपस्थितीत पार पडला विजयक्रांती कामगार संघटने मार्फत आयोजित कामगार मेळावा

कामगार बांधव हा औद्योगिक क्षेत्राचा कणा आहे. औद्योगाची भूमिका हि नेहमी कामगार केंद्रित असायला पाहिजे- विजयभाऊ वडेट्टीवार

दि. २४ एप्रिल रोजी सायंकाळी नकोडा येथील फुले-शाहू-आंबेडकर रंगमंच नकोडा येथे विजयक्रांती कामगार संघटना मार्फत भव्य कामगार मेळावाचे आयोजन करण्यात आले होते. आयोजित कामगार मेळावा मध्ये चंद्रपूर जिल्ह्याचे पालकमंत्री मा. विजयभाऊ वडेट्टीवार तसेच महाराष्ट्र प्रदेश महासचिव युवक कॉंग्रेस तथा अध्यक्षा, विजयक्रांती कामगार संघटना कु. शिवानी ताई वडेट्टीवार यांची प्रमुख उपस्थिती होती.
आयोजित भव्य कामगार मेळावा प्रसंगी उपस्थित मान्यवरांच्या आगमनाकरिता पांढरकवडा-घुग्घुस-एसीसी मार्गे कामगाराची भव्य रैली सह मान्यवराचे स्वागत करण्यात आले. विजयक्रांती कामगार संघटना फलकाचे अनावरण मा.विजयभाऊ वडेट्टीवार व कु. शिवानीताई वडेट्टीवार यांचा हस्ते करण्यात आले. कार्यक्रमाप्रसंगी विजय क्रांती कामगार संघटनाच्या अध्यक्षांनी कामगारबांधवांना विजय क्रांती कामगार संघटना हि सर्वस्वी कामगाराच्या हितार्थ आहे. हि संघटना प्रत्येक कामगाराच्या सामाजिक उत्कर्षासाठी, नैतिक मुल्य जपण्यासाठी तसेच हित संबंध संरक्षण व संवर्धणासाठी कार्य करते. तसेच हि एकमेव संघटना आहे, जी कामगारचा कल्याणार्थ सातत्याने कार्यरत आहे. असे प्रतिपादन शिवानीताई वडेट्टीवार यांनी उपस्थितांना केले.
कामगार बांधव हा औद्योगिक क्षेत्राचा कणा आहे. औद्योगाची भूमिका हि नेहमी कामगार केंद्रित असायला पाहिजे. तशी भूमिका ठेवणारा कुठलाही उद्योग अपेक्षित भरभराटी साधल्या शिवाय राहणार नाही. कामगार वर्गाला न्याय व त्यांच्या रास्त मागण्यासाठी मी देखील तुमच्या खांद्याला खांदा लाऊन तुमच्या सोबत असेल. असे प्रतिपादन पालकमंत्री विजयभाऊ वडेट्टीवार यांनी उपस्थिताना केले.
कामगारांना त्यांचे हक्क व अधिकार न्यायिक स्वरुपात तसेच कार्यस्थळी सुव्यवस्था व सुरक्षा प्रदान करण्याच्या उद्देशाने यामेळाव्याचे आयोजन करण्यात आले होते. कामगारामुळेच आज देश औद्योगिक व इतर क्षेत्रात अपेक्षित प्रगती करू शकला आहे.
आयोजित मेळाव्या प्रसंगी माजी नगराध्यक्ष गडचिरोली मा. अड. राम मेश्राम , कामगार नेते विजयक्रांती कामगार संघटना विजय ठाकरे, कॉंग्रेस जिल्हा अध्यक्ष प्रकाश देवतळे, माजी शहर कॉंग्रेसअध्यक्ष नंदू नागरकर यांची उपस्थिती होती. विजयक्रांती कामगार संघटनेचे कार्यध्यक्ष श्री. प्रवीणभाऊ लांडगे यांचा संकल्पना तथा मार्गदर्शना खाली भव्य कामगार मेळाव्याचे आयोजन करण्यात आले होते. विजयक्रांती कामगार संघटना एसीसी चांदा सिमेंट वर्कस् संघटनेचे महासचिव सतीश शेंडे, उपाध्यक्ष राज बावणे तसेच स्थायी संघटनेचे राजेश यंगलवार व उपाध्यक्ष नितीन पटेल, शिंदोला गोवारी माईन्स,चे उपाध्यक्ष सतिश जोगी व कंत्राटी संघटनेचे उपाध्यक्ष दत्तू ठाकरे, अल्ट्राटेक सिमेंट,चे महासचिव सुनील ढवस व उपाध्यक्ष दशरथ राऊत, अंबुजा सिमेंट चे महासचिव बबन अत्राम व कार्याध्यक्ष सुधीर विधाते, पैनगंगा ओपन कास्ट,चे महासाचिव रोशन हरबडे व उपध्यक्ष जावेद खान,माणिकगड, दालमिया कंपनीचे पदाधिकारी व कामगार उपस्थित होते.

यावल (प्रतिनिधी)निधी विकी वानखेडे

यावल : येथील तहसिल कार्यालयात मंगळवारी संजय गांधी निराधार समितीची बैठक पार पडली समिती समोर १ हजार २६५ प्रकरण ठेवण्यात आले होते त्यातील ३१० प्रकरण मंजुर करण्यात आली आहे तर उवर्रित प्रकरणांची पडताळणी केल्या नंतर ते पुढील बैठकीत समिती समोर ठेवण्यात येणार आहे. तसेच ज्या प्रकरणात त्रुट्या आढळल्या त्यांच्या त्रुट्यांची पुर्तता करण्याच्या सुचना समिती अध्यक्ष शेखर पाटील यांनी केल्या आहे.
मंगळवारी येथील तहसिल कार्यालयात संजय गांधी निराधार समितीची बैठक पार पडली या बैठकीच्या अध्यक्षस्थानी समितीचे अध्यक्ष शेखर सोपान पाटील होते या प्रसंगी समिती पुढे १ हजार २६५ प्रकरण ठेवण्यात आले होते या पैकी ३१० प्रकरण मंजुर करण्यात आले आहे. तर उवर्रित प्रकरणांची प्रशासकिय पातळीवर पडताळणी आणी छाणणी करण्याच्या सुचना आणी ज्या प्रकणारत त्रुट्या आढळून आल्या त्या प्रकरणातील संबधीत त्रुट्या दुर करण्या कामी अर्जदारांना सुचना करीत त्रुटयांची पुर्तता केली जावी अशा सुचना बैठकीत अध्यक्ष शेखर पाटील यांनी दिल्या आहे. बैठकीत समिती अध्यक्ष शेखर पाटील सह तहसिलदार महेश पवार, निवासी नायब तहसिलदार आर. के. पवार, संजय गांधी योजना समिती नायब तहसिलदार भाग्यश्री भुसावरे, इंगळे, आर. बी. मिस्तरी, योजना समितीचे मुन्ना पाटील, सदस्य सुभाष सोळुंके, सैय्यद जावेद अली, राजु तडवी, ज्ञानेश्वर बऱ्हाटे, दिनकर पाटील, नितिन महाजन,संदिप सोनवणे, योगीता पाटील सह आदींची उपस्थिती होती

हिंगणघाट दि.२७ एप्रिल
येथून जवळच असलेल्या सावली (वाघ) येथील आरोग्य उपकेंद्र जवळच्या परिसरात स्वयंपाकाचे गॅस सिलेंडरचा स्फोट होऊन आग लागली असून यात ५ झोपड्या जळून खाक झाल्या.सकाळी १० वाजताचे सुमारास लागलेल्या आगित या गरीब झोपडपट्टीधारकांचे धान्य व इतर साहित्याचे मोठे नुकसान झाले आहे,परंतु सुदैवाने कोणतीही जिवितहानी झाली नाही.
आगित एक दुचाकी तसेच दिड लाख रुपये रोख रक्कमसुद्धा जळाली असल्याची माहिती आहे.
सदर आग लागल्याची माहिती मिळताच परिसरातील गावकऱ्यांनी आग विझविण्याचे प्रयत्न करीत आग आटोक्यात आणली.यावेळी हिंगणघाट येथील अग्निशमन सेवेला पाचारण करण्यात आले.सदर आग येथील गावकरी तुकाराम नांदे यांचे झोपडीवजा निवासस्थानात लागली असून इतर ४ झोपड्यासुद्धा जळाल्या.
हिंगणघाट पोलिस ठाण्याचे पोलिस उपनिरीक्षक दिपेश ठाकरे हे आपल्या चमुसह घटनास्थळी पोचले असून आगिच्या नुकसानीबद्दल माहिती घेत आहेत.
आगीत या परिसरात राहणाऱ्या तुकाराम नांदे,ऋषी मगर,मधुकर दोडके,आशा दोडके,तपन मागीपुर इत्यादिच्या झोपड्या जळून खाक झाल्याने सोबत सर्व धान्य व घरगुती साहित्य,आंथरुन,कपडेसुद्धा भस्मसात झाले.या आगित एका परिवाराचे सुमारे दिड लाख रुपये रोख रक्कम जळाल्याची माहिती असून एक दुचाकीसुद्धा भस्मसात झाली.
यात ५ परिवार उघड्यावर आले असून त्यांनी प्रशासनाकडे तत्काळ मदतीची मागणी केली. सूर्या मराठी न्यूज साठी सचिन वाघे वर्धा

हिंगणघाट २७ मार्च शहरात पशु ,पक्षी संवर्धनासाठी कार्यरत निसर्गसाथी फाउंडेशन शहारात भटक्या श्वानांची शुश्रुषा करते.भटक्या श्र्वान सध्या चर्मरोगानी ग्रस्त आहे . अंगावरील पुर्ण केस गळुन सारखे पायांनी अंगावर रक्त येईपर्यंत हे भटके श्र्वान शहरात फेरफटका मारताना सहज नजरेस पडतात.तद्वतच भटका श्र्वान म्हणजे सर्वांकडून दुर्लक्षित अशातच पोटाची भूक भागविण्यासाठी इकडे तिकडे वणवण भटकत असताना अनेकदा मारहाण करुन जखमी करणारे महाभाग श्वानांना लगंडे करून ,जखमी अवस्थेत व्हिवळत असणारे भटके श्र्वान शहरात कुठेतरी रस्त्याचे कडेला , दुकान, हॉटेल शेजारी पहुडलेले असतात खरे मात्र एरवी पाळीव विदेशी श्वानांची सग्यासोयरयापेक्षा जिवापाड काळजी घेणारे बिस्केट ,चाकलेट खाउ घालणारे महाभाग या भटक्या श्वानांकडे ढुंकूनही बघत नाही अशी सध्या ची गावरान देशी श्वानांची अवस्था गावशहरासह जिल्ह्यात राज्यात पहावयास मिळत आहे.
हे देशी गावरान श्वान भटक्या श्वानांत रुपांतरीत होते आहे .पुर्वी पाळीव कुत्रा म्हणजे हमखास देशी श्वान असायचा गावखेड्यात घरोघरी अंगणात ‘ घराचा रक्षक ‘ पाळलेला कुत्रा पहुडलेला पहावयास मिळायचा .दिवसभर मालकासोबत शेतात व संध्याकाळी मालकासोबतच घरी . पाळीव कुत्रा हा मालकांवर जीवापाड प्रेम करायचा मालकांवर ओढवलेल्या संकटात प्रसंगी प्राणाची बाजी लावून स्वत: समर्पीत झाल्याची उदाहरणे ऐकीवात आहे.
मात्र अलीकडे ८० चे दशकांनंतर विदेशी संस्कृती चे अतिक्रमणामुळे आपली संस्कृती गिळंकृत करण्यास प्रारंभ केला.त्यात देशी श्वान ही सुटले नाही .याचा परीणाम म्हणजे गाव शहरातील भटक्या श्वानांचे संख्येत वाढ झाली.राज्याती अनेक नगरपालिका, महानगरपालिका भटक्या कुत्र्यांच्यासंख्येवर नियंत्रण ठेवण्यासाठी त्यांचे कुटुंब नियोजन शस्त्रक्रियेवर लाखो रुपये खर्च करीत आहे.
हिंगणघाट शहरातील भटक्या चर्मरोगानी ग्रस्त, मारहाण, अपघातात जखमी श्वानां ,प्राणी ,पशु, पक्षी यांचेवर उपचार करण्यासाठी निसर्ग साथी फाउंडेशन हिंगणघाट ची रेस्क्यु निसर्गसाथी राकेश झाडे याचे नेतृत्वाखाली कार्यरत आहे.मागील‌ वर्षी पासुन आजतागायत जवळपास ५० भटक्या श्वांनांवर उपचार करुन त्यांना बरे केले.
@ देशी कुत्र्या चे वाण जपणे गरजेचे
प्रविण कडु
अध्यक्ष, निसर्गसाथी फाउंडेशन हिंगणघाट
निसर्गसाथी फाउंडेशन हिंगणघाट ची रेस्क्यु टिम सध्या शहरातील भटक्या श्वानांवर उपचार करुन त्यांना रोगमुक्त करीत आहे.सध्या स्थितीत गावशहरासह विदेशी पाळीव कुत्र्यांची संख्या वाढत असल्याने देशी गावरान श्वानांचे भटक्या,लावारीस श्वानांत रुपांतरीत होत आहे . शहरात, जिल्ह्यात , राज्यात भटक्या श्वानांचे संख्येत नियंत्रण ठेवण्यासाठी त्यांचे लाखो करोडो रुपये खर्च करून निर्बीजीकरण केले जात आहे.वास्तवीकता भारतीय कुत्रा प्रजाती परीहा ,जोनांगी हे पाळणण्यास सर्वोत्तम,कमी खर्चीक , ईमानदार असुनही लोकांचा कल विदेशी कुत्री पाळणा्याकडे वाढला परिणाम देशी कुत्र्या चे रूपांतर भटक्या होत आहे आणी ती प्रजाती कमी कमी होत आहे.अशानी भविष्यात भारतीय गावरान श्वानांचे देशी वाण नष्ट होणार आहे.हे कुठेतरी थांबायला हवे.या देशी कुत्र्या चे संरक्षण , संवर्धन करण्यासाठी निसर्ग साथी फाउंडेशन हिंगणघाट चे राकेश झाडे,स्वप्नील वाळके,करण विटाळे,दीपक जोशी,दिनेश वर्मा,सौरभ लामकासे,रोशन बालपांडे, ऋषिकेश जीवने, चांद जगताप , निधी जक्कनवार ,मिताली जक्कनवार यशस्वी मांडवकर इ कार्यरत आहे.
सूर्या मराठी न्यूज साठी सचिन वाघे वर्धा

उद्योगांनी सुरू केले वॉटर टँकर राजु रेड्डी यांच्या मागणीला यश

(चंद्रपूर घुग्घुस) प्रतिनिधी
रमेश सुध्दाला

घुग्घुस : शहरात सध्या सहा ही वॉर्डांत भीषण अशी पाणी टंचाई निर्माण झालेली असून पिण्याच्या पाण्यासाठी नागरिकांना भीषण अश्या उन्हाळ्यात पाण्यासाठी वणवण भटकंती करावी लागत आहे.
मागील पाच सहा दिवसांपासून शहरातील अनेक वॉर्डांत नळा तून होणारा पाणीपुरवठा पूर्णतः बंद असल्याने पिण्याच्या पाण्यापासून ही नागरिक वंचित झाले आहे.
शहरात गेल्या अनेक वर्षांपासून काँग्रेस अध्यक्ष राजु रेड्डी हे आपल्या दोन ते तीन खाजगी टँकर द्वारे मोफत पाणी पुरवठा करीत आहे.
पाण्यासाठी नागरिकांचा आक्रोश लक्षात घेत शहरातील उद्योगां तर्फे पाणी टँकर सुरू करावे अशी मागणी रेड्डी यांनी नगरपरिषदेच्या मुख्याधिकारी सौ.अर्शिया जुही यांना केली होती. सदर मागणीला यश आले असून लॉयड्स मेटल्स, एसिसी कंपनी,वेकोली तर्फे एक-एक टँकर सुरू करण्यात आले आहे.
मात्र अजून ही शहराची पाणी समस्या दूर झाली नसल्याने आज काँग्रेस कमिटीच्या शिष्टमंडळाने राजु रेड्डी यांच्या नेतृत्वाखाली मुख्याधिकारी यांची भेट घेऊन पाणी समस्येवर चर्चा केली व समस्या निवारणसाठी कडक अंमलबजावणीच्या सूचना दिल्या याप्रसंगी कामगार नेते सैय्यद अनवर, रोशन दांतलवार, मोसिम शेख,इर्शाद कुरेशी, रोहित डाकुर,देव भंडारी, बालकिशन कुळसंगे,कपिल गोगला,सुनील पाटील, व अन्य पदाधिकारी उपस्थित होते.

हिंगणघाट :- राम मंदिर वार्ड येथे विनोद झाडे मित्र परिवार तर्फे उन्हाळ्यात जनतेला होणारा त्रास पिण्याचे पाण्याची गरज लक्षात घेता या परिसरात शाळा, बँक , दवाखाना कारंजा चौक , रहदारीचा रस्ता असल्यामुळे या ठिकाणी मोठ्या प्रमाणात गर्दी असते तसेच या ठिकाणी बाहेर गावावरून कामानिमित्य येणाऱ्यांची संख्या लक्षात घेता व पिण्याच्या पाण्याची आवश्यकता आहे माजी नगरसेवक विनोद झाडे यांनी प्रभागात प्रत्येक मोक्याच्या ठिकाणी पाण्याची टाकी ची व्यवस्था करून प्रभागातील जनसामान्यांची पाण्याची समस्या सोडवली आहे. महाराष्ट्रात एक आपली वेगळी ओळख निर्माण केली. व त्यांच्या दूरदृष्टी विचारांमुळेच पाण्याची समस्या आज दिनांक 26 मार्चला अतुल वांदिले राष्ट्रवादी नेते, डॉ निरमेश कोठारी यांच्या हस्ते उद्घघाटन करून तहानलेला पिण्याकरिता उन्हाळ्यात थंड पाणी उपलब्ध करून दिले . या वेळी विनोद झाडे मित्र परिवार तर्फे मार्गदर्शक विनोद झाडे(माजी नगरसेवक), गोविंद पुरोहित, गोपाल पुरोहीत ,गिरीश तेजपाल, प्रकाश राऊत (माजी नगरसेवक) बबलू खेनवाल,हर्षल जगताप ,धर्मा धात्रक ,श्रीकांत कानोडे ,नितीन दहीवडे, विशाल खन्ना व मोठ्या प्रमाणात जनसमुदाय उपस्थित होता .
सुर्या मराठी न्युज साठी सचिन वाघे वर्धा

हिंगणघाट :- सम्यक बुद्ध विहार,प्रबुद्ध नगर राम नगर वॉर्ड येथील वाद गेला हिंगणघाट पोलीस स्टेशन मध्ये, तर एकाच जागेचे दोन नोंदणी क्रमांक कसे….?असा प्रश्न सर्व नागरिकांना पडला आहे.
तर दोन गट आमने सामने,२००५ मध्ये स्थापन केलेल्या नोंदणीकृत प्रबुद्ध नगर बहुउद्देशीय महिला समितीचे सध्याचे अध्यक्ष मंगला पुरुषोत्तम थुल असुन २०१९ मध्ये स्थापन केलेल्या सम्यक बुद्ध विहार,बौद्ध पंच कमिटीचे अध्यक्ष प्रलय भाऊराव तेलंग आहे

रामनगर वार्ड,प्रबुद्ध नगर येथील सम्यक बुद्ध विहाराचा वाद आता थेट हिंगणघाट पोलीस स्टेशन येथे पोहोचला आहे मागील तीन ते साडेतीन वर्षापासून विहाराचा वाद सुरू असुन,दोन गट पडल्याचे सांगण्यात येत आहे.
प्रबुद्ध नगर बहुउद्देशीय महिला समितीचे २००५ मध्ये नोंदणीकृत संस्था असून सहाय्यक धर्मदाय आयुक्त वर्धा येथे नोंदणी क्रमांक एफ ५५७० देण्यात आला होता.सदर संस्थेचे लोक वर्गणीतून सम्यक बुद्ध विहार रामनगर वार्ड,प्रबुद्ध नगर जिल्हा वर्धा यांचे बांधकाम केले असून २०११ ते २०१३ या कालावधीत विहाराचे बांधकाम पूर्ण झाले होते व त्यावेळी सम्यक बुद्ध विहार येथे बुद्ध मूर्ती स्थापनेवेळी संगमवरी फलक बुद्धविहारात बसविण्यात आले होते.
परंतु सन २०१९ ला सम्यक बुद्ध विहार,बोद्ध पंचकमिटी या नावाने सहाय्यक धर्मदाय आयुक्त वर्धा येथे नोंदणी करण्यात आली तर नोंदनी क्र. ए.७३७ वर्धा असुन या बौद्ध पंच कमिटीचे अध्यक्ष प्रलय भाउराव तेलंग,सचिव अमित देवानंद झांबरे असुन इतर सदस्यांनी बळजबरीने प्रबुद्ध नगर बहुउद्देशीय महिला समिती यांना कोणातीही माहिती न होऊ देता संस्थेची स्थापना कली व विहारात लावलेल्या सदर फलकाची विटंबना केली या बाबत हिंगणघाट पोलीस स्टेशन येथे अशी लेखी तक्रार प्रबुद्ध नगर बहुउद्देशीय महिला समिती यांच्यावतीने देण्यात आली असुन सदर प्रकरण चौकशी मध्ये घेण्यात आले आहे.
सम्यक बुध्द विहार बौद्ध पंचकमिटीने कोणतीही कल्पना दिली नाही व प्रबुद्ध नगर बहुउद्देशीय महिला समिती यांना विश्वासात न घेता कोणताही ठराव संमत करून न घेता २०१९ मध्ये नव्याने सम्यक बुध्द विहार बौध्द पंचकमिटी नोंदणी क्र.ए.७३७ या नावाने सहाय्यक धर्मदाय आयुक्त वर्धा येथे या नावानी नोंदणी केल्या गेली असे २००५ नोंदणीकृत असलेल्या प्रबुद्ध नगर बहुद्देशीय महिला समिती यांच्या वतीने सांगण्यात येत आहे,तर आता एकाच विहाराच्या जागेचे दोन नोंदणी क्रमांक झाले असून एकाच जागेचे दोन नोंदणी क्रमांक कसे….?असा प्रश्न नागरिकांना पडला आहे व कोणत्या आधारे सम्यक बुद्ध विहार बोद्ध पंचकमिटी नोंदणी क्र.ए.७३७ यांना देण्यात आला आहे हे अजूनही स्पष्ट झालेले नाही.
२००५ मध्ये स्थापन केलेल्या नोंदणीकृत प्रबुद्ध नगर बहुउद्देशीय महिला समितीचे सध्याचे अध्यक्ष मंगला पुरुषोत्तम थुल,सचिव शांता खेडकर व सहसचिव सिंधू दखणे असुन २०१९ मध्ये स्थापन केलेल्या सम्यक बुद्ध विहार,बौद्ध पंच कमिटीचे अध्यक्ष प्रलय भाऊराव तेलंग असुन,सचिव अमित झांबरे आहे.
२००५ मधील नोंदणीकृत प्रबुद्ध नगर बहुद्देशीय महिला समिती यांने सम्यक बुद्ध विहार येथे बुद्ध मूर्ती स्थापनेवेळी संगमवरी फलक बुद्धविहारात बसविण्यात आले परंतू ११ ते १३ एप्रिल २०२२ रोजी विहारामधील संगमवरी काळ्या फलकाला त्यावर नाव कोरून असलेल्या त्यावर पांढरा रंग फासून विटंबना केली या कृत्यामुळे प्रबुद्ध नगर बहुउद्देशीय महिला समितीचे सभासद आणि समर्थकांचे भावना दुखावल्या गेल्या आहेत,सदर कृत्य वार्डातील दोन गटांमध्ये संघर्षास चिथावणी दिल्यासारखे आहे तरी आपण योग्यशीर कार्यवाही करून जसा पूर्वी फलक लावण्यात आला होता तसेच पूर्वीप्रमाणे करण्यात यावे आणि बुद्ध विहारा वरील नोंदणी क्र.मिटवून सम्यक बुद्ध विहार,बोद्ध पंचकमिटी च्या सर्व सदस्यांवर योग्य व कायदेशीर कारवाई करण्यात यावी अशी लेखी तक्रार प्रबुद्ध नगर बहुउद्देशीय महिला समिती यांच्या वतीने हिंगणघाट पोलीस स्टेशन येथे देण्यात आली.
सूर्या मराठी न्यूज सचीन वाघे वर्धा

हिंगणघाट :- दि. 17/09/2021 रोजी दुपारी 3.15 दरम्यान यातील फिर्यादी राजु माणीक चौधरी रा. चरुळ घारफळ, त. भद्रावती जि. चंद्रपूर यांनी त्यांची एक जुनी वापरती मोटार सायकल सि.डी. 110 ड्रिम होंडा कंपनीची काळे रंगाची व निळा पटटा असलेली जीचा क्रमांक एम.एच.34/बी.डब्लु/8264 किंमत 40,000/- रू. किंमतीची नंदोरी चौकात चाबी लावुन उभी ठेवली असता कोणीतरी अज्ञात ईसमाने मोटारसायकल चोरून नेल्याने फिर्यादीचे रिपोर्ट वरून पोलीस स्टेषन हिंगणघाट येथे अप. क्रमांक 858/2021 कलम 379 भादवि प्रमाणे गुन्हा नोंद करून तपासात घेतला.
पो.स्टे. परीसरात वाढलेल्या मोटारसायकल चोरीसंबंधाने तसेच झालेल्या चोरीबाबतची कार्यपदधती हेरून पोलीस निरीक्षक श्री. संपत चव्हाण यांनी तात्काळ दखल घेवुन गुन्हे प्रगटीकरण पथकाचे पो.हवा. विवेक बनसोड यांचे पथकास योग्य मार्गदर्शन करून अनोळखी आरोपीचा शोध घेवुन मोटारसायकल चोरींचे गुन्हे उघडकीस आणण्याबाबत सुचना दिल्या. त्याअनुशंगाने पो.हवा. विवेक बनसोड व त्यांचे पथकाने पो.स्टे परीसरात कसोशीने प्रयत्न करत प्रभावी मुखबीर नेमुन व मागील दाखल गुन्हयांचा मार्ग काढत आरोपी आकाश अशोकराव वानखेडे वय 33 वर्षे रा. संत ज्ञानेश्वर वार्ड हिंगणघाट यास निश्प्ण्ण केले. आरोपीचे ताब्यातुन 1) अप. क्रमांक 858/2021 कलम 379 भादवि मधील सि.डी. 110 ड्रिम होंडा कंपनीची काळे रंगाची व निळा पटटा असलेली जीचा क्रमांक एम.एच.34/बी.डब्लु/8264 किंमत 40,000/- रूपये
2) अप. क्रमांक 472/2022 कलम 379 भादवि मधील चोरीस गेलेली एक हिरो होंडा स्प्लेंडर प्लस मोटारसायकल क्रमांक एम.एच. 32/एन/7232 किंमत 20,000/- रूपये असा एकुण 60,000/- रू असा मुददेमाल जप्त करून दोन गुन्हे उघडकीस आणले. पुढील तपास नापोकाॅ प्रशांत वाटखेडे हे करीत आहेत.
सदरची कार्यवाही श्री. प्रशांत होळकर पोलीस अधिक्षक वर्धा, श्री. यशवंत सोळंखे अपर पोलीस अधिक्षक वर्धा, श्री. दिनेश कदम उप विभागीय पोलीस अधिकारी हिंगणघाट उप विभाग यांचे मार्गदर्शनात ठाणेदार श्री. संपत चव्हाण, पोलीस निरीक्षक पोलीस स्टेशन हिंगणघाट यांचे निर्देशानुसार गुन्हे प्रगटीकरण पथकाचे पो.हवा. विवेक बनसोड, पंकज घोडे, प्रशांत वाटखेडेे, उमेश बेले यांनी केली.
सूर्या मराठी न्यूज साठी सचिन वाघे वर्धा