यावल (प्रतिनिधी)विकी वानखेडे

यावल तालुक्यातील वड्री जवळच्या आदिवासी वस्तीवर राहणार्‍या एका आठ महिन्याच्या कुपोषित बालकाचा जिल्हा शासकीय वैद्यकीय महाविद्यालयात आज शनिवार ३१ जुलै रोजी सकाळी १०.३० वाजेच्या सुमारास उपचारादरम्यान मृत्यू झाल्याचे उघडकीला आल्याने खळबळ उडाली आहे. यावृत्ताला यावल तालुका वैद्यकीय अधिकारी डॉ. बी.बी.बारेला यांनी दुजोरा दिला आहे.

याबाबत सविस्तर माहिती अशी की, यावल तालुक्यातील वड्री धरण येथील आदिवासी वस्तीमधील आकाश जवानसिंग पावरा (वय-आठ महिने) हा बालक गेल्या आठ दिवसांपासून आजारी होता. आज शनिवार ३१ जुलै रोजी पहाटे सहा वाजता त्याची प्रकृती अत्यंत खालावली. त्यामुळे त्याला त्याच्या पालकांनी यावल ग्रामीण रूग्णालयात उपचारार्थ दाखल केले. ग्रामीण रूग्णालयात डॉ. अक्षय नालगे यांनी त्याची प्राथमिक तपासणी केली असता बालक कुपोषीत असून त्याच्या शरीरातील पाण्याचे प्रमाण खूप कमी झाले होते. त्याला श्वास घेण्यासही खूप अडचणी येत होत्या असे त्यांना आढळून आले. परिणामी वैद्यकीय अधिकारी यांनी बालकाला जळगाव जिल्हा शासकीय रूग्णालयात पुढील उपचारासाठी रवाना केले.

या अनुषंगाने शासकीय रूग्ण वाहिकेने बालकाला सकाळी १० वाजता जिल्हा रूग्णालयात दाखल करण्यात आले. दरम्यान, बालकाला येथील बालरोग तज्ञ डॉ. अतूल गाजरे यांनी तपासणी केली. यातच बालकाचा उपचारापुर्वीच मृत्यू झाला. वैद्यकीय अधिकारी डॉ. सचिन अहिरे यांनी बालकाच्या मृतदेहावर शवविच्छेदन केले. दरम्यान, तालुक्यातील कुपोषीत बालकाचा मृत्यू झाल्याच्या वृत्ताला येथील ग्रामीण रूग्णालयाचे वैद्यकीय अधिकारी डॉ. बी. बी. बारेला यांनी दुजोरा दिला आहे.

लक्षणीय बाब म्हणजे यावल येथे जिल्हा परिषदेचे मुख्य कार्यकारी अधिकारी डॉ. पंकज आशिया यांनी १३ जुलै रोजी झालेल्या आढावा बैठकीत कुपोषणग्रस्त बालकांची आकडेवारी विचारली होती. याप्रसंगी तालुका वैद्यकीय अधिकारी डॉ. हेमंत बर्‍हाटे आणि जिल्हा परिषदेच्या महिला व बालविकासच्या प्रभारी प्रकल्प अधिकारी अर्चना आटोळे यांची अक्षरश: भंबेरी उडाली होती. यावल तालुक्यातील ३१६ कुपोषणग्रस्त तर ३९ बालके कमी जास्त वजनाची बालके असल्याचे समोर आले होते. ही आकडेवारी पाहून जि.प. मुख्य कार्यकारी अधिकारी डॉ. पंकज आशिया यांनी दोन्ही अधिकार्‍यांना चांगलेच धारेवर धरले होते. यानंतर आज तालुक्यात कुपोषीत बालकाचा मृत्यू झाल्याचे उघडकीस आल्याने प्रचंड खळबळ उडाली आहे. यामुळे आता आरोग्य यंत्रणा काय उपाययोजना करणार याकडे लक्ष लागले आहे.

यावल ( प्रतिनिधी )विकी वानखेडे

तालुक्यातील चुंचाळे येथील जिल्हा परिषद शाळेच्या व्यवस्थापन समितीच्या अध्यक्षपदी ग्रामपंचायत सदस्य दिपक कोळी तर उपाध्यक्षपदी लुकमान तडवी यांची निवड करण्यात आली आहे .
चुंचाळे तालुका यावल येथील जिल्हा परिषद शाळा व्यवस्थापन समितीचा कार्यकाळ नुकताच संपल्यामुळे कोराना संसर्गाचा प्रभाव लक्षात घेत टप्याटप्याने पालक सभेतून सदस्य निवड करण्यात आली व दिनांक ३१ रोजी संपन्न झालेल्या बैठकीत अध्यक्षपदाची निवड करण्यात आली त्यात अध्यक्षपदासाठी निवडणूक पार पडली त्यात अध्यक्षपदी दिपक कोळी यांना ११ पैकी ९ मते मिळाली त्यांना शाळेचे मुख्यध्यापक गिरीष सपकाळे यांनी विजयी घोषीत करत अध्यक्षपदी निवड केली तर लुकमान तडवी यांची उपाध्यंक्षपदी बिनविरोध निवड करण्यात आली निवडीला समितीचे मावळत्या अध्यक्ष जरीना तडवी या बैठकीच्या अध्यक्षस्थानी होत्या , यावेळी नवनिर्वाचीत अध्यक्ष व उपाध्यक्ष यांचे शाल व श्रीफळ देऊन चुंचाळे तंटा मुक्ती अध्यक्ष धनसिंग राजपुत यांनी सत्कार केला नवनिर्वाचीत सदस्य माधुरी मिथून गजरे,राजश्री सुकदेव पाटील,सोनाली योगेश पाटील,रजीया महेबुब तडवी,आरीफा इरफान तडवी,अशोक मधुकर धनगर,सुरेश आत्माराम पाटील,नथ्थु फत्तु तडवी,अमिर अजीत तडवी यांची निवड करण्यात आली यावेळी इतबार तडवी,भिका तडवी,पप्पु पाटील,रहिमान तडवी,योगेश पाटील,सुकदेव पाटील,इरफान तडवी,मिथून गजरे उपस्थित होते निवडणुक प्रक्रियेसाठी मुख्यध्यापक गिरीष सपकाळे यांनी काम पाहिले तर मंजित तडवी,सुरेखा त्रिपाटी,राहुल वाणी,राजु सोनवणे यांनी सहकार्य केले यावेळी शाळा व्यवस्थापन समितीचे नवनियुक्त अध्यक्ष श्री दीपक कोळी यांची निवड झाल्यानंतर त्यांच्याशी संवाद साधला असता शालेय भौतिक सुविधा व विद्यार्थ्यांची गुणवत्ता वाढीसाठी विशेष प्रयत्न करणार असल्याचे त्यांनी सांगितले तसेच विद्यार्थ्यांना विसिद्ध शालेय सुविधा पुरविण्याचा सुद्धा त्यांनी मानस व्यक्त केला

सचिन वाघे वर्धा

दि. 31 जुलै
हिंगणघाट येथे कार्यरत असलेल्या पोलीस कर्मचाऱ्या विरुद्ध विनयभंगाचा गुन्हा 29 जुलै रोजी दाखल झाला असून ,आरोपी पोलीस कर्मचाऱ्यास हिंगणघाट पोलिसांनी अटक केली आहे.
अरुन हरिदास उघडे वय 49 बक्कल क्रमांक 649 राहणार तरोडा जिल्हा वर्धा असे आरोपी पोलिस कर्मचाऱ्याचे नाव आहे. हिंगणघाट येथील एका रुग्णालयात काम करणाऱ्या महिलेने याबाबत काल हिंगणघाट पोलीस स्टेशन येथे तक्रार दाखल केली आहे. हिंगणघाट पोलिसांनी आरोपी अरुण उघडे विरुद्ध 354 अ, ड,500,506 कलमान्वये गुन्हा दाखल केलेला आहे. यातील पीडित तक्रारदार महिलेचा मोबाईल हरवलेला असल्याची 1 महिन्यापूर्वी महिलेने हिंगणघाट पोलिसात तक्रार दिली होती. या प्रकरणात आरोपी पोलिस कर्मचारी अरुण उघडे याने या महिलेचा मोबाईल मिळवून देतो असे सांगत महिलेसोबत जवळीकता निर्माण केली.. या दरम्यान आरोपी उघडे याने या महिलेस नवीन मोबाईल घेऊन दिला व यातूनच या दोघांची मैत्री घट्ट झाली. आरोपी पोलिस कर्मचारी उघडे हा या मैत्रीचा फायदा उचलत महिलेला माझ्यासोबत लग्न कर असा हट्ट करू लागला. यादरम्यान महिलेचा जबरीने हात पकडून तिला गाडीवर बसून माझ्या सोबत फिरायला चाल अशी जबरदस्ती देखील आरोपी पोलिस कर्मचाऱ्यानी केली असल्याने काल रात्री हिंगणघाट पोलिसात उशिरा याबाबत पीडित महिलेने तक्रार दाखल केली. पीडित महिलेच्या तक्रारीवरून हिंगणघाट पोलिसांनी आरोपी पोलिस कर्मचारी अरुण उघडे विरुद्ध गुन्हा नोंदवला असून या अगोदर या कर्मचाऱ्याला दोन वेळा सस्पेंड केले आहे अशी माहिती मिळाली आहे. पुढील तपास पीएसआय गावडे करीत आहे.

अपंग जनता दल सामाजिक संघटना चे समाज कल्याण अधिकारी श्री. राजेंद्र जाधवर यांना निवेदन

हंसराज उके अमरावती जिल्हा प्रतिनिधी

अमरावती :- अपंगांना लवकरात लवकर न्याय मिळावा म्हणून अपंग हक्क अधिनियम २०१६ च्या कायद्यामध्ये जिल्हा स्तरीय अपंग तक्रार निवारण समित्या गठीत करण्यात याव्यात असे शासनाचे पत्र असून यामध्ये पंचायत समिती स्तरावर गटविकास अधिकारी हे तक्रार निवारण अधिकारी व जिल्हा स्तरावर मा . मुख्य कार्यकारी अधिकारी हे तक्रार निवारण अधिकारी म्हणून नियुक्त करणारे शासन निर्णयाकडे व पंचायत समिती स्तरावर अपंग मार्गदर्शन व सल्ला केंद्र सुरु या शासन निर्णय या कडे दुर्लक्ष करण्यात आले आहे. अपंगांना तालुका स्तरावर एकाच ठिकाणी अपंगांना योजना व सवलतीची माहिती मिळावी म्हणून अपंग सल्ला मार्गदर्शन केंद्र प्रत्येक पंचायत समिती कार्यालयामध्ये सुरु करण्यात यावे असे आदेश असून सुद्धा याकडे जिल्हा परिषद प्रशासनाने हलगर्जीपणा केला आहे . तरी आपण आपल्या स्तरावर अपंग तक्रार निवारण समित्या व अपंग सल्ला व मार्गदर्शन केंद्र त्वरीत सुरु करण्यात यावे व जे अधिकारी याकडे दुर्लक्ष करीत असेल त्यांचेवर त्वरीत अपंग हक्क अधिनियम कायद्याअंतर्गत त्वरीत कार्यवाही करावी असे निवेदन जिल्हा समाज कल्याण अधिकारी राजेंद्र जाधवर व अपंग विभाग प्रमुख पी. डी शिंदे यांना अपंग जनता दल सामाजिक संघटना जिल्हा अमरावती तर्फे निवेदन देण्यात आले यावेळी अपंग जनता दल सामाजिक संघटनेचे मयूर मेश्राम. शेख बब्बू, राजिक शाह, कांचन कुकडे,जहीर खान, गणेश वानखडे,राहुल रामटेके,राहुल वानखडे हे उपस्थित होते.