उषा पानसरे असदपूर दि.12/1
मूख्य कार्यकारी संपादीका मो. 9921400542
आ.सौ . सुलभाताई खोडके यांची मजीप्रा प्रशासनाला सूचना
अमृत अभियाना अंतर्गत अमरावती पाणी पुरवठा योजनेच्या विविध कामांचा घेतला आढावा
*अमरावती १२ जानेवारी* : अमृत अभियाना अंतर्गत महाराष्ट्र जीवन प्राधिकरणा मार्फत अमरावतीमधील पाणीपुरवठा योजनेसंदर्भातील कामांचा व सद्यास्थितीबाबतचा आ.सौ .सुलभाताई खोडके यांनी आढावा घेतला. मालटेकडी स्थित मजीप्रा कार्यालयातील सभागृहात झालेल्या या बैठकीत अमरावती पाणी पुरवठा योजनेंतर्गत सुरु असलेल्या नवीन जलवाहिनी जोडणी , नवीन भागातील जलकुंभाची निर्मिती तसेच जलव्यवस्थापनच्या अन्य देखभाल व दुरुस्तीच्या कामांना गती देण्याची सूचना आ. सौ. सुलभाताई खोडके यांनी मजीप्रा प्रशासनाला केली .
बैठकीच्या सुरुवातीला आ.सौ. सुलभाताई खोडके यांचे मुख्य अभियंता मजीप्रा प्रादेशिक विभाग संतोष गव्हाणकर यांनी पुष्पगुच्छ देऊन स्वागत केले.
बैठकीमध्ये सुरुवातीला आमदार महोदयांनी अमृत अभियानांतर्गत अमरावती पाणी पुरवठा योजनेच्या सद्यस्थिती बाबत विचारणा केली, त्यावर कार्यकारी अभियंता निवृत्ती रक्ताडे यांनी योजनेची सविस्तर माहिती दिली. अमृत योजना पूढील ३० वर्षांचे नियोजन करून सन २०४८ पर्यंत योजना संकल्पित असून या योजने अंतर्गत ६१ दशलक्ष लिटर क्षमतेचे जलशुध्दीकरण केंद्र ,पाण्याच्या ११ उंच टाक्या,व ४६८ किलोमीटर लांबीची वितरण व्यवस्था नव्याने टाकणे तसेच नवीन भागातील नागरिकांसाठी ४२ किलोमीटर पाईपलाईन नव्याने टाकणे अशी एकूण ५१० किलोमीटर लांबीची पाईप लाईन नव्याने टाकण्याचा समावेश असल्याचे सांगितले . यापैकी संबंधित कंत्राटदाराने ४३२ किलो मीटर इतक्या लांबीचे पाईप्स अंथरले असून अजून ७९ किलोमीटर लांबीचे पाईप्स अंथरने बाकी असल्याबाबत देखील आमदार महोदयांना अवगत करण्यात आले . परंतु कोरोनाच्या पार्श्वभूमीवर सदर कामे अत्यंत संथ गतीने सुरु असल्याची बाबही आमदार महोदयांच्या निदर्शनास आणून दिली . यावर आ. सुलभाताई खोडके यांनी अमरावती मधील अमृत योजनेच्या कामांना गती देऊन लवकरात लवकर पूर्ण करण्याची सूचना केली . शहरात अनेक भागातील अर्धवट कामांमुळे वाहतुकीची समस्या उद्भवली आहे. तर पाईपलाइनच्या लिकेज मुळे हजारो लिटर पाण्याचा अपव्यय होत असून याबाबतच्या अनेक तक्रारी समोर आल्या आहेत . त्यामुळे मजीप्रा प्रशासनाने सामाजिक बांधिलकीचे भान राखीत व आपली जबाबदारी ओळखून अमृत योजने अंतर्गत नवीन पाईप लाईन जोडणी , जलकुंभ निर्मिती तसेच जलव्यवस्थापनच्या अन्य देखभाल व दुरुस्तीच्या कामांची प्राधान्याने पूर्तता करण्याची सूचना सुद्धा आमदार महोद्यायच्या महोदयांच्या वतीने करण्यात आली . शहरातील असम नगर , असीम नगर , सहारा नगर, अस्मा कॉलनी, अरमान नगर इत्यादी भागात अत्यंत कमी दाबाने पाणी पुरवठा सुरु असल्याचे तसेच वेळी – अवेळा रात्री १२ च्या पुढे पाणी पुरवठा करण्यात येत असल्यासंदर्भात आ. सौ सुलभाताई खोडके यांनी आतापर्यंत टाकलेल्या नवीन पाईपलाईनवर जुन्या नळ कनेक्शन्सचे स्थानांतरण बाबत मजीप्रा अभियंत्यांना विचारणा केली . त्याच बरोबर शहरातील अभियंता कॉलनी, श्रमसाफल्य कॉलनी, गाडगे नगर या भागातील पाईप लाईन वारंवार उच्च दाबामुळे फुटते. परिणामी पाण्याचा बराच अपव्यय होतो. शिवाय त्याचा विपरित परिणाम त्या भागातील पाणी पुरवठ्यावर होऊन अत्यंत कमी दाबाने पाणी पुरवठा होतो. याबाबत तक्रारी वाढत असल्याने मजीप्रा करून या संदर्भात काय हालचाली करण्यात आल्यात , यावर सुद्धा आमदार महोदयांनी संबंधित अभियंत्याना स्पष्टीकरण मागितले .तसेच दोन्ही भागातील पाईपलाईनच्या लिकेजेस बाबत प्रत्यक्ष साईटवर अभियंता यांना पाठवून ताबडतोब दुरुस्ती करण्याबाबतच्या सूचना सुद्धा आ.सौ. सुलभाताई खोडके यांच्या वतीने मजीप्रा अभियंत्यांना करण्यात आल्या . त्याच बरोबर अमृत अभियानातील अमरावती पाणीपुरवठा योजनेंतर्गत नवीन पाईपलाईन सर्व नळ ग्राहकांचे कनेक्शन हे कंत्राटकाराकडूनच शिफ्ट करण्यात यावे. यासाठी ग्राहकांकडून शिफ्टिंग चार्जेसची मागणी करण्यात येवू नये, तसेच शिफ्टिंगची कामे पूर्ण झाल्याशिवाय कंत्राटदारास आरए (RA ) बीलांची अदायगी करण्यात येऊ नये, अशी स्पष्ट सूचना आमदार महोदयांच्या वतीने बैठकीदरम्यान करण्यात आली .
दरम्यान शहरातील अनेक प्रलंबित व अर्धवट कामांचा आढावा घेत असतांना आ. सौ. सुलभाताई खोडके यांनी शहरातील काही भागात जुन्या पाईप लाईन मधून आणि नव्याने टाकलेल्या पाईप लाईन मधून असे दोन्ही पाईप लाईन मधून पाणी पुरवठा होत असल्यामुळे पाण्याचा दाब अतिशय कमी स्वरूपाचा आहे. त्यामुळे जुन्या पाईप लाईन मधून पाणी पुरवठा त्वरित बंद करून नवीन पाईप लाईनवर शिफ्ट करण्यात यावा. व जुन्या नळ जोडणी ग्राहकांना नवीन जोडणी त्वरित देण्यात यावी, याबाबतही आमदार महोदयांनी मजीप्रा प्रशासनाला सूचना केली .अमरावती पाणी पुरवठा योजनेची कामे वर्ष २०२२ पर्यंत पूर्ण करून शहराला नियमित व मुबलक पाणी पुरवठा करण्याचे नियोजन होते. मात्र दोन वर्षाचा कालावधी लोटल्यावर देखील अद्याप पर्यंत योजनेची कामे प्रलंबित असल्याने त्याचा परिणाम योजनेच्या किमतीवर देखील झाला आहे. याबाबत नाराजी व्यक्त करीत आमदार महोदयांनी आगामी दिवसात या संदर्भात योजनेचे कंत्राटदार व मजीप्राचे संबंधित अधिकाऱ्यांसमवेत बैठक लावण्यात यावी . तसेच अमरावती पाणी पुरवठा योजना तथा अमृत अभियाना अंतर्गत असलेली अमृत भुयारी गटार योजनेच्या कामांबाबत सुद्धा सविस्तर आढावा बैठक लावण्यात यावी , या संदर्भात संबंधित यंत्रणेने योजनेची सर्व
अद्यावत माहिती संकलित करून बैठकीत सादर करावी अशी सूचना सुद्धा आ. सौ सुलभाताई खोडके यांच्या वतीने करण्यात आली .
या बैठकीला राष्टवादी काँग्रेस पार्टीचे प्रदेश उपाध्यक्ष संजय खोडके , मुख्य अभियंता (प्र.) मजीप्रा प्रादेशिक विभाग अमरावती संतोष गव्हाणकर , अमरावती, अधीक्षक अभियंता (प्र.) मजीप्रा मंडळ, अमरावती विवेक सोळंके , कार्यकारी अभियंता (प्र.) मजीप्रा जलव्यवस्थापन विभाग, अमरावती निवृत्ती रक्ताळे , सहा. मुख्य अभियंता (प्र.) मजीप्रा प्रादे, विभाग, अमरावती गजानन दानवे , उप अभियंता (प्र.) मजीप्रा उपविभाग क्र. १, अमरावती एस . पी . लेवरकर , उप अभियंता (यांत्रिकी ) मजीप्रा मंडळ, अमरावती भारती परब यांच्या समवेत माजी महापौर ऍड. किशोर शेळके,माजी स्थायी समिती सभापती अविनाश मार्डीकर, नगरसेवक प्रशांत डवरे, अशोक हजारे, प्रमोद महल्ले, संदीप आवारे, सुनील रायटे, यश खोडके, प्रशांत उर्फ गुड्डू धर्माळे, निलेश शर्मा, गजानन बरडे, संजय बोबडे, ऍड. सुनील बोळे, मनीष देशमुख, जितेंद्रसिंह ठाकूर, किशोर भुयार, किशोर देशमुख, प्रा. अजय बोन्डे, योगेश सवई, प्रशांत पेठे, बंडू निंभोरकर, आकाश वडनेरकर, सुयोग तायडे, महेश साहू, श्रीकांत झंवर, आनंद मिश्रा, संजय मडणकर, शक्ती तिडके, माजी नगरसेवक भूषण बनसोड, प्रवीण मेश्राम, विजय बाभुळकर, मनीष बजाज, शुभम पारोदे, जयकुमार उर्फ बाळा नागे, गणेश तंबोले, राजेंद्र खोरगडे, नदीम खान, ऍड. शोएब खान, सय्यद साबीर, अफसर बेग, अफजल चौधरी, फारुखभाई मंडपवाले, अबरार भाई, मोईन खान आदी उपस्थित होते.
