संग्रामपूर प्रतिनिधी

वरवट बकाल येथील खाजगी डॉक्टरांनी रात्रीची अत्यावश्यक रुग्णसेवा द्यावी अन्यथा गावातील नागरिक लोकशाही मार्गाने आंदोलन करण्याचा इशारा गावातील शेकडो नागरिकांनी ग्रामपंचायत सरपंच व सचिवाला 29 जुलै रोजी एका निवेदनाद्वारे दिला आहे.
वरवट बकाल येथील खाजगी डॉक्टर खूप चांगली रुग्णसेवा देत आहेत. परंतु रात्रीच्या वेळी गावातील अत्यावश्यक रुग्णांसाठी आपले दवाखाने उघडत नसल्याने रुग्ण व नातेवाईकांना कमालीचा त्रास सहन करावा लागत आहे. नाईलाजाने रुग्णांचे नातेवाईक उसनवारी करून शेगाव, अकोला, खामगाव आदी गावाला खाजगी वाहनाने भाडे व वेळ खर्च करून उपचारासाठी जातात . त्या कारणांमुळे त्या रुग्णांच्या नातेवाईकांना आर्थिक व मानसिक त्रास होत जावे आहे. रुग्ण सेवा हीच ईश्वर सेवा हे ब्रीदवाक्य जोपासून वरवट बकाल येथील डॉक्टरांनी रात्रीची अत्यावश्यक रुग्णसेवा द्यावी. अनयथा आंदोलन करण्याचा इशारा शेकडो नागरिकांनी दिला आहे. शासनाने कोविड 19 च्या विषाणूमुळे रुग्णांना सुरळीत रुग्णसेवा मिळावी यासाठी खाजगी दवाखाने 24 तास सुरू ठेवण्यासाठी कडक निर्बन्ध लावले आहेत. शासनाच्या अधीन राहून वरवट बकाल येथील खाजगी डॉक्टरांनी रात्रीची रुग्णसेवा द्यावी अन्यथा गावातील नागरिकांनी लोकशाही मार्गाने आंदोलन करण्याचा इशारा दिला आहे. निवेदनावर शेख अनिस, प्रल्हाद दातार, गोपाल इंगळे, नारायणराव ढगे, दिगम्बर बावस्कर, शेख कारीस, अर्जुन ढगे, रमेश डाबरे, गजानन ढगे, काशिराम ढगे, शेख निसार, लक्ष्मण भोपळे, विनायक टाकलकार, वासुदेव माकोडे, शेख शरीफ, अशोक डाबरे, दीपक दामधर, अभिजित पवार, वैभव डाबरे, चेतन बकाल सह 65 नागरिकांच्या स्वाक्षऱ्या आहेत.

खाजगी डॉक्टरांनी अत्यावश्यक सेवा द्यावी अन्यथा त्यांचे दवाखाने बंद पाडू
रुग्णसेवा हीच ईश्वर सेवा आहे रात्री अपरात्री नागरिकांना होणाऱ्या त्रासापासून सेवा देण्यासाठी डॉक्टरांनी दिवसरात्र सेवेचे व्रत घेतलेले असते असे असताना जे डॉक्टर रात्री अपरात्री आजारी पडणाऱ्या रुग्णांना दवाखाने बंद करून रुग्णसेवा नाकारनाऱ्या डॉक्टर विरुद्ध तीव्र आंदोलन करून अशा डॉक्टरांचे कायमस्वरूपी दवाखाने बंद करणार.
प्रल्हाद दातार संस्थापक अध्यक्ष नागरिक हक्क बचाओ आंदोलन.
निवेदनाच्या प्रति
जिल्हा शल्य चिकित्सक, बुलढाणा, संग्रामपूर तहसीलदार
पोलीस निरीक्षक पोलीस स्टेशन तामगाव यांना दिल्या आहेत.

यावल ( प्रतिनिधी ) विकी वानखेडे

तालुक्यातील साकळी येथे एका जुगार अड्ड्यावर यावल पोलिसांनी छापा टाकत १५ जणांना ताब्यात घेतले व त्यांच्याकडून तब्बल ८८ हजाराचा मुद्देमाल जुगारीचे साहीत्य हस्तगत करण्यात आले आहे. पोलीसांच्या वतीने ही सदर ची कारवाई मंगळवारी सायंकाळी करण्यात आली. यावल तालुक्यातील
साकळी येथे मंगळवारी सायंकाळी गावातील सार्वजनिक ठिकाणी जुगार अड्डा चालत असल्याची गोपनीय माहिती पोलिस निरीक्षक सुधीर पाटील यांना मिळाली होती तेव्हा त्यांनी सदर ठिकाणी कारवाई करण्यासाठी सहायक फौजदार मुजफ्फर खान, पोलीस अमलदार सुशील घुगे, पोलीस अमलदार राजेश वाडे यांच्या पथकास पाठवले तेव्हा सदरील ठिकाणी छापा टाकून खालिक शेख, अहमद शाह, अनिल चौधरी, लतीफ तडवी, अल्लाउद्दीन शेख, असलम खान, चंद्रकांत जंजाळे, सरफराज तडवी, सुपडू तडवी, शेख अशपाक, किशोर खेवलकर, जाबीर शेख, जुम्माह तडवी, जाबीर तडवी व शेख जाकीर अशा एकुण पंधरा जणांना जुगार खेळतांना पकडण्यात आले तर कारवाई दरम्यान बबन पाटील रा. मनवेल हा फरार झाला असल्याचे पोलीस सुत्रांकडुन सांगण्यात आले. तेव्हा या पंधरा जणांकडून ८८ हजाराचा मुद्देमाल पोलिसांनी ताब्यात घेतला आहे या सर्वांविरुद्ध यावल पोलिसात विविध कलमान्वये गुन्हा दाखल करण्यात आला असून पुढील तपास संजय देवरे करीत आहे.

सचिन वाघे वर्धा

दि. 28 जुलै हिंगणघाट शिवसेना पक्षप्रमुख ,मुख्यमंत्री मा.श्री उद्धवजी ठाकरे यांच्या 61 व्या वाढदिवसा निमित्य शहरातील पिंपळगांव रोड जवळ तुकडोजी वार्ड येथे कमला नेहरु शाळेत निराधार निराश्रीत व्यकतीना फळे व बिस्किट वाटप तसेच उपजिल्हा रुग्णालय हिंगणघाट येथे रुग्णांना फळे व बिस्किट वाटप कार्यक्रम उपजिल्हा प्रमुख श्री.राजेंद्र खुपसरे ,शहर प्रमुख श्री.सतिश ढोमणे,न.प.उपाध्यक्ष श्री.चंद्रकांत घुसे,नगरसेवक श्री.श्रीधर कोटकर, नगरसेवक श्री.सतिश धोबे,नगरसेवक श्री.सुरेश मुंजेवार,नगरसेवक श्री.मनिष देवढे, नगरसेविका सौ.निताताई धोबे,नगरसेविका सौ.संगिताताई वाघमारे,नगरसेविका सौ.सुनिताताई पचोरी,उपतालुका प्रमुख प्रकाश अनासने,नगरसेवक श्री.भाष्कर ठवरी,माजी नगरसेवक श्री.शंकर मोहमारे,माजी नगरसेविका सौ.माधुरीताई खडसे,सौ.नलिनीताई सयाम,बंटी वाघमारे,लक्ष्मण बकाणे,आदी शिवसैनिक उपस्थित होते.
महाविर भवन येथे राज्य रक्त संक्रमण परिषद महाराष्ट्र राज्य यांच्या चमु च्या वतिने रक्तदान शिबीर कार्यक्रम दीप प्रज्वलन करुण स्वागत व सत्कार समारंभ कार्यक्रम घेण्यात आला , 50 रक्तदात्यानी रक्तदान केले ज्यांनी रक्तदान केले .कार्यक्रमात सर्वश्री.युवासेना जिल्हा युवा अधिकारी श्री.अभिनंदन मुनोत, श्री.देवा पडोळे,माजी शहर प्रमुख श्री.मुन्ना त्रिवेदी,उपशहर प्रमुख श्री.संजय पिंपळकर,श्री.महेश खडसे,श्री. जयंता रोहणकर, उपशहर प्रमुख श्री.रोहीत बक्षी,अविनाश धोटे,मनोज जुमडे, संजय सयाम,प्रकाश झाडे,शंकर झाडे,वसंता पाल,विनोद वानखेडे,रमेश चतुर,संजय जुमडे, दिलीप चौधरी,भोला ठाकुर,अनिल कावडकर,अनिता गलांडे,धनराज गलांडे,विद्याधर नौकरकार,प्रदीप धनरेल,आशिष जैस्वाल,नितिन ठाकरे,प्रजय ढोमणे,सुरेश खोंडे,राजु माडेवार,अनिल चाफले, विजय झिंगरे,सौ.प्रमीलाताई झिंगरे,सौ.कल्पनाताई हिवंज,सौ.संगिताताई कडु,सौ.मायाताई खंदार,सौ.अरुणाताई झाडे,सौ.संगिताताई भांडे,सौ.शिलाताई वरघणे,सौ.छायाताई सहाघाटे,सौ.पिन्कीताई बावणे,सौ.मनिषाताई भोयर,सौ.वर्षाताई उघडे,सौ.कलावती निखाडे,गजानन पटोले,आशिष भांडे,प.स.उपसभापती अमोल गायकवाड, युवासेना तालुका प्रमुख निखील वाघ,विक्रम देवगिरकर,सोनु कोनप्रतिवार,महेंद्र पचोरी,दिनेश धोबे,गोपाल मेघरे,अनिल दुर्गे,रुपेश काटकार,तेजस तुमड़ाम,हिरामन आवारी,हरदीप काळे.राहुल मेहरे.विनोद झिंगरे,उमेश धोबे,राहुल मोहीतकर,निखील कोल्हे,चंदन काकडे,दत्ता सातपुते,बिकू ठावरी,मिलिंद मंगरूळकर,नरेंद्र गुळकरी,सुरेश चुंबळे,शुभम त्रिवेदी,अशांक लोखंडे,वैभव वैद्य,जितेंद्र जैन,आदी शिवसैनिक उपस्थित होते*

यावल ता (प्रतिनिधी)विकी वानखेडे

यावल शहरातील बुरूज चौकात गावठी कट्टा कमरेला लावून दहशत माजविणाऱ्या एका तरूणाला स्थानिक गुन्हे शाखेबच्या पथकाने अटक केली असून त्याच्या ताब्यातील २० हजार रूपये किंमतीचा गावठी कट्टा हस्तगत केला आहे. याप्रकरणी यावल पोलीस ठाण्यात गुन्हा दाखल करण्यात आला आहे.
यश राजेंद्र पाटील (वय-२२) रा. सुंदर नगरी यावल असे अटक केलेल्या तरूणाचे नाव आहे. स्थानिक गुन्हे शाखेच्या पथकाने दिलेल्या माहितीनुसार, यावल शहरातील बुरूज चौकात एक तरूण बेकायदेशीर व विनापरवाना गावठी पिस्तूल कमरेला लावून फिरत असल्याची गोपनिय माहिती जळगाव स्थानिक गुन्हे शाखेचे पोलीस निरीक्षक किरणकुमार बकाले यांना माहिती मिळाली. त्यानुसार पथक जळगावहून यावलला आज मंगळवारी २७ जुलै रोजी दाखल झाले. दुपारी पथकाने सापळा रचून संशयित आरोपी यश राजेंद्र पाटील याला अटक केली. त्याच्या ताब्यातील २० हजार रूपये किंमतीचा गावठी पिस्तूल हस्तगत करण्यात आला आहे. यावल पोलीस ठाण्यात पोलीस कान्स्टेबल रणजीत जाधव यांच्या फिर्यादीवरून आर्म ॲक्ट कायद्यान्वये गुन्हा दाखल करण्यात आला आहे.
यांनी केली कारवाई
पोलीस निरीक्षक किरणकुमार बकाले यांच्या मार्गदर्शनाखाली सहाय्यक फौजदार अशोक महाजन, शरीफ काझी, पोलीस नाईक युनुस शेख, किशोर राठोड, पोलीस कान्स्टेबर विनोद पाटील, रणजित जाधव यांनी कारवाई केली.

नांदुरा( प्रफुल्ल बिचारे):

– तालुक्यातील पिंपळखुटा खुर्द येथील तरुण तडफदार नेते श्री. विजय कडूजी अढाव पाटील यांची भाजपा युवा मोर्चा नवीन जम्बो कार्यकारणी २३ जुलै रोजी जाहीर करण्यात आली. भाजपाचे प्रदेश उपाध्यक्ष आ.डॉ.संजयभाऊ कुटे , जिल्हाध्यक्ष आ.आकाश दादा फुंडकर, जेष्ठ नेते चैनसुखजी संचेती,आ.श्वेताताई महाले पाटील , भाजयुमोचे प्रदेशाध्यक्ष विक्रमदादा पाटील,मा.जिल्हा परिषद अध्यक्षा सौ.उमाताई तायडे, भाजयुमो जिल्हाध्यक्ष सचिन बापू देशमुख , भाजपा जिल्हा सरचिटणीस मोहनजी शर्मा यांच्या मार्गदर्शनाखाली कार्यकारणी निवडण्यात आली. या नियुक्ती मुळे तरुणांमध्ये उत्साहाचे वातावरण निर्माण झाले आहे. तसेच प्रदेश स्तरावर विजय पाटील यांचे वर अभिनंदनाचा वर्षाव होत आहे. पक्षसंघटना मजबूत करून जनसामान्यांचे प्रश्न मार्गी लावून आपल्या पदाला न्याय देण्याचे काम करील अशी प्रतिक्रिया विजय अढाव यांनी व्यक्त केली.

यावल ( प्रतिनिधी )विकी वानखेडे

येथील पंचायत समितीत कार्यरत असलेल्या एक ग्रामविकास अधिकारी व चार ग्रामसेवक एकुण पाच जणांच्या प्रशासकीय पातळीवर बदल्या झाल्याचे विश्वनिय वृत्त आहे . या संदर्भातील वृत्त असे की यावल पंचायत समिती अंतर्गत तालुक्यातील कोरपावली ग्रामपंचायतचे ग्रामसेवक प्रविण सपकाळे व शिरसाडचे आर जी चौधरी यांची रावेर तालुक्यात तर पाडळसा ग्रामपंचायतचे ग्रामविकास अधिकारी एल एन नहाले यांची भुसावळ तालुक्यातील केऱ्हाळे व सांगवी खुर्द ग्रामपंचायत चे ग्रामसेवक राहुल तायडे यांची भुसावळ व बोरावल बु॥ व खुर्द दोघ ग्रामपंचायतीचे ग्रामसेवक नागनाथ गायकवाड यांची मुक्ताईनगर येथे बदली झाली असल्याची माहीती दिली असुन अद्याप प्रशासकीय पत्र प्राप्त झाले नसले तरी त्यांनी बदल्या करण्यात आल्याच्या विषयास दुजोरा येथील पंचायत समितीचे ग्रामविस्तार अधिकारी तथा प्रभारी गटविकास अधिकारी किशोर सपकाळे यांनी सदरच्या बदली संदर्भातील माहीतीस दिला आहे . दरम्यान यावल पंचायत समितीतील शिक्षण व समाजकल्याण विभागातील विभागातील वरिष्ठ सहाय्यक मनोज भरत पाटील यांची जळगाव बांधकाम विभागात तर ग्राम पंचायत विभागातील वरिष्ठ सहाय्यक के एल पाटील यांची रावेर पंचायत समितीला व शिक्षण विभागातील गुणवंत डिंगबर देवराज यांची चोपडा पंचायत समितीमध्ये तर शिपाई मोहन हरि हिरळकर यांची मुक्ताईनगर पंचायत समितीच्या बांधकाम विभागात बदली झाली आहे .