लातूर/निलंगा प्रतिनिधी
डी. एस. पिंगळे

गेल्या अनेक वर्षापासून अंत्यसंस्कार करण्यासाठी स्मशानभूमी नाही. वेळोवेळी मागणी करून देखील प्रशासनाने याकडे दुर्लक्ष केलं. त्यामुळे मृत महिलेच्या नातेवाईकांनी चक्क ग्रामपंचायत कार्यालयासमोर अत्यंस्कार केले.
निलंगा तालूक्यातील हाणमंतवाडी येथील सोजरबाई रामचंद्र निकम (वय ७०) यांचा बुधवारी मृत्यू झाला. हणमंतवाडी हे गाव चार हजार लोकवस्तीचे असून अध्याप गावात स्मशानभूमी नाही. गेल्या विस वर्षापासून हणमंतवाडी येथील गावकरी स्मशानभूमीसाठी जागा उपलब्ध करुन देण्यासाठी मागणी करत आहेत. परंतू जागेचा वाद हा न्यायप्रविष्ट असल्याने प्रेताची अव्हेलना होत आहे. त्यामुळे गावात मयत झालेल्या व्यक्तीचा अंत्यविधी करायचा कुठे असा मोठा प्रश्न कायमच निर्माण होत असतो. परंतु शासन गावाला स्मशानभूमीसाठी जागा उपलब्ध करत नसल्याने गावातील संपूर्ण ग्रामस्थांनी गावाच्या भर चौकातील ग्रामपंचायत कार्यालयासमोरच अंत्यविधी करावा लागला आहे.

मराठी विभागाचा पुढाकार.

अनिल सिंग चव्हाण मुख्य संपादक.

गडचिरोली:-आज दिनांक २७ जानेवारी रोजी जिल्हा शिक्षण व प्रशिक्षण संस्था गडचिरोलीच्या वतीने गडचिरोली जिल्ह्यातील निवडक कवींनी स्वरचित रचलेल्या कवितांना चालना देण्यासाठी मराठी विभागाच्या पुढाकारातून कवि सम्मेलन आयोजित करण्यात आले होते.
गडचिरोली जिल्ह्यातील २२ कविंनी कौटुंबिक,सामाजिक, आर्थिक,राजकीय,सांस्कृतिक भौगोलिक,कृषी,कला,क्रीडा, प्रेरणादायी,शिक्षण,प्रेम,निसर्ग,भावस्पर्शी,ऐतिहासिक महत्त्व पटवून देणाऱ्या अशा कवितांचे सादरीकरण केले.
ऑनलाइन कविसंमेलनात उत्कृष्ट सूत्रसंचालन मराठी विभागाचे विषय सहाय्यक डॉ.विजय रामटेके,निळकंठ शिंदे यांनी केले तर कविंना प्रोत्साहन अधिव्याख्याता डाॅ. प्रदिप नाकतोडे,मिलिंद अघोर यांनी केले.
ऑनलाइन कविसंमेलनाचे अध्यक्ष तथा मुख्य मार्गदर्शक जिल्हा शिक्षण व प्रशिक्षण संस्था गडचिरोली चे प्राचार्य डॉ.विनित मत्ते हे होते. त्यांनी सर्व सहभागी कविंना मार्गदर्शन करून भविष्यात प्रत्येकांनी आपल्या लेखनितून उत्कृष्ट कविता,लेख लिहावे व मराठी भाषा संवर्धन करावी यासाठी शुभेच्छा दिल्या.
कवि सम्मेलनचा लाभ गडचिरोली जिल्ह्यातील शिक्षक,विषय साधनव्यक्ती यांनी घेतला. सोबतच जिल्हा शिक्षण व प्रशिक्षण संस्था गडचिरोली येथील विषय सहाय्यक,समुपदेशक हे उपस्थित होते.या कार्यक्रमाचे व उपस्थित कविंचे आभार श्री प्रभाकर साखरे समुपदेशक यांनी केले.

यावल प्रतिनिधी विकी वानखेडे

तालुक्यातील एका गावात राहणाऱ्या १५ वर्षीय अल्पवयीन मुलीवर दोन जणांनी शेतात अत्याचार केल्याचा धक्कादायक प्रकार उघडकीला आला आहे. याप्रकरणी यावल पोलीस ठाण्यात दोन जणांविरोधात गुन्हा दाखल करण्यात आला आहे.

यावल तालुक्यातील एका गावात १५ वर्षीय मुलगी आपल्या नातेवाईक व कुटुंबियांसह वास्तव्याला आहे. बुधवार २६ जानेवारी रोजी दुपारी अडीच वाजेच्या सुमारास अल्पवयीन मुलगी ही शौचालयासाठी गावातील रोडवर एकटी गेली होती. त्यावेळी गावातील संशयित आरोपी आणि यांनी अल्पवयीन मुलीचे तोंड दाबुन शेजारच्या शेतात ओढून नेले. त्याठिकाणी दोघांनी आळीपाळीने अल्पवयीन मुलीवर बळजबरीने अत्याचार केला. कुणाला सांगितले तर ठार मारण्याची धमकी दिली. अल्पवयीन मुलगीने घरी गेल्यावर हा प्रकार नातेवाईकांना सांगितला. अल्पवयीन मुलीसह नातेवाईकांनी यावल पोलीस ठाण्यात रात्री ८ वाजता धाव घेवून दोन्ही संशयित आरोपींविरोधात तक्रार दिली. पीडीत मुलीच्या फिर्यादीवरून संशयित आरोपी यांच्या विरोधात यावल पोलीस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक सुनिता कोळपकर करीत आहेत.

अनिलसिंग चव्हाण( मुख्य संपादक)

मनुष्यबळ विकास लोकसेवा अकादमी मुंबई च्या वतीने आयोजित राज्यस्तरीय गुणिजन गौरव महासंमेलन आणि पुरस्कार वितरण सोहळा पुणे शहरातील टिळक स्मारक मंदिर सभागृहात मोठ्या उत्साहात संपन्न झाला. महाराष्ट्र राज्यातील विविध क्षेत्रातून पुरस्कारासाठी निवडलेल्या या सोहळ्यात मेहकर तालुक्यातील कळपविहिर गावातील ओम गणेश तांगडे यांना राज्यस्तरीय आदर्श युवा महाराष्ट्र युथ आयडॉल समाजरत्न पुरस्कार २०२१ प्रदान करण्यात आला.या कार्यक्रमा चे प्रमुख पाहुणे असलेले सुप्रसिद्ध राष्ट्रीय किर्तनकार, लेखक,वक्ता ह.भ.प. श्री. श्यामसुंदर महाराज सोन्नर आळंदीकर सोबतच कार्यक्रमा चे अध्यक्ष मा.श्री.रमेश आव्हाड (सुप्रसिद्ध साहित्यिक) यांनी ओम तांगडे यांच्या गळ्यात गौरव पदक घालून व तसेच मानाचा फेटा,मानकरी बॅच, महावस्त्र, सन्मानचिन्ह,आणि मानपत्र देऊन राज्यस्तरीय समाजरत्न पुरस्कार प्रदान केला. सदरील पुरस्कारा बद्दल समाजाच्या विविध स्तरावरून त्यांच्या वर अभिनंदनाचा आणि शुभेच्छा चा वर्षाव होत आहे.
ओम तांगडे हे छात्रभारती विद्यार्थि संघटने च्या माध्यमातून समाज कार्य करीत असतात. छात्र भारती संघटना संपूर्ण महाराष्ट्रात अखंड पने कुढल्याही राजकीय पाठबळा शिवाय लढत आहे. त्यांच्या कार्याची दखल घेत या अगोदर च ओम तांगडे ला तालुका अध्यक्ष पद देण्यात आले आहे.
कार्यक्रमाचे सूत्रसंचालन सौ. मिनाक्षीताई गवळी यांनी केले.तर गुनिजन परिवाराचे अध्यक्ष अडव्होकेट श्री. कृष्णाजी जगदाळे यांनी उपस्थितांना गूनिजन शपथ प्रदान केली आणि गुनिजान संसदेत पुरस्कार प्राप्त मानकऱ्यांच्या अभिनंदनाचा ठराव मांडला.हजारो टाळ्यांच्या साक्षीने हा ठराव मंजूर झाला.हा कार्यक्रम शासनाच्या कोरोना दक्षता निवमावली नुसार अत्यंत काटेकोर पणे व शांततेत पार पडला. सोहळ्याच्या समारोपाला तमाम महिला वर्गाने राष्ट्रवंदना सादर करून उत्साहात समारंभाची सांगता केली.

(चंद्रपूर घुग्घुस)प्रतिनिधी
रमेश सुध्दाला

घुग्घुस येथील मा.आ.सुधीरभाऊ मुनगंटीवार सेवा केंद्रात जिल्हाध्यक्ष देवरावदादा भोंगळे यांच्या मार्गदर्शनात प्रजासत्ताक दिन उत्साहात साजरा करण्यात आला.
याप्रसंगी *भाजयुमोचे प्रदेश उपाध्यक्ष विवेक बोढे यांच्या हस्ते ध्वजारोहन करण्यात आले.* संविधानाच्या उद्देशिकेचे वाचन करण्यात आले. राष्ट्रगीत गाऊन तिरंगा झेंड्यास सलामी देण्यात आली. या प्रसंगी भारत साळवे व शंकर नागपुरे यांनी देशभक्तीपर गीत गायले.
याप्रसंगी सेवानिवृत्त माजी सैनिक राजेंद्र किनाके यांनी ध्वजास मानवंदना दिली.
यावेळी भाजयुमोचे प्रदेश उपाध्यक्ष विवेक बोढे, माजी जिप सभापती नितु चौधरी, माजी उपसरपंच संजय तिवारी, माजी सरपंच संतोष नुने, माजी जिप सदस्य चिन्नाजी नलभोगा,, नंदा कांबळे, सुचिता लुटे, वैशाली ढवस, प्रयास सखी मंच अध्यक्ष किरण बोढे, अर्चना मुळेवार, जेष्ठ नागरिक संघाचे मधुकर मालेकर, नीलकंठ नांदे, भाऊराव मोहजे, पुंडलिक खनके, जंजर्ला, वमशी महाकाली, आभार प्रदर्शन कुसुमताई सातपुते यांनी केले.