शेगाव प्रतिनिधी अर्जुन कराळे

सभामंडपाचे मान्यवरांच्या उपस्थितीमध्ये भूमिपूजन.
शेगाव: ओबी कट्ट्यासी अधिकार संघर्ष समिती च्या वतीने 28 मार्च रोजी ओबीसी मेळाव्याचे आयोजन करण्यात आले आहे. या मेळाव्याला छत्तीसगडचे लक्षचे मुख्यमंत्री भूपेश बघेल ओबीसीचे केंद्रीय नेते हार्दिक पटेल हे प्रामुख्याने या मेळाव्याला उपस्थित राहणार आहेत. स्थानिक स्वर्गीय गजानन दादा पाटील मार्केट यार्ड खामगाव रोड शेगाव येथे आयोजित होणाऱ्या या मेळाव्यासाठी सभामंडपाचे भूमिपूजन आज 23 मार्च रोजी करण्यात आले यावेळी माऊली ग्रुपचे सर्वेसर्वा ज्ञानेश्वर दादा पाटील श्याम उमाळकर धनंजय देशमुख संजय राठोड डॉ.स्वाती वाकेकर, दयाराम भाऊ वानखडे शैलेंद्र दादा पाटील रामविजय बुरुंगले राष्ट्रीय ओबीसी महासंघाचे प्रदेश उपाध्यक्ष प्रल्हाद बगाडे, डॉ. जयंतराव खेडकर किरण देशमुख, डॉक्टर अनिल अमोल कार सुरज बेलोकार, जयेश भिसे अनंत भारसाकडे, विजय भालतडक, निवृत्ती नांदो कार, डिके लोखंडे कैलास देशमुख मंगेश भारसाकडे, तेजेंद्र सिंग चव्हाण, विजय काटोले, प्रफुल ठाकरे सविता झाडोकार कविता राजवैद्य राजू राठोड संतोष टाकळकर बसंत शर्मा यांच्यासह अनेक ओबीसी कार्यकर्ते उपस्थित होते

यावल ( प्रतिनिधी )विकी वानखेडे

वर्धा येथील न्यायालयातील कोर्ट हॉलमध्ये न्यायाधिशांसमोर महिला वकील योगिता मुंन यांच्यावर चाकु हल्ला करुन जखमी करणाऱ्या आरोपी भीम गोविंद पाटील यास कडक शासन व्हावे, अशा मागणीचे निवेदन येथील तहसिलदार यांना यावल बार असोसीएशन, यावलतर्फे देण्यात आले आहे.

यावल बार असोसीएशन यांच्यातर्फे देण्यात आलेल्या निवेदनात म्हटले आहे की, आम्ही वकील हे कोर्टामध्ये पक्षकारांना न्याय मिळवून देण्यासाठी अहोरात्र परिश्रम करत असतो व पक्षकारांना न्याय मिळवून देत असतो. सदर काम करीत असतांना आम्हास अनेकदा विरुध्द बाजुच्या पक्षकारांकडुन धमक्या मिळत असतात. अशा परिस्थितीत देखील आम्ही कोणतीही भिती न बाळगता आमचे व्यावसायीक कार्य करीत असतो.

परंतु दि.२३/०३/२०२२ रोजी वर्धा येथील न्यायालयातील कोर्ट हॉलमध्ये’न्यायाधिशांसमोर महिला वकील भगीनी योगिता मुंन यांच्यावर चाकु हल्ला करुन जखमी केल्याची घटना नुकतीच घडलेली आहे. त्यामुळे आम्ही वकील बांधवात एक भितीचे वातावरण तयार झालेले आहे. अशा प्रकारच्या घटना जर घडत असतील तर वकील बांधवांना योग्य प्रकारे काम करणे शक्य होणार नाही. व त्यांना नेहमी भितीचे वातावरणात काम करावे लागेल. त्यामुळे वकिलांना पक्षकारांना योग्यरित्या न्याय मिळवुन देण्याच्या कामात अडथळा निर्माण होऊन न्यायदानाचे कामकाज योग्यरित्या होऊ शकत नाही.

अशा परिस्थितीत दि. २२ मार्च रोजी वर्धा येथे वकीलावर झालेल्या हल्ल्यातील आरोपी नामे भिम गोविंद पाटील यास तात्काळ कडक शासन होणे आवश्यक असुन वकिलांच्या संरक्षणासाठी ॲडव्होकेट प्रोटेक्शन विलास तात्काळ मंजुरी मिळुन सदर कायद्यान्वये वकिलांना संरक्षण मिळणे आवश्यक आहे.

तरी सदर निवेदनाव्दारे यावल बार असोशिएशन, यावल, वर्धा येथील न्यायालयातील वकिलांवर झालेल्या चाकु हल्ला घटनेचा तिव्र निषेध करतो व आपणास कळवितो की, वर्धा येथे वकीलावर झालेल्या हल्यातील आरोपी नामे भिम गोविंद पाटील यास तात्काळ कडक शासन व्हावे व वकिलांच्या संरक्षणासाठी अॅडव्होकेट प्रोटेक्शन बिल तात्काळ मंजुर होवुन तसा कायदा लवकरात लवकर लागु करण्यात यावा. याबाबत आपणा मार्फत शासनास कळविण्यात यावे. असे निवेदनात म्हटले आहे.

यावेळी ॲड. राजेश गडे, ॲड. अशोक सुखकर, ॲड. के.डी. सोनवणे, ॲड. डि. आर. बाविस्कर, ॲड. जी.एम.बारी, ॲड. बडगुजर, ॲड. निवृत्ती पाटील, ॲड. एस.जी. कवडीवाले आणि ॲड. सुल्तान तडवी यांनी निवेदनावर सह्या केल्या आहेत.

यावल वकील संघाचे अध्यक्ष ॲड. धिरज चौधरी, सचिव ॲड. निलेश पी. मोरे, ॲड. राजेश गडे,  ॲड. अशोक सुरवळकर, ॲड. के. डी. सोनवणे, ॲड. डी. आर. बाविस्कर, ॲड. जी. एम. बारी, ॲड. राजेश बारी, ॲड. उमेश बडगुजर, ॲड. निवृत्ती पाटील, ॲड. एस. जी. कवडीवाले, ॲड. सुलताना तडवी, ॲड. संगीता तडवी, ॲड. विनोद परतणे, ॲड. दत्तात्रेय सावकारे, ॲड. शेख, ॲड. अजय कुलकर्णी, ॲड. याकुब तडवी, अॅड. स्वाती साठे, ॲड. गौरव पाटील, ॲड. नितीन चौधरी व इतर हजर होते.

यावल ( प्रतिनिधी ) विकी वानखेडे

राज्यात प्रसिद्ध असलेल्या तालुक्यातील अट्रावल येथील मुंजोबाने गुरुवारी दुपारी दीड वाजेच्या सुमारास मुंजोबा ने अग्नीडाग घेतला आहे यात्रेनंतर सव्वा महिन्याच्या अवधीतचच मुंजोबाने अग्नीचा घेतला आहे. अग्नीडाग घेतल्याचे समजताच पंचक्रोशीतील भाविकांनी मुंजोबाच्या दर्शनासाठी धाव घेतली.

तालुक्यातील अट्रावल येथील खानदेश वासियांचे श्रद्धास्थान असलेल्या प्रसिद्ध मुंजोबा ची यात्रा गेल्या महिन्यात माग शुद्ध पंधरवाड्यात पार पडली. गेल्या दोन वर्षापासून कोरोना संसर्गामुळे बंद, असलेली यात्रा यावर्षी कोरोनाचे निर्बंध पाळत हजारो भाविकांनी यात्रा उत्सव काळात दर्शन घेतले यात्रोत्सवात भाविकांनी, मुंजोबास अर्पण केलेली पूजा, पत्री , लोणी यात्रोत्सवानंतर आपोआप पेट घेतात यालाच मुंजोबा ने अग्नीडाग घेतल्याचे म्हणतात .मुंजोबा अग्नीडाग केव्हा घेईल हे कोणीही निश्चित सांगू शकत नाही या वर्षी सव्वा महिन्याच्या अवधीतच मुंजोबाने अग्नीडाग घेतला आहे अग्नीडाग घेतल्याचे समजताच पंचक्रोशीतील भाविकांनी मुंजोबा च्या दर्शनासाठी धाव घेतली.

(चंद्रपूर घुग्घूस)प्रतिनिधी
रमेश सुध्दाला

घुग्घूस शहर येथे मा. आ. श्री. किशोरभाऊ जोरगेवार यांच्या पुढाकाराने भव्य मोफत नेत्रचिकित्सा शिबीराचे आयोजन रविवार दि. 27 मार्च 2022 ला. वेळ सकाळी 10:00 ते दुपारी 3:00 वाजेपर्यंत विघ्या टाँकीज, ए.सी.सी. रोड जवळ, घुग्घूस येथे करण्यात आले आहे. या शिबीराकरिता नोंदणी करण्यासाठी दि. 23 मार्च ते 26 मार्च 2022 पर्यंत करायचे आहे. नोंदणी स्थळ – आमदार किशोरभाऊ जोरगेवार यांचे जनसंपर्क कार्यालय घुग्घूस येथे करायचे आहे. विनीत – यंग चांदा ब्रिगेड, चंद्रपूर विधानसभा क्षेत्र. टिप – शिबीरात येणार्या प्रत्येक नागरिकांनी आपले आधार कार्ड सोबत घेऊन यावे. आणि भव्य मोफत नेत्र चिकित्सा शिबीराचा जास्तीत जास्त नागरिकांनी लाभ घ्यावा, असे आवाहन करण्यात आले.