लातूर/निलंगा प्रतिनिधी
डी. एस. पिंगळे

निलंगा येथे साकारण्यात आलेल्या ११ हजार चौरस फुटाच्या विश्व विक्रमी छत्रपती शिवाजी महाराजांच्या प्रतिमेच्या तैलचित्राचे लोकार्पण माजी खासदार रूपाताई पाटील निलंगेकर यांच्या हस्ते शिवजयंतीच्या पूर्वसंध्येला संपन्न झाले. अक्का फाउंडेशनच्या वतीने दरवर्षी शिवजयंतीच्या निमित्ताने वेगवेगळे उपक्रम राबवले जातात. शिवजयंतीनिमित्त निलंगा येथे दरवर्षी नव्या संकल्पना राबविण्यात येतात. या तैलचित्राच्या निर्मितीसाठी मागील १५ दिवसांपासून मंगेश निपाणीकर व त्यांच्या सहकाऱ्यांनी मेहनत घेतली. यासाठी ४५० लिटर ऑइलपेंट वापरण्यात आले आहे. रूपाताई पाटील निलंगेकर यांच्या हस्ते शिवजयंतीच्या पूर्वसंध्येला शुक्रवारी (ता.१८) दीपप्रज्वलन करून तैलचित्राचे अनावरण पार पडले. यावेळी माजी मंत्री आमदार संभाजीराव पाटील निलंगेकर , भाजपचे प्रदेश सचिव अरविंद पाटील निलंगेकर यांच्यासह जिल्हा परिषदेचे उपाध्यक्ष भारतबाई साळुंके, कृषी सभापती गोविंद चिंलकूरे, पंचायत समितीच्या सभापती राधाताई बिराजदार, निलंगा नगराध्यक्ष बाळासाहेब शिंगाडे, उपनगराध्यक्ष मनोज कोळ्ळे, भाजपचे तालुकाध्यक्ष शाहूराज शेटे, शहराध्यक्ष वीरभद्र स्वामी, शिवजयंती महोत्सव समितीचे डॉ लालासाहेब देशमुख, शेषराव ममाळे, दत्ता शाहीर, एस. एस. शिंदे, किरण बाहेती, सय्यद इरफान, पाशामियाँ आतार यांच्यासह मान्यवरांची उपस्थिती होती. आज शनिवारी (ता.१९) शिवजयंतीनिमित्त रक्तदानाचा महायज्ञ आयोजित करण्यात आला आहे. यासाठी एक घर एक रक्तदाता संकल्पना राबविण्यात येत आहे. यापासून हजारो युवकांना प्रेरणा मिळत राहील, असे आमदार निलंगेकर यांनी यावेळी सांगितले.

(चंद्रपूर घुग्घुस)प्रतिनिधी
रमेश सुध्दाला

चंद्रपूर :जिल्हात घुग्घुस नकोडा भागात असलेल्या वर्धा नदीच्या काठावर सम्मक्का सरलम्मा जत्रा मोठ्या उस्तवास साजरा केली जात आहे. चार दिवस चाललेल्या शोभायात्रेचा आज शेवटचा दिवस आहे.
16 फेब्रुवारी ते 19 फेब्रुवारी दरम्यान चालणाऱ्या या सम्माक्का सरलम्मा जत्रेला तेलुगू समाजाचा महाकुंभ देखील म्हणतात.
बुधवारी सरलंमा देवीचे आगमन झाले.
गुरुवार दिवशी देवी संमक्काचेही आगमन झाले आहे, हजारो भक्त दर्शनासाठी येत आहेत आणि देवी सम्माक्का – सरलंमाचे दर्शन घेत आहेत.
दैवी शक्तींनी परिपूर्ण समक्का-सारलम्मा यांच्या दरबारात गूळ अर्पण केला जातो. नवस पूर्ण झाल्यानंतर लोक त्यांच्या वजनाच्या सोन्याच्या रूपात गुळ अर्पण करतात. संमक्का सारलम्मा जत्रा ही दर दोन वर्षातून एकदा साजरी करते, सम्मक्का सारलम्मा जत्रा गेल्या 14 वर्षांपासून नकोडा येथे सुरू आहे, जिथे हजारो भाविक हजेरी लावतात. देवीचे दर्शन घेतात. या वेळी तेलगू समाजचे,राजु रेड्डी,सुरज कन्नूर, प्रेम गंगाधरे,(सम्मक्का- सारलम्मा कमिटी मेंबर, रामय्या बाबू, टी. पी. रामलू, ताला चंदु, नरसिंग, राजया, नागराज, राज्जना, सुरज, अंजया, राजेंद्र,शंकर, पवण, दंनु, तीरुपति,)आणि कर्यकर्त उपस्थिति होते. सूर्या मराठी न्यूजसाठी रमेश सुध्दाला (घुग्घुस)

यावल प्रतिनिधी विकी वानखेडे

यावल पंचायत समिती अंतर्गत शासनाकडुन मिळणाऱ्या वंचीत गरजु लोकांच्या विविध समस्या तसेच तालुक्यात अनेक कुटुंब ही आज ही अतिक्रमीत जागेत आपत्या कुंटुबास वास्तव्यास असुन त्यांची अतिक्रमीत घरे कायम गाव नमुना ८ला लावुन त्यांना घरकुलांचे लाभ देण्यात यावे तसेच दलीत वस्ती सुधार योजनांचा निधीचा तालुक्यात मोठया प्रमाणावर गैर उपयोग होत असल्याच्या व विकास कामात होत असलेल्या गोंधळाच्या पार्श्वभुमीवर प्रशासनाचे लक्ष वेधण्यासाठी विरोधात आज यावल पंचायत समिती समोर निळे निशान या सामाजीक संस्थेच्या वतीने संघटनेचे संस्थापक अध्यक्ष आंनद बाविस्कर यांच्या नेतृत्वाखाली एक दिवसीय निर्दशने करण्यात आली, गटविकास अधिकारी यांनी येत्या आठ दिवसात सदरच्या मागण्याकडे लक्ष देवुन समस्या न सोडविल्यास या ठीकाणी पुनश्च मोठया प्रमाणावर आंदोलन करण्यात येइल असा ईशारा संस्थेच्या वतीने देण्यात आला असुन , याप्रसंगी निळे निशान संस्थेच्या नियोजन विभागाचे जिल्हाध्यक्ष महेश तायडे, सामाजीक व रोजगार विभागाचे जिल्हा अध्यक्ष युवराज सोनवणे , जिल्हा नियोजन उपप्रमुख सदाशिवनिकम, जिल्हा उपाध्यक्ष अशोक तायडे , फैजपुर विभागाचे अध्यक्ष भगवान आढाळे, तालुका अध्यक्ष विलास भास्कर तालुका उपाध्यक्ष अब्दुल सलाम , युवकचे तालुका अध्यक्ष विशाल तायडे , प्रमोद पारधे , सुभाष तायडे , गणेश भालेराव , लक्ष्मीताई मेढे यांच्यासह मोठ्या संख्येत महीला व कार्यकर्ता याप्रसंगी उस्थित होते, संस्थेच्या वतीने पंचायत समितीचे ग्रामपंचायत विस्तार अधिकारी किशोर सपकाळे यांना मागण्यांचे निवेदन देण्यात आले यावेळी मागण्या संदर्भातील विविध योजनांची सद्य स्थिती ची माहीती त्यांनी दिली व प्रशासनाच्या वतीने योग्य तो निर्णय घेण्यात येवुन समस्या सोडविण्याचे प्रयत्न करण्याचे आश्वासन त्यांनी दिले .

वर्षा मोरे अकोला

अकोला – हद्दवाढ कृती समिती च्या वतीने मनपाला घेराव आंदोलनात महापालिकेची महासभा सूरु असतांना कृती समितीचे पदाधिकाऱ्यांचे निवेदन स्विकारुन चर्चा करण्यासाठी विरोधी पक्षनेता व सर्व विरोधी पक्ष नगरसेवकांनी सभा काही वेळा साठी तहकूब करून महापौर व आयुक्तांना मागणी केली,ही पालिकेतील ऐतिहासिक बाब होती.

त्यानुसार कृती समितीच्या शिष्टमंडळाशी महापौर व आयुक्तांनी चर्चा करताना पाणी कर हा चूकीच्या पध्दतीने आकारला असुन त्याची देयके पुर्वीच्या १८०० प्रतीवर्ष या प्रमाणे देण्याचे निर्देश संबंधित विभागाच्या अधिकाऱ्यांना दिले व संपत्ती करा बाबतीत पुन्हा नव्याने फेर आढावा घेवून कर आकारणी करण्याचे आश्वशित केले.वरील बाबी पूर्ण न झाल्यास पुन्हा तीव्र आंदोलन छेडले जाईल असा ईशारा यावेळी देण्यात आला व तात्पुरते आंदोलन स्थगित केले.

या आंदोलनात जगदीश मुरूमकार, कृष्णा अंधारे, नगरसेवक मंगेश काळे, प्रमोद मुरूमकार, राजेश वगारे, डॉ. प्रविण पाटील, प्रदिप वखारिया, वसीम भाई, प्रविण खाडे, हरिभाऊ वाघमारे, गोपाल शिंदे, श्रीकांत पिंजरकर, नंदू कनोजा, छोटू पाटील, अजय शेळके, डॉ. प्रकाश गोंड, प्रविण वाहुरवाघ, विशाल कपले, दिपक गावंडे आदी सह नागरिक मोठया संख्येने सहभागी झाले होते.

भाजयुमोचे प्रदेश उपाध्यक्ष विवेक बोढे यांची मागणी

(चंद्रपूर घुग्घुस)प्रतिनिधी
रमेश सुध्दाला

गुरुवार 17 फेब्रुवारीला घुग्घुस नगर परिषदेच्या मुख्यालयासमोर छत्रपती शिवाजी महाराजांचा पुर्णाकृती अश्वारूढ पुतळा उभारण्यात यावा अशी मागणी भाजपाचे जिल्हाध्यक्ष देवराव भोंगळे यांच्या मार्गदर्शनात भाजयुमोचे प्रदेश उपाध्यक्ष विवेक बोढे यांनी घुग्घुस नगर परिषदेच्या मुख्याधिकारी अर्शिया जुही यांची कार्यालयात भेट घेतली व या विषयावर चर्चा केली तसेच निवेदन देऊन मागणी केली आहे.
घुग्घुस नगर परिषदेचे निर्मिती झाली असून लवकरच नगर परिषदेच्या नवीन इमारतीचे बांधकाम करण्यात येणार आहे नवनिर्मित घुग्घुस नगर परिषदेच्या मुख्यालयासमोर हिंदवी स्वराज्याचे संस्थापक महाराष्ट्राचे आराध्य दैवत राजे छत्रपती शिवाजी महाराज यांचा भव्य अश्वारूढ पुर्णाकृती पुतळा उभारण्यात यावा. घुग्घुस हे औद्योगिक शहर असल्याने घुग्घुस शहराची लोकसंख्या मोठी आहे. घुग्घुस शहर वासियांच्या मनात रयतेचे राजे छत्रपती शिवाजी महाराज यांच्या बद्दल आदराचे स्थान आहे. शिवाजी महाराजांचा पुतळा हा नगर परिषदेमध्ये भेद देणाऱ्या सर्वांना नवीन ऊर्जा प्रदान करेल तसेच शासन कर्त्यांना सुद्धा आपले कर्तव्य बजावतांना व निर्णय घेतांना प्रेरणा मिळेल. त्यामुळे घुग्घुस नगर परिषदेच्या मुख्यालया समोर छत्रपती शिवाजी महाराजांचा अश्वारूढ पुर्णाकृती पुतळा उभारण्यात यावा अशी मागणी निवेदनातून करण्यात आली आहे.
निवेदन देतांना भाजयुमोचे प्रदेश उपाध्यक्ष विवेक बोढे, भाजपाचे विनोद चौधरी, सिनू इसारप, शरद गेडाम, सतीश कामतवार, पियुष भोंगळे उपस्थित होते.