घुग्घुस प्रतिनिधी
रमेश सुद्दाला,

घुग्घुस वासियांना प्रदूषण व वाहतुकीच्या त्रासापासून मिळणार मुक्ती – भाजपाचे जिल्हाध्यक्ष देवराव भोंगळे

गुरवार 28 ऑक्टोबर रोजी भाजपाचे जिल्हाध्यक्ष देवराव भोंगळे, वेकोली वणी क्षेत्राचे क्षेत्रीय महाप्रबंधक उदय कावळे, भाजयुमोचे महाराष्ट्र प्रदेश उपाध्यक्ष विवेक बोढे, उपक्षेत्रीय प्रबंधक ओमप्रकाश फुलारे, भाजपाचे सिनू इसारप, भारत साळवे, तुलसीदास ढवस यांनी संयुक्तरीत्या कोळशाच्या जडवाहनांची वाहतूक होणाऱ्या जिओसी कोळसा खाण, कॉ नं 2 येथील बहिरमबाबा मंदिराच्या मागुन बेलोरा पुला पर्यंत प्रगती पथावर असलेल्या नवीन मार्गाची प्रत्यक्ष पाहणी केली.

याप्रसंगी बोलतांना भाजपाचे जिल्हाध्यक्ष देवराव भोंगळे म्हणाले घुग्घुस शहरातून होणारी कोळशाच्या जडवाहनांची वाहतूक शहराच्या बाहेरून व्हावी यासाठी मार्गाची पाहणी करण्यात आली असून या मार्गाचे काम प्रगती पथावर आहे. जवळपास 90% या मार्गाचे काम पूर्ण झाले आहे. लवकरच घुग्घुस शहरातून होणारी जडवाहतूक बंद होणार आहे अवघ्या काही दिवसात शहरातून होणारी जडवाहतूक या मार्गाने सुरु होणार आहे. त्यामुळे घुग्घुस वासियांना प्रदूषणाचा व कोळशाच्या जडवाहतुकी मुळे होणाऱ्या त्रासापासून मुक्ती मिळणार आहे.

दिनांक 27 सप्टेंबर रोजी जिल्हाधिकारी कार्यालयात झालेल्या बैठकीत घुग्घुस शहरातून जाणारी कोळशाची जड वाहतूक त्वरित बंद करावी असे निर्देश लोकलेखा समितीचे अध्यक्ष आ. सुधीर मुनगंटीवार यांनी दिले होते. मागील काही महिन्यापासून घुग्घुस शहरातून जाणाऱ्या कोळशाच्या जडवाहतुकीत प्रचंड वाढ झाली आहे. त्यामुळे प्रदूषण व अपघाताची शक्यता लक्षात घेत असे निर्देश देण्यात आले होते.
त्याअनुषंगाने लगेच दुसऱ्या दिवशी दिनांक 28 सप्टेंबर रोजी भाजपाचे जिल्हाध्यक्ष देवराव भोंगळे व वेकोली वणी क्षेत्राचे क्षेत्रीय महाप्रबंधक उदय कावळे यांनी संयुक्तरीत्या उसगाव ते नकोडा जिओसी कोळसा खाण मार्गे बेलोरा पुला पर्यंत पाहणी करून चर्चा केली होती.
दरम्यान वेकोली अधिकाऱ्यांनी नवीन मार्ग बनविण्यासाठी काही दिवसाचा वेळ मागितला होता.
काही दिवसा पूर्वीच जिओसी कोळसा खाण कारगिल चौक मार्गे बेलोरा पुला पर्यंत या नवीन मार्गाचे काम सुरु झाले त्यामुळे भाजपाच्या शिष्टमंडळाने या मार्गाची पाहणी केली परंतु हे काम संथगतीने सुरु असल्याने दिनांक 24 ऑक्टोबर रोजी वेकोली वणी क्षेत्राचे क्षेत्रीय महाप्रबंधक उदय कावळे यांची भाजपाच्या शिष्टमंडळाने भेट घेऊन या नवीन मार्गाचे काम तात्काळ पूर्ण करण्याची मागणी निवेदनातून केली.
यावेळी त्यांनी सकारात्मक प्रतिसाद देत पुढील महिन्याच्या 10 नोव्हेंबर पर्यंत हा मार्ग सुरु करण्याचे आश्वासन दिले होते त्यामुळे भाजपाच्या मागणीला यश आले.
त्याअनुषंगाने आज भाजपाच्या पदाधिकाऱ्यांनी वेकोलीच्या अधिकाऱ्यांसोबत त्या
मार्गाची पाहणी केली.
तसेच या दरम्यान प्रदूषणापासून सुटका मिळण्यासाठी भाजपाचे जिल्हाध्यक्ष देवराव भोंगळे यांनी वेकोली वणी क्षेत्राचे क्षेत्रीय महाप्रबंधक उदय कावळे यांच्याशी चर्चा करून घुग्घुस शहरातील राजीव रतन चौक, बस स्थानक चौक ते वियान्नी विद्या मंदिर पर्यंतच्या रस्त्यावर टँकरने पाणी मारणे व धूळ साफ करण्याची त्यांना विनंती केली त्यांनी लगेच उपक्षेत्रीय प्रबंधक ओमप्रकाश फुलारे यांना निर्देश देऊन टँकरने पाणी मारणे व धूळ साफ करण्यासाठी सांगितले.
भाजपाचे जिल्हाध्यक्ष देवराव भोंगळे यांनी एसीसी सिमेंट कंपनीचे अधिकाऱ्याशी भ्रमणध्वनीवरून चर्चा करून एसीसी ते घुग्घुस बसस्थानका पर्यंतच्या रस्त्यावर टँकरने पाणी मारून धूळ साफ करण्याची मागणी केली व एसीसी प्रशासनाने सुद्धा मागणी मान्य करीत या रस्त्यावर पाणी मारून धूळ साफ करणार असल्याचे सांगितले.

यावल प्रतिनिधी विकी वानखेडे

। तालुक्यातील चुंचाळे येथील दोन भावंडे कालपासून बेपत्ता झाले होते. आज गुरूवारी दुपारी दोन्ही भावंडांचा त्यांच्या शेतातील विहिरीत मृतदेह आढळून आल्याची धक्कादायक घटना उघडकीला आली आहे. याप्रकरणी यावल पोलीसांनी एकाला चौकशीसाठी ताब्यात घेतले आहे.

याबाबत वृत्त असे की, तालुक्यातील चुंचाळे येथील गायरान परिसरात रवींद्र मधुकर सावळे (वय-३५) आणि उज्ज्वला सावळे हे दाम्पत्य वास्तव्यास आहे. त्यांना रितेश आणि हितेश ही अनुक्रमे चार आणि तीन वर्षांची मुले आहेत. काल बुधवारी आपल्या आई-वडिलांच्या सोबत ही दोन्ही मुले स्वत:च्या चुंचाळे शिवारातील शेत गट नं. ३६५/१ मधील शेतात गेली होती. सावळे दाम्पत्य शेतात काम करत असतांना ही दोन्ही मुले खेळत असल्याने कुणी त्यांच्याकडे लक्ष दिले नाही. यात दोन्ही मुले बेपत्ता झाले होते. चुंचाळे शिवारासह नायगाव, सौखेडासीम आदींसह पंचक्रोशीत त्यांचा शोध घेण्यात आला परंतू ते कुठेही आढळून आले नाही. याबाबत यावल पोलीसात रात्री उशीरा बेपत्ता झाल्याची नोंद करण्यात आली होती. दरम्यान आज गुरूवारी २८ ऑक्टोबर रोजी दुपारी ३ वाजेच्या सुमारास त्याच शेतातील विहिरीत दोघांचा मृतदेह तरंगतांना आढळून आल्याचे खळबळ उडाली आहे.

या घटनेची माहिती मिळताच नातेवाईकांनी विहिरीजवळ प्रचंड आक्रोश केला होता. यावल पोलीस ठाण्याचे पोलीस निरीक्षक सुधीर पाटील, पोउनि जितेंद्र खैरनार, सहाय्यक फौजदार विजय पाचपोळ आदींनी घटनास्थळी धाव घेतली आहे. दरम्यान मयत झालेल्या बालकांचा चुलत काका हा मनोरूग्ण असल्याने त्यानेच विहिरीत मुलांना फेकल्याचा अंदाज आहे. त्यामुळे एकाला संशय मधे घेयून  चौकशीसाठी यावल पोलीसांनी ताब्यात घेतले आहे. यावेळी शेतातील विहिरीजवळ चिंचोली गावातील ग्रामस्थांनी मोठी गर्दी जमली होती.

गजानन सोनटक्के जळगाव जा

स्वाभिमानीच्या रणरागिणी पुजाताई मोरे यांचा जळगाव तालुक्यात शेतकऱ्यांच्या प्रश्नावर झंझावात दौऱ्याला सुरूवात. श्री संत सखाराम महाराज संस्थान ईरोला येथुन आशिर्वाद घेऊन २९ ऑक्टोबर रोजी होणाऱ्या शेतकऱ्यांच्या संताप मोर्चात शेतकऱ्यांनी आपला न्याय हक्क मिळवण्यासाठी एकत्रित सहभागी व्हा असे आवाहन गावा गावात शेतकऱ्यांना करीत आहे. पुजाताई मोरे यांच्या जळगाव जामोद मतदारसंघात झालेल्या एंन्ट्रीने शेतकऱ्यांमध्ये आनंदाचे वातावरण निर्माण झाले आहे. राज्यात आंदोलनाचा प्रमुख चेहरा म्हणजे पुजाताई मोरे, राज्याच्या पटलावर गाजलेले अनेक आक्रमक भाषणे चर्चेला आहेत. उद्या जळगाव जामोद येथे शेतकऱ्यांचा प्रश्नावर २९ ऑक्टोबरचा प्रशांत डिक्कर यांच्या नेतृत्वात संताप मोर्चा हा ऐतिहासिक होणार असुन मोर्चात शेतकऱ्यांनी संख्येने सहभागी व्हावे असे आवाहन पुजाताई मोरे यांनी केले आहे.

SURYA. MARATHI NEWS

पुण्यातील विमानतळ पोलिस स्टेशनच्या हद्दीतुन एका महिलाच्या अत्याचाराचा एक प्रकार पुणे येथे उघडकीस आला. असून
या खोट्या एका व्यक्तीने डॉक्टर असल्याचे भासवून २९ वर्षीय विवाहितेचा विश्वास संपादन केला. व आणि वेळोवेळी तिच्यावर लैंगिक अत्याचार केले. तसेच आपले म्हणणे ऐकले नाही तर माझे कड़े अश्लील फोटो आणि व्हिडिओ आहेत त्या मि व्हायरल करनार असे धमकी दिली.
नायक रुद्रा रमेशराव उर्फ किशन रमेशराव जाधव (वय ३३) असे अटक आरोपी करण्यात आलेल्या आरोपीचे नाव आहे. विमानतळ पोलिस ठाण्यात त्याच्या आरोपी विरोधात गुन्हा दाखल करण्यात आला. २९ वर्षीय विवाहित महिलेने या प्रकरणी फिर्याद दिली. आहे की हा प्रकार मार्च २०१९ ते ऑक्टोबर २०२१या काळातला असून वेळोवेळी घडला.
तरी याप्रकरणी अधिक माहिती अशी की, आरोपीने फिर्यादी महिलाला डॉक्टर असून ससून हॉस्पिटल येथे मि नोकरीला असल्याचे सांगितले. स्वतःचे नर्सिंग कॉलेज आणि फार्मसी कॉलेज असल्याचे सांगून विमाननगर परिसरातील फ्लॅटमध्ये फिर्यादी महिलेला बोलावून घेतले. व तिथे त्याने या महिलेला खोटे आयकार्ड आणि वैद्यकीय डिग्रीचे बनावट कागदपत्रे दाखवून ती खरी असल्याचे महिलेला भासवले. त्यानंतर फिर्यादीच्या कौटुंबिक वादाचा फायदा घेऊन तिच्यासोबत जबरदस्तीने शारीरिक संबंध ठेवले. व तिच्यासोबत घरामध्ये जबरदस्तीने लग्नही केले. त्यानंतर फिर्यादीच्या नातेवाईकांना नोकरीचे आमिष दाखवून त्यांच्याकडून १६ लाख ६५ हजार रुपये घेऊन फसवणूक केली. या
दरम्यान काही काळानंतर फिर्यादीला आपली फसवणूक होत असल्याचे लक्षात आल्यानंतर तिने आरोपीला प्रतिसाद दिला नाही. त्यानंतर आरोपीने तु माझे ऐकले नाही तर माझे कड़े अश्लील फोटो आणि व्हिडिओ आहे ति मि व्हायरल करेल अशी धमकी दिली. तसेच फिर्यादीच्या पतीला जीवे मारण्याची आणि नोकरी लावण्यासाठी घेतलेल्या पैशाच्या व्यवहारांमध्ये अडकवण्याची धमकी दिली. सुरुवातीच्या काही काळात बदनामी होईल या भीतीने फिर्यादीने तक्रार दिली नव्हती. परंतु आरोपीकडून होणारा त्रास असह्य झाल्याने त्यांनी विमानतळ पोलिस ठाण्यात फिर्याद दिलेली आहे

Surya marathi news

SURYA MARATHI NEWS

बुलढाणा :-  करोनाचे नियमांचे पालन न केल्याप्रकरणी बुलढाण्यातील चिखलीच्या भाजप आमदार श्‍वेता महाले यांच्यासह कार्यकर्ते सह २० जणांविरुद्ध गुन्हा दाखल करण्यात आला आहे. तरी महाले यांच्या नेतृत्वाखाली भाजपकडून २५ ऑक्टोबर रोजी बुलढाणा जिल्ह्यातील चिखली शहरात आसूड मोर्चा काढण्यात आला होता.
या मोर्चात हजारोंच्या संख्येने कार्यकर्ते सामिल असून येथील नागरिकांना सहभाग नोंदविला होता.
पंढरी मिसाळ यांनी या प्रकरणी चिखली पोलिसात तक्रार दाखल केली होती. की त्यानुसार चिखली पोलिसांनी महाले सह कार्यकर्ते वर गुन्हा दाखल करून घेतला आहे. राज्यात करोनाच्या पार्श्वभूमीवर अनेक निर्बंध लावण्यात आले होते. तरी मात्र या नियमांची पायमंल्ली लोकप्रतीनीकडून मोठ्या प्रमाणात करण्यात आली असल्याचे दिसून आले आहे.
चिखली आमदार महाले यांच्यासह भाजपचे चिखली तालुकाध्यक्ष डॉ. कृष्णकुमार सपकाळ, शहराध्यक्ष पंडित देशमुख, युवा मोर्चा तालुकाध्यक्ष संतोष काळे पाटील, भाजपा जिल्हा उपाध्यक्ष डॉ. प्रतापसिंह राजपूत, पंचायत समिती सभापती सिंधुताई तायडे, बुलडाणा भाजपा तालुकाध्यक्ष सुनील देशमुख, सुधा काळे, शमशाद पटेल, द्वारकाबाई भोसले, जिल्हा परिषद सदस्या सुनंदा शिनगारे, शेख अनिस यांच्यासह इतर ४ ते ५ जणांविरुद्ध गुन्हा नोंदवून घेण्यात आला आहे. सर्वाणि नियमाच पालन करून सहकार्य करावे

Surya marathi news

युवकाचा जिल्हा सामान्य रुग्णालयात उपचार सुरू..

युवकाचे नाव अमोल हिवाळे असून तो सावित्रीबाई फुले नगर येथील राहणारा आहे…

अमोल ने आत्महत्या केल्याअगोदर लिहिली होती मो.सज्जाद हेच माझ्या मृत्यूसाठी जबाबदार असल्याची सुसाईट नोट.. ..

मृत्यू झालेल्या वडिलाच्या जागी सफाई कामगार पदावर लावण्यासाठी माजी नगराध्यक्ष तथा नगरसेवक स्व.विजय गवई यांच्या मध्यस्थीने मो.सज्जाद यांनी 1 लाख 80 हजार रुपये घेतले असून त्यापैकी 80 हजार परत दिल्याचे अमोल हिवाळे कडून आरोप..

नगराध्यक्षा पती मो.सज्जाद यांनीफेटाळले आरोप..

मी नोकरीवर लावण्यासाठी कोणाकडूनच पैसे घेतले नसून माझ्या नावावर कोणी नगर सेवकाने पैसे घेतले असेल असा केला खुलासा..