शेगांव प्रतिनिधी अर्जुन कराळे

शेगाव : तालुक्यातील जानोरी ग्रामपंचायतच्या वतीने स्वनिधीतून स्वामी रामभारती महाराज यांचेहस्ते गावातील 26 दिव्यांगांना सौरकंदील वितरित करण्यात आले या कार्यक्रमाच्या अध्यक्षस्थानी सरपंच सौ अर्चना मंगेश ढोले ह्या होत्या
यावेळी उपसरपंच शंकर रामदास सोळंके , ग्रा प सदस्य नंदाकिशोर गावंडे, रमेश डांगे, सौ लता घेंगे , सौ सुरेखा घेंगे, सौ दुर्गा बोरसे, सौ दिक्षा भोजने, शेख रेहाना यांच्या उपस्थिती होती.
दीन दुबळ्यांची व गरजूंची सेवा हीच खरी ईश्वरी सेवा असून ग्रामपंचायत प्रशासनाकडून असेच लोकहितार्थ उपक्रम गावात सातत्याने राबवायला हवे,लोकहित साधणे हेच लोकप्रतिनिधी चे कार्य असल्याचा उपदेश करून ग्रा प च्या उपक्रमांची प्रशंसाही स्वामी रामभारती महाराज यानी यावेळी मनोगतातून केली.आभार ग्रा प सचिव आर पी गावडे मानले.

यावल ( प्रतिनिधी )विकी वानखेडे

राष्ट्रवादी युवक काँग्रेसच्या वतीने उद्या यावल शहरात ” शरद युवा संवाद यात्रा “चे आयोजन करण्यात आले असुन , या कार्यक्रमास तालुक्यातील युवकांनी मोठया संख्येत सहभागी होण्याचे आवाहन युवक राष्ट्रवादीचे अध्यक्ष ऍड देवकांत पाटील व शहर अध्यक्ष हितेश गजरे यांनी केले आहे .

उद्या दिनांक ७ फेब्रुवारी रोजी सोमवारी यावल युवक राष्ट्रवादी काँग्रेस पक्ष यांच्या वतीने यावलच्या खरेदी विक्री सहकारी संघाच्या परिसरात सकाळी १o वाजेला शरद युवा संवाद यात्रा चे आयोजन केले आहे . राष्ट्रवादीचे राष्ट्रीय अध्यक्ष खा . शरद पवार यांच्या ८१ व्या वाढदिवसाच्या निमित्ताने राज्याचे जलसंपदा मंत्री ना. जयंत पाटील यांच्या संकल्पनेतून व राष्ट्रवादी युवक काँग्रेसच्या माध्यमातून राष्ट्रवादीचे युवक काँग्रेस प्रदेशाध्यक्ष मेहबूब शेख, यांच्या सोबत ‘शरद युवा संवाद यात्रा’ आयोजित करण्यात आलेली आहे.
या यात्रेची सुरुवात जळगांव जिल्ह्यातील सुप्रसिद्ध कवयित्री बहिणाबाई चौधरी यांचे जन्मस्थान मौजे आसोदा ता.जि.जळगांव येथून दिनांक ४ फेब्रुवारी २०२२ संध्याकाळी ५ वाजता झाली ही यात्रा सर्व जळगांव जिल्ह्यातील सर्व तालुक्यात पोहचत असून, यावल तालुक्यात ही यात्रेचे दिनांक ७ फेब्रुवारी रोजी सोमवारी सकाळी १० वाजेला यावलच्या खरेदी विक्री संघातील परिसरात आगमन व आयोजन करण्यात येत आहे. यावेळी राष्ट्रवादी युवक काँग्रेसचे प्रदेशाध्यक्ष मेहबूब शेख यांच्या प्रमुख उपस्थितीत व राष्ट्रवादी काँग्रेस पक्षाचे जळगांव जिल्हाध्यक्ष सह सर्व आजी- माजी आमदार, सर्व सेलचे सन्माननीय पदाधिकारी यांच्या उपस्थितीत राहणार आहेत . यात्रेच्या माध्यमातून सबंध महाराष्ट्र राज्याच्या कानाकोपऱ्यातील युवकांना राष्ट्रवादी काँग्रेसच्या विचारांशी जोडण्याचा मानस आहे. नव्याने राजकारणात येऊ पाहणारी युवकांची संख्या लक्षणीय आहे! त्यांना राजकीय प्रक्रियेच्या सोबत राष्ट्रवादी युवक काँग्रेसच्या माध्यमातून तरुणांची ‘राष्ट्रवादी विचारांची’ व विकासात्मक दृष्टिकोन असणारी फळी महाराष्ट्रात नव्या जोमाने निर्माण करण्याच्या दृष्टीने आम्ही संवाद साधणार आहोत! या शरद युवा संवाद यात्रेच्या माध्यमातून नव्या ऊर्जेने युवकांच्या सोबत संवाद साधणार आहेत.. यावल तालुक्यातील सर्व पदाधिकारी, कार्यकर्ते यांनी उपस्थित रहावे असे आवाहन यावल तालुका राष्ट्रवादी युवक काँग्रेसच्या वतीने करण्यात येत आहे.

(चंद्रपूर घुग्घुस)प्रतिनिधी
रमेश सुध्दाला

भाजपच्या पाठपुराव्याला मोठे यश

शनिवार 5 फेब्रुवारी पासून वेकोलीच्या रामनगर, इंदिरा नगर, सुभाष नगर, गांधी नगर, राजीव कॉलनी या कामगार वसाहतीच्या रस्ता दुरुस्तीचे काम सुरु करण्यात आल्याने सहा महिन्यांपासून सुरू असलेल्या घुग्घुस भाजपाच्या मागणीला मोठे यश आले आहे.
वेकोली वणी क्षेत्राचे क्षेत्रीय महाप्रबंधक उदय कावळे यांना भाजपाचे जिल्हाध्यक्ष देवराव भोंगळे यांच्या सूचनेनुसार घुग्घुस भाजपाच्या शिष्टमंडळाने निवेदन देऊन वेकोली वणी क्षेत्राच्या विविध वसाहतील रस्ता दुरुस्ती करणे, क्वार्टरची दुरुस्ती करणे, साफसफाई करणे अशी मागणी करण्यात आली.
त्याअनुषंगाने भाजपाच्या मागणीची तात्काळ दाखल घेत रामनगर वसाहतीत रस्ता दुरुस्तीचे काम सुरु करण्यात आले तसेच इतर कामे लवकरच सुरु करण्यात येणार आहे.
भाजयुमोचे प्रदेश उपाध्यक्ष विवेक बोढे, माजी उपसरपंच संजय तिवारी, माजी पंस उपसभापती निरीक्षण तांड्रा, माजी सरपंच राजकुमार गोडसेलवार, माजी ग्रामपंचायत सदस्य सिनू इसारप, भाजपाचे मल्लेश बल्ला, श्रीकांत सावे विक्की सारसर, मास्टर बहुराशी यांनी सुरु असलेल्या कामाची पाहणी केली व रस्त्याचे काम सुरु केल्याबद्दल वेकोली वणी क्षेत्राचे क्षेत्रीय महाप्रबंधक श्री. उदय कावळे तथा उप क्षेत्रीय प्रबंधक श्री. ओमप्रकाश फुलारे यांचे आभार व्यक्त केले.

(लातूर/ निलंगा) प्रतिनिधी
डी. एस. पिंगळे

पुरोगामी महाराष्ट्रात २१ व्या शतकातही विचार अजूनही जातीच्या विळख्यात गुंतलेली आहेत. निलंगा येथील ताडमुगळी गावात मागासवर्गीय असलेल्या कुटुंबातील तरुणानं गावच्या देवळात नारळ फोडला म्हणून बहिष्कार टाकल्याची धक्कादायक बाब समोर आली आहे.
तीन दिवसांपूर्वी गावातील मागासवर्गीय समाजातील तरुणाने मंदिर प्रवेश केल्याने गावात तणावपूर्ण स्थिती निर्माण झाली होती. मागासवर्गीय समाजाने मंदिराच्या बाहेरुन दर्शन घ्यावे ही प्रथा गावात होती. ही प्रथा मोडल्यामुळे समाजात तेढ निर्माण झाला. यामुळे गावातील संपूर्ण मागासवर्गीय सामाजावर बहिष्कार टाकण्यात आला.
या घटनेनंतर गावातील नागरिकांनी या समाजासाठी गावातील दैनंदिन जीवनात उपयोगी पडणाऱ्या वस्तुंवर बंदी घालण्यात आली आहे . शेतातील मजूरीसाठी बोलावने बंद करण्यात आलं. दोन दिवसांत याची चर्चा पोलिसांपर्यंत गेली. औराद शहाजानी पोलिसांनी घटनेचे गांभीर्य लक्षात घेत गावात सर्वप्रथम पोलीस बंदोबस्त लावला. सर्वाशी चर्चा करत प्रकरण तुर्तास तरी मिटवले आहे.