जगन मोरेे  लोणार. तालुका प्रतिनिधी

लोणार संजय गांधी निराधारयोजना तालुका समीती चे नव नियुक्त सदस्य शेख सज्जाद शेख करामत यांचा सत्कार आॅल इंडिया जमीयतुल कुरैश चे जिल्हाध्यक्ष प्रा लुकमान कुरेशी यांच्या हस्ते करण्यात आले यावेळी विश्वगामी पत्रकार संघाचे तालुका अध्यक्ष उद्धव आटोळे. विजय मापारी. प्रकाश नागरे. जगन मोरे. मयूर सरकटे. विजय महाजन. परमेश्वर मापारी. कासीम कुरेशी. मोहसीन कुरेशी. वसीम कुरेशी. फुरकान कुरेशी. गुफरान कुरेशी. इरफान कुरेशी. गफ्फार कुरेशी. ईस्माईल कुरेशी. व अन्य सदस्य उपस्थित होते

(चंद्रपूर घुग्घुस)प्रतिनिधी
रमेश सुध्दाला

रविवार 16 डिसेंबर पासून घुग्घुस येथील बस स्थानक समोरील छत्रपती शिवाजी महाराज चौकात दलित वस्तीवर होणाऱ्या अन्यायाच्या विरोधात घुग्घुस भाजपातर्फे भाजपा जिल्हाध्यक्ष देवराव भोंगळे यांच्या नेतृत्वात व भाजयुमोचे प्रदेश उपाध्यक्ष विवेक बोढे यांच्या मार्गदर्शनात साखळी उपोषण सुरु करण्यात आले होते. सातव्या दिवशीही साखळी उपोषणा सुरु होते. घुग्घुस नगर परिषदेने घुग्घुस दलित वस्ती सुधार योजने अंतर्गत वार्ड क्र. 4 व वार्ड क्र. 5 व विश्वरत्न डॉ. बाबासाहेब आंबेडकर नगरला सरसकट वगळल्यामुळे वार्डातील सिमेंट रस्ते व अंडरग्राउंड नाली बांधकामासाठी 3.5 करोड रुपयांचा निधी उपलब्ध होऊ शकला नाही. या वार्डातील सर्व दलित बांधवांवर हेतूपुरस्पर अन्याय करण्यात येत आहे. जोपर्यंत वार्ड क्र. 04 व 05 ला निधी मिळत नाही व दोषी अधिकाऱ्यांवर कारवाई होत नाही तोपर्यंत हे उपोषण असेच सुरू राहणार असून दोन दिवसात मागण्या पूर्ण न केल्यास तीव्र आंदोलन करण्याचा इशारा देण्यात आला आहे यावेळी भाजयुमोचे प्रदेश उपाध्यक्ष विवेक बोढे, नकोडा जिप सदस्य ब्रिजभूषण पाझारे, माजी उपसरपंच संजय तिवारी, माजी पंस उपसभापती निरीक्षण तांड्रा, नकोडा माजी सरपंच ऋषी कोवे, माजी ग्रामपंचायत सदस्य पूजा दुर्गम, भाजपाचे प्रवीण सोदारी, संतोष कोंडपेल्लीवार उपस्थित होते.

खा.तड़स व आ.कुणावार यांचे उपस्थितित भूमिपूजन संपन्न

हिंगणघाट दि.२२ जानेवारी
प्रधानमंत्री ग्राम सडक योजनेंतर्गत मंजूर करण्यात आलेल्या तिसऱ्या टप्पायातील मंजुरीनुसार शहालंगड़ी ते जुनोना,आजंती ते शेगाव (कुंड) तसेच कुंड येथून राज्य महामार्ग क्र.३२२ पर्यंतच्या रस्त्याचे मजबुतीकरणाच्या विकासकामाचे भूमिपूजन आज दि.२२ जानेवारी रोजी वर्धा लोकसभा मतदारक्षेत्राचे खासदार रामदास तडस तसेच विधानसभा क्षेत्राचे आमदार समीरभाऊ कुणावार यांच्या प्रमुख उपस्थितीत संपन्न झाले.सदर रस्ता ७.६३ किलोमीटर लांबीचा असून या विकासकामावर सुमारे ४८२.६३ लक्ष रुपये खर्च करण्यात येणार आहे,तालुक्यातील हा प्रमुख मार्ग असून या रस्त्याचे मजबुती करणाची जनतेची मागणी होती.
खासदार रामदास तड़स यांचे अध्यक्षतेखाली आयोजित कार्यक्रमात आज विधानसभा क्षेत्राचे आमदार समिर कुणावार यांचे हस्ते भूमिपूजन करण्यात आले.
उपरोक्त कार्यक्रमप्रसंगी भाजपा महामंत्री किशोर दिघे, माजी जिल्हा परिषद अध्यक्ष नितीन मडावी, जिल्हा परिषद सदस्य शरद सहारे, माजी नगराध्यक्ष प्रेम बसंतानी, पंचायत समिती सदस्य संभाजी देवडे, भाजपा तालुकाध्यक्ष आकाश पोहाणे, कंत्राटदार शाम भिमनवार, उद्योजक जगदीश मिहानी , आजंती ग्रामपंचायतच्या सरपंचा सौ. सीमाताई देवडे, शेगाव कुंड सरपंच राजु नगराळे , उपसरपंच मधुसूदन हरणे , सातेफळचे सरपंच श्रीराम मेश्राम, सचिव नगराळे, विनोद विटाळे, हरिदास बोरकर ,अमोल बोरकर, किशोर वंजारी, अरुण किनाके, संजय चौधरी, ठाणेश्वर, सुनील गुडदे इत्यादी गणमान्य मंडळीसह ग्रामपंचायत सदस्य, प्रधानमंत्री ग्राम सडक योजनेचे अधिकारी तसेच गावकरी मंडळी सदर भूमिपूजन कार्यक्रमाला उपस्थित होते.

यावल प्रतिनिधी विकी वानखेडे

हिंगोणा ग्रामपंचायतमध्ये ‘दलित वस्ती सुधार योजने’च्या निविदा गोंधळाविषयी जिल्हा रिपब्लीकन पार्टी ऑफ इंडीयाने गटविकास अधिकाऱ्यांना निवेदन दिले असून त्यानुसार सरपंच व ग्रामसेवकास यांना कारणे दाखवा नोटिस बजावण्यात आली आहे.

तालुक्यातील हिंगोणा ग्रामपंचायत अंतर्गत दलित वस्ती निधीचा गैरवापर आणि ऑनलाईन टेंडरमध्ये हस्तक्षेप करून आर्थिक व्यवहाराने टेंडर प्रक्रीयेत काळाबाजार करणारे ग्रामसेवक व ग्रामपंचायत सरपंच आणी ग्रामपंचायत सदस्य यांच्या विरूद्ध कारवाई करण्यात यावी या मागणीचे निवेदन रिपब्लीकन पार्टी ऑफ इंडीया (आठवले गट ) जिल्हाध्यक्ष राजू सुर्यवंशी यांनी गटविकास अधिकारी,IAS नेहा भोसले यांच्याकडे केली आहे.

या संदर्भात दिलेल्या लिखित तक्रार निवेदनात राजू सुर्यवंशी यांनी म्हटले आहे की , हिंगोणा तालुका यावल या ग्रामपंचायतमध्ये दलीत वस्ती सुधार या योजने अंतर्गत होणाऱ्या कामांची निविदा ही ऑनलाईन काढण्यात आली होते , परन्तु ग्रामसेवक व ग्राम पंचायतचे सरपंच आणि सदस्य आर्थिक मोहातून टक्केवारीची रक्कम मागत असल्याने सदरची निविदा रद्द केलेली आहे.

या निविदा प्रक्रीयेत संबधीत ठेकेदारास कोणतीही नोटीस न देता किंवा जिल्हा परिषद पातळीवर वरिष्ठांकडून मार्गदर्शन न मागवता सर्व ग्राम पंचायतच्या सदस्यानी सदरची निविदा रद्द केली असल्याचे राजू सुर्यवंशी यांनी म्हटले असून, शासनाच्या वतीने मिळणाऱ्या गावाच्या विकास निधीची ग्रामपंचायतच्या कारभारीच्या टक्केवारीच्या मोहापोटी मिळणाऱ्या निधीची उधळपट्टी करण्यात येत असल्याचे त्यांनी म्हटले आहे .

सदरचे निवेदनावरुन गटविकास अधिकारी,IAS नेहा भोसले यांनी तात्काळ कारवाई करीत हिंगोणा ग्रामपंचायतचे ग्रामसेवक आणि सरपंच यांना आज शुक्रवार, दि.२१ जानेवारी २०२२ रोजीयांना कारणे दाखवा नोटीस बजावली असुन , सरपंच व ग्रामसेवक हे गैरहजर राहील्यास त्यांच्या विरूद्ध महाराष्ट्र जिल्हा परिषद जिल्हा सेवा ( शिस्त व अपील ) अधिनियम१९६४तरदुतीनुसार तसेच महाराष्ट्र ग्राम पंचायत अधिनियम१९५८चे कलम ३९ (१ ) नुसार कारवाई प्रस्तावित करण्यात येवुन प्रस्ताव वरिष्ठ पातळीवर पाठविण्यात येइल असे ही गटविकास अधिकारी IAS नेहा भोसले यांनी बजावलेल्या नोटीस मध्ये म्हटले आहे.

(चंद्रपूर घुग्घुस)प्रतिनिधी
रमेश सुध्दाला

घुग्घुस येथील लॉयड्स मेटल कंपनीतून होणारी ओल्डम डस्टची वाहतूक तात्काळ बंद करण्याची मागणी. चंद्रपूर शिवसेना जिल्हाप्रमुख संदीप गिऱ्हे यांच्या नेतृत्वात व युवासेना जिल्हाप्रमुख निलेश बेलखेडे यांच्या. मार्गदर्शनात युवासेना तालुका प्रमुख हेमराज बावणे यांनी जिल्हाधिकारी चंद्रपूर यांना दिलेल्या निवेदनातून केली आहे घुग्घुस येथील लॉयड्स मेटल कंपनीतुन दररोज 100 ते 150 ट्रकाद्वारे कंपनीच्या आतील ओल्डम डस्टची वाहतूक करून बाहेर निघत आहे व तो डस्ट ट्रका द्वारे विमला सायंडींग व वणी सायडींगच्या दिशेने भरून जात आहे आणि तो कोळश्यात मिसळवीला जात आहे. त्यामुळे याचा भविष्यात पावर प्लांटला फटका बसू शकतो. व लोडशेडींग होऊ शकते. याचा सामान्य नागरिकांना त्रास सहन करावा लागू शकतो. या प्रकरणात कंपनीच्या अधिकाऱ्यांचा ही हात असू शकतो. त्यामुळे ओल्डम डस्टची वाहतूक तात्काळ बंद करून दोषीवर कारवाही करावी अन्यथा कंपनी गेट समोर शिवसेने तर्फे आंदोलन करण्यात येईल. असा इशारा निवेदनातून देण्यात आला आहे.
निवेदन देतांना शिवसेना उप तालुका प्रमुख गणेश भाऊ शेंडे, राज सोपर, नागार्जुन नगराळे, पियुष कांबळे, साहिल आमटे, बलराज सरोज व शिवसैनिक उपस्थित होते.