यावल ( प्रतिनिधि) विकी वानखेडे

तालुक्यातील अट्रावल सांगवी शिवारातून बैलाची चोरी करतांना किरण दिनकर कोळी रा. अट्रावल याला शेतकऱ्याने रंगेहात पकडल्याची घटना मंगळवारी २४ ऑगस्ट रोजी सकाळी ११ वाजता घडली. याप्रकरणी सायंकाळी ४.३० वाजता यावल पोलीसात गुन्हा दाखल केल्यानंतर संशयित आरोपीला अटक करण्यात आली आहे.

सविस्तर माहिती अशी की, चंद्रकांत विजय तावडे (वय-३५) रा. डोंगर सांगवी ता. यावल हे शेती करून आपला उदरनिर्वाह करतात. त्यांच्याकडे बैलजोडी आहे. दरम्यान २४ ऑगस्ट रोजी सकाळी ११ वाजेच्या सुमारास त्यांनी त्याचा २० हजार रूपये किंमतीचा बैल अट्रावल सांगवी शिवारातील शेतात बांधले होते. अट्रावल गावातील किरण दिनकर कोळी याने बांधलेला बैल चोरून नेत असतांना त्याला रंगेहात पकडले आहे. शेतकऱ्यांनी त्याला चांगला चोप देवून यावल पोलीसांच्या हवाली केले आहे. चंद्रकांत तावडे यांच्या फिर्यादीवरून यावल पोलीस ठाण्यात संशयित आरोपी किरण कोळी याच्यावर गुन्हा दाखल करण्यात आला असून त्याला मंगळवारी २४ ऑगस्ट रोजी सायंकाळी सव्वा सात वाजता अटक केली आहे. पुढील तपास पोलीस कॉन्स्टेबल अशोक जवरे करीत आहे.

अनिल सिंग चव्हाण मुख्य संपादक

गडचिरोली:-मागील काही दिवसांपासून परिसरात वाघाची दहशत पसरली आहे.वाघाने अधिक उग्र स्वरूप धारण केले असून या परिसरातील दयाराम धरी धुंडेशिवनी,डंबाजी डोंगरे चुराचुरा,गोविंदा गावतुरे राजगाटा पुंडलिक भिकारमाथी वंदना जंगठे दिभना कल्पना चौधरी महादवाडी शोभा मेश्राम जेप्रा.संध्या चिलमवार इंदिरानगर,मंजुळाबाई चौधरी गोगाव,चापले बाई गोगाव अशा १० ते १५ शेतकरी व शेतमजुरांचा या वाघाने बळी घेतला आहे.५० ते ६० पाळीव जनावरे वाघाने आतापर्यंत फस्त केले आहेत.एवढे सगळे घडूनही वनविभागाचे याकडे जाणीवपूर्वक दुर्लक्ष होत आहे. आतापर्यंत एवढ्या दिवसात नरभक्षक वाघापासून शेतकरी व शेतमजुरांच्या स्वंरक्षणासाठी वनविभागाने कसल्याही प्रकारचे प्रयत्न केले नाही.या परिसरातील शेतकरी व शेतमजूर नरभक्षक वाघाच्या दहशतीत जीवन जगत आहेत. परिणामी ते आपल्या शेतावर जाऊ शकत नाहीत.अगोदरच पावसाने दडी मारली आहे आणि आता वाघाची दहशत अशा दुहेरी संकटात शेतकरी व शेतमजूर सापडला आहे.सद्या शेतीमध्ये निंदणी करणे,खत टाकणे,कीटकनाशके फवारणे, पिकांना पाणी देणे इत्यादी कामे करावयाची असूनही वाघाच्या दहशतीमुळे शेतकरी ही कामे करू शकत नाही. परिणामी शेतमालाचे प्रचंड नुकसान होत आहे. आपल्याकडे कोसा (रेशीम) उत्पादक शेतकरी वर्ग मोठ्या प्रमाणात असून तो कोसा उत्पादनासाठी जंगलावरच अवलंबून आहे. वाघाच्या दहशतीमुळे तीसुद्धा रेशीमशेती करू शकत नाही,असेच जर चालू राहिले तर शेतकरी व शेतमजुरांवर उपासमारीची वेळ येईल आणि याला सर्वस्वी जबाबदार आपला वनविभाग असेल.
त्यामुळे पुढील दोन दिवसात या नरभक्षी वाघाला जेरबंद करून वाघाचा बंदोबस्त केला नाही तर जनतेच असंतोषाचा बांध फुटल्याशिवाय राहणार नाही. आणि या असंतोषाचे जे पडसाद उमटतील त्याला परिसरातील शेतकरी व शेतमजूर जबाबदार राहणार नाही.वाघाचा बंदोबस्त झाला नाही तर या परिसरातील शेतकर आंदोलनाचा मार्ग अवलंबतील आणि याला सर्वस्वी वनविभागाच जबाबदार असेल,म्हणून महोदयांनी सदर प्रकरणामध्ये जाती लक्ष घालून नरभक्षी वाघाचा त्वरित बंदोबस्त करावा अशी मागणी परिसरातील नागरिकांची उपवनसंरक्षक यांचेकडे सादर केली आहे.

यावल ( प्रतिनिधी ) विकी वानखेडे

शासनाकडुन आदीवासी वस्ती व पाड्यांसाठी विविध योजना अंतर्गत जवळपास आठ कोटी रुपयांचा निधी मिळत असतो असे असतांना तालुक्यात आठ महिन्यांचा बालक कुपोषणाचा बळी पडतो ही शोकांतिकाच म्हणावी लागेल या संदर्भात आमचे प्रतिनिधी यांनी एकात्मीक आदीवासी प्रकल्प विकास अधिकारी विनिता सोनवणे यांच्याकडुन जाणुन घेतला आदीवासींच्या योजना संदर्भातील माहीतीचा विशेष वृत्तांत . यावल तालुक्यातीत वड्री आसराबारी येथील आदीवासी वस्तीवर मागील महीन्यात कुपोषणामुळे आट महीन्याच्या आकाश बारेला या नांवाच्या बालकाचा जळगाव येथे दुदैवी मृत्यु झाला आणी या निमित्ताने तालुक्यात महीला व बालविकास विभाग व आरोग्य यंत्रणेच्या भोंगळ आणी भ्रष्ठ कारभाराचे पितळ उघडे पडुन सत्य समोर आलेत, दरम्यान त्या आदीच जिल्हा परिषदचे मुख्य कार्यकारी अधिकारी डॉ .पंकज आशिया यांनी पंचायत समितीच्या आढावा बैठकीत तालुक्यातील कुपोषणग्रस्तांची धक्कादायक आकडेवारी समोर याच वेळीस डॉ .आशिया यांनी महीला व बालविकास तथा आरोग्य यंत्रणेच्या दुर्लक्षीत कारभारावर नाराजी व्यक्त केली होती . याबाबत प्रस्तुत प्रतिनिधी यांनी एकात्मीक आदीवासी विकास प्रकल्पच्या प्रकल्प अधिकारी विनिता सोनवणे यांनी दिलेल्या माहीतीनुसार यावल तालुक्यातील पेसा अंतर्गत येणाऱ्या आदीवासी वस्तीवर वास्तव्यास राहणाऱ्या आदीवासी बांधवांच्या चिमकुल्या मुलांसाठी ए पी जे अब्दुल कलाम अमृत पोषणहार या योजनेच्या माध्यमातुन आदीवासीच्या कुटुंबावर उपासमारीची वेळ येवु नये यासाठी शासनाच्या वतीने वर्षाला सुमारे तिन कोटी रुपयांचे खर्च केले जातात तसेच आरोग्य विभागाच्या माध्यमातुन आदीवासी बांधवांमध्ये आरोग्याविषयी जनजागृती मोहीम राबवुन त्यांच्या कुटुंबाची युद्ध पातळीवर काळजी घेण्या संदर्भात विविध आरोग्य योजने अंतर्गत वर्षाला पाच कोटी रूपयांचा निधी खर्च केला जात असतात अशी माहीती प्रकल्प अधिकारी विनिता सोनवणे यांनी दिली असुन आमच्या विभागाअंतर्गत केलेल्या शोध कार्यात देखील आदीवासी योजनेच्या अमलबजावणी संदर्भात अनेक गंभीर प्रकार समोर आले असुन , आमच्या ही स्वतंत्र चौकशीचा अहवाल हा वरिष्ठा पर्यंत पाठविण्यात आले आहे .असे असतांना ही जळगाव जिल्ह्यात व यावल तालुक्यात कुपोषणग्रस्तांची वाढलेली संख्या ही धक्कादायक व शासकीय योजना या खऱ्या अर्थाने आदीवासी वस्ती व पाडया वाडयांवर फक्त कागदावरच पहोचलेली दिसुन येत असुन, प्रत्यक्षात या योजनांची अमलबजावणी झालेली नसल्यानेच कुपोषणाचे धक्कादायक वास्तव समोर आलेत. या सर्व कुपोषणग्रस्तांच्या विषयाला मुख्य कार्यकारी अधिकारी डॉ .पंकज आशिया यांनी गांर्भीयाने घेतले असुन , कुपोषण संदर्भातील निष्पक्ष चौकशी व्हावी या दृष्टीकोणातुन त्रियसदस्यांची नेमकुण केली व समितीच्या अहवालावरून कुपोषणग्रस्त आट महीन्याच्या बालकाच्या मृत्यु प्रकरणी ७ जणांना शॉकॉज नोटीसा पाठविल्या असुन , पुढील होणाऱ्या कार्यवाहीकडे विविध राजकीय पक्ष समाजसेवी संघटना व आदीवासी बांधवांसह सर्वांचे लक्ष लागुन आहे .