उषा पानसरे .कार्यकारी संपादीका मो.9921400542

आ.सौ .सुलभाताई खोडके यांच्या दूरदृष्टीतून शहर विकासाला तंत्रज्ञानाची जोड

प्रायोगिक तत्वावर पठाण चौक ते भातकुली मार्गावर रस्ता निर्मितीला सुरुवात

अमरावती ३० डिसेंबर: विकासाच्या संकल्पनेत सुसज्ज रस्त्यांचे विस्तीर्ण जाळे निर्माण करणे महत्वपूर्ण असून यातूनच सुरक्षित वाहतूक व अपघात विरहित अवागमनाला चालना मिळते. त्यामुळे शहरातील अनेक लहान-मोठे रस्ते एकमेकांना जोडून दर्जेदार व गुणवत्तापूर्ण रस्त्यांचे काँक्रीट जाळे पसरविण्याला घेऊन आ.सौ. सुलभाताई खोडके यांनी पुढाकार घेतल्याने शहरातील मुख्य रस्ते त्याचबरोबर शहरातून जाणारे जिल्हा प्रमुख मार्ग, राज्यमार्ग, महामार्ग तसेच लोकवसाहतीमधील अंतर्गत रस्ते आदी मार्गांचा कायापालट झाला आहे . याच शृंखलेत महानगरातील अत्यंत वर्दळीचा रस्ता व पुढे भातकुली तालुक्याला जोडणाऱ्या पठाण चौक ते भातकुली रस्ता प्री-कास्ट काँक्रीट पॅनल पद्धतीतून कात टाकणार आहे. बुधवार दिनांक २९ डिसेंबर २०२१ रोजी आ. सौ सुलभाताई खोडके यांनी पाहणी केली असता या रस्ता काँक्रिटीकरणाच्या कामाला सुरुवात झाली आहे. .
अमरावती – भातकुली रस्ता राज्यमार्ग २८० हा मार्ग शहरातील पठाण चौक मधून गेलेला आहे. या मार्गावर अमरावती महानगर क्षेत्रातील लोकवसाहती , वाणिज्य क्षेत्र असून भातकुली रस्त्यावरील अनेक गावांमधील शेतकरी , दूध विक्रेते , कामगार , कर्मचारी तसेच विद्यार्थ्यांना अमरावती शहरामध्ये येण्याकरिता याच मार्गाचा अवलंब करावा लागतो . मात्र या अतिवर्दळीच्या व बहूपर्यायी रस्त्याची अत्यंत दयनीय अवस्था झाल्याने येथून अवागमन करतांना नागरिकांना प्रचंड त्रास सहन करावा लागत आहे. तसेच जड व अवजड वाहतूक करतांनाही मोठी कोंडी उद्भवत असल्याने या मार्गावर सुरक्षित वाहतुकीला घेऊन अनेक समस्या उद्भवत आहे. दरम्यान या रस्त्याचे निर्मिती कार्य सार्वजनिक बांधकाम विभागाने हाती घेतले असता काँक्रिटीकरणाच्या
कामाला २८ दिवसांचा क्युरिंग पिरेड लागणार होता.. या मार्गावर संभाव्य धोका व वाहतुकीची समस्या टाळता यावी व नागरिकांना सुरक्षित अवागमन करता यावे , यासाठी आ . सौ. सुलभाताई खोडके यांनी जातीने लक्ष घालून या मार्गाच्या कायापालट करण्यासाठी पुढाकार घेतला आहे. सदर काम हे नवीन तंत्रज्ञानाचा वापर करून पूर्ण करण्याच्या सूचना सार्वजनिक बांधकाम विभागाला दिल्या असता आता प्रत्यक्ष कामाला सुरुवात झाली आहे.आ. सौ . सुलभाताई खोडके यांनी रस्ता काँक्रिटीकरण कामास्थळी प्रत्यक्ष भेट व पाहणी करून सदर रस्त्याचे काम हे दर्जेदार व गुणवत्तापूर्वक करण्याच्या सूचना केल्यात . विशेष म्हणजे आ .सौ .सुलभाताई खोडके यांच्या दूरदृष्टीतून शहर विकासाला तंत्रज्ञानाहीची जोड मिळत असल्याने शहराचा कायापालट होत आहे. अमरावती प्रादेशिक विभागात पहिल्यांदाच प्री-कास्ट काँक्रीट पॅनल पद्धतीचा प्रयोग करून अल्पावधीतच हा रस्ता पूर्ण होऊन नागरिकांना सुरक्षित अवागमनाची सुविधा मिळणार आहे. याच दरम्यान भूमिगत गटार योजनेचे उर्वरित काम तत्काळ करणे बाबतच्या सूचना सुद्धा मजीप्राचे सहाय्यक उपअभियंता शिवहरी कुलट यांना देण्यात आल्या . यावेळी आमदार सौ. सुलभाताई खोडके यांच्या समवेत राष्ट्रवादी काॅग्रेस पार्टी प्रदेश उपाध्यक्ष – संजय खोडके, सार्वजनिक बांधकाम विभागाचे – कार्यकारी अभियंता एस.पी. थोटांगे, उपविभागीय अभियंता – तुषार काळे, शाखा अभियंता – सुनिल जाधव, महानगरपालीकेचे उपविभागीय अभियंता – प्रदिप वानखडे, भुयारी गटार योजनेचे – शिवहरी कुलट, वेलस्पन प्रायव्हेट लिमिटेडचे प्रतिनिधी जफरूद्दीन सय्यद , कुमार बिल्डर – डॉ . अमीन सय्यद , सनाउल्ला खान ठेकेदार, यश खोडके, हाजी रफीक, ऍड. शोएब खान, आहद अली, सनाउल्ला सर, गाजी जहरोष, हबीब खान ठेकेदार, अफसर बेग, अफझल चाैधरी, सादीक रजा, हाजी इरफान सेठ, कन्नुभाई ठेकेदार, दिलबर शाह, राजु पहेलवान, अफसर भाई, सत्तार राराणी, सैय्यद साबिर, समिउल्ला खाॅ पठाण, फहीम मॅकेनिक, फारुक मंडप, मोईन खान, अबरार साबिर, आरीफ मेमन, सैय्यद वसिम, हमीद खान, जाहीद खान, फिरोज अहमद, शेख सलिम, शेख शकील, शफीक शाह, युनुस भाई, जहीर भाई, नाजीम सर, ईलीयास खान, नसिम पठाण, फिरोज अहमद, जाहीद खान आदींसह स्थानिक नागरिक व कार्यकर्ता उपस्थित होते .

अनिलसिंग चव्हाण सह विक्की वानखेड़े

मुंबई : महाराष्ट्राची मदर तेरेसा अशी ओळख असणाऱ्या सिंधूताई सपकाळ यांचे निधन झाले असून त्यांनी वयाच्या ७३ व्या वर्षी अखेरचा श्वास घेतला. सिंधुताई सपकाळ (Sindhutai Sapkal) यांचा जन्म १४ नोव्हेंबर १९४७ रोजी महाराष्ट्रातील वर्धा येथे झाला होता. माई म्हणून ओळखल्या जाणाऱ्या सिंधूताईचं जीवन अत्यंत खडतर होतं. बालविवाह झालेल्या सपकाळ यांनी नवऱ्याने केलेल्या अत्याचारांनंतर घर सोडलं. त्यानंतर अत्यंत अनाथांचा सांभाळ करणं हे त्यांनी आयुष्याचं ध्येय बनवलं. (Latest News on Sidhutai Sapkal)

आज त्यांचे पुण्यातील गॅलक्झी हॉस्पिटलमध्ये रात्री 8 वाजून 10 मिनिटांनी निधन झाले. त्या ७३ वर्षांच्या होत्या. महिना भरापूर्वी त्यांचे हर्निया चे ऑपरेशन झाले होते, त्यांनंतर त्यांच्यावर उपचार सुरु होते, आज अखेर ह्रदयविकाराच्या झटक्याने निधन झाले. गॅलक्झी केअर हॉस्पिटलचे वैद्यकीय संचालक डॉ. शैलेश पुणतांबेकर म्हणाले, “सिंधुताई यांना छातीचा हार्निया झाला होता. त्याच्यावर दीड महिन्यांपूर्वी शस्त्रक्रिया करण्यात आली. त्यानंतर त्यांच्यावर उपचार सुरू होतो. हृदयविकाराच्या झटक्याने त्यांचे निधन झाले.”

हजारो अनाथ मुला-मुलींना आश्रय देत त्यांची माय बनलेल्या सिंधुताई (Sindhutai) यांना नुकतेच पद्मश्री पुरस्काराने सन्मानित करण्यात आले होते. महिलांच्या अन्याय अत्याचाराला वाचा फोडण्याचे काम त्यांनी त्यांच्या सामाजिक कार्याच्या आरंभीस केले.

सिंधुताई सपकाळ यांनी 1994 साली पुण्यातील पुरंदर तालुक्यात अनाथ मुलांसाठी ‘ममता बाल सदन’ नावाची संस्था स्थापन केली. अनाथ मुलांसाठी त्यांनी केलेल्या कामांमुळे महाराष्ट्रासह देशभरात त्या ‘अनाथांची माय’ म्हणून परिचित झाल्या.

सिंधुताई सपकाळ या गेली 40 वर्षे सामाजिक कार्य करत होत्या. त्यांना आजवर 750 हून अधिक पुरस्कारांनी गौरवण्यात आलं आहे. अनाथ मुलांना आईसारखी माया देणाऱ्या सिंधुताई नेहमी अभिमानाने सांगायच्या की, मी हजारहून अधिक मुलांची आई आहे.

शेगांव : येथील जुन्या महादेव मंदिरासमोरून जाणाऱ्या १९ वर्षीय महिलेचा वाईट उद्देशाने हात धरून विनयभंग केल्या प्रकरणी तिघांविरुद्ध गुन्हा दाखल करण्यात आला आहे.

याबाबत शेगाव शहर पोलीस सूत्रांकडून मिळालेल्या माहितीनुसार शहरातील  डोबाळवेस भागात राहणाऱ्या १९ वर्षीय विवाहितेने तक्रार दिली की, मी दोन जानेवारीच्या रात्री नऊ वाजेदरम्यान जुना महादेव मंदिरा जवळून जात असताना अनिल दिंडोकार यांच्या दुकानासमोर राजेश गजानन घाटोळ हा इतर मुलांसोबत उभा होता. त्यावेळी मला पाहून त्याने एका मुलाला बाजूला करून वाईट उद्देशाने माझा डावा हात धरला आणि शिवीगाळ करुन केस मागे घे अशी धमकी दिली. यावेळी मी माझ्या पतीला फोन करून बोलावून घेतले. तेव्हा तो तिथून निघून गेला होता मी आणि माझे पती त्याच्या घरी आई-वडिलांना समजून सांगण्यात गेलो असता गजानन घाटोळने मला आणि माझ्या पतिला शिवीगाळ करून राजेश घाटोळ तसेच शिवा घाटोळ यांनी मला आणि माझ्या पतिला विट मारून जखमी केले. यावेळी माझा दीर हा सोडविण्यासाठी आला असता त्याला सुद्धा खुर्ची ने मारहाण करण्यात आली. त्यामुळे माझ्या पतीचे उजव्या डोळ्यावर आणि उजव्या हाताला मार लागला माझ्या दिराच्या दोन्ही हातावर कपाळावर मार लागून जखमी केले. यावेळी आरोपींनी जीवाने मारुन टाकू अशा धमक्या दिल्या. या तक्रारीवरून राजेश गजानन घाटोळ, शिवा गजानन घाटोळ,गजानन घाटोळ सर्व राहणार डोबाळवेस यांच्याविरुद्ध कलम ३५४,३२४,३२३,५०४,५०६,३४ भादंवी नुसार गुन्हा दाखल करण्यात आला. याप्रकरणी अधिक तपास पोलीस हेडकॉन्स्टेबल संतोष गवई हे करीत आहेत.

संग्रामपूर मित्र परिवाराच्या वतीने 1 तासातच दिली रोख 21 हजाराची मदत.
———————————————–
संग्रामपूर –  वार्ड क्र 11 मधे दि. 2/ जानेवारी रोजी रात्री 11 वा.सुमारास अचानक शॉट सर्किट झाल्याने प्रदिप सोनोने यांच्या घरातील साहित्य जळून मोठे नुकसान झाले आहे. घटना घडताच रात्रीच 12 वा. एका तासात संग्रामपूर मित्र परिवाराच्या वतीने 21 हजार रुपयाची रोख मदत देण्यात आली.

संग्रामपूर शहरातील वॉर्ड क्र.11 मधील रहिवाशी प्रदिप श्रीरंग सोनोने यांच्या घराला दि.2/जानेवारी रोजी रात्री 11 वा.सुमारास शाॅटसर्किट मुळे आग लागुन घरातील फ्रिज, मिक्सर सह इतर सहित्य जळून मोठ्या प्रमाणात नुकसान झाले आहे. ह्याची माहिती समजताच रात्री 12वाजता संग्रामपूर मित्र परिवाराचे संस्थापक अध्यक्ष शंकर पुरोहित व सहकारी मित्र धावून गेलेत. सोनोने दाम्पंत्याला 21 हजार रु.ची रोख मदत देण्यात आली.
प्रत्येक वेळी काही नैसर्गिक घटना घडून आपत्ती निर्माण होवून नुकसान झाल्यास संग्रामपूर मित्र परिवाराचे सहकारी सदस्य हे धावून जातात.व वेळीच संबंधिताला , व परिवाराला आधार मिळावा म्हणून सहकार्य करुन आर्थिक मदतही करतात.त्यामुळे त्यांचे कौतुक करुन आभार मानतात.