यावल प्रतिनिधी विकी वानखेडे

Iतालुक्यातील पिळोदा बु॥ ग्रामपंचायतच्या मालकी हक्काची गायरान जमीन खोटा ठराव करून विक्री करण्यात आली असुन , या सर्व कारभाराची तात्काळ चौकशी करण्यात यावी अशा मागणीचे निवेदन निळे निशान सामाजीक संघटनेच्या वतीने संघटनेचे जिल्हा उपाध्यक्ष अशोक तायडे यांनी यावलच्या गटविकास अधिकारी नेहा भोसले यांच्याकडे एका निवेदनाद्वारे केली आहे . निळे निशान या सामाजीक संघटनेच्या वतीने जिल्हा उपाध्यक्ष अशोक तायडे यांनी यावलच्या गटविकास अधिकारी नेहा भोसले यांना दिनांक १फेब्रुवारी रोजी देण्यात आलेल्या निवेदनात म्हटले आहे की , यावल तालुक्यातील पिळोदा बु॥ ग्रामपंचायतचे ग्रामसेवक आणी सरपंच यांनी संगनमताने ग्रामपंचायतच्या मालकी हक्काची गायरान जमीन गट क्रमांक व उपविभाग५६८हे बाहेरील सदस्यायांना भाडे कराराने दिली आहे . सदरचा हा प्रकार ग्रामसेवक आणी सरपंच यांनी गावकऱ्यांना अंधारात ठेवुन खोटा प्रोसेडींग बुक नंतर लिहुन खोटा ठराव करण्यात आल्याचे तक्रार निवेदनात म्हटले आहे या प्रकारामुळे पिळोदा बु॥चे ग्रामस्थ हे अडचणीत आले आहे . याशिवाय ग्रामपंचायत अंतर्गत दलीत वस्तीची कामे हे इतर ठीकाणी अत्यंत निकृष्ठ प्रति ची करण्यात येत असल्याची ही ग्रामस्थांची ओरड आहे .पिळोदा बु॥ ग्रामपंचायतचे ग्रामसेवक आणी सरपंच यांच्या मनमानी कारभाराने गावातील ग्रामस्थांना शासनाच्या योजनापासुन वंचीत राहावे लागत आहे . ग्रामपंचायतीने गायरानची जमीन विक्री केल्याने गावातील मोलमजुरी करून आपल्या कुटुंबाचा उदरनिर्वाह करणाऱ्या काही जणांकडे बकऱ्या , गायी, म्हशी असे पाळीव जनावरे असुन ,या जनावरांना लागणारा चारा हा गायरान नसल्यामुळे गुराढोरांच्या चाऱ्यांची टंचाई झाली आहे . तरी ग्रामपंचायतीने केलेला गायरान जमीनी बाबत विक्री बाबतचा घेतलेला खोटा ठराव आणी ग्रामसेवक व सरपंच यांनी व ग्राम पंचायत विस्तार अधिकारी यांची संगनमताने केलेल्या कारभार करून आपल्या पदाचा दुरुपयोग करणाऱ्यांची तात्काळ ७ दिवसाच्या आत चौकशी करण्यात येवुन संबधीतांवर फौजदारी स्वरूपाचे गुन्हे दाखल करण्यात यावे तसे न झाल्यास आपण आपल्या पंचायत समिती कार्यालया समोर आमरण उपोषणास करणार आहे असा ईशारा निवेदनाद्वारे दिला आहे .

(चंद्रपूर घुग्घुस)प्रतिनिधी
रमेश सुध्दाला

रविवार 30 जानेवारी रोजी सकाळी 8 वाजता घुग्घुस येथील मा.आ.श्री. सुधीरभाऊ मुनगंटीवार आरोग्य सेवा समिती महाराष्ट्रतर्फे भाजपा जिल्हाध्यक्ष देवराव भोंगळे यांच्या नेतृत्वात तथा भाजयुमो प्रदेश उपाध्यक्ष विवेक बबनराव बोढे यांच्या मार्गदर्शनात वयोवृद्ध नागरिकांना मोतीबिंदूच्या शस्त्रक्रियेसाठी घुग्घुस परिसरातील नेत्ररुग्णांची सातवी तुकडी सेवाग्रामला रवाना करण्यात आली.
याप्रसंगी बोलतांना भाजपा जिल्हाध्यक्ष देवराव भोंगळे म्हणाले की घुग्घुस येथील मा. आ. सुधीरभाऊ मुनगंटीवार सेवा केंद्राच्या माध्यमातून मागील अनेक वर्षांपासून आरोग्य क्षेत्रात परिसरातील गोरगरीब गरजू रुग्णांची सेवा करने सुरु आहे. सातवी तुकडी मोतीबिंदूच्या शस्त्रक्रियेसाठी सेवाग्रामच्या नेत्ररुग्णालयात पाठविण्यात येत आहे. घुग्घुस व पोंभुर्णा येथे लोकनेते मा. आ. सुधीरभाऊ मुनगंटीवार यांच्या वाढदिवसानिमित्त महाआरोग्य शिबिराचे आयोजन करण्यात येत होते परंतु दोन वर्षांपासून कोरोना संकटामुळे गर्दी करता येत नसल्याने महाआरोग्य शिबीर थांबले. तरी सुद्धा गोरगरिब जनतेची आरोग्य विषयक सेवा करण्याचे कार्य निरंतर चालू आहे. त्याअनुषंगाने परिसरातील गोर गरीब गरजू लोकांना आरोग्याची सुविधा मोफत देत आहोत. भविष्यात गोर गरीब गरजू लोकांना आरोग्याच्या संदर्भात अडचणी तात्काळ सोडवण्यासाठी मा. आ. सुधीरभाऊ मुनगंटीवार आरोग्य सेवा समिती महाराष्ट्रची स्थापना करण्यात आली आहे. केंद्राचे संचालक श्री. विवेक बोढे यांच्या नेतृत्वात गोर गरिबांची सेवा अविरत पणे सुरु आहे.
घुग्घुस परिसरातील अमराई वार्ड, बँक ऑफ इंडिया, इंदिरा नगर, आंबेडकर नगर, शांती नगर, विद्या टॉकीज, शास्त्रीनगर, श्रीराम वार्ड, साखरा व शेणगाव येथील 20 रुग्णांना मोती बिंदूच्या शस्त्रक्रियेसाठी आज पाठविण्यात आले.
यावेळी भाजपाचे धनराज पारखी, श्रीनिवास कोत्तूर, सुशील डांगे व अजय लेंडे उपस्थित होते.

गावकरी पित आहेत बोअरचे धोकादायक पाणी

140गाव पाणीपुरवठा योजना कागदावरच

गजानन सोनटक्के
ता.प्र./जळगाव जा

/दि1फेब्रु
तालुक्यातील सुनगाव चे नागरिक सध्या पाण्यासाठी वणवण फिरत असुन आठवडाभर पासुन ग्रामपंचायत ग्रामवासियानां पाणीपुरवठा करण्यास असमर्थ ठरत आहे.
त्यामूळे गावातील नागरिकांनी ग्रामपंचायत व प्राधिकरण कार्यालय गाठुन पत्रकारासमवेत आपली समस्या मांडली .
सविस्तर वृत्त असे की,
सद्य स्थितीत कागदपत्रे तपासले असता 2017 च्या करारानुसार सुनगाव हे प्रादेशिक 140 गाव पाणीपुरवठा योजना मधे समाविष्ट असून येथे करारानुसार वारी हनुमान चे पाणी पोचायला पाहिजे परंतु प्रत्यक्ष जाणून घेतले असता आजही140गाव योजना वारी हनुमानचे पाणी सुनगाव करांच्या नशिबात नसून गावच्या विविध दिशेने वेगवेगळ्या बोर मधून चार-पाच ठिकाणचे आरोग्यास धोकादायक पाणी जमा करून ते वितरित केल्या जात आहे आणि हे पाणी वितरण करीत असतांना सुद्धा त्यामध्ये नियमितता नाही ,
चार पाच दिवसातून नळ येतात त्यातही महिन्यातून एक-दोन वेळा पाइपलाइन फुटून पाणीपुरवठा मध्ये खंड पडतो हीच परिस्थिती सतत दोन वर्षापासून आहे याविषयी सरपंच व प्रभारी ग्रामसेवक यांच्याशी संवाद साधला असता त्यांच्या म्हटल्यानुसार एकशे चाळीस गाव योजनेच्या पाईपलाईन मधून पुरेसा पाणीपुरवठा होत नाही व आम्ही आजपर्यंत कधीही पूर्ण टाकी भरून हे पाणी वितरित केले नाही ,ही योजना टाकी भरण्यास असमर्थ असुन त्यामूळे आम्ही जुने योजनेतून पाणीपुरवठा करतो असे संगितले,त्याचप्रमाणे जे पाणी आम्ही वापरलेच नही त्याचे 32 लाख रुपये बिल कसे काय दिले असा प्रश्न उपस्थित केला. नागरिकांनी पत्रकारांसह प्राधिकरण ऑफिस गाठले असता ,
शाखा अभियंता यांच्याशी संवाद केल्यावर त्यांच्या माहितीनुसार 2017 पासून नियमित सूनगावला पाणी पुरवठा सुरू असून ग्रामपंचायतचे कोणत्या कारणाने हे पाणी वापरत नसावी व पर्यायी पाणीपुरवठा करत असावी याविषयी आश्चर्य व्यक्त केले तसेच आमच्या योजनेत कुठलाही दोष नसून सुनगावला पाणी पुरवण्यास ही योजना समर्थ आहे ,
मात्र मागील तीन महिन्यापासून बिल न भरल्यामुळे आम्ही हे कनेक्शन बंद केले आहे .
ग्रामपंचायतीने बिल भरल्यास आम्ही पाणी नियमित करू असे सांगितले.
ग्रामपंचायत व प्राधिकरण यांनी ही परस्पर विरोधी मते व्यक्त केल्याने सर्वसामान्य नागरिक मात्र तहानेने व्याकूळ होत कसेतरी मिळेल त्या धोकादायक पाण्याने आपली तहान भागवत आहे,तरी संबंधित सर्व अधिकाऱ्यांनी व जल योद्धा म्हणून प्रसिद्धी पावलेले माजी मंत्री आमदार डॉ. संजय कुटे यामध्ये लक्ष घालतील काय ? व सुनगाव वासियांना वारी हनुमान चे 140 गाव योजनेचे शुद्ध पाणी मिळवून देतील काय?
ही मागणी जोर धरत आहे!
विशेष म्हणजे गावातून पंचायत समिती सदस्य व जिल्हा परिषद सदस्य स्थानिक असताना यांचे मौन का त्यांनीही मागील तीन वर्षात हा प्रश्न सोडवण्यासाठी मागील ग्रामपंचायत समिती सह कोणतेच प्रयत्न केल्याचे दिसून येत नाही,
नवीन आलेले सरपंच व ग्रामसेवक यांच्यापुढे हे 32 लाख रुपये बिल कसे भरावे हे संकट उभे असून लवकरच ते काय तोडगा काढतात याकडे सर्वांचे लक्ष लागले आहे.
====================
लक्षवेधक मुद्दे
*2017पासुन गावात 140गाव योजना लागू आहे तर आजपर्यंत नियमित पाणी का मिळाले नाही?
*पाणी मिळाले नाही तर ग्रामपंचायत ने ही योजना परत का केली नाही?
*प्राधिकरणात 87600रु अनामत रक्कम भरल्यावरही पाणी न मिळाल्याने वेळेवर प्राधिकरणास का कळवले नाही.
*पाणी च येत नाही तर 32लाख रुपये बिल कसे आले?
*गावकरी नागरिकांनी भरलेले पाणी कर चे पैसे कोणत्या कामात वापरले गेले?
*बोअर चे आरोग्यास धोकादायक पाणी पिउन गावात कीडणी पेशण्ट वाढल्यास जबाबदार कोण?
*सुनगाव कराना वारी हनुमानचे शुध्द पाणी केव्हा मिळनार?
====================
###################
मी पदावर आल्यापासून एक ही दिवस 140गाव योजनेच्या पाण्याने टाकी भरु शकली नाही,कमी प्रेशर असल्याने व वारंवार पाईपलाईन फुटल्यने आम्ही ही योजना वापरत नाही ,जर प्राधिकरण चमुने 8 दिवस सतत टाकी भरुन दाखवल्यास आम्ही ट्प्याने बिल भरुन या योजनेचा स्विकार करू
-रामेश्वर अंबड़कार सरपंच सुनगाव
##################
ग्रामपंचायत सुनगावला आम्ही 2017पासुन योजना कार्यान्वीत असून,आमची पाईपलाईन व्यवस्था व पुरवठा सज्ज असुन आम्ही गावापर्यंत पाणी पोचवुन ठेवलं आहे,तसेच त्याची ट्रायल देखील ड़ेमो देऊन केलेली आहे,आज रोजी व्याजासह सदर सुनगाव ग्रामपंचायत वर आमचे विभागाचे 31,96,891रु थकित आहेत. त्यामूळे 3 महिन्याने पाणि रोखण्यात आले आहे,जर आम्हाला ट्प्याने जरी बिल मिळाले तरी आम्ही पूर्ववत पाणी सूरु करू.
-मुकेश वैद्य
शाखा अभियंता
140 गाव प्रादेशीक पाणीपुरवठा योजना जळगाव जामोद
===================