शेगाव तालुक्यातील मौजे महागाव येथील बोर्डी नदीवर त्वरीत पुलाची निर्मीती व्हावी या मागणीसाठी वंचित बहुजन आघाडीचे जिल्हाध्यक्ष गणेशभाऊ चौकशे,ता.अध्यक्ष दादाराव अंभोरे यांचेसह चौदा गावकरी म.गांधी जयंती पासुन शेगाव तहसिल कार्यालयासमोर आमरण उपोषणाला बसले आहेत.दरम्यान शेतकरी संघटनेचे प्रशात डीक्कर, आ.संजय कुटे यांचे शिष्टमंडळ,तसेच जि.प बांधकाम विभागाचे अभियंता बुरुजे साहेब,गुळदे साहेब यांनी भेटी दील्या.
शेगाव तालुक्यातील जवळा या गावालगत ‘महागाव’ हे एक लहानसे खेडेगाव असुन या गावची लोकसंख्या साडेचारशे-ते पाचशे च्या आसपास आहे. स्वातंत्र्यानंतरही हे खेडे मुलभुत सुविधांपासुन वंचित असुन आतापर्यंत या गावाला साधा पुल सुद्धा नाही. त्यामुळे येथील ग्रामस्थ अनेक सोयी सुविधापासुन वंचित आहे. दरम्यान नदीतील पुराच्या पाण्यातुन उमेश महादेव डाबेराव हे आपल्या कुटुंबातील सदस्यांसाठी जिवनावश्यक वस्तुची पोतडी डोक्यावरुन वाहुन नेत असतांना पाय घसरुन अपघात झाला.नागपुर येथे उपचारादरम्यान त्या तरुणाचा मृत्यु होऊन सदर व्यक्तीचे घरातील सदस्य उघड्यावर पडले आहेत. ही गंभीर बाब सोबतच अनेक समस्यांचा पाढा गावकर्‍यांनी वंचित बहुजन आघाडीचे जिल्हाध्यक्ष गणेशभाऊ चौकशे,ता.अध्यक्ष दादाराव अंभोरे यांचे समोर वाचला असता. चौकशे यांनी शेगाव तहसिल कार्यालयात पंधरा वीस दिवसापुर्वी पुल प्रश्न मार्गी लावावा यासाठी निवेदन सादर करुन.शासनाकडून योग्य पावले न उचलल्यास गांधी जयंतीपासुन आमरण उपोषणाचा ईशारा दिला होता.शासनाला दिलेल्या निवेदनाप्रमाने जिल्हाध्यक्ष गणेशभाऊ चौकशे,ता.अध्यक्ष दादाराव भोजने,विशाल गोविंदा सावदेकर,रविंद्र समाधान वासनकार,सागर बाबुराव डोंगरे, धम्मपाल भास्कर सावदेकर,अरविंद साहेबराव सावदेर,गजानन गणेश बहिर,दिपक केशव सावदेकर,योगेश गजानन कोल्हे,राहुल भिमराव सावदेकर,सचिन गजानन सावदेकर,राजु बाबुराव डोंगरे,केवलसिंग धनसिंग पवार नागोराव अशोक सावदेकर बळीराम सुगदेव कोल्हे.हे आमरण उपोषणाला बसले आहेत. या वेळी वंचितचे जेष्ठ नेते रामकृष्ण रजाने, शरद वसतकार,जिल्हा महासचिव अॅड. अनिल ईखारे,जिल्हा महीलाध्यक्षा विशाखा सावंग,जि.उपाध्यक्ष चंद्रभान कळंबे, जि.उपाध्यक्ष मनोहर सनगाळे मामा, जळगाव जा. तालुक्का अध्यक्ष संतोष गवई सर,मोहन पाटील,प्रकाश गवई,कैलाश दाभाडे, ता.महासचिव शिवाजी गुरव,प्रमोद भारती, समाधान खंडेराव, नगरसेविका प्रितीताई शेगोकार, तालुक्काध्यक्षा मनोरमा सावदेकर शहराध्यक्षा संगीता ससाने ,उदय सुरवाडे ता. प्रसिद्धी प्रमुख पंडीत परघरमोर यांचेसह शेकडो महिला पुरुष ग्रामस्थासह वंचित बहुजन आघाडीच्या असंख्यकांची उपस्थीती होती.

उषा पानसरे  कार्यकारी संपादक .
मो.9921400542

अमरावती : ‘जिजाऊ बँक’ ही केवळ मराठा सेवा संघाचे संस्थापक ॲड.पुरुषोत्तम खेडेकर यांच्या संकल्पनेतून स्थापन करण्यात आली असून, सर्वसामान्य व मुख्य सामाजिक प्रवाहाबाहेरील घटकांना अर्थसत्तेत आपले स्थान निश्चित करण्याचे त्यामागील उद्दिष्ट आहे; असे प्रतिपादन मराठा सेवा संघाचे महासचिव इंजि.मधुकर मेहकरे यांनी केले. मराठा सेवा संघाच्या आढावा बैठकीमध्ये ते बोलत होते.

गुरुवारी मराठा सेवा संघाच्या सर्व कक्षांची आढावा बैठक जिजाऊ प्रतिष्ठान, मराठा नगरी, रहाटगाव येथील इंजि.सचिन चौधरी सभागृहात संपन्न झाली. यावेळी मराठा सेवा संघाच्या सर्व कक्षप्रमुखांसह जिल्ह्यातील कार्यकर्त्यांशी मराठा सेवा संघाचे महासचिव मधुकर मेहकरे यांनी संवाद साधला. यावेळी संघटनेच्या मागील दोन वर्षांचा आढावा मांडण्यात आला. याप्रसंगी मेहकरे यांनी प्रामुख्याने जिजाऊ बँकेच्या कामकाजासंबंधी सूचना केल्या. ते म्हणाले, की पुरुषोत्तम खेडेकर यांनी पुढाकार घेऊन ‘जिजाऊ बँक’ स्थापन केली. सर्वसामान्य बहुजनांना अर्थसत्तेकडे नेण्याचा त्यामागील एकमेव उद्देश आहे. त्यामुळे बँकेचा कारभार सुरळीत व व्यवस्थित चालावा, अशा सूचना जिजाऊ बँकेच्या संचालकांना त्यांनी यावेळी दिल्या. आढावा बैठकीला मराठा सेवा संघाचे प्रदेश उपाध्यक्ष इंजि.अरविंद गावंडे, मराठा उद्योजक कक्षाचे राज्याचे सचिव शिवाजीराव झोंबाडे, जिजाऊ ब्रिगेड चे राज्य पदाधिकारी कीर्ती माला चौधरी , सीमा ताई बोके जिल्हा अध्यक्ष, मनाली तायडे .मराठा सेवा संघाचे जिल्हाध्यक्ष अश्विन चौधरी, जिल्हा सचिव संजय ठाकरे, जिल्हा प्रवक्ता चंद्रकांत मोहिते, संगीतसूर्य केशवराव भोसले सांस्कृतिक परिषदेचे जिल्हाध्यक्ष भोजराज चौधरी, शिक्षणमहर्षी डॉ.पंजाबराव देशमुख शिक्षक परिषदेचे प्रदेशाध्यक्ष प्रभाकर झोड, जिजाऊ बँकेचे अध्यक्ष अविनाश कोठाळे, संभाजी ब्रिगेडचे जिल्हाध्यक्ष शुभम शेरकर, वीर भगतसिंग विद्यार्थी परिषदेचे डॉ.तुषार देशमुख, यांच्यासह अनेक पदाधिकारी व कार्यकर्ते उपस्थित होते.

दगडू पिंगळे निलंगा/प्रतिनिधी

निलंगा तालुका काँग्रेस पक्षाच्या वतीने शनिवारी दौऱ्यावर असलेले राज्याचे माजी मंत्री सहकार महर्षी दिलीपराव देशमुख यांच्या हस्ते राष्ट्रपिता महात्मा गांधी व माजी पंतप्रधान लाल बहादूर शास्त्री यांच्या जयंतीच्या निमित्ताने काँग्रेस कार्यालयात राष्ट्रपिता महात्मा गांधी व लाल बहादूर शास्त्री यांना अभिवादन करण्यात केले यावेळी जिल्हा बँकेचे चेअरमन अँड श्रीपतराव काकडे व्हॉईस चेअरमन पृथ्वीराज शिरसाठ, साखर महासंघाचे उपाध्यक्ष आबासाहेब पाटील, प्रदेश काँग्रेस सरचिटणीस अशोकराव पाटील निलंगेकर, प्रदेश काँग्रेस सचिव अभय साळुंके, प्रदेश काँग्रेस सोशल मीडिया सरचिटणीस हरिराम कुलकर्णी,जिल्हा बँकेचे संचालक संभाजी सुळ, निलंगा तालुका काँग्रेस अध्यक्ष विजयकुमार पाटील, जिल्हा काँग्रेसचे उपाध्यक्ष मधुकरराव पाटील, शहर निलंगा काँग्रेसचे अध्यक्ष
गोविंद शिंगाडे सतिश पाटील वडगावकर, शिरूर अनंतपाळ तालुका अध्यक्ष आबासाहेब पाटील उजेडकर, संजय बिराजदार, पंकज शेळके, हमीद शेख काँग्रेसचे पदाधिकारी कार्यकर्ते मोठ्या संख्येने उपस्थित होते

आज दिनांक 1 ऑक्टोबर 2021 ला प्रेरणा वस्ती स्तर संस्था व शहर स्तरीय संघ च्या वतीने उपविभागीय अधिकारी, मुख्याधिकारी, ठाणेदार यांना दिनेश वर्मा नावाच्या व्यक्तीने संस्थेत व सदस्यांच्या घरी जाऊन धमकवण्याच्या प्रकरणी निवेदन देण्यात आले.
प्रेरणा वस्ती स्तर संस्था रामनगर वॉर्ड हिंगणघाट येथे गटाच्या माध्यमातून बेघर व वृद्ध लोकांना सेवा दिली जाते परंतु काही दिवसांपासून दिनेश वर्मा नावाच्या व्यक्तीकडून वृत्तपत्रांमध्ये खोट्या बातम्या देऊन प्रत्यक्ष चालकांना धमकावून मानसिक त्रास देण्यात येत आहे मुख्याधिकारी नगर परिषद यांच्या नियमानुसार निवाऱ्याचा सर्व आर्थिक व्यवहार हा नगर परिषदेला दिलेली आहे , तरी निवाऱ्यातील वयोवृद्ध लोकांना नाहक त्रास देत निवाऱ्यामध्ये रात्री बेरात्री पुरुषांना आणणे व महिला चालकांना फोन करून उद्धट भाषेत बोलुन मानसिक त्रास देण्याचा पराक्रम दिनेश वर्मा या समाजकंटकाने केला आहे . स्वतःला सामाजिक कार्यकर्ता समजणारा दिनेश वर्मा, प्रेरणा वस्ती स्तर संस्थांचे अध्यक्ष व सभासद यांच्या निवास स्थानी जाऊन अभद्र व गलिच्छ वागणूक दिल्या प्रकरणी पोलीस स्टेशन हिंगणघाट येथे तक्रार दिली तसेच मुख्याधिकारी नगरपालिका, उपविभागीय अधिकारी, तहसील कार्यालय हिंगणघाट येथे निवेदन सादर करण्यात आले व कठोर कारवाई करण्याची मागणी करण्यात आली. यावेळी निर्मला भोंगाडे सचिव, शारदा भाले अध्यक्ष, प्रज्ञा नगराळे उपाध्यक्ष, विना बडे, अर्चना दुरबुडे ,चंद्रकला राऊत ,मंजू खानखुरे ,अनु मानकर, वर्षा लांजेवार शक्ती शहर स्तर संघ अध्यक्षा, सविता गायमुखे, मंगला कावळे, वैशाली कावळे,उषा कडू, सुकेशनी मुन, रेखा मुंजमवार, पुष्पा ठाकरे,जयश्री मेंडूले, शांता दुर्गे, शिला बोरकर, सिमा मेश्राम, सिंधू दखणे,राजश्री बाम्बोडे,शिला राजूरकर, संगीता भाजीखाये,दीपाली सुरकार कल्याणी इटनकर, माया फुलकर, भगत, रेडलावार इत्यादि सदस्य गण व विविध सामाजिक संघटना चे पदाधिकारी उपस्थित होते.
सूर्या मराठी न्यूज साठी सचिन वाघे वर्धा

निलंगा/ प्रतिनिधी दगडू पिंगळे

राज्याचे वैद्यकीय शिक्षण व सांस्कृतिक कार्यमंत्री तथा लातूर जिल्ह्याचे पालकमंत्री ना. अमित विलासराव देशमुख यांनी निलंगा तालुक्यातील गौर येथे आज सकाळी वरिष्ठ अधिकारी सहकार्यांसह जाऊन, अतिवृष्टी आणि पुरामुळे झालेल्या नुकसानीची पाहणी केली, ग्रामस्थ, शेतकरी यांचे म्हणणे ऐकून घेऊन त्यांना दिलासा दिला .
अपघातग्रस्त शेतकऱ्यांना सरसकट मदत करण्याच्या परिभाषेत बसणारे हे अभूतपूर्व संकट असल्यामुळे शासन त्या दृष्टीने निश्चितपणे विचार करील अशी ग्वाही दिली. नदीकाठच्या शेतकऱ्यांना शंभर टक्के नुकसान भरपाई मिळावी या दृष्टीने विमा कंपन्यांनी कार्यवाही करावी असे निर्देश याप्रसंगी दिले आहेत.