चामोर्शी,मुलचेरा आणि एटापल्ली तालुक्यातील शिक्षकांचा उस्फुर्त प्रतिसाद.

अनिल सिंग चव्हाण मुख्य संपादक

चामोर्शी:- महाराष्ट्र राज्य शैक्षणिक संशोधन व प्रशिक्षण परिषद पुणे द्वारा,स्टार्स प्रकल्प,अंतर्गत जिल्हा शिक्षण व प्रशिक्षण संस्था गडचिरोलीच्या वतीने दिनांक २१ व २२ मार्च २०२२ ला गट साधन केंद्र चामोर्शी येथे चामोर्शी,मुलचेरा,एटापल्ली तालुक्यातील ५८ शिक्षण व अंगणवाडी सेविकांचा शाळा पूर्व तयारी अभियान तालुका स्तरीय प्रशिक्षण मोठ्या उत्साहात संपन्न झाला.
दरम्यान तालुका सुलभक म्हणून विनायक लिंगायत,अमर पालारपवार,किशोर खोब्रागडे,कन्हैया भांडारकर,चांगदेव सोरते,कु सरलक्ष्मी यामसनी यांनी प्रशिक्षणार्थ्यांना मार्गदर्शन केले.
दिनांक २१ मार्चला उद्घाटनप्रसंगी नरेंद्र कोत्तावार,शिला सोमनकर,प्रथम संस्थेचे जिल्हा समन्वयक श्रीकांत पावडे, विषय साधनव्यक्ती चांगदेव सोरते,अमर पालारपवार, किशोर खोब्रागडे,कन्हैया भांडारकर,विनायक लिंगायत, घनश्याम वांढरे उपस्थित होते.
दोन दिवस चाललेल्या प्रशिक्षणात शाळापूर्व तयारी अभियानाची उद्दिष्टे,मागील दोन वर्षात झालेले शैक्षणिक नुकसान भरून काढणे,
इयत्ता पहिलीत दाखल होणाऱ्या विद्यार्थ्यांची तयारी करून घेणे.मुलांना शिकवण्यासाठी प्रेरीत करण्याकरिता स्वतः साक्षर असले पाहिजे हे गरजेचे नाही हे पालकांना समजावणे यावर भर देण्यात आला.
प्रशिक्षणात चर्चिले गेलेले घटक हे प्रशिक्षण कार्यशाळेची औपचारिक सुरुवात, परिचय-प्रार्थना-अपेक्षा-नियम.
आता शाळा पुन्हा सुरू झालेल्या आहेत,मुलांच्या शिक्षणाविषयी आता तुम्हाला काय जाणवते आणि काय दिसते आहे?(माईंड मॅप द्वारा सामुहिक मत).शाळा पूर्व तयारी अभियान संकल्पना,मोठ्या गटात चर्चा.
शाळा पूर्व तयारी मेळावा:-स्वरूप आणि पूर्वतयारी,मेळाव्याची पूर्वतयारी चर्चा.
Feedback व उद्याच्या Session संदर्भात सूचना,
वैशिष्ट्येपुर्ण बाबी म्हणजे प्रशिक्षणार्थी यांचा कृतीशील सहभाग,गटामध्ये चर्चा व सादरीकरण,सांघिक भावना.
‘शाळापूर्व तयारी अभियान’ : का?COVID19 मुळे मार्च 2020 पासून शाळा अचानक बंद झाल्या… आता हळू-हळू शाळा पुन्हा सुरु झालेल्या आहेत.या पार्श्वभूमीवर आपण शाळा पुन्हा नव्याने सुरु करताना विशेष काहीतरी केले पाहिजे,म्हणून प्रथम संस्था, MSCERT,समग्र शिक्षा आणि शिक्षण विभाग यांनी एकत्र येऊन मार्च ते जून २०२२ या दरम्यान शाळापूर्व तयारी अभियान चालविण्याचे योजिले आहे.प्रशिक्षणाच्या दुसऱ्या दिवशी विविध प्रकारच्या सात स्टाल वर प्रत्यक्ष प्रात्यक्षिके सादर करण्यात आली.
मुलांच्या शालेय शिक्षणाची सुरूवात चांगली झाली तर पुढील शिक्षण प्राप्त करणे त्यांना सहज शक्य होऊ शकेल.
अनेक अहवालातून आणि अनुभवातून असे आढळले आहे कि मुलं शाळापूर्व तयारी अभावी इयत्ता पहिलीत येतात आणि त्यांना औपचारिक शिक्षण प्राप्त करताना अनेक अडचणी येतात.परिणामतः पुढे वाचन-गणिताच्या पायभूत क्षमता देखील पूर्णपणे विकसित होत नाहीत.अशी मुलं पुढे जाऊन अभ्यासात मागेच पडतात.शिवाय यावर्षी इयत्ता १-२ री मधील मुलांनी नीट अंगणवाडी आणि शाळा सुद्धा अनुभवलेली नाही.
शाळा पुन्हा सुरु होत असताना गावस्तरावर पालक,शिक्षक, अंगणवाडी,तरुण स्वयंसेवक, ग्रामस्थ व शासन यांच्या संयुक्त प्रयत्नांनी इयत्ता पहिलीत आलेल्या मुलांच्या ‘शाळापूर्व तयारी साठी राज्यव्यापी मोहिम घेण्याचे आखले आहे.सर्वांनी सदर मोहिमेत कृतीशील सहभागी होऊन दाखल पात्र मुलांना शिक्षणाच्या मुख्य प्रवाहात सामील करण्यासाठी जनजागृतीसह प्रत्यक्ष सहभाग नोंदवावा हिच अपेक्षा वर्तविण्यात आली आहे.

व्हीलचेअर आणि अन्य मदत दिली काँग्रेस अध्यक्ष*: राजू रेड्डी

(चंद्रपूर घुग्घुस)प्रतिनिधी
रमेश सुध्दाला

घुग्घुस : नियतीचा खेळ ही निराळाच असतो कोणती वेळ कशी येईल हे सांगता येत नाही
बँक ऑफ इंडिया परिसरात राहणाऱ्या 36 वर्षीय नीता विनोद झाडे यांच्या पायांना संक्रमण झाल्यामुळे दोन्ही पाय कापावे लागल्याने त्यांच्यावर दुःखांचा डोंगरच कोसळला ऐन तारुण्यात दोन्ही पाय गमावल्याने नीता ताई प्रचंड नैराश्यातेत गेले आहे.
सदर बाब काँग्रेस महिला नेत्या पदमा त्रिवेणी यांना माहीत होताच त्यांनी काँग्रेस अध्यक्ष राजूरेड्डी यांच्या सह पीडितेच्या घरी भेट देऊन आस्थेने विचारपूस केली त्यांना धीर दिला.
त्यांच्या आवश्यकते नुसार व्हील चेअर अन्न – धान्य व नगद स्वरूपात आर्थिक मदद दिली याप्रसंगी इर्शाद कुरेशी,सुकुमार गुंडेटी,सुनील पाटील व अन्य उपस्थित होते.

यावल ( प्रतिनिधी ) विकी वानखेडे

तालुक्यातील सांगवी बुद्रुक येथील २८ वर्षीय विवाहिता ही तीन दिवसांपासून आपल्या माहेरी जात असल्याचे सांगून बेपत्ता झाली आहे. याप्रकरणी सोमवारी २१ मार्च रोजी सकाळी यावल पोलीस ठाण्यात बेपत्ता झाल्याची नोंद करण्यात आली आहे.

याबाबत पोलीस सुत्रांकडुन मिळालेली सविस्तर माहिती अशी की, यावल तालुक्यातील सांगवी बुद्रुक येथील रहिवाशी प्रिती योगेश नेमाडे (वय-२८) या विवाहिता पती व दोन मुलांसह वास्तव्याला आहे. शनिवारी १९ मार्च रोजी सकाळी ८ वाजता अंजाळे ता. यावल येथे माहेरी जाते असे सांगून घरातून गेल्या. सायंकाळ पर्यंत त्या माहरी घरी न पोहचल्याने पती योगेश नेमाडे यांनी आपल्या गाव परिसरात शोधाशोध केली. मात्र, ती महिला कुठेच मिळून आल्या नाहीत. दरम्यान, पती योगेश नेमाडे यांनी सोमवारी २१ मार्च रोजी यावल पोलीस ठाण्यात धाव घेवून खबर दिली. त्यांच्या खबरीवरून यावल पोलीस ठाण्यात आपली पत्नी प्रिती नेमाडे या हरविल्याची नोंद करण्यात आली . या घटनेचा पुढील तपास पोलीस निरिक्षक सुधीर पाटील यांच्या मार्गदर्शनाखाली पोलीस नाईक किशोर परदेशी हे करीत आहे.

यावल ( प्रतिनिधी ) विकी वानखेडे

तालुक्यातील डांभुर्णी जिल्हा परिषद प्राथमिक शाळेने १६ कलमी कार्यक्रमांतर्गत यावल तालुक्यात अव्वल येण्याचा बहुमान मिळवला आहे, तालुक्यात डांभुर्णी येथील जिल्हा परिषदची शाळा प्रथम आली ..या निमित्ताने दिनांक २३ मार्च रोजी ग्रामस्थ व सामाजीक संस्थांच्या माध्यमातुन संबंधितांचा सत्कार व पत्रकार परिषद घेण्याचे योजले आहे.

आता या पुढचं उद्दिष्ट जळगाव जिल्ह्यात जिल्हा परिषदच्या शाळामंध्ये प्रथम येण्याचं संकल्प डोळ्यासंमोर ठरवून शिक्षक आणि संबंधित यंत्रणा कामाला लागलेल्या आहेत. त्यासाठी त्यांचा उत्साह वाढावा व इतर शाळांना ही त्यांच्या कार्याची प्रेरणा मिळावी या विचारातून अगोदर मिळवलेल्या यशाचं कौतुक आणि अभिनंदन झालं पाहिजे आणि म्हणूनच शाळेच्या या सर्वांगीण सुधारणे कामी ज्या ग्रामस्थांनी, शिक्षकांनी ,राजकीय सामाजिक क्षेत्रातल्या मान्यवरांनी योगदान दिले आहे त्यांचे यथोचित सन्मान होणं क्रमप्राप्त आहे
विशेषतः ज्यांच्या आर्थिक योगदाना शिवाय हे शक्य नव्हतं असे सर्व गावातील दानशूर मान्यवरांचा देखील सत्काराचा कार्यक्रम दिनांक २३ मार्च रोजी स्वयंदीप प्रतिष्ठानने या ठिकाणी आयोजित केलेला आहे . तरी या शैक्षणिक कार्यात उल्लेखनिय कार्याचे कौत्तुक करण्यासाठी परिसरातील ग्रामस्थांनी विद्यार्थी पाल्यांनी मा कार्यंक्रमास उपस्थित राहावे असे आवाहन आयोजकांनी केले आहे .

लातूर /निलंगा प्रतिनिधी
डी. एस. पिंगळे

जिल्ह्यातील निलंगा तालुक्यातील गौर येथील एका शेतीच्या हक्क सिध्द करण्याचा वाद सुरू असताना ज्यांना न्यायालयाने मनाई हुकूम दिला त्याच लोकावर निलंगा पोलीस ठाण्यात जिवे मारण्याचा प्रयत्न केला म्हणून गुन्हे दाखल झाल्याने न्यायालयाच्या आदेशाची आणि कायद्याच्या रक्षणाची जबाबदारी कोणावर असा सवाल उपस्थित केला जात आहे.
दगडू रघुनाथ बारबीले यांनी लातूर विमानतळासाठी संपादीत झालेल्या जमिनीच्या मिळालेल्या मावेजातून गौर ता. निलंगा येथे 1999 मध्ये सर्वेनंबर 223 मध्ये दोन हेक्टर 60 आर जमीन खरेदी केली होती. त्या काळापासून ती जमीन मालकी या नात्याने कसत होते. सन 2020 मध्ये दगडू बारबीले यांनी सुनीता माधव पाटील रा. तुपडी यांना एक हेक्टर 60 आर जमीन विक्री केली. त्यावेळीच विठ्ठल हरिचंद्र पाटील, माधव हरिचंद्र पाटील, विलास पाटील, सुधाकर पाटील हे जमिनीमध्ये अडथळा करीत असल्याबाबत येथील न्यायालयात दगडू बारबीले यांनी दावा दाखल करून मनाई हुकूम मागितला.
दगडू यांची बाजू ग्राह्य धरून येथील सह दिवानी न्यायाधीश वरिष्ठ स्तर निलंगा यांनी 27 जानेवारी 2021 रोजी तात्पुरता मनाई हुकूम दिला. त्यामध्येच विठ्ठल हरिशचंद्र पाटील व ईतर यांनी मुळ मालक दगडू बारबीले यांच्याकडून ठरावपत्र करून जमीन आम्हास विक्री केली म्हणून न्यायालयात तात्पुरता मनाई हुकूम मागितला होता न्यायालयाने हे ठरावपत्र नोंदणीकृत नसल्यामुळे तात्पुरता मनाई हुकूम फेटाळला तरीही त्यांनी या जमिनीच्या शेतातील मशागती, विविध पीकाच्या राशी करीत असताना अडथळे निर्माण केले. त्यावरून निलंगा पोलिस ठाण्यात विठ्ठल हरिशचंद्र पाटील व ईतर जणाविरूध्द गुन्हे दाखल झाले.
त्या काळातच दगडू बारबीले यांनी सुनीता पाटील यांना विक्री केलेल्या एक हेक्टर 60 आर या क्षेत्रात विठ्ठल पाटील व ईतर 15 जण अडथळा करीत आहेत म्हणून सुनीता पाटील यांनी मनाई हुकूम मागितला होता हि मागणी ग्राह्य धरून येथील दिवाणी न्यायाधिश वरिष्ठ स्तर निलंगा यांनी 23 फेब्रुवारी 2022 रोजी मनाई हुकूम दिला याबाबत दगडू बारबीले व सुनीता पाटील यांनी शेतातील रास करण्यासाठी पोलिस संरक्षणाची मागणी केली पोलिस अधिक्षक कार्यालयाने पोलिस बंदोबस्ताचा अर्ज फेटाळला होता.
मात्र न्यायालयाचा आदेश आपल्या बाजूने आहे म्हणून 13 मार्च 2022 रोजी शेतातील हरभरा पीक काढणी अभावी वाया जात असल्यामुळे दगडू बारबीले व सुनीता पाटील मजूरामार्फत पीक काढत असताना विठ्ठल हरिशचंद्र पाटील व त्यांच्या घरातील लोकांनी मनाई हुकूम असतानाही बेकायदा शेतामध्ये येऊन दगडू बारबीले, माधव पाटील, यादव पाटील यांना मारहाण करून दिवसा ढवळ्या पेट्रोल टाकून जिवे मारण्याचा प्रयत्न केला तरीही निलंगा पोलिसांकडून दोन्ही गटाच्या परस्पराविरोधात एकमेकांच्या फिर्यादीवरून गुन्हे दाखल करण्यात आले आहेत.
न्यायालयाचा मनाई हुकूम असताना बेकायदा शेतामध्ये येऊन जिवे मारण्याचा प्रयत्न होतो व न्याय मिळालेल्या लोकावरच पोलिसांकडून 307 सारखे गुन्हे दाखल होतात. त्यातील आरोपी पोलिसाच्या डोळ्यांसमोर फिरता असतानाही त्याकडे दुर्लक्ष केले जाते. त्यामुळे न्यायालयाचा न्याय मिळून तरी काय उपयोग असा हताश सवाल उपस्थित होत असून ज्यांच्यावर कायद्याच्या रक्षणाची जबाबदारी आहे त्यांच्याकडूनही खर्या लोकांना संरक्षण मिळत नाही. त्यामुळे सर्वसामान्य नागरिक न्याय मिळाल्यानंतरही आपल्या मालमत्तेचे रक्षण करू शकत नाही तर न्यायालयाच्या ‘त्या’ न्यायाचा काय उपयोग असा सवाल अॕड जयंत देशपांडे यांनी उपस्थित होत आहे.