यावल (प्रतिनिधी ) विकी वानखेडे

शहरातील कोर्ट रस्त्यावर मुख्य बाजारपेठेतील बाजीराव काशिदास कवडीवाले या सोने चांदीच्या सराफा दुकानावरील दरोडा

प्रकरणी आज स्थानिक गुन्हे शाखेच्या पथकाने चौथ्या मुख्य  संशयित आरोपीला पथकाने गोपनीय माहितीच्या आधारे फैजपूरच्या जंगलातून ताब्यात घेतले आहे.
मुकेश प्रकाश भालेराव ( रा. बोरावल खुद्रुक, ता. यावल ह. मु.तापी काठ स्मशानभूमीजवळ, भुसावळ) असे ताब्यात घेतलेल्या  चौथ्या संशयित आरोपीचे नाव आहे. दरम्यान, याच गुन्ह्यातील काल शुक्रवारी तिसरा आरोपी यश विजय अडकमोल (22, रा.बोरावल गेट, यावल) अटक केल्यानंतर आज शनिवारी न्यायालयात हजर केले असता न्या. एम.एस.बनचरे यांनी २२ पर्यंत पोलीस कोठडी सुनावण्यात आली.
याबाबत वृत्त असे की, यावल शहरातील मुख्य बाजारपेठेतील सराफा बाजारातील व्यवसायीक बाजीराव कवडीवाले या सराफा दुकानात दुकान मालक तथा शिवसेनेचे शहरप्रमुख जगदीश कवडीवाले हे ७ जुलै रोजी दुपारी १ वाजेच्या सुमारास आपल्या दुकानात असतांना चार दरोडेखोरांनी बंदुकीचा धाक दाखवून सुमारे १२ लाख रुपयांचे सोन्याचे दागीने घेवुन पळाले होते. याप्रसंगी काही धाडसी युवकांनी त्यांना पकडण्याचा देखील प्रयत्न केला तरी देखील ते दरोडेखोर आपल्या कडील पल्सर या मोटरसायकलने पळुन जाण्यात यशस्वी ठरले होते. भर दिवसा घडलेल्या या थरारक घटनेमुळे यावलसह परिसरात प्रचंड खळबळ उडाली होती. याप्रकरणी यावल पोलीसात गुन्हा दाखल करण्यात आला होता.
स्थानिक गुन्हे शाखेच्या पथकाने गोपनिय माहितीच्या आधारे बुधवारी १४ जुलै रोजी कांदीवलीतून पहिला संशयित निवृत्ती उर्फ शिवा हरी गायकवाड ( मूळ रा. रामनगर, ता. कन्नड, जि. औरंगाबाद, ह्ल्ली रा. भामरेकर नगर, मस्जिद गल्ली, कांदिवली ( पूर्व), मुंबई ), गुरूवारी १५ जुलै रोजी चंद्रकांत उर्फ विक्की लोणारी (रा. भुसावळ) तर शुक्रवारी १६ जुलै रोजी यश विजय अडकमोल ( रा. बोरावल गेट, यावल) प्रमाणे अटक केली होती.  आज बोरावल बुद्रुक ता. यावल येथील संशयित मुकेश प्रकाश भालेराव यांस एलसीबीच्या पथकाने फैजपूर जंगलातून अटक केली.
एलसीबीचे पोलिस निरीक्षक किरण कुमार बकाले यांचे नेतृत्वात शरीफ काझी, प्रदीप पाटील, युनुस शेख, विनोद पाटील, रणजीत जाधव, किशोर राठोड, रमेश जाधव, अशोक पाटील या पथकाने मुकेश भालेराव यास अटक केली. दरम्यान मुकेश भालेराव या संशयिताने तापी नदीकिनारी असलेल्या पुरातन हनुमान मंदिराजवळून काही दागिने काढून दिले आहे. दरोडेखोरांनी या गुन्ह्यात वापरलेली पल्सर दुचाकी गाडी सोमवारी १२ जुलै रोजी यावल व रावेर पोलिसांना तालुक्यातील अंजाळे शिवारातील तापी नदीच्या खोऱ्यातून आढळून आलेली आहे. सराफा दुकानावरील टाकलेल्या दरोड्यातील आतापर्यंत चार संशयित आरोपींना अटक करण्यात आली आहे.

जळगाव जामोद तालुक्यातील सूनगाव येथील तरुण मित्रांनी एकत्र येत वनसैनिक बनून लोकसहभाग घेत श्रमदानातून 1001 वृक्षलागवड व संगोपनाचा जो वसा घेतला आहे ,त्यातून निश्चित सातपुडा हिरवा होण्यास मदत होईल असे मत जळगाव जामोद सामाजिक वनीकरण च्या रेंज फॉरेस्ट ऑफीसर सौ स्मिता राजहंस यांनी व्यक्त केले.
सूनगाव येथे आयोजित वृक्षलागवड महोत्सवात त्या बोलत होत्या.
सविस्तर वृत्त असे की, जळगाव जामोद तालुक्यात सूनगाव येथे वनसैनिक म्हणून समोर येत काही नवंतरुण मित्रांनी ‘ देवराई -2021’ नावाने लोकसहभाग व श्रमदानातुन वृक्षलागवड व संगोपन उपक्रम हाती घेतला.
प्रथम टप्प्यात जून महिन्यात श्रमदानातून 1001 खड्डे खोदून तयार करण्यात आले, व द्वितीय टप्प्यात रोपलागवडीचे काम सुरू करण्यात आले आहे, याच दरम्यान नुकताच दि 16 जुलै ला स्थानिक गोरक्षनाथ महाराज मंदिरशेजारी ओसाड जमिनीवर 2018 व 2019 ला पाणी फाऊंडेशनतर्फे जलसंधारणाचे कामे झाली होती, त्याच जमिनीवर आता वृक्षरोपन चा उत्सव आयोजित करण्यात आला. त्यावेळी उपस्थित मान्यवरांनी 51 वृक्ष लावून व श्रमदान करून ह्या उपक्रमास शुभेच्छा दिल्या.
——————–
सातपुड्याच्या पायथ्याशी तरुणांनी हे जो स्तुत्य उपक्रम सुरू केला आहे त्यास निश्चित फळ येईल, जो घाम इथे हे तरुण गाळत आहेत , काही वर्षात त्या घामाचा सुगन्ध येथे वृक्षरुपानी दरवळेल.देवराई 2021 उपक्रमास आपल्या सलाईबन परिवार व तरुणाईकडून कायम मार्गदर्शन असेल
– मंजितसिंग शिख
मानद वन्यजीवरक्षक ,
बुलडाणा जिल्हा
——————–
ह्यावेळी सौ स्मिता राजहंस – रेंज फॉरेस्ट ऑफीसर सामाजिक जळगाव जामोद,
श्री मंजितसिंग शिख -मानद वन्यजीव रक्षक बुलडाणा जिल्हा,
श्री उमाकांत कांडेकर-तरुणाई फाउंडेशन,
सौ रुपालिताई काळपांडे-जि प सदस्या,
श्री महादेवराव धुर्डे -उपसभापती पंचायत समिती
श्री रामेश्वर अंबडकर- सरपंच सूनगाव
श्री चौधरीसाहेब ग्रामसेवक,
सुनील भगत-इंजिनियर,
श्री संतोष कतोरे-ग्रँथपाल एस के के कॉलेज
आश्विन राजपूत -छायाचित्रकार व पत्रकार,
शालिग्राम भगत,अनिल हिसल,
वनविभागाचे कर्मचारी वृंद,सामाजिक वनीकरण चे कर्मचारी , ग्रामपंचायत सूनगाव चे कर्मचारी ,
स्थानिक आदिवासी नागरिक,महिला
व तालुक्यातील बहुसंख्य नागरिक कोविड नियमांचे पालन करून श्रमदानास उपस्थित होते.
यावेळी 51 रोपे मान्यवरांनी व 150 रोपे श्रमदात्यांनी एकाच दिवशी लावली, आजपर्यंत 1001 पैकी 450 रोपे लागली आहेत ,15 ऑगस्टपुर्वी सर्व रोपे लावायची वनसैनिकांची योजना आहे.
0 ₹ बजेट ठेऊन श्रमदानातून व लोकसहभागातून उभ्या राहणाऱ्या या पर्यावरणपूरक कामाची सर्वस्तरातून कौतुक होत आहे.
यावेळी सोशल दिस्टन्स ने झालेल्या छोट्या सभेत प्रास्ताविक आश्विन राजपूत यांनी,सनचं निवृत्ती वंडाळे यांनी तर आभारप्रदर्शन संतोष कतोरे यांनी केले,
कार्यक्रमाच्या यशस्वीतेसाठी अश्विन राजपूत,महादेव धुर्डे, सरपंच रामेश्वर अंबडकर,ग्रामसेवक चौधरी,अभिषेक राजपूत,वैभव गव्हाळे,सुरेश मिरटकार,लखन ,अभिषेक राजपूत,करणं राजपूत,प्रवीण भगत,व सर्व ग्रामपंचायत कर्मचाऱ्यांनी परिश्रम घेतले

प्रज्वल यावले (आर्वी तालुका प्रतिनिधी)

वंदनीय बाळासाहेब ठाकरे यांच्या आशीर्वादने मा.श्री. शिवसेना पक्ष प्रमुख, महाराष्ट्र राज्याचे लाडके मुख्यमंत्री मा.श्री. उद्धवसाहेब ठाकरे व शिवसेना नेते युवासेना प्रमुख, पर्यावरण पर्यटन मंत्री, मा.श्री. आदित्यसाहेब ठाकरे यांच्या मार्गदर्शनात मा.श्री. राजसाहेब दीक्षित वर्धा,अमरावती लोकसभा विस्तारक युवासेना यांच्या सूचनेनुसार, श्री. सुर्याभाऊ हिरेखन जिल्हाप्रमुख युवासेना वर्धा जिल्हा यांच्या हस्ते मा.श्री. महेशभाऊ चौधरी यांची युवासेना उपजिल्हा प्रमुख (विधानसभा क्षेत्र आर्वी) या पदावर नियुक्ति करण्यात आली. त्याचप्रमाणे वंदनीय बाळासाहेब ठाकरे यांच्या ब्रीद वाक्यनुसार “गाव तेथे शाखा” व “घर तेथे शिवसैनिक” या धोरणाने आपण वाटचाल करावी, आर्वी विधानसभा पातळीवर तालुका निहाय , जिल्हा परिषद सर्कल निहाय , पंचायत समिती सर्कल निहाय तसेच 310 बूथ प्रमुख यांची नियुक्ती करावी तसेच मोठ्या प्रमाणात युवासैनिकांची बांधणी करावी. असे कार्य महेशभाऊ चौधरी यांच्यावर सोपविण्यात आले . तसेच सरकार च्या योजना लोकांपर्यंत पोहचवने व ८०% समाजकरण २० % राजकरण या मुलमंत्रप्रमाणे गांवोगावी युवासेने च्या माध्यमातुन सामान्य नागरिकांचे व विद्यार्थांचे प्रश्न सोडवावे असे निर्देश यावेळी युवासेना जिल्हाप्रमुख सुर्या हिरेखन यांनी दिले. याठिकाणी प्रमुख उपस्तीथी मा. श्री. विपुलभाऊ चौधरी (यूवसेना जिल्हा समन्वयक वर्धा जिल्हा), मा. श्री. सागर जामखूटे ( युवासेना आर्वी तालुका प्रमुख), मा. श्री. रोशन ठाकरे ( युवासेना तालुका प्रमुख कारंजा) ,मा. श्री. राहूल घागरे ( युवासेना उपतालुका प्रमुख कारंजा) या सर्व पदाधिकाऱ्यातर्फे महेशभाऊ यांना पुढील वाटचालीस भगव्या शुभेच्छा देण्यात आले

नांदुरा:-( प्रफुल्ल बिचारे)

तालुक्यातील पिंपळखुटा धांडे येथील मजूर श्री ज्ञानेश्वर मस्के यांनी कष्टाने मोलमजुरी करून ३५ हजार रुपयांची गाय दुग्धव्यवसायासाठी घेतली होती. परंतु अचानक हे गाय आजरी पडली.श्री ज्ञानेश्वर मस्के यांनी सर्व ढोर डॉक्टर, व पशुवैद्यकीय अधिकारी यांना वारंवार फोन केले परंतु डॉक्टरांचा संप असल्यामुळे एकही ढोर डॉक्टर आजारी गायकडे फिरकला नाही. गाईच्या वाढत्या वेदना पाहून मस्के यांनी वेगवेगळ्या क्रमांकावरून पशुवैद्यकीय अधिकारी यांना ८-१० फोन केले परंतु त्यांनी फोन उचलले नाही. यामुळे आज दिनांक १6 जुलै रोजी या गाईचा उपचार न मिळाल्यामुळे दुर्दैवी मृत्यू झाला. कोणाचा जीव वाचविण्याची कला अवगत असलेले सुशिक्षित डॉक्टर असा संप करून आपल्याच व्यवसायासोबत बेइमानी करू करू लागल्यामुळे आज निष्पाप गाईचा जीव गेला. याला जबाबदार असलेले अधिकारी यांना कठोर शासन होऊन संबधित मजुराला झालेल्या नुकसानीचा मोबदला मिळावा अशी गावकऱ्यांची लोकांची इच्छा आहे.

गजानन सोनटक्के
जळगाव जा

दिनांक 13/7/2021 रोजी मोताळा वनपरिक्षेत्रातील मौजे नांदुरा येथे वन्य प्राणी बिबट /वाघ नखे व दात तस्करी करणाऱ्या टोळीचीगुप्त माहिती मिळाल्यावरून बुलढाणा वनविभाग वाइल्डलाइफ क्राइम कंट्रोल ब्युरो मुंबई व मेळघाट वाईल्ड लाईफ क्राईम ब्रँच अमरावती यांनी संयुक्तरित्या कारवाई करून वन्य प्राणी बिबट/वाघ नखे तस्करीप्रकरणी तीन आरोपींना अटक करण्यात आली होती व वन गुन्हा प्रकरणी चौकशी दरम्यान प्राप्त माहितीनुसार मुक्ताईनगर व जळगाव जामोद येथील आणखी दोन आरोपीस दिनांक 15 /7 /2021रोजी अटक करण्यात आली होती सदर गुन्ह्याची चौकशी दरम्यान आज 16 /7/ 2021 रोजी वनविभाग व पोलीस विभाग यांनी संयुक्तरित्या मौजे सुनगाव तालुका जळगाव जा दोन ठिकाणी धाड टाकून वन्य प्राणी बिबट/वाघ चे दात व वन गुन्हा कामीवापरण्यात आलेली अवजारे जप्त करण्यात आली सुनगाव येथील एक आरोपीस अटक करण्यात आली आहे सदर कारवाई माननीय उपवनसंरक्षक बुलढाणा वनविभाग श्री अक्षय गजभिये यांच्या मार्गदर्शनाखाली राबविण्यात आली सदर कारवाईमध्ये जळगाव जामोद साहाय्यक पोलीस निरीक्षक सतीश आडे व कर्मचारी तसेच मोताळा खामगाव व जळगाव जामोद वनपरिक्षेत्रातील कर्मचारी यांनी सहभाग घेतला सदर घटनेचा पुढील तपास माननीय उपवनसंरक्षक अक्षय गजभिये यांचे मार्गदर्शनाखाली श्री रणजीत गायकवाड सहाय्यक वनसंरक्षक बुलढाणा व नेहा मुरकुटे वनपरिक्षेत्राधिकारी मोताळा हे करीत आहेत

आर्वी तालुका प्रतिनिधी:- प्रज्वल यावले

छत्रपती शाहू महाराज शिक्षण संस्था कृषी महाविद्यालय व ग्रामीण कृषी कार्यानुभव प्रकल्प अनुषंगाने विध्यार्थी प्रशांत प्रमोदराय कथलकर कृषी जिल्हा परिषद उच्च प्राथमिक केंद्र शाळा चिंचोली (डांगे) येथे वृक्षारोपण करून गावकऱ्यांना एक व्यक्तीने झाड लावावे असा संदेश देण्यात आला.
तसेच जनसामान्यामध्ये गेल्या काही कालावधी पासून विध्यार्थी प्रशांत कथलकर कृषी संदर्भात जनजागृती करत आहेत.
प्रमुख उपस्थिती:-
*सौ. गीता मनोहरराव मानमोडे प्राचार्य जिल्हा परिषद शाळा

प्रमोद गुलाबराव पोटे प्राध्यापक

मंदाबाई मनावर अंगणवाडी सेविका

स्वाती गुलाबराव तांबे सेविका

सरस्वती विघ्ने

ताजने मॅडम पशु चिक्कीत्सक
तसेच गावातील नागरिक
गणेश कथलकर,अक्षय हिवाळे,गौरव नारड, सुरज हिवडे
अन्य नागरिक उपस्थित होते
सदर कार्यक्रम हा प्रमूख मार्गदर्शक कृषी महाविद्यालय प्राचार्य शेळके सर यांच्या अध्यक्षतेखाली पार पडला.

सचिन वाघे वर्धा

हिंगणघाट दि.15 जुलै हिंगणघाट वासियांचे लक्ष केंद्रित करणाऱ्या हिंगणघाट नगर पालिकेच्यावतीने संत तुकडोजी वार्ड येथे शहरातील बेघर तसेच निराधार व्यकतींचा सांभाळ करण्यासाठी आश्रय शहरी बेघर निवाऱ्यांची स्थापना करण्यात आली होती, याचे व्यवस्थापनासाठी पालिकेने नियुक्त केलेल्या प्रेरणा वस्ती स्तर संस्थेच्यावतीने येथे आर्थिक घोटाळा होत असल्याची तक्रार शहरातील सामाजिक कार्यकर्ता दिनेश वर्मा यांनी मुख्याधिकारी जगताप यांचेकडे केल्यानंतर पालिका प्रशासन खड़बडून जागे झाले असून आज सदर वृत प्रकाशित होताच सदर संस्थेला तसेच संबंधित पालिका कर्मचाऱ्यांना,अधिकाऱ्यांना याचा जाब विचारण्यात आला आहे.
सदर संस्थेवरती कारवाई होणार असून आश्रय बेघर निवाऱ्याचे कामसुद्धा त्यांचेकडून काढण्यात येणार असल्याचे संकेत प्राप्त झाले आहे.
प्रेरणा वस्तीस्तर संस्था या संस्थेवर कारवाई करण्यात येईल झालेल्या आर्थिक घोटाळ्याची चौकशी करण्याचे तसेच गैरव्यवहार झालेल्या रकमेची वसुली करण्याचा आदेशही मुख्याधिकाऱ्यांनी दिला आहे.

यावल (प्रतिनिधी )
विकी वानखेडे

यावल शहरातील मुख्य रस्त्यावर असलेल्या कवडिवाले यांच्या सराफा दुकानावर ७ जुलै रोजी दुपारी चार दरोडेखोरांना बंदुकीचा धाक दाखवून सोन्याचे दागिन्यांसह रोकड लुटले होते. या दरोड्यांतील पाच गुन्हेगारांचे नावे निष्पन्न झाले असून एकाला स्थानिक गुन्हे शाखेच्या पथकाने आज गुरूवार १४ जुलै रोजी कांदीवील मुंबई येथून अटक केली आहे.
निवृत्ती उर्फ शिवा हरी गायकवाड (वय-३२) रा. रामनगर ता. कन्नड जि.औरंगाबाद ह.मु. कांदीवली पुर्व मुंबई असे अटक केलेल्या संशयित आरोपीचे नाव आहे.  याबाबत वृत्त असे की, यावल शहरातील मुख्य बाजारपेठेतील सराफा बाजारातील व्यवसायीक बाजीराव कवडीवाले या सराफा दुकानात दुकान मालक आणी शिवसेनेचे शहरप्रमुख जगदीश कवडीवाले हे दिनांक ७ जुलै रोजी दुपारी एक वाजेच्या सुमारास आपल्या दुकानात असतांना चार दरोडेखोरांनी बंदुकीचा धाक दाखवून सुमारे ११ लाख रुपयांचे सोन्याचे दागीने घेवुन पळाले होते. याप्रसंगी काही धाडसी युवकांनी त्यांना पकडण्याचा देखील प्रयत्न केला तरी देखील ते दरोडेखोर आपल्या कडील पल्सर या मोटरसायकलने पळुन जाण्यात यशस्वी ठरले होते. भर दिवसा घडलेल्या या थरारक घटनेमुळे यावलसह परिसरात प्रचंड खळबळ उडाली होती.
यानंतर पालकमंत्री ना. गुलाबराव पाटील यांनी घटनास्थळाला भेट दिली होती. पालकमंत्र्यांनी या दरोड्याची उकल पोलीस प्रशासन लवकरच करेल अशी ग्वाही दिली होती. संशयित आरोपी हा कांदीवली येथे असल्याची गोपनिय माहिती मिळाली. त्यानुसार स्थानिक गुन्हे शाखेचे पोलीस निरीक्षक किरणकुमार बकाले यांनी संशयित आरोपी निवृत्ती उर्फ शिवा हरी गायकवाड (वय-३२) रा. रामनगर ता. कन्नड जि.औरंगाबाद याला आज गुरूवारी १४ जुलै रोजी सकाळी कांदीवली मुंबई येथून अटक केली. त्याची चौकशी केली असताना दरोड्यातील गुन्हेगार मुकेश प्रकाश भालेराव रा. बोरवाला ता. यावल ह.मु. तापीकाठ स्मशानुभमी जवळ भुसावळ, सुनिल अमरसिंग बारेला रा. गोऱ्या पाडा ता. चोपडा, रूपेश उर्फ भनभन प्रकाश चौधरी रा. श्रीराम नगर भुसावळ आणि चंद्रकांत उर्फ विक्की सोमनाथ लोणारी रा. मोहित नगर भुसावळ यांचा समावेश असल्याचे सांगितले.