यावल ( प्रतिनिधी ) विकी वानखेडे

दारूचा व्यवसाय नियमित सुरू ठेवावा यासाठी फैजपूर पोलीस ठाण्यातील गोपनिय विभागातील पोलीस नाईक याला ५०० रूपयांची लाच घेतांना लाचलुचपत विभागाच्या पथकाने रंगेहात पकडले आहे.

सविस्तर माहिती अशी की, तक्रारदार यांचे दारू विक्रीचा व्यवसाय आहे. फैजपूर पोलीस ठाण्याच्या हद्दीत त्यांचे दारू विक्रीचे दुकान आहे. दरम्यान दारू व्यवसाय सुरू ठेवायचा असेल तर दर महिन्याला ५०० रूपये द्यावे लागतील अशी मागणी फैजपूर पोलीस ठाण्यातील गोपनिय विभागातील पोलीस नाईक अनिल महाजन यांनी तक्राराकडे केली. त्यानुसार तक्रारदार यांनी जळगाव येथील लाचलुचपत विभागात जावून तक्रार दिली. तक्रारीची पडताळणी करण्यासाठी आज दुपारी २ वाजता सापळा रचून संशयित आरोपी पोलीस नाईक अनिल महाजन यांनी ५०० रूपये घेतांना रंगेहात पकडले. या कारवाईमुळे पोलीस दलात खळबळ उडाली आहे. जळगाव एसीबीचे पोलीस उपअधीक्षक शशीकांत पाटील यांच्या नेतृत्वात पोलीस निरीक्षक संजोग बच्छाव यांच्यासह सहकाऱ्यांनी ही कारवाई केली. शेवटचे वृत्त हाती आले तेव्हा फैजपूर पोलीस ठाण्यात गुन्हा नोंदविण्याचे काम सुरू आहे.

दिनांक 31/8/ 2021रोजी बुधवार वेस अकोट येथे राहणारे अश्विन अमृतलाल सेजपाल वय 44 वर्ष हे त्यांचे कुटुंबासह खामगाव येथे त्यांच्या नातेवाईकांचे लग्न करता गेले असता त्यांच्या राहत्या घरी बुधवार वेस अकोट येथे त्यांचे वृद्ध आई-वडील एक मुलगी असे घरी हजर असताना दोन अनोळखी पुरुष व दोन महिला हे त्यांच्या तोंडाला स्कार्फ बांधून आपण कोरोना लस घेतलेली आहे का याबाबत विचारपूस करून आम्ही सर्वे करत आहोत असे सांगून फिर्यादीचे घरात जबरीने घुसून त्यांचे आई वडिलांचे व मुलीचे तोंडात कापसाचा बोळा घालून त्यांना मारहाण करून व त्यांचे हात-पाय बांधून घरातील नगदी 2700/- रुपये व एक मोबाईल किंमत अंदाजे 27000/- रुपये असा एकूण 29700/- रुपयांचा मुद्देमाल जबरीने चोरून नेला अशा रिपोर्ट वरून पोलीस स्टेशन अकोट शहर येथे चार अनोळखी आरोपी विरुद्ध अपराध क्रमांक 819/2021भादवि कलम 394,452, 506, 34 प्रमाणे गुन्हा दाखल करण्यात आला होता.
दिनांक 3/9/ 2021 रोजी मिळालेल्या गुप्त बातमी वरून सदर गुन्ह्यातील पाहिजे आरोपी नामे *1)विठ्ठल नामदेव टवरे वय पन्नास वर्ष 2)सौ वैशाली विठ्ठल टवरे वय 45 वर्ष दोन्ही रा शिवाजीनगर, मोठे बारगण, अकोट, जिल्हा अकोला 3)संगम गणेशराव ठाकरे वय 32 वर्षे 4)सागर गणेशराव ठाकरे वय 30 वर्ष 5)अमृता संगम ठाकरे वय 25 वर्ष राहणार येवदा तालुका दर्यापूर, जिल्हा अमरावती हल्ली मुक्काम रमुक्ताई संकुल, कबुतरी मैदान ,अकोट, जिल्हा अकोला 6)सीमा विजय निंबोकार वय 35 वर्षे राहणार नर्सिंग कॉलनी अकोट*
यांना अटक करण्यात आली आहे.

सदरची कारवाई माननीय पोलीस अधीक्षक श्री जी श्रीधर साहेब आकोला, अप्पर पोलीस अधीक्षक मोनिका राऊत यांचे मार्गदर्शनाखाली तपास अधिकारी पोलीस निरीक्षक प्रकाश अहिरे अकोट शहर यांच्या नेतृत्वात डीबी स्कॉड चे पोलीस उपनिरीक्षक राजेश जवरे पोहेका. उमेश सोळंके,उमेश पराये, राजेश वसे,सुलतान पठाण, गोपाल उघडते,गोपाल बुंदे, विजय चव्हाण, विजय सोळंके, दिलीप तायडे, वसीम शेख, अंकुश डोबाळे,विशाल दांदडे यांनी केली आहे*

अर्जुन कराळे शेगाव प्रतिनिधि

शेगाव तालुका अंतर्गत ग्राम श्री क्षेत्र नागझरी येथे चार गावांच्या लाभार्थ्यांना खावटी किट वाटप करण्यात आली.
जीवनाश्यक वस्तू चे वाटप करण्यात आले यामध्ये श्री क्षेत्र नागझरी हिंगणा वैजनाथ ग्राम घुई उन्हाळखेड या गावातील लाभार्थ्यांना वाटप करण्यात आले यावेळेस प्रकल्प कार्यालय एकात्मिक आदिवासी विकास प्रकल्प अकोला यांचे अधिकारी बावणे साहेब व रोकडे साहेब प्रामुख्याने उपस्थित होते तसेच गावचे सरपंच गणेश खरप उपसरपंच रमाताई सरदार संस्था तालुकाध्यक्ष संतोष पवार अंबादास पवार देविदास पवार महादेव डाबेराव आणि संस्थेचे सदस्य व समाज बांधव प्रामुख्याने उपस्थित होते

2 सप्टेंबर समुद्रपूर चंद्रपूर-नागपूर रस्त्यावर गोविंदपुर शिवारात आज दि.२ रोजी सकाळी 7.30 वाजता घडली.
टिप्परचा क्लीनर जखमी संतोष जाचक गंभीररित्या जखमी झाला असून जाम महामार्ग पोलिसांनी त्याला रुग्णवाहिकेतुन समुद्रपुर ग्रामीण रुग्णालयात पोचविले.
.जखमी क्लीनर याची संतोष जाचक अशी ओळख असून तो हिंगणघाट येथील शास्त्री वार्ड,पुरपीडित कॉलनीतील रहिवासी आहे.
अपघाताची माहिती मिळताच जाम महामार्ग पोलिस घटनास्थळी पोचले असता
टिप्पर क्रमांक एमएच-३१ डीएस ०२ रोडच्या कडेला इंजिन चालू असलेल्या अवस्थेत दिसुन आला. जखमी क्लिनर संतोष हा टिप्पर मधून खाली पडल्याने गंभीर जखमी अवस्थेत रस्त्यावर पडून होता.तर टिप्परचालक रवी उईके हा वाहन जागीच सोडून पळून गेला.
सदरची कामगारी जाम महामार्ग पोलिस चौकी येथील कार्यरत सहायक पोलिस निरिक्षक स्नेहल राऊत , पो.हवा देवेंद्र पुरी पोना पंकज वैद्य , प्रदीप डोंगरे, गणेश पवार यांनी जखमीला समुद्रपूर ग्रामीण रुग्णालयात रवाना केले. पुढील तपास समुद्रपूर पोलिस करीत आहे.
सुर्या मराठी न्युज साठी सचिन वाघे वर्धा

हिंगणघाट दि.२ सप्टेंबर
आमदार समिर कुणावार यांचे प्रमुख उपस्थितित भारतीय जनता युवा मोर्चाचे प्रदेश सचिव अंकुश ठाकुर यांचे निर्देशानुसार शहर कार्यकारीणी घोषित करण्यात आली.
कार्यकारिणीचे घोषणेनंतर आमदार समिर कुणावार यांनी भाजयुमो शहर नवनियुक्त अध्यक्ष सोनु पांडे तसेच सर्व नवनियुक्त कार्यकारिणीचे अभिनंदन करीत त्यांना लोकाभिमुख कार्य करण्याचे आवाहन केले.
याप्रसंगी नगरपालिका अध्यक्ष प्रेम बसंतानी, युवा मोर्चा प्रदेश सचिव अंकुश ठाकूर, भाजपा जिल्हा महामंत्री अविनाशजी देव, युवा मोर्चा जिल्हाध्यक्ष वरूणजी पाठक ,जिल्हा परिषद माजी अध्यक्ष नितीन मडावी, हिंगणघाट ग्रामीण तालुका अध्यक्ष आकाश पोहाणे ,महिला भाजपा शहराध्यक्ष सौ. अनिता ताई माळवे, समाजसेवक सुनील डोंगरे, नगर परिषदेचे स्वास्थ सभापती सोनू गवळी इत्यादि मान्यवर उपस्थित होते.
सदर कार्यक्रमाचे संचालन सुभाषजी कुंटेवार यांनी केले तर भाजपा शहराध्यक्ष आशिष परबत यांनी उपस्थितांचे आभार मानले.
स्थानिक आमदार जनसंपर्क कार्यालयात कार्यकारिणीची घोषणा करण्यात आली.
नवनियुक्त कार्यकारिणी
सोनू पांडे (शहराध्यक्ष), गौरव तांबोळी (संघटन महामंत्री), स्वप्निल शर्मा (महामंत्री), अतुल नंदागवळी (महामंत्री), योगेश्वर जिकार (सोशल मिडीया प्रमुख), भुषन आष्टनकर (उपाध्यक्ष), मुकेश गुजराती (उपाध्यक्ष),
तुषार हवाईकर (उपाध्यक्ष), नितीन नांदे (उपाध्यक्ष), रितिक दांडेकर (सचिव),
निखील हिवंज (सचिव), अक्षय हारगोडे (सचिव), नीरज सैनी (सचिव), बाबू चौहान (सचिव), सुरज युवनाथे (संपर्क प्रमुख),
सुर्या मराठी न्युज साठी सचिन वाघे वर्धा

धामणगाव तालुक्यात बोरगाव (धांदे) गावाला लागून असलेल्या वर्धा नदिच्या पात्रात आपटी शिवार हद्द पुलगाव वर्धा जिल्ह्यात येत असुन नदीच्या पाण्यावर तरंगत्या अवस्थेत संशयास्पद मृत्यू आढळुन आले असुन मृत व्यक्तीचे नाव,नरेश हरिदास नैताम वय ३८च्या सुमारास व पंकज आनंदराव दंडागे वय २७ असे असुन दोन्ही इसम हे बोरगांव (धांदे) येथील असून.गावातील नागरीकांच्या मनात भितीचे वातावरण निर्माण झाले आहे. घटनेची माहिती मिळताच पुलगाव पोलिस घटनास्थळी पोहचले. मृतदेह वर्धा जिल्ह्याच्या हद्दीत होते मात्र काढता येत नसल्याने अमरावती जिल्ह्याच्या हद्दीत येत असलेल्या बोरगांव धांदे गावातील वर्धा नदीच्या तीरावर काही नागरीकांच्या व मगरुळ दस्तगीर पोलीसचे ठाणेदार सुरज तलगोटे साहेब व टिमच्या मदतीने दोन्ही मृतदेह नदीच्या पात्रातून काढुन पुलगाव पोलिसांच्या ताब्यात दिले व पीएम करिता ग्रामीण रुग्णालय पुलगाव येथे पाठविण्यात आले. हे करीत असतांना मृतांच्या नातेवाईकांच्या टाहो फुटला होता.कारण दोन्ही मृतदेह हे आदिवासी समाजाचे असल्याने कुटूंबातील लोकांचा व गावातील आदिवासी समाजातील लोकांच्या आक्रोशाला मगरुळ दस्तगीर पोलीसांना समोरे जावे लागले.पुलगाव पोलीस स्टेशन
येथे मृतांची नोंद झाली असून मृत्यूचे कारण अद्याप स्पष्ट झालेले नाही.पुलगाव पोलिस घडलेल्या घटनेचा समोरील तपास करीत आहे.