गजानन सोनटक्के जळगाव जामोद

सूनगाव मधील वॉर्ड 1 मधील नागरिकांनी वेळोवेळी ग्रामपंचायत येथे निवेदन देऊनही वॉर्ड नंबर 1 मधील ग्रामपंचायत समोरील रस्ता बांधकामाबाबत ग्रामपंचायत ला येथील नागरिकांनी वेळोवेळी निवेदन दिले आहे परंतु ग्रामपंचायत प्रशासनाने त्यावर कोणतीच दखल घेतली नाही या रोडची अवस्था ही फार बिकट झाली आहे सांडपाण्याच्या नाल्या ची व्यवस्था येथे केलेली दिसत नाही व पावसाचे पाणी या रोडवर साचत आहे हा रस्ता अर्ध्यावरच कॉंक्रिटीकरण केलेला आहे

व त्यावर सुद्धा पावसाचे पाणी साचलेले आहे त्यामुळे नागरिकांचे आरोग्य धोक्यात आले आहे तसेच या भागात राहणाऱ्या नागरिकांच्या घरांमध्ये पावसाचे पाणी उतरून घरात साचत आहे अशीच परिस्थिती वॉर्ड नंबर एक मधील धावळे यांच्या घरामध्ये पावसाचे पाणी साचलेले आहे व त्यांनी ग्रामपंचायत ला वेळोवेळी सांगून सुद्धा कोणत्याच प्रकारची सांडपाण्याची व्यवस्था केलेली नाही तरी ग्रामपंचायत ही जाणीवपूर्वक वार्ड नंबर 1 मध्ये दुर्लक्ष करीत आहे असा येथील नागरिकांचा आरोप आहे व ग्रामपंचायत प्रशासनाने येथील सांडपाण्याची व पावसाच्या पाण्याची नाली बांधकाम करून व्यवस्था करावी व रस्त्याचे काँक्रिटीकरण करावे अशी मागणी येथील नागरिकांनी केली

हिंगणघाट दि.२८ स्थानिक ए .बी .ग्रुपच्यावतीने
दि २५,२६,२७ सेप्टेंबर दरम्यान फुटबाॅल टुर्नामेंटचे आयोजन करण्यात आले.शहरातील टाका ग्राउंड येथे सदर टूर्नामेंटचे आयोजित करण्यात आले होते. शहरातील सामाजिक कार्यकर्ते मलक यासीन यांच्या अध्यक्षते खाली सदर टुर्नामेंटचे आयोजन करण्यात आले.
स्थानिक ए.बी. ग्रुपची संचालक मानसिंग किटे यांच्या हस्ते प्रथम बक्षीस ११ हजार रुपये व शील्ड. F . C. ब्लुज वर्धा यांना देण्यात आले.
मलक यासीन यांच्या शुभहस्ते दुसरे बक्षीस ७ हजार व शिल्ड फ्रेंन्डस क्लब हिंगणघाट यांना देण्यात आले. तीसरे बक्षीस पत्रकार इकबाल पहेलवान यांचे हस्ते ५ हजार रुपये व शील्ड स्थानिक ए. बी .ग्रुप ला देण्यात आले .या कार्यक्रमाचे संचालन नदीम शेख यांनी केले.
स्पर्धेच्या यशस्वितेसाठी शेख शरीफ, एजाज ,नावेद, शाहरूख, परवेझ,मुख्तार ,राहील शेख अहेफाज खान ,इत्यादिनी सहकार्य केले.
सूर्या मराठी न्यूज साठी सचिन वाघे वर्धा

हिंगणघाट विधानसभेचे सर्वाधिक लोकप्रिय नेते माजी राज्यमंत्री, अशोक भाऊ शिंदे यांना वाढदिवसाच्या शुभेच्छा. ईश्वराकडे
तुमच्या उत्तम आरोग्यासाठी आणि दीर्घ आयुष्याची कामना करतो. शिंदेच्या रुपात वर्धा जिल्ह्याला सशक्त आणि निर्णायक नेतृत्व मिळालंय. असं ज्ञानेश्वर राऊत यांनी आयोजित शिंदेंच्या जन्मोत्सव सोहळ्यात म्हणाले. काही दशकांपासून आपल्या हक्कांपासून वंचित असलेल्या शेकडोवधी गरिबांना विकासाच्या मुख्य प्रवाहात जोडून केवळ त्यांना समाजात सन्माननीय स्थान मिळवून दिलं तसेच एका प्रजावत्सल नेतृत्वाचं उदाहरण देखील शिंदेंनी महाराष्ट्रासमोर मांडलं’, येवळच काय तर आता नुकताच शिंदे साहेबांचं काँग्रेसमध्ये पदार्पण करून वर्धाजिल्ह्यात सत्ता परिवर्तनाचे वारे वाहू लागले, त्यामुळे जिल्ह्यातून तरूणाईकडून शिंदे साहेबांना 59 व्या वाढदिवसाच्या शुभेच्छाचे उधळण बँड पथकासह आतिषबाजी त्यांचा घरासमोर पाहायला मिळाली, या जन्मोत्सवात यावेळी काँग्रेसचे पदाधिकारी तसेच मान्यवर यासह ज्ञानेश्वर उर्फ प्रशांत एकनाथजी राऊत मित्र परिवार शेकडोच्या संख्येने उपस्थित होते.
सुर्या मराठी न्युज साठी सचिन वाघे वर्धा

जळगाव जामोद तालुक्यातील छायाचित्रण व्यवसाया बरोबर सामाजिक भान ठेवून काम करणाऱ्या तीन छायाचित्रकार व पत्रकाराना कलात्मक योगदान व सेवाभावी पुरस्काराने सन्मानित करण्यात आले .

रविवारी दि 26 सप्टेंबर ला मुक्ताईनगर तालुक्यातील चारठाना या निसर्ग सौंदर्याने नटलेल्या तपोवन भवानी मंदिर येथे संपन्न झालेल्या ‘सोहळा मैत्रीचा क्षण आनंदाचा 2021’ या उपक्रमा अंतर्गत जळगांव जामोद तालुक्यातील प्रसिद्ध पत्रकार व छायाचित्रकार आश्विन राजपूत यांनी जलसंधारण, पर्यावरण, व उंबरदेव ते कुवरदेव ह्या सातपुडातील वन वाचवण्यासाठी केलेले भरीव कार्यासाठी,तर धानोरा महासिध्द येथील ग्रा.पं. सदस्य ,पत्रकार व फोटोग्राफर संदीप भोपळे यांनी कोरोना काळात विविध उपक्रमात, रक्तदान शिबिरात सक्रिय सहभाग ,तसेच जलसंधारण व पर्यावरण जोपासल्याबद्दल , त्याचप्रमाणे मानेगावचे तरुण उपसरपंच, पत्रकार तथा फोटोग्राफर शिवाजी पेसोडे पाटील सामाजिक उपक्रम राबवित ग्रामपंचायत अविरोध निवडूनक करून उपसरपंच बनण्याबद्दल ,व गावातुन अवैध धंदे बंद करण्यासाठी प्रयत्न केल्याबद्दल गौरव पुरस्कार प्रदान करण्यात आला.

सन्मानचिन्ह व प्रमाणपत्र असा ह्या पुरस्कार च स्वरूप असून राज्यभरात 44 लोकांना हा सन्मान देण्यात आला
मुक्ताईनगर तालुक्यातील 11 छायाचित्रकार समितीनी हा राज्यस्तरीय सोहळा आयोजित केला होता व महाराष्ट्र मध्यप्रदेश येथून हजारो छायाचित्रकार सह राज्यभरातील फोटो व सिने इंडस्ट्रीतील दिग्गज या कार्यक्रमाला हजर होते.
सुप्रसिद्ध छायाचित्रकार व प्रशिक्षक उदय देसाई सर, मिलिंद देशमुख सर,विनोद देशपांडे सर इत्यादी मान्यवरांनी या पुरस्काराचे वितरण केले .
या तिन्ही छायाचित्रकार व पत्रकारांनी आपले काम सांभाळून सामाजिक भान जपत कार्य केल्याने जळगाव जामोद तालुक्यात तीन पुरस्कार आल्याने सर्वस्तरातून यांचे कौतुक होत आहे.

२३ व्या वर्षी देशासाठी फासावर जाणारे भगतसिंह,बालपणात काही वर्षाचे असतांना जालियनवाला हत्याकांडात मृत्यूमुखी पडलेल्या भरातवासीयांच्या हत्येचा बदला घेण्यासाठी त्यांचे रक्त एका बाटलीत भरून आणणारे भगतसिंह,मानवतावाद निर्माण करणारे भगतसिंह,इंग्रजा विरोधात लढता लढता या देशातील आस्तिक वादाला नाकारून पुरोगामी नास्तिकवादाची मुहूर्त मेढ रुजवणारे भगतसिंह आणि आज त्यांच नाव घेणारे आपण खरच त्यांच्या नाव घ्यायच्या लायकीचे आहोत का? हा प्रश्न आपणच आपल्याला विचारावा?
मित्रांनो भगतसिंह यांच्या बलिदानाचा फार फायदा झाला असे मला बिलकुलच वाटत नाही.कारण तसे असते तर आज या देशात मोठ्या प्रमाणात अराजकता माजलेली नसती. देशासाठी फासावर जाणाऱ्या भगतसिंह यांची देशभक्ती कुठे आणि याच देशात राहून निव्वळ स्वतःच्या स्वार्थासाठी भ्रष्टाचार करून खोटं बोलून देश विकण्या पर्यंत धाडस करणारे काही राजकीय पदाधिकारी कुठे,आपल्या भारतवासी बांधवांसाठी स्वतःचा धर्म बाजूला ठेवणारे भगतसिंह कोठे आणि दुसऱ्याच्या धर्माला कनिष्ठ ठरवत वेगवेगळ्या धर्मात धार्मिक वाद निर्माण करणारे कुठे, आझादीही मेरी दुल्हन हैं । म्हणणारे भगतसिंह कोठे आणि याच आझाद भारतात युवती व स्त्रियांवर बलात्कार करणारे कुठे ,अगर इस देश को सुधारणा हैं तो नौजवान कॊ राजनीती मे आना चाहीये। असे म्हणणारे भगतसिंह कोठे आणि आणि रामराहिमच्या आसाराम रामपाल यांच्यावर गुन्हे दाखल होऊन सुध्दा त्यांचे समर्थन करणारे तरुण कोठे, भारताचा विकास व्हावा आणि हा विकास भारत स्वतंत्र झल्याशिवाय शक्य नाही म्हणुन राजकारण बाजूला ठेवून प्रामाणिक पणे लाला लजपतराय यांच्याशी समजूतदार पणा दाखवणारे भगतसिंह कोठे आणि सत्ता भोगणारे प्रचंड खोटं बोलणारे सत्ताधारी व त्यांचा विरोध खंबीरपणे न करता येणारे इतर विरोधी बाकावर बसणारे कोठे,अरे स्वतःचा धर्म लाथाडून ( पगडी आणि केस व दाढी करून) इतिहास रचणारे भगतसिंह कोठे आणि आमच्या प्रत्येकाच्या गावात आणि शहरात आपल्या विविध धर्माच्या स्मशान भुम्या बांधण्यासाठी आग्रही असणारे आपण कुठे, बहिऱ्या सरकारला जाग यावा म्हणून ब्रिटिश असेंबलीत बॉंम्ब स्फोट करणारे भगतसिंह कोठे आणि आणि सरकारचे चुकीचे निर्णय,बंधने,कायदे मुकाट पणे सहन करणारे आपण कोठे, मी नास्तिक का झालो?,हे पुस्तक लिहून पुरोगामी विचारसरणी निर्माण करणारे भगतसिंह कोठे आणि प्रचंड अंधश्रद्धा पाळणारे आपण कोठे.

मित्रांनो अशी हजार उदाहरणे देता येतील भगतसिंह यांच्या देशभक्ती ची आणि आपण याला १००% विरोधाभासाचे जीवन जगत आहोत.देश भक्ती ही देशावर आलेल्या संकटाच्या वेळी वापरणं शिका ना की आपल्याच स्वकीयांच्या जाती पातीच्या माणसाचं भले करण्या साठी.
भावांनो आपण भगतसिंह यांचे एवढे जरी विचार अंगीसात केले तरी आपण हा देश दंगल मुक्त,भ्रष्टाचार मुक्त,अंधश्रद्धा मुक्त,आणि गरिबी मुक्त उभा करू शकतो आणि एवढीच आपल्या तरुण मित्रांकडून भगतसिंह जयंती निमित्त अपेक्षा.

*इन्कलाब जिंदाबाद*

*अभयसिंह*
९४२३७६१९०८