(चंद्रपूर घुग्घुस) प्रतिनिधी
रमेश सुध्दाला

घुग्गूस : 14 फेब्रुवारी 2019 रोजी जम्मू श्रीनगर राष्ट्रीय राजमार्गावर जाणाऱ्या भारतीय सुरक्षा रक्षकांच्या वाहनावर दाहशतवाद्यांन तर्फे आत्मघाती हल्ला करण्यात आला यात सी.आर.पी.एफचे जवळपास 45 जवान शहीद झाले हा दहशतवादी हल्ला पुलवामा जिल्ह्यात करण्यात आला होता.
आज शहर काँग्रेस कमेटी तर्फे पुलवामा हल्ल्यातील जवानांना पुष्पगुच्छ व मेणबत्ती अर्पण करूम श्रद्धांजली वाहण्यात आले.
“शहिद जवान अमर रहे” च्या घोषणा देण्यात आले याप्रसंगी काँग्रेस अध्यक्ष राजूरेड्डी, कामगार नेते सैय्यद अनवर, उत्तर प्रदेश सेल सचिव ब्रिजेश सिंग,अजय पाटील, शैलेंद्र वनकर,तिरुपती महाकाली,रोशन दंतालवार,विशाल मादर,बालकिशन कुळसंगे,रोहित डाकूर,विजय माटला,आरिफ शेख,रफिक शेख,संजय कोवे,सुनील पाटील,कुमार रुद्रारप,कपिल गोगला,अंकुश सपाटे,रंजित राखुंडे,विशाल लोनगाडगे,सचिन गोखरे,व अन्य पदाधिकारी उपस्थित होते.

(लातूर/निलंगा) प्रतिनिधी
डी.एस.पिंगळे

कै. डॉ.शिवाजीराव पाटील निलंगेकर यांचा खरा वारसदार मीच असून त्यांची स्वप्नपूर्ती केल्याशिवाय स्वस्थ बसणार नाही. अशी ग्वाही काँग्रेसचे प्रदेश सरचिटणीस अशोकराव पाटील निलंगेकर यांनी त्यांच्या जयंती निमित्ताने दिली.
जिल्हा काॅंग्रेसमधील अंतर्गत गटबाजीच्या पार्श्वभूमीवर मी गढीवाला नाही, पण वाडेवाला आहे;असा टोला देखील त्यांनी जिल्ह्याचे पालकमंत्री अमित देशमुख यांना नाव न घेता लगावला.
लातूर जिल्ह्यात पक्षातंर्गत निर्णय, नियुक्त्या निलंगेकर यांना विश्वासात न घेता परस्पर केल्या जात असल्यामुळे ते सध्या नाराज आहेत. या नाराजीतूनच त्यांनी नुकतीच महाराष्ट्राचे प्रभारी एच. के. पाटील यांची भेट घेऊन जिल्ह्यातील काँग्रेसच्या अंतर्गत कार्यपद्धतीचे गाऱ्हाणे देखील मांडले. त्यानंतर सोशल मिडियावर अशोकराव पाटील निलंगेकरांचा वाडा आणि बाभुळगावच्या गढीच्या वादाची चर्चा रंगू लागली आहे.
सध्या निलंगा मतदार संघासह लातूर जिल्ह्यातील काँग्रेसच्या अंतर्गत धुसफुशीची जोरदार चर्चा आहे. माजी मुख्यमंत्री कै. डॉ.शिवाजीराव पाटील निलंगेकर यांचा त्यांच्या काळात काॅंग्रेसमध्ये कायम दबदबा होता. श्रेष्ठीसह सर्वच स्तरावर त्यांना विचारल्याशिवाय कुठलेच निर्य घेतले जात नव्हते. पण कालांतराने निलंगेकरांच्या वाड्याचे महत्व कमी होऊन आता बाभुळगांवच्या वाड्याचे महत्व वाढल्याचे जिल्ह्यातील अनेक घटना घडामोडींवरून स्पष्ट झाले आहे.
कै. डॉ.शिवाजीराव पाटील निलंगेकर यांचा राजकीय वारसा प्रदेश सरचिटणीस असलेले अशोकराव पाटील निलंगेकर हे चालवत असल्याचे बोलले जाते. मात्र जिल्ह्याच्या काँग्रेसकडून त्यांना नवा पर्याय निर्माण करण्याच्या हालचाली पक्षातंर्गत विरोधकांकडून सुरू आहेत. मतदार संघातील बहूतांश निर्णय त्यांना विश्वासात न घेता होत असल्याने त्यांच्या समर्थकांमध्ये नाराजीचे वातावरण आहे.
त्यामुळे आगामी जिल्हापरिषद व नगरपालीका निवडणुकांमध्ये उमेदवारी देतांना मोठ्या प्रमाणात गटबाजी होऊ शकते. हे टाळण्यासाठी निलंगेकर समर्थक एकवटले आहेत. त्यातच कै.डॉ.शिवाजीराव पाटील निलंगेकर यांच्या जयंतीदिनी अशोक पाटील निलंगेकर यांनी माध्यमासमोर जनता ऐऱ्या-गैऱ्या लोकांना भीक घालत नाही, जे काँग्रेसच्या उमेदवाराच्या विरोधात उघड लढले, येथे येऊन चुकीचे विष पेरले त्यांना कधीही माफ करणार नसल्याचे सांगत निशाणा साधला.
मी काँग्रेसचा महाराष्ट्र सरचिटणीस आहे पण जिल्हाध्यक्ष मात्र जाणीवपूर्वक चुकीच्या पद्धतीने या ठिकाणी कामकरत असल्याचा आरोपही केला. यामुळे निष्ठावान कार्यकर्त्यांची गळचेपी होत आहे. मात्र हा प्रकार अजिबात सहन केला जाणार नाही. लातूर जिल्हा काँग्रेसचे अध्यक्ष हे जातीयतेचे विष पेरण्याचे काम करत आहेत. निलंगा विधानसभा मतदार संघातील जनता असल्या गोष्टीला थारा देत नाहीत.
कै. डॉ. शिवाजीराव पाटील निलंगेकर आज जरी हयात नसले तरी त्यांची शिकवण ही जातीयवादाला खतपाणी घालणारी नव्हती. कधीही शिवाजीराव निलंगेकर यांनी जातियवाद केला नाही व कोणाला करू दिला नाही, असे सांगत जिल्हाध्यक्षांकडून होत असलेल्या कारभाराबाबत उघड नाराजी व्यक्त केली. यामुळे आता यापुढे देशमुख व निलंगेकर यांच्यातील संघर्ष अधिकच वाढणार असे दिसते.
गढी विरोधात वाडा असेच चित्र लातूर जिल्ह्यात सध्या निर्माण झाले असून याचे पडसाद येणाऱ्या जिल्हा परिषद, पंचायत समिती,महापालिकाव नगरपालिका निवडणूकीतून दिसून येणार आहेत. महाराष्ट्र प्रभारी एच. के. पाटील यावर कसा मार्ग काढतात हे पाहणे देखील महत्वाचे ठरणार आहे.

यावल (प्रतिनिधी )विकी वानखेडे

येथील शिवसेनेचे शहर प्रमुख व सोने चांदीचे सराफा व्यापारी जगदीश कवडीवाले यांची नुकतीच राज्यस्तरीय ‘गोल्ड व्हॅल्यूअर्स असोसिएशन’च्या यावल तालुका अध्यक्षपदी नियुक्ती करण्यात आलेली आहे.

यावल शहरातील सोने चांदी व्यवसायातील प्रदीर्घ अनुभव व यावल शहरातील अनेक बँकाचे सोने तारण व्हॅल्यूएशनचा अनेक वर्षांचा अनुभव बघता त्यांची ही नियुक्ती करण्यात आली आहे.

महाराष्ट्र राज्यस्तरीय महाराष्ट्र गोल्ड व्हॅल्यूअर्स असोसिशनचे प्रदेश अध्यक्ष पुरुषोत्तम काळे, उपाध्यक्ष नचिकेत भुर्के, संघटक भैय्या भामरे यांच्या सयुंक्तिक स्वाक्षरीने जारी नियुक्ती पत्राद्वारे जगदीश रत्नाकर कवडीवाले यांची निवड करण्यात आली आहे. सर्व सोने, चांदीच्या व्यापाऱ्यांनी आणि विविध क्षेत्रातील मान्यवरांनी त्यांच्या या निवडीचे स्वागत करून अभिनंदन केले आहे.

उषा पानसरे मूख्य का. संपादक
मो.9921400542 अमरावती

*प्रेस संपादक व पत्रकार सेवा संघाच्या लातूर जिल्हा पदाधिकाऱ्यांची बैठक संपन्न*

लातूर : प्रेस संपादक व पत्रकार सेवा संघाच्या लातूर जिल्हा पदाधिकाऱ्यांची नुकतीच बैठक पार पडली आहे. या बैठकीसाठी प्रेस संपादक व पत्रकार सेवा संघाचे संस्थापक अध्यक्ष डी. टी. आंबेगावे, राज्य महिलाध्यक्षा डॉ. सुधाताई कांबळे, मराठवाडा अध्यक्ष विष्णू अष्टीकर, लातूर जिल्हाध्यक्ष लहुकुमार शिंदे, जिल्हा महिलाध्यक्षा वैशालीताई पाटील, जिल्हा समन्वयक सुनील बरुरे, जिल्हा प्रसिद्धी प्रमुख संतोष सोनवणे, जिल्हा संघटक संजय राजुळे, जिल्हा उपाध्यक्ष महादेव पोलदासे, संघाचे पदाधिकारी नितीन हांडे, सौ. मेघा पाटील, प्रतिक्षा पिटले, निकिता पिटलवार, सूरज मद्देवाड, विवेक मुळजे, फिरोज मुजावर येजाज पठाण आदी पदाधिकारी उपस्थित होते.
यावेळी संघाचे संस्थापक अध्यक्ष डी. टी. आंबेगावे म्हणाले की, पत्रकारांवर खोटे गुन्हे दाखल होऊ देणार नाही. पत्रकारांवर कोणी खोटे गुन्हे दाखल करीत असाल तर खबरदार असा इशारा दिला आहे. तसेच पत्रकारांच्या संदर्भात विनाकारण कोणी अपशब्द उच्चारत असेल किंवा धमकी देत असेल तर कदापिही त्यांना माफ केले जाणार नाही असा विश्वास दिला. महिला राज्याध्यक्षा डॉ. सुधाताई कांबळे यांनी महाराष्ट्रातील महिला पत्रकार संघासोबत मोठ्या प्रमाणावर जोडणार असल्याचे सांगितले. मराठवाडा अध्यक्ष विष्णू अष्टीकर यांनी लोकशाहीचा चौथा स्तंभ जीवंत ठेवण्याची जबाबदारी पत्रकारांची असल्याने सर्व पत्रकारांनी एकत्र येण्याची आवश्यकता असल्याचे प्रतिपादन केले. जिल्हाध्यक्ष लहुकुमार शिंदे यांनी प्रास्ताविकात संघटनेच्या कार्याची उज्जवल परंपरा सांगून लातूर जिल्हा कार्यकारिणी उत्कृष्ट कार्य करीत असून असेच कार्य कायम करणार असल्याचे सांगितले. जिल्हा महिलाध्यक्षा वैशालीताई पाटील, जिल्हा समन्वयक सुनील बरुरे, जिल्हा प्रसिद्धी प्रमुख संतोष सोनवणे यांनी आठवड्यातून एक दिवस लातूर जिल्ह्यातील प्रत्येक तालुका कार्यकारिणीला भेट देऊन संघटना वाढीसाठी प्रयत्न करणार असल्याचा एकमताने ठराव मंजूर केला. यावेळी प्रेस संपादक व पत्रकार सेवा संघ, लातूर जिल्हा पदाधिकारी उपस्थित होते.

अग्निशमन यंत्र उपलब्ध करा

(चंद्रपूर घुग्गूस)प्रतिनिधी
रमेश सुध्दाला

घुग्गूस : वेकोलीच्या इंदिरा नगर,सुभाष नगर,गांधीनगर, शास्त्री नगर, रामनगर या वसाहती मधील क्वार्टर जीर्ण झाले असून यातील विद्युत जोडणी ही कुजलेल्या अवस्थेत आल्याने वीज गळतीमूळे मोठं – मोठे आगीच्या घटना उदभवत आहे.
काल इंदिरा नगर येथे क्वार्टरला लागलेल्या आगीत राजू कोंकटवार यांचे चाळीस लाखाचे नुकसान झाले असून आग विझविण्यासाठी वेकोली जवळ अग्निशमन यंत्र ही उपलब्ध नसल्याने एसीसी कंपनीचे अग्निशमन यंत्राने आग विजविण्यात आले.
वेकोली सारख्या प्रमुख कोळसा उत्पादन करणाऱ्या कंपनी जवळ अग्निशमन यंत्र नसणे ही लाजिरवाणी बाब असून वेकोलीने तातळीने अग्निशमन यंत्र उपलब्ध करावे अशी मागणी वेकोली अधिकाऱ्यांना काँग्रेस अध्यक्ष राजूरेड्डी यांनी केली आहे.