प्रोग्रेसिव एजुकेशन सोसायटी हिंगणघाट द्वारा संचालित एस. एस. एम.विद्यालय, हिंगणघाट येथे शिक्षक दिन व सत्कार समारंभ कार्यक्रम साजरा करण्यात आला.
यावेळी व्यासपीठावर कार्यक्रमाचे अध्यक्ष संस्थेचे सदस्य श्री संजयराव देशपांडे शाळेचे मुख्याध्यापक श्री प्र. ल.देशपांडे पर्यवेक्षक श्री भ.तु. धोंगडे सकाळ पाळी प्रमुख श्री रा.ता.कारवटकर पालक श्री भास्करराव नवघरे  प्रामुख्याने उपस्थित होते कार्यक्रमाची सुरुवात दीप प्रज्वलन माता सरस्वती  व डॉ. सर्वपल्ली राधाकृष्णन यांच्या प्रतिमेचे पूजन व वंदनेने झाली श्री गावंडे व श्री झाडे यांनी स्वागत गीत व वैयक्तिक गीत सादर केले  यावेळी शाळेतील सर्व शिक्षक व शिक्षकेतर कर्मचारी यांचा सत्कार करण्यात आला.तसेच संस्थेचे सदस्य श्री संजयराव देशपांडे यांच्या हस्ते  शालांत प्रमाणपत्र परीक्षेत शाळेतून प्रथम आलेल्या कु. मोहिनी नवघरे या विद्यार्थिनीचा सत्कार संस्थेच्या वतीने मेडल देऊन करण्यात आला.कार्यक्रमाचे प्रास्ताविक मुख्याध्यापक श्री देशपांडे यांनी केले त्यांनी शिक्षक दिनाचे महत्त्व सांगून शाळेच्या विविध उपक्रमांची माहिती दिली व सर्व शिक्षकांना शिक्षक दिनाच्या शुभेच्छा दिल्या.श्री भास्करराव नवघरे यांनी विद्यार्थ्यांना यशस्वी होण्यासाठी वेळेचे नियोजन फार महत्त्वाचे असते असे सांगितले.
यावेळी मार्गदर्शक शिक्षिका सौ हिंगमीरे यांनी गुरू शिष्य परंपरेचे महत्व सांगितले.कार्यक्रमाचे अध्यक्ष संस्थेचे सदस्य श्री संजयराव देशपांडे यांनी देशाची भावी पिढी घडविणाऱ्या शिक्षकाच्या सन्मानाचा दिवस हा शिक्षक दिन आहे. तसेच शिक्षक दिन हा शिक्षकांच्या कार्याचा सन्मान करणारा दिवस आहे भारतात प्राचीन काळापासून गुरू शिष्य परंपरेला महत्त्व आहे असे मत व्यक्त केले. कार्यक्रमाचे संचालन सौ नंदनवार यांनी व आभार पर्यवेक्षक श्री धोंगडे यांनी मानले कार्यक्रमाचा शेवट एकात्मता मंत्राने झाला.
सूर्या मराठी न्यूज साठी सचिन वाघे वर्धा

हंसराज उके अमरावती

अमरावती-: दिनांक ४सप्टे २०२१ कोरोना संकट असतानाच आता यवतमाळ जिल्ह्यात डेंग्यू मलेरियाने डोके वर काढले आहे यवतमाळ येथील वसंतराव नाईक जिल्हा सामान्य रुग्णालयात उपचारासाठी
मोठ्या संख्येने गर्दी दिसुन येत आहे विशेषतः हे प्रमाण लाहान मुलांमध्ये मोठ्या प्रमाणात आढळुन आले आहे त्यामुळे पालकांमध्ये भितीचे वातावरण निर्माण झाले
यवतमाळ जिल्ह्यात ६६ प्राथमिक आरोग्य केंद्र व ४३५ उपकेंद्र आहेत याठिकाणी आता पर्यंत ३४१७ ईलायझा आणि रॅपीड टेस्ट केल्या त्यापैकी १८१ रुग्ण डेगुचे आढळून आल्याची नोंद आरोग्य विभागात आहे परंतु या पेक्षा किती तरी जास्त रुग्ण खाजगी रुग्णालयात उपचार घेत आहेत या मध्ये २ ते १८ वयोगटातील मुलांमध्ये डेंग्यूचे , टायफाईड, आणि मलेरियाच्या आजारांची लक्षणे आढळुन येत असल्याने
सगळीकडे रुग्णालय हाऊस फुल झाल्याचे चित्र झाल्याचे दिसून येते आहे…..

यावल ( प्रतिनिधी )विकी वानखेडे

येथील अखिल भारतीय आदिवासी विकास परोषदेचे शिष्टमंडळाने दिनांक २ / ९/२०२१ रोजी जळगांव जिल्हा जिल्हाधिकारी अभीजीत राऊत यांची भेट घेऊन मा. सर्वोच्च न्यायालयाने दिलेल्या आदेशानुसार महाराष्ट्र शासनामार्फत डिसेंबर २०१९ मध्ये आदिवासींची विशेष पदभरती राबविण्यात आली होती, त्याद्वारे जळगांव जिल्हा परिषदेमध्ये देखील आदिवासी प्रवर्गाच्या शिक्षक भरतीची जाहिरात जाहीर करण्यात आली होती, परंतु ही भरती कोरोना संसार्गाच्या काळापासून अद्याप पर्यंत राबविण्यात आलेली नाही,
मा.नागपूर खंडपीठाने आदेश निर्गमित केल्यानंतर सातारा, नागपूर, गडचिरोली, चंद्रपूर आणि रायगड या जिल्हा परिषदेद्वारे संबंधित विशेष पदभरती राबविण्यात आली परंतु अद्याप नागपूर खंडपीठाने आदेश देऊन ही जळगांव जिल्हा परिषदेने ती पूर्ण केली नाही,
अखिल भारतीय आदिवासी विकास परिषदेमार्फत अद्याप पर्यंत अनेक वेळा निवेदनांद्वारे ही भरती जिल्ह्यात का राबविण्यात आली नाही याचा खुलासा जिल्हाधिकारी व त्यांचे मार्फत जिल्हा परिषदेचे आयुक्त, शिक्षणाधिकारी यांना विचारण्यात आला होता परंतु कोणतेही प्रत्युत्तर जिल्हाधिकारी कार्यालय किंवा जिल्हा परिषदेकडून आम्हाला अद्याप प्राप्त झालेले नाही, तरी हे शेवटचे निवेदन जिल्हाधिकारी मार्फत संबंधित सर्व विभागांना देण्यात येत असून येत्या ८ दिवसांत आदिवासी जमातीच्या विषेश पदभरती बाबत मा. नागपूर खंडपीठाने दिलेल्या आदेशाची अंमलबजावणी न झाल्यास आदेशाची अवमानता समजून संबंधित सर्व विभाग प्रमुखांविरोधात जिल्हा न्यायालयात आरोपपत्र दाखल करण्यात येऊन जोवर भरती होत नाही तोवर आमरण उपोषण करून आंदोलन छेडण्याचा ईशारा अखिल भारतीय आदिवासी विकास परिषदेद्वारे देण्यात आला,
यावेळी जिल्हाधिकारी अभीजीत राऊत यांना निवेदन देताना उत्तर महाराष्ट्र प्रसिद्धी प्रमुख करण शेवाळे, धुळे जिल्हाध्यक्ष प्रविण पावरा, जळगांव जिल्हा कार्याध्यक्ष लियाकत तडवी हे प्रामुख्याने उपस्थित होते.

हंसराज उके अमरावती जिल्हा प्रतिनिधी

प्रहार उपतालुकाप्रमुख अरुण शेवाणे यांच्या प्रयत्नाला यश.
कीटकनाशक तपासणी शास्त्रज्ञ समिती अहवाल निष्कर्षावरून औषध विक्रेता व कंपनीवर फौजदारी होणार.
कापूसतळणी येथील शेतकरी मधुकर देविदास काळे यांचे सराय मौजे मधील आठ एकर शेतात दि.१७ जूनला पेरणी केलेलं सोयाबीन पिक विक्रमी उत्पन्न असलेल्या फुलोल्या स्थितीत कापुसतळणी येथील सागर ॲग्रो सर्विस या कीटकनाशक दुकान दाराच्या सल्याने पिकांवर फवारणी केली. सात – आठ दिवसानंतर पिकाची पाहणी केली असता संपूर्ण फुलाची गळ झाल्याचे दिसून आले. ही बाब कीटकनाशक विक्रेता लक्ष्मीकांत राठी यांना सांगितले. परंतु श्री राठी यांनी सदर बाबीकडे जाणून बुजून दुर्लक्ष करून आठ दिवस वेळ मारली. खरंतर औषध विक्रेता यांनी सदर औषध कंपनीला माहिती देऊन सदर शेताची पाहणी करून शेतकऱ्यांना दिलासा देऊन उपाययोजना करणे अपेक्षित होते. परंतु औषध विक्रेत्यांनी तसे केले नाही म्हणून शेतकऱ्यांनी ही बाब परिसरातील शेतकऱ्यांना सांगितले असता ४०-५० शेतकऱ्यांनी गावातील शेतकऱ्यांचा कैवारी प्रहार संघटना उपतालुकाप्रमुख अरुण शेवाणे यांची भेट घेतली व श्री शेवाणे यांनी क्षणाचाही विलंब न करता सदर शेतात जाऊन पिकाची पाहणी केली आणि लगेच तालुका कृषी अधिकारी यांना दि.२७/८/२०२१ ला निवेदन दिले आणि दि. ३/९/२०२१ पर्यंत सदर पिकाची पाहणी शास्त्रज्ञां करून दोषींवर कारवाई करणे तसेच शेतकऱ्यांना नुकसान भरपाई पोटी हेक्टरी 30 क्विंटल भरपाई मिळावी अन्यथा दि.३/९/२०२१ ला सदर शेतात अन्नत्याग आंदोलन करण्यात येईल असा इशारा दिला होता त्या अनुषंगाने तालुका कृषी अधिकारी यांनी दिनांक २/९/२०२१ ला समिती गठित करण्यात आली या समितीमध्ये डॉ. पंजाबराव कृषी विद्यापीठ अकोला येथील कीटकनाशक शास्त्रज्ञ कु. सोनल नागे, सदस्य तसेच एम .जी .कोरे (ता.कृ.अ.) सदस्य, ए.बी .राठोड (कृ.अ.प.स.) सदस्य सचिव, जी. आर. मोरे (कृ.अ.) एम .एम. जाधव(कृ.स.), तक्रार कर्ता अरुण शेवाणे, औषध विक्रेता लक्ष्मिकांत राठी , आदामा कंपनीचे प्रतिनिधी प्रशांत मोरे,पंच संजय हिंगे, प्रशांत सरदार, गजानन हरणे, शेतकरी सत्यम काळे आदींच्या समक्ष पाहणी झाली. समितीचा निष्कर्ष असा की, क्लोरोपायरीफॉस+सायपरमेथ्रीन हे औषध सोयाबीन पिकासाठी शिफारशीत नसल्यामुळे सोयाबीन पिकाचा संपूर्ण फुलोऱ्याची गळ झाली आणि भविष्यात उत्पन्न होऊ शकणार नाही अशाप्रकारे औषध विक्रेता दोषी असल्याचे सिद्ध झाले. म्हणून औषध विक्रेता व कंपनी यांच्यावर फौजदारी गुन्हा दाखल करून त्यांचे परवाने रद्द करण्यात यावे व शेतकऱ्यांना हे. 30 क्विंटल ची मदत मिळावी अशी मागणी तक्रार कर्ते अरुण शेवाणे व शेतकऱ्यांनी केली आहे.

महाराष्ट्र शासनाचा माझा सातबारा माझी पिकनोंद, ई पिक पाहणी मोहिमे अंतर्गत हिंगणघाट येथील उपविभागीय अधिकारी श्रीमती शिल्पा सोनाले यांनी शेतकऱ्यांना स्वतः पिकाची नोंद करता यावी याकरिता कुटकी येथील शेतकऱ्याच्या बांधावर जाऊन ऍपचे प्रत्यक्षिक करुन दाखविले यावेळी घोडमारे उपविभागीय कृषी अधिकारी हिंगणघाट,मेश्राम तालुका कृषी अधिकारी हिंगणघाट, समाशेर पठाण नायब तहसीलदार हिंगणघाट, संजय भोंग मंडळ अधिकारी अल्लीपूर, तलाठी दिपक अंधारे, अभिष रामटेके, कृषिसहाय्य्क कु. पवळ सरपंच माधुरी बोभाटे शेतकरी श्रीकांत महाजन, कृषीमित्र कापसे आणि गावकरी उपस्थित होते. या उपक्रमाचा पंचक्रोशीतील सर्व शेतकऱ्यांनी लाभ घेऊन आपल्या शेतातील पिकांची नोंद अपद्वारे स्वतःच करावी असे आव्हान उपविभागीय अधिकारी शिल्पा सोनाले यांनी शेतकऱ्यांना केले
सूर्या मराठीन्यूज साठी सचिन वाघे वर्धा