विदर्भ विकास आघाडीचे अनिल जवादे यांचा आरोप
भविष्यात नागपूर ते वर्धा पर्यंत मेट्रो सुरू केल्या जाईल अशी घोषणा केंद्रीय परिवहन व राजमार्गमंत्री नितीन गडकरी यांनी देवळी येथे नगर परिषद द्वारा प्रशासकीय इमारतीच्या लोकार्पण समारंभात केली.
नागपूर ते वर्धा मेट्रो जर सुरू झाली तर वर्धा शहर आणि परीसरातील जनतेला याचा फायदाच होणार आहे.पण हा फायदा केवळ वर्धा शहाराच्या परीसरातील जनतेलाच नव्हे तर वर्धा जिल्ह्यातील जास्तीत जास्त परीसरातील गावांना , लोकांना कसा होईल याचा विचार होणे गरजेचे आहे.या समारंभाला वर्धा लोकसभा मतदार संघाचे खासदार रामदास तडस यांची उपस्थिती होती.गडकरी साहेबांनी वर्धा ते नागपूर अशी मेट्रो चालवीली जाईल अशी घोषणा केल्यानंतर खासदार महोदयांनी गडकरी साहेबांशी चर्चा करून वर्धा ते नागपूर अशी मेट्रो सुरू करण्यासोबतच ती हिँगणघाट मार्गे चंद्रपूर-बल्लारपूर- नागपूर अशी करावी अशी विनंती करणे गरजेचे होते.पण मतदार संघाच्या विकासाचे कसलेही नियोजन खासदार महोदयांकडे नसल्यामुळे ते तसे करू शकले नाही ही एक फार मोठी शोकांतिका आहे.नागपूर -वर्धा -वर्धे वरून हिंगणघाट- चंद्रपूर -बल्लारशहा व बल्लारशहा वरून परत नागपूर अशी मेट्रोची जाणे आणि येण्याची एक फेरी जरी चालविली तरी या परीसरातील जनतेला या मेट्रोचा चांगल्या प्रकारे लाभ होऊ शकतो.त्यानिमित्ताने या परिसरात नवीन औद्योगिक प्रकल्प येण्याची शक्यता निर्माण होऊन त्यातून तरुणांना रोजगार निर्माण होऊ शकतो.पण अशी विकासाची दृष्टीच मुळात खासदार महोदयाँकडे नसल्यामुळे ते तशी मांडणी करू शकले नाही.
विशेष म्हणजे देशाचे महत्वाचे मंत्री आपल्या जिल्ह्यात आल्यानंतर स्वतःला कार्यसम्राट म्हणवून घेणारे आपले हिंगणघाट विधानसभेचे आमदार समीर कुणावार मात्र या कार्यक्रमाला गैरहजर होते. राजकीय चमकेगीरी शिवाय आपल्या क्षेत्राच्या सर्वांगीण विकासाचा कोणताही विचार त्यांच्या डोक्यात नाही.तो असता तर आवर्जून ते गेले असते आणि गडकरी साहेबांना सांगितले असते की प्रस्तावीत मेट्रोचा फायदा माझ्या हिँगणघाट तालुक्यातील जनतेलाही झाला पाहिजे.त्यासाठी इथे रेल्वे ट्रॕक आहे.तीन लाईन आहे. त्यामुळे इथपर्यंत मेट्रो सुरू करायला काहीही हरकत नाही.असे केल्याने या परिसरातील बेरोजगारांना रोजगार मिळू शकतो .पण असे विचारच डोक्यात न येणारी ही मंडळी आहे.
याच आमदार महोदयाच्या विधान सभा क्षेत्रात आणि खासदार महोदयाच्या लोकसभा क्षेत्रात दहेगाव नावाचे गाव आहे.त्याला तुळजापूर रेल्वे स्टेशन या नावाने संबोधले जाते.हे गाव रेल्वे लाईनमुळे दोन भागात विभागले गेल्याने ग्रामस्थांना आणि शाळकरी मुलांना दररोज रेल्वे लाईन ओलांडून जीवघेणा प्रवास करावा लागतो.त्यासाठी इथे पादचारी पूल निर्माण व्हावा यासाठी ग्रामस्थांनी आमदार -खासदार महोदयांकडे मागणी केली .आंदोलने उभारली. रेल्वे मंत्री यांना चारदा भेटून निवेदने दिली-रेल्वेच्या वरिष्ठ अधिकाऱ्यांनी खासदार निधीतून १० लाख रूपये जिल्हा प्रशासनामार्फत रेल्वे कडे जमा करण्यास सांगितले होते .पण १० लाख रूपये खासदार निधीतून हे खासदार महोदय रेल्वेला देऊ शकले नाही .यावरून त्या परिसरातील गावकऱ्यांच्या प्रती मा.खासदार महोदयांना किती आस्था आहे हे दर्शवीते.आमदारही त्याच पक्षाचे]खासदारही त्याच पक्षाचे ]केंद्रात सरकारही त्यांच्याच पक्षाचे असतांनांही गावकऱ्यांच्या या जीवघेण्या प्रश्नाची ते सोडवणूक करू शकत नाही इतकी अनास्था जनतेप्रती यांच्या मनात आहे.यांना जनतेच्या प्रश्नांशी,समस्येशी काहीही देणे घेणे नाही.त्यांना फक्त लोकांना मुर्ख बनवून स्वतःचे राजकारण चमकवीणे यातच जास्त रस आहे.
प्रस्तावीत मेट्रोचा मार्ग कसा राहिल हे सर्वेसर्वा असलेले गडकरी साहेब ठरवतीलच .पण लोकप्रतीनिधी या नात्याने या मेट्रोचा लाभ संबंध वर्धा जिल्ह्यातील जनतेला कसा होईल याचा विचार आमदार -खासदार महोदयांनी त्यांच्याकडे मांडणे गरजेचे होते.पण ही संधी नियोजनशून्य असलेल्या खासदार महोदयांनी rlsp आपल्या हिंगणघाटच्या स्वनाम धन्य कार्यसम्राट आमदार महोदयांनी सभेला गैरहजर राहून गमkवीली हे वर्धा लोकसभा क्षेत्रातील जनतेच दुर्दैव्यच म्हणावे लागेल.
हिंगणघाट येथील गडकरींच्या एका कार्यक्रमात आमदार महोदयांनी वणा नदीच्या खोलीकरणाचा आणि सौंदर्यीकरणाचा विषय मांडला होता .तेव्हा गडकरी साहेबांनी खंत व्यक्त केली की]याला आता खुप उशीर झाला आहे.या अगोदर हे खातेच माझ्याकडे होते.त्यावेळेला हा विषय आमदार समीर कुणावार ;akuh माझ्याकडे आणला असता तर केव्हाच हा प्रश्न निकाली निघाला असता. म्हणजे इथे देणारे तयार आहे पण घेणारे तयार नाही. आणि हे सर्व कशामुळे घडते आहे तर जनतेनी निवडून दिलेल्या या लोकप्रतीनिधींच्या मनात जनतेच्या कामाप्रती असलेल्या अनास्थेमुळे घडते आहे.असे हे नेतृत्व आपल्या वर्धा जिल्ह्याला लाभल्यामुळे जिल्ह्यात ना नवे उद्योग येऊ शकले ना तरूणांना रोजगाराच्या संध्या उपलब्ध होऊ शकल्या.
आता तरी जनतेने अशा सामाजिक बांधीलकी नसलेल्या ]जनतेच्या कामाप्रती आस्था नसलेल्या नेतृत्वापासून सावध रहावे असे आवाहन प्रसिद्धी पत्रकाद्वारे विदर्भ विकासआघाडीचे अनिल जवादे यांनी जनतेला केले आहे.
सूर्या मराठी न्यूज सचिन वाघे वर्धा

यावल ( प्रतिनिधी ) विकी वानखेडे

येथील नगर परिषदच्या होवु घातलेल्या सार्वत्रिक निवडणुकीत प्रहार जनशक्ती पक्ष पुर्ण ताकदनिशी सर्व जागा लढवणार असल्याची माहीती आज प्रहार जनशक्ती पक्षाचे उत्तर विभागीय अध्यक्ष अनिल चौधरी यांनी यावल येथे संपन्न झालेल्या पत्रकार परिषदेत दिली . यावल येथील यावल तालुका सहकारी खरेदी विक्री संघाच्या सभागृहात पार पडलेल्या पत्रकार परिषदेत ते बोलत होते , यावेळी त्यांनी यावल नगर परिषदच्या नुतन साठवण तलावाच्या उभारणीत झालेल्या कथीत भ्रष्टाचारास आपण शहरातील जनते समोर घेवुन जाणार असल्याचे सांगुन प्रहारच्या हातात नगर परिषदची सत्ता आल्यास साठवण तलावात भ्रष्टाचार करणार्‍यांवर फौजदारी स्वरूपाचे गुन्हे दाखल करू असे बोलुन यापुर्वी किती नगराध्यक्ष नगर परिषदेत होवुन गेलेत मात्र खऱ्या अर्थाने आपण विचार केला तर यावल शहराचा विकास झाला आहे का ? असा प्रश्न यावेळी आपल्या समोर येतो , यावल शहराच्या विकासाचे व्हीजन घेवुन प्रहार पक्ष हे निवडणुक लढवणार असुन , येणाऱ्या निवडणुकीत यावलकर मंडळी अत्यंत गार्भीयांने विचार करून निर्णय घेतील कुणाच्या हातात नगर परिषदची सुत्रे सोपव्याची असे , या वेळी पत्रकारांशी बोलतांना सांगीतले राज्यात महाविकास आघाडीचे शासन असुन आपला पक्ष यावल नगर परिषदच्या निवडणुकीत जर आपल्या पक्षाला समाविष्ठ करण्याची संधी मिळाली तर आपला पक्ष महाविकास आघाडी सोबत जाणार का असा प्रश्न पत्रकारांनी चौधरी यांना विचारले असता , यावल नगर परिषद वगळता ईतर ठीकाणी जर असा प्रस्ताव आला तर आम्ही आघाडीत शामिल होवु असे चौधरी यांनी सांगीतले , यावेळी पत्रकार परिषदेत नगर परिषदचे विद्यमान उपनगराध्दक्ष अभीमन्यु विश्वनाथ चौधरी ( हेंद्री), माजी नगरसेवक व प्रहारचे यावल शहराध्दक्ष तुकाराम बारी , मोहम्मद शेख हकीम, ( प्रहार अल्पसंख्यां तालुका अध्यक्ष ) , प्रहारचे यावल रावेर विधानसभा क्षेत्र प्रमुख अलीम शेख, प्रहार अल्पसंख्यांक चे जिल्हा उपाध्यक्ष हाजी हाकीम खाटीक , शेख शकील सर , यावल तालुका अध्यक्ष सुभाष सोनवणे , खलील शेख , रफीक टेलर , गोकुळ कोळी , नितिन कोळी , शेख निजाम , सागर चौधरी , तन्वीर मन्यार, युनुस खन्ना , उमर अली कच्छीआदी कार्यकर्ते मोठया संख्येने यावेळी उपस्थित होते

घुग्घुस प्रतिनिधी रमेश सुद्दाला,

घुग्घुस : इंग्रजांच्या जुलमी,अन्यायकारक अत्याचारी साम्राज्यवादी शासना विरोधात वयाच्या चोविसाव्या वर्षी पांचशे आदिवासी युवकांना सोबत घेऊन इंग्रजांशी बंड पुकारणाऱ्या क्रांतीवीर शहीद बाबुराव पुलेश्वर शेडमाके (राजगोंड) यांच्या शहिद दिनी 21 ऑक्टोबरला घुग्घुस काँग्रेस कार्यलयात संघर्षाचे सदैव स्मरण रहावे याकरिता शहीद दिन साजरा करण्यात आला.
क्रांतिवीर बाबुराव शेडमाके यांच्या प्रतिमेस माल्यार्पण करून त्यांना आदरांजली वाहण्यात आली.

याप्रसंगी काँग्रेस अध्यक्ष राजूरेड्डी,
कामगार नेते सैय्यद अनवर, ज्येष्ठ नेते किशोर बोबडे,सुमेश रंगारी,गोगला शंकरजी, बालकिशन कूळसंगे, संजय कोवे,इर्शाद कुरेशी,कोंडय्या तलारी, सचिन कोंडावार, सुनील पाटील, व अन्य पदाधिकारी उपस्थित होते.

उषा पानसरे  कार्यकारी संपादक मो. 9921400542 असदपूर

रविवार दिनांक 17 ऑक्टोंबर रोजी डॉ. राणी चौधरी ,होमिओपॅथिक तज्ञ अमरावती यांनी श्री स्वामी समर्थ केंद्र रहाटगाव येथे निशुल्क आरोग्य तपासणी व औषधी वाटप शिबिराचे आयोजन केले. या शिबिरामध्ये ५० पेक्षा जास्त रुग्णांची आरोग्य तपासणी व होमिओपॅथिक औषधोपचार करण्यात आले. शिबिरामध्ये बोलताना डॉ. राणी चौधरी यांनी होमिओपॅथीमध्ये उपचार पद्धती बद्दल मार्गदर्शन केले. होमिओपॅथी ही अतिशय सशक्त व नैसर्गिक उपचार पद्धती आहे. या पॅथीमध्ये सगळ्या आजारांवर तसेच अगदी लहानांपासून ते वृद्धांपर्यंत औषधोपचार केले जातात. रुग्णांची शारीरिक आणि मानसिक अवस्था लक्षात घेऊन औषधी दिल्या जातात. शरीर आणि मन यांना आपण विभक्त करू शकत नाही. त्यामुळे आपल्या विचार शैलीचा आपल्या आरोग्यावर प्रचंड परिणाम होत असतो. म्हणून विचारांमध्ये सकारात्मकता, समतोल आहार ,नियमित व्यायाम, रोज सकाळी फिरायला जाणे या गोष्टी जर व्यवस्थित पाळल्या गेल्या तर निश्चितच आपले आरोग्य आपल्या हाती राहील असे डॉ. राणी चौधरी यांनी आपल्या मार्गदर्शनातून सांगितले . तसेच श्री. स्वामी समर्थ केंद्राचे अध्यक्ष श्री. बोरखडे सर व सौ. बोरखडे मॅडम यांचे त्यांनी आभार व्यक्त केले.

सुनिल पवार. नांदुरा. ता.प्रतिनिधि

आज दि.20/10/2021 वार बुधवारला मौजे नायगांव ता.नांदुरा येथे भगवान बुद्ध आणी त्यांचा धम्म या महान धम्मग्रंथाचा सांगता समारोह संपन्न झाला. सर्व प्रथम कार्यक्रमाची सुरुवात कार्यक्रमाचे अध्यक्ष आद.रुपाजी सपकाळ यांनी भगवान बुद्ध आणी डॉ. बाबासाहेब आंबेडकर यांच्या प्रतीमांना पुष्प अर्पण करुन दिप प्रज्वलनकरुन केली नंतर बौ.गजानन जाधव यांच्या हस्ते पूजापाठ घेण्यात आली.नंतर ग्रंथाचे वाचण ग्रंथ वाचक आद. संजय सपकाळ यांनी केले व भाषणाला सुरुवात झाली. प्रथम रमाई चरित्रावर बौ.शिवराम ईंगळे सर यांनी बहारदार गीत सादर केले.नंतर बौ.गजानन जाधव यांनी शीलाचे महत्त्व विषद करताना उपोसथ व्रताचेही महत्त्व सांगितले नंतर आद. भिमराव तायडे साहेबांनी नकारात्मक पंचशिलाचे सकारात्मक स्पष्टीकरण केले.यावेळी आद.भिमराव तायडे साहेबांच्या वतीने रमाबाई महीला मंडळाच्या पदाधिकारी यांना तथागत भगवान गौतम बुद्ध, डॉ. बाबासाहेब आंबेडकर, माता रमाई यांच्या प्रतीमा भेट म्हणून देण्यात आल्या.
या कार्यक्रमाला बौ.देविदास गाढे,संजय नरवाडे, किशोर गाढे,कडुजी सपकाळ, सापुर्डा सपकाळ, निबांजी वाघ,यांच्यासह बहुसंख्य उपासक उपासिका उपस्थित होत्या
या कार्यक्रमाचे सुत्रसंचालन व आभार प्रदर्शन आद. संजय सपकाळ यांनी केले.
शेवटी सरणत्तय घेऊन सांगता करण्यात आली