दिनांक २१ व २२ मार्चला चार केंद्रांवर प्रशिक्षणाचे आयोजन.

अनिल सिंग चव्हाण मुख्य संपादक

गडचिरोली:-दिनांक २१ व २२ मार्च-२०२२ ला गडचिरोली जिल्ह्यातील चार प्रशिक्षण केंद्रावर शाळा पूर्वतयारी अभियान या उपक्रमाच्या अनुषंगाने प्रशिक्षण आयोजित करण्यात आले आहे.वडसा प्रशिक्षण केंद्रावर कोरची आणि कुरखेडा तालुक्यातील शिक्षक, गडचिरोली प्रशिक्षण केंद्रावर आरमोरी आणि धानोरा तालुक्यातील शिक्षक,चामोर्शी प्रशिक्षण केंद्रावर एटापल्ली आणि मुलचेरा तालुक्यातील शिक्षक व अहेरी प्रशिक्षण केंद्रावर सिरोंचा आणि भामरागड तालुक्यातील शिक्षक सहभागी होणार आहेत.दिनांक २४ मार्चला गडचिरोली जिल्ह्यातील सर्व म्हणजे १०३ केंद्रांवर प्रशिक्षण घेतले जाणार आहे.
संपूर्ण महाराष्ट्रात राज्य शैक्षणिक संशोधन व प्रशिक्षण परिषद पुणे यांच्या मार्गदर्शनाखाली जिल्हा शिक्षण व प्रशिक्षण संस्थांच्या माध्यमातून सदर उपक्रम मोठ्या उत्साहात सुरू झालेले आहेत.
या उपक्रमांतर्गत विभागस्तरीय प्रशिक्षण चंद्रपूर व गडचिरोली जिल्ह्यातील शिक्षण क्षेत्रातील कार्यरत घटकांचे चंद्रपूर येथे दिनांक ९ व १० मार्च रोजी घेण्यात आले.
या प्रशिक्षणातील महत्वाचा भाग म्हणजे “शाळापूर्व तयारी मेळावा” होय,कोरोणा कालावधीत ग्रामीण भागांतील इयत्ता पहिली मध्ये नव्याने दाखल होणाऱ्या विद्यार्थ्यांना मागील दोन वर्षापासून कोणतीही शिक्षणाची पार्श्वभूमी नसल्याने ते अंगणवाडी मध्ये किंवा बालवाडी मध्ये जाऊ शकली नाहीत.या मुलांना पुढे जाऊन वाचन,लेखन व गणनपूर्व क्रिया शिकताना कोणताही प्रकारचा अडथळा येणार नाही आणि ते व्यवस्थित शिकू शकतील यासाठी हे या अभियानांतर्गत गावागावात उपक्रम राबवून शिक्षणात माता-पालक,युवक,अंगणवाडी सेविका,सामाजिक कार्यकर्ते, ग्रामपंचायत,स्वयंसेवकांचा सहभाग घ्यावयाचा आहे.
सोबतच या उपक्रमाला प्रथम संस्थेच्या माध्यमातून कृतीयुक सहभाग लाभणार आहे.
जागतिक महामारीमुळे लहान मुलांचे शैक्षणिक जीवन बंदिस्त करून टाकले याचा परिणाम मुलांच्या शिक्षणावर झाल्याचे चित्र दिसून येत आहे.या मुलांना शाळेमध्ये येण्यापूर्वी घरी माता-पालक यांच्या मदतीने विविध साहित्याच्या माध्यमातून शैक्षणिक कृती करून घ्यावयाच्या आहेत.
जनजागृतीसाठी मेळावे मार्च महिन्याच्या शेवटच्या आठवड्यात व शाळा सुरू होण्याच्या दहा दिवस अगोदर शाळापूर्व तयारी मेळाव्याचे आयोजन केले जाईल.
या मेळाव्यामध्ये नाव नोंदणी,शारीरिक विकास,बौद्धिक विकास, सामाजिक व भावनिक विकास,भाषा विकास व गणन पूर्व तयारी,साहित्य वितरण अशा प्रकारचे विविध स्टॉल लावून त्या स्टॉल मधील साहित्याच्या माध्यमातून विद्यार्थ्यांच्या विकासाचे मूल्यमापन केल्या जाणार आहे.
त्यानंतर माता पालकांना त्यांच्या मुलाच्या नावाचे विकास पत्र देण्यात येईल व मुलगा कुठे कमी आहे?त्यासाठी त्याला कोणत्या कृतींची गरज आहे?याविषयीचे सविस्तर मार्गदर्शन सदर मेळाव्यातच केल्या जाणार आहे.
त्यानंतर गावातील मातांचे गट बांधणी करून या गटाच्या माध्यमातून व गावातील स्वयंसेवकांच्या मदतीने सदर मुलाला कसे मार्गदर्शन करावे? यासाठी माता पालकांना सहकार्य केल्या जाईल. उन्हाळ्यातील दोन महिन्यांमध्ये मातापालकांनी आपल्या मुलांसाठी काही कृती घेणे गरजेचे आहे त्यासाठी त्यांना साहित्यही उपलब्ध करून दिल्या जाणार आहे.
गावागावात आता शिक्षणाचा जागर माता पालकांच्या व गावातील शिक्षणप्रेमी च्या मदतीने शाळेच्या व्यतिरिक्त घरात, समाज मंदिरात व वाड्या वस्तीवर सुरू होणार आहे.
या अभियानामुळे मुलांमध्ये व मातांमध्ये आत्मविश्वास निर्माण होणार आहे.माझा मुलगा आता उत्तम प्रकारे शिक्षण घेऊ शकेल.त्याची एक प्रकारची शिक्षणाची बैठक तयार होणार आहे.
शाळापूर्वतयारी अभियानाचे टप्पे म्हणजे तालुकास्तरीय प्रशिक्षण व केंद्रस्तरीय प्रशिक्षण व प्रत्यक्ष शाळास्तरावर मिळावे हे सर्व प्रशिक्षण लवकरच नियोजनानुसार पुर्ण केले जाणार आहेत.
शैक्षणिक क्षेत्रामध्ये विद्यार्थ्यांच्या सर्वांगीण विकासासाठी महाराष्ट्र शासनाने उचललेले हे पाऊल अतिशय अभिनंदनीय आहे.या उपक्रमाचे
सर्व स्तरावर त्याचे कौतुक होत आहे.आपल्या मुलाच्या शिक्षणात आई म्हणून माझी भूमिका समजून घेणे व त्याला सहकार्य करणे यावर अधिक भर असणार आहे.शाळा-शाळांमध्ये शाळापूर्व तयारी मेळावे “उत्सवाप्रमाणे” साजरे होणार आहेत आणि गावातील वातावरण हे
“शिक्षणमय” होणार आहेत हे विशेष…..!

यावल तालुका ( प्रतिनिधी )विकी वानखेडे

सांगवी बुद्रुक ता. यावल येथील पिडीत 20 वर्षीय विवाहितेने दिलेल्या फिर्यादी नुसार ती व तिची नणंद मंगळवारी सकाळी 11 वाजेला गावातील हौदावर धुणे धुत असतांना जहांगीर तडवी रा. बोरखेडा ता. यावल हा तिच्याजवळ आला व तिला दम देवुन तिचा मोबाईल नंबर घेवुन हौदापासुन ते घरापावेतो पाठलाग केला व तु माझ्या सोबत मैत्री कर तु मला आवडली आहे. मी तुला खुश ठेवीन असे बोलुन मोबाईलवर फोन करुन तिच्या मनाला लज्जा उत्पन्न होईल असे कृत्य केले आहे तेव्हा हा प्रकार पिडीतने आपल्या पतीसह कुटुंबास सांगीतला व रात्री उशीरा यावल पोलिसात जहांगीर तडवी यांच्या विरूध्द विनयभंगाचा गुन्हा दाखल करण्यात आला आहे पुढील तपास हवालदार अशोक जवरे करीत आहे.

पाण्याच्या ऐतिहासिक लढ्यात सहभागी व्हा संगितरावांची गावकर्यांना हाक!

भरसभेत पाणिदार नेतृत्वाला अश्रृ अनावर गावकर्यांचे पाण्यासाठी लढा!
– संगितरांवांच्या आव्हानानंतर गावकरी एकवटले!

पातृर्डा बु ता संग्रामपुर ग्रामस्थांच्या अत्यंत जिव्हाळ्याचा असलेला पाणिप्रश्न मागिल ५-६ वर्षांच्या संघर्षानंतर अखेर निकाली लागला व तब्बल २ कोटी ३१ लाख ८१ हजारांचा निधी मंजुर झाला.
मात्र, पाण्यासाठी चा लढा यशस्वी होवुन संबधित विभागाचे अधिकारी निविदा काढण्यात दिरंगाई करत असतांना त्यासाठी रात्र-दिवस विनविण्या करुन अखेर निविदा काढण्यासाठी प्रयत्न केलेत त्यानंतर ही एका पत्राचे कारण देत अधिकार्यांनी निविदा अडकवुन ठेवल्याचे सांगत भरसभेत माजी.जि.प.उपाध्यक्ष संगितराव भोंगळ यांनी अश्रुंना मोकळ करत टाहो फोडला…!
या वेळी सभेला उपस्थित असलेल्यांचे देखील डोळे पाणावले होते…
आज दि.१५ मार्च रोजी संध्याकाळी ८ वाजता स्थानिक आठवडी बाजार येथे उपरोक्त विषयाला अनुसरुन सभेचे आयोजन केले होते.
पाणीपुरवठा योजना मंजुर असतांना देखील अधिकार्यांनी निविदा थांबवुन पातृर्डा वासियांवर अन्याय केल्याने व हा पाण्यासाठी संघर्ष आपल्याला अधिक ज्वलंत करण्यासाठी गावकर्यांना संबोधित करुन नेमकं पाणीपुरवठा योजनेचे पाणी कुठ मुरलं हे गावकर्यांना समजावं यासाठी ही सभा आयोजित केल्याचे राजु पाटिल यांनी स्पष्ट केले.
मागिल ५-६ वर्षापासुन पाणीसंघर्ष सुरु असतांना अखेर कोट्यावधीचा निधी मंजुर झाला. हा लढा माझा एकट्याचा नाही .यात सर्व गावकरी सहभागी होते. मात्र, योजना मंजुर होवुनही अधिकारी अडेटट्टुपणे निविदा थांबविण्याचे काम करत आहेत व अशा अधिकार्यांना धडा शिकविण्यासाठी लोकशाही मार्गाने पाण्याचा लढा उभारत आहोत व या लढ्यात मला गावकर्यांची सोबत हवी असे सांगताना, आज पासुन हा पाणीप्रश्न बुलढाणा ते मुंबई पर्यंत ज्वलंत करु असा इशारा यावेळी संगितराव भोंगळ यांनी दिला.
महाराष्ट्र राज्याचे अन्न व औषध प्रशासन मंत्री तथा बुलढाणा जिल्हाचे पालकमंत्री ना.राजेंद्र शिंगणे यांनी सातत्याने सहकार्य करुन स्पष्ट शब्दात या योजनेच्या मंजुरातीसाठी पत्र दिलेले आहे. व ती योजना मंजुर सुध्दा झाली परंतु संबधित विभागाचे अधिकारी योजनेबाबत स्वातंत्र्य पध्दतीने भुमिका न घेता या योजनेचे काम सार्वजनिक स्वरुपातुन व्हावे अशी मानसिकता ठेवुन निविदा मंजुर करण्यात आडकाठी धोरण अवलंबवित आहेत. ही निविदा मंजुर व्हावी याकरिता मागिल पंधरा दिवसापासुन संबधित विभागाला जाब विचारत आहे. मात्र, मला अनभिज्ञ ठेवुन पातृर्डा गावासाठी मँजुर झालेल्या पाणीपुरवठा योजने वर पाणी फिरविण्याचा अधिकार्यांचा मनसुबा यशस्वी होवु द्यायचा नाही आणी म्हणुन आज पासुन या पाण्यासाठीच्या लढ्यात गावकर्यांनी सहभागी व्हावे असे आवाहन मा.जि.प.उपाध्यक्ष संगितराव उपाख्य राजु पाटिल भोंगळ यांनी केले.
या सभेला बहुसंख्य गावकरी उपस्थित होते.
यावेळी संगितराव भोंगळ यांचे भाषण संपल्यावर गावकर्यांनी या आंदोलनात आम्ही सर्व सोबत असल्याचे सांगत संगितराव आप आगे बढो हम तुम्हारे साथ है अशा घोषणा दिल्या.
(संगीतराव भोंगळ यांनी पार्तृडा बु गावासाठी मंजुर केलेली पाणीपुरवठा योजना स्वातंत्र मंजुर झालेली आहे.त्यामुळे या योजनेचे काम देखील स्वतंत्रच व्हायला हवे असा सूर सर्वत्र गावकऱ्यांचा होता हे)
मात्र, संबधित अधिकारी निविदा काढण्यास विलंब लावत असतील कींवा रद्द करण्याचा प्रयत्न करित असतील तर पातृर्डा ग्रामस्थ तिव्र स्वरुपाचे आंदोलन उभारुन प्रशासनाल जरिस आणल्या शिवाय राहणार नाही असा सुर सभेतुन व्यक्त झाला

यावल तालुका प्रतिनिधी। विकी वानखेडे

मारुळ ता. यावल जळगाव जिल्हा ग्रामसेवक पतसंस्थेच्या व्हाईसचेअरमन पदी अटॢऻवल/मारुळ ता. यावल येथील ग्रामविकास अधिकारी बि के पारधी यांची बिनविरोध निवड झाल्या बद्दल ग्रामपंचायत कार्यालय मारुळ येथे त्यांचे सत्कारपर कार्यक्रमाचे आयोजन करण्यात आले होते कार्यक्रमाच्या अध्यक्षस्थानी मारुळ गावचे तरुण तडफदार कर्तव्यदक्ष सरपंच असद सैय्यद होते तर प्रमुख पाहुणे म्हणून जिल्हा परिषद जळगाव चे गटनेते जि. प. सदस्य तथा कॉग्रेस पक्षाचे यावल तालुका अध्यक्ष प्रभाकर अप्पा सोनवणे, कॉग्रेस नेते व संजय गांधी समितीचे सदस्य जावेद अली सैय्यद, मल्टी परपज सह. सोसायटीचे चेअरमन जियाउलहक सैय्यद उपसरपंच पती सलामत अली सैय्यद व सर्व ग्रा. प. सदस्य होते यावेळी सर्व मान्यवरांच्या हस्ते ग्रामविकास अधिकारी बि के पारधी यांचा शाल व गुच्छ देऊन सन्मानित करून सत्कार करण्यात आला यावेळी ग्रामरोजगार सेवक संघटनेचे महाराष्ट्र राज्य उपाध्यक्ष बाळू तायडे, मतिउर रहेमान पिरजादे, कबीर उद्दीन फारुकी ख्खाजा मोईनुद्दीन युवराज इंगळे, संतोष तायडे, संजय तायडे, कारकुन परवेझ सैय्यद व सर्व कर्मचारी उपस्थित होते

(चंद्रपूर घुग्घुस)प्रतिनिधी
रमेश सुध्दाला

घुग्घुस : शहर हा मिनी इंडिया असल्याने या ठिकाणी देशातील प्रत्येक राज्यातील नागरिक वास्तव्यास आहे.
शहरात सध्या खून,चोरी,डकेती, गुंडागर्दी मोठ्या प्रमाणात वाढल्याने नागरिकांत दहशतीचे वातावरण निर्माण झालेले आहे.

वेकोलीच्या वसाहती या शहराला लागलेल्या असून वेकोलीच्या वसाहतीत तर चोरीचे सत्रच शुरू असल्याने वेकोलीच्या रामनगर,सुभाष नगर,गांधी नगर, शास्त्री नगर,इंदिरा नगर, या वसाहती मध्ये सिव्हिटीव्ही कॅमेरे लावण्याची मागणी घुग्घुस काँग्रेस तर्फे वेकोलीच्या मुख्य महाप्रबंधक उदय कावले यांची भेट घेवून निवेदनाच्या माध्यमातून घुग्घुस काँग्रेस अध्यक्ष राजूरेड्डी, उत्तर भारतीय विभाग सचिव ब्रिजेश कुमार सिंग यांनी केली आहे