शेगांव,,,आशाबाई नामदेव टवरे ही 55 वर्षीय महिला धनोकार नगर शेगांव येथून आपल्या राहत्या घरातून बेपत्ता झाल्याची तक्रार पती नामदेव विश्वनाथ टवरे यांनी शेगांव शहर पोलीस स्टेशन ला दिनांक 29,08,2021रोजी दिली होती , सदर महिलेला शोधण्यासाठी त्या महिलेच्या पतीने आपल्या सर्व नातेवाईकांना विचारणा केली परंतु ही महिला नातेवाईकांकडे ही नसल्याने त्यांनी परीसरात शोध चालू केला तरीही महिला सापडली नाही,अखेर तब्बल अकरा दिवसांनी ही माहिला शेगांव येथील आशापुरी सा मिल जवळील इंदरमलजी मुरारका यांच्या मालकीच्या जगेतील खदानमधिल साचलेल्या पाण्यात आज दिनांक 8सप्टेंबर2021रोजी सकाळी अकरा वाजेदरम्यान या महिलेचा मृतदेह पाण्यात तरंगत असतांना सापडला , सदर घटनेची माहिती पोलीस स्टेशन शेगांव शहर ला देण्यात आली,माहिती मिळताच पोलिस हेडकॉस्टबल गजेंद्र रोहनकार, कॉस्टबल नरेश तायडे यांनी घटनास्थळी धाव घेतली आणि सदर प्रेत पाण्यातून काढून शवविच्छेदन साठी सईबाई मोटे उपजिल्हा सामान्य रुग्णालय शेगांव येथे पाठवण्यात आले, सदर घटना ही पोलिसांनी आकस्मिक मृत्यू म्हणून नोंद केली आहे।

कुठलाही नियमाचे उल्लंघन होणार नाही याची काळजी घ्या

बुलडाणा पोलिसांनी शेगाव मध्ये रुटमार्च काढत यावर्षी चा गणेश उत्सव अतिशय साध्या पध्दत ने साजरा करा असे आवाहन केलं आहे कुठलीही अनुचित प्रकार न घडता कोरोना च्या नियमाचे पालन करावे शासनाने आखून दिलेल्या नियमाचे पालन करत गणेश उत्सव साजरा करा त्या मध्ये 4 फुटाच्या वर गणेश मूर्ती चि स्थापना नको अस सूचित करत शेगावात पोलिसांनी रूट मार्च काढला शहराच्या प्रमुख मार्गाने हा रूट मार्च काढण्यात आला तर गणेशोत्सव च्या स्थापणा वरून दक्षता घ्यावी अस आवाहन पोलिसाकडून करण्यात आल आहे

स्वाभिमानी शेतकरी संघटनेच्या युवा शाखेचे विदर्भ कार्याध्यक्ष राणा चंद्रशेखर चंदन यांनी आज गुरुवार 9 सप्टेंबर रोजी पहाटे औरंगाबाद येथील सिग्मा रुग्णालयात अखेरचा श्वास घेतला, मृत्युसमयी त्यांचे वय 34 वर्षाचे होते. त्यांच्या पश्चात आई, 2 भाऊ, पत्नी व दोन मुली त्यात एक 3 वर्षाची व एक 1 वर्षाची आहे.

राणा चंद्रशेखर चंदन हे गत महिनाभरापासून किडनी विकार व स्वादुपिंडाच्या आजाराने त्रस्त होते, बुलडाणा व नंतर औरंगाबाद येथे त्यांच्यावर उपचार सुरु होते. गत दोन दिवसांपासून त्यांना व्हेंटिलेटर अर्थात जीवनरक्षक प्रणालीवर ठेवण्यात आले होते, डॉक्टरांच्या अथक प्रयत्नानंतरही त्यांची प्राणज्योत मालवली.

राणा चंदन हे स्वाभिमानी शेतकरी संघटनेचे नेते रविकांत तुपकर यांचे उजवी हात समजले जात होते, विविध शेतकरी व युवकांच्या आंदोलनात राणा आक्रमकपणे कायम आघाडीवर असायचा, रुग्णांसाठी व कोणत्याही सरकारी कामासाठी धावून जाणारा हा रस्त्यावरचा युवा कार्यकर्ता म्हणूनही राणाची ओळख होती. त्यामुळे त्याच्या आजाराचे वृत्त समजताच पालकमंत्री ना. डॉ. राजेंद्र शिंगणे, आ. संजय गायकवाड माजी आमदार विजयराज शिंदे, राजश्री पतसंस्थेचे संदीप शेळके यांच्यासह विविध नेते व मान्यवरांनी औरंगाबादला जाऊन राणाची भेट घेऊन उपचारासाठी आर्थिक मदतही केली, परंतु उपचाराचा मोठा भार हा सर्वस्वीपणे रविकांत तुपकर यांनी उचलला.. पण एवढे सर्व करूनही राणाचा आजार बळावतच गेला व अखेर त्याने या जगाचा निरोप घेतला.

राणा चंदन यांचे पार्थिव दुपारपर्यंत औरंगाबाद वरून बुलडाण्याला आणण्यात येणार असून, नंतर ते स्वाभिमानी हेल्पलाइन सेंटरच्या कार्यालयात अंत्यदर्शनासाठी ठेवण्यात येणार आहे. नंतर पार्थिवाला घरी नेऊन सायंकाळी 5 वाजता संगम तलाव स्मशानभूमीत अंत्यसंस्कार होणार असल्याची माहिती मिळाली आहे.

यावल प्रतिनिधी विकी वानखेडे

तालुक्यातील सांगवी येथील अतिक्रमित टपरी पोलीस बंदोबस्तात काढत असतांना टपरीधारक महिलेने विष घेवून आत्महत्या करण्याचा प्रयत्न केला. हा प्रकार घडल्यानंतर गावात खळबळ उडाली होती. यावल ग्रामीण रूग्णालयात महिलेला उपचारार्थ दाखल करण्यात आले आहे. भिमाबाई लक्ष्मण पाटील (वय-५५) असे आत्महत्या करण्याचा प्रयत्न करणाऱ्या महिलेचे नाव आहे.

याबाबत माहिती अशी की, तालुक्यातील सांगवी येथील विठ्ठल रूखमाईचे मंदीराजवळ रविंद्र लक्ष्मण पाटील रा. सांगवी खूर्द यांची लहान किराण्याची टपरी आहे. बाजूला मंदीर असल्यामुळे किर्तन सप्ताह व लग्न समारंभचे कार्यक्रम होत असतात. त्याचप्रमाणे सकाळी आरती होते त्यावेळी दुकानावर गर्दी होत असते. कोरोनाच्या काळाता नियमांचे उल्लंघन केले जात नाही. त्यामुळे स्थानिक रहिवाशी यांनी ग्रामपंचायतीकडे तक्रार केली होती. त्यानुसार ग्रामपंचायतीने किरणादुकान मालक रविंद्र पाटील यांना टपरी हटविण्याबाबत ३ मार्च, १६ मार्च आणि २२ मार्च रोजी अशा तीन नोटासा पाठविण्यात आल्या होत्या. परंतू आजपर्यंत त्यांनी किराणा टपरी हटविली नाही. त्यानुसार आज उपसरपंच आकाश धनगर यांनी पोलीस बंदोबस्तात अतिक्रमित असलेले दुकान काढण्यासाठी आले. त्यावेळी दुकानदार रविंद्र पाटील यांची पत्नी भिमाबाई लक्ष्मण पाटील (वय-५५) यांनी विष घेवून दुकानासमोर झोपल्या. त्यामुळे अतिक्रमणाची कारवाई स्थगित करण्यात आले असून महिलेला यावल ग्रामीण रूग्णालयात उपचारार्थ दाखल करण्यात आले आहे.

हिंगणघाट शहरातील राष्ट्रीय महामार्ग क्रमांक 44 वर 4 वाजताच्या दरम्यान स्नेहल किसान नर्सरी समोर सिबीझेड दुचाकी क्रमांक एम एस 40 ए.ए 8214 ने 3 व्यक्ती भरधाव वेगाने जात असताना अचानक त्यांची दुचाकी अनियंत्रित होऊन झालेल्या या भिषण अपघातात 1 जागीच मृत्यू तर 2 गंभीर जखमी झाले आहे. माहिती वरून हे 3 व्यक्ती गिमा टेक्सटाइल येथिल कामगार असल्याचे समजते. या अपघातात घटनास्थळी मुत्यू व्यक्तीचे रसत्याच्या कडेला असलेल्या कठड्याला जबर डोक आदळल्याने भेजा बाहेर निघून त्याचा जागीच मृत्यू झाला. घटनेची माहिती हिंगणघाट पोलिसांना मिळताच पोलीस निरीक्षक संपतजी चव्हान, पोलीस उपनिरीक्षक गिरधर पेंदुर,,दिपेश ठाकरे, अमोल लगड, वाहतूक पोलीस अझर खान, प्रदिप राठोड, पोलिस कर्मचारी नितीन राजपूत,दिपक मसके,अनिल केकपुरे, पवार, यांनी घटनास्थळी धाव घेऊन जखमी व्यक्तीला उपचारासाठी उपजिल्हा रुग्णालयात दाखल केले. मात्र अद्याप तरी मुत्यक व जखमी व्यक्तीची ओळख पटली नसुन पोलिसांकडून नावे शोधण्याचे काम सुरू आहे.
सूर्या मराठी न्यूज साठी सचिन वाघे वर्धा