सचिन वाघे वर्धा
हिंगणघाट,दि.१२ जून
नागपूर हैदराबाद राष्ट्रीय महामार्ग क्रमांक ७ वरील सुगुणा कंपनी जवळ आज शनिवारी दुपारच्या टैंकरला मागून धडक दिल्याने झालेल्या अपघातात मोटरसायकलस्वाराचा जागीच मृत्यु झाला तर त्याचा सहपाठी गंभीर जखमी झाल्याची घटना आज दुपारी घडली.
टैंकर क्र एमएच-२१ डब्ल्यू-६४४७ हा नागपुर येथून हैदराबाद जाण्यासाठी निघाला होता.या दरम्यान तालुक्यातील सेलु मुरपाड येथील वैभव नेहारे (२३) तसेच मयूर विलास कुमरे(२४) हे दोघे युवक पल्सर दुचाकी क्रमांक एम एच -३४ क्यू-३५ ९४ ने सुगुणा फॅक्टरीकड़े निघाले होते,त्यांची दुचाकी अनियंत्रित होऊन समोर जात असलेल्या टैंकरला धडकली. सदर झालेल्या अपघातात दुचाकी चालक वैभव नेहारे (२३) जागीच ठार झाला तर मागे बसून असलेला एक जण गंभीर जखमी झाला.
सदर अपघात तालुक्यातील राष्ट्रीय महामार्गावर वणी शिवारात घडली.
या अपघाताची माहिती मिळताच पोलिसांनी अपघातस्थळी पोहचून जखमीस उपचारासाठी उपजिल्हा रुग्णालयात दाखल केले.मृतक तसेच त्याचा सहपाठी हे दोघेही सुगुणा फॅक्टरीमधे नोकरीच्या शोधात दुचाकीने निघाले होते,परंतु रस्त्यातच त्यांचा असा दुर्दवी अपघात घडला. सदर घटनेचा पुढिल तपास हिंगणघाट पोलिस ठाण्याचे पोलिस उपनिरिक्षक वसंत शुक्ला,पोशी सौरभ गेडाम, महेंद्र आकरे करीत आहे.

तालुका (प्रतिनिधी)विकी वानखेडे

कारोना प्रतिबंधक लसीचा एकही डोस न देता कोरोनाची ड्युटी करताना शिक्षकांच्या मनात भीतीचे वातावरण निर्माण झाले होते आणि जिल्ह्यातील शिक्षक संभ्रमित होते. जळगांव जिल्हयाचे जिल्हा शल्यचिकित्सक व आरोग्य विभागाच्या अधिकाऱ्यांशी चर्चा करून शिक्षकसेनेचे जळगाव जिल्हाप्रमुख प्राचार्य विनोद गायकवाड यांनी कोरोना काळात फ्रंट लाइनवर काम करणाऱ्या कर्मचाऱ्यांना वेळोवेळी लस देण्याची मागणी केली आणि प्रशासनाने ती मान्य केली. तांत्रिक मुद्दे पुढे करून लस देणे टाळत असलेल्या प्रशासनाला प्रा.गायकवाड यांनी चांगलेच धारेवर धरले होते.
रेल्वे स्टेशन, तहसील कार्यालय, पंचायत समिती, सर्व आरोग्य केंद्र आणि सर्वेक्षणाला नेमलेले शिक्षक, कोविड सेंटरवर, चेक पोस्ट, लसीकरण केंद्र या ठिकाणी शिक्षक आज फ्रंट लाइन वर्कर म्हणून काम करत आहेत. प्रशासकीय कार्यपद्धतीमुळे शिक्षकांचे काही जिल्ह्यात बळी गेले आहेत. विमा कंपनी प्रत्यक्ष रुग्णांशी संपर्कात येणाऱ्या कर्मचाऱ्यांना विमा संरक्षण देते. मग शिक्षक या सर्व ठिकाणी काम करताना संपर्कात येत नाही काय, प्रत्यक्ष संपर्कात विमा लाभ मिळणार नाही का?. मग अशा प्रकारे बळी गेलेल्या शिक्षकांच्या कुटुंबियांच्या भवितव्याचे काय, असा प्रश्न गायकवाड यांनी उपस्थित करण्यात केला आहे. सर्व कर्मचाऱ्यांच्या सुरक्षिततेविषयी हमी दिली जाते. लस देण्याबाबत सकारात्मकता दाखवली जाते, परंतु प्रत्यक्षात काम करत असताना मात्र सुरक्षिततेविषयी सोयी सुविधांकडे पूर्णतः दुर्लक्ष झालेले दिसून येते. संपूर्ण महाराष्ट्रात कोरोनामुळे शिक्षकांचा मृत्यू झाला आहे अश्या शिक्षकांच्या परिवाराला ५० लाख रुपये भरपाई द्यावी अशी मागणी मदत व पुनर्वसन मंत्री विजय वडेट्टीवार यांच्या कडे गायकवाड यांनी केली आहे.

यावल ( प्रतिनिधी )विकी वानखेडे

येथील तालुका राष्ट्रवादी कॉंग्रेस पक्षाच्या वतीने राष्ट्रवादी काँग्रेस पक्षाचा स्थापना दिवस उत्साहाच्या वातावरणात पक्षातील विविध पदावर कार्यरत असलेल्या कार्यकर्ते व पदधिकारी यांच्या प्रमुख उपस्थितीत साजरा करण्यात आला .१० जुन१९९९ साली पक्षाचे राष्ट्रीय अध्यक्ष तथा खासदार शरद पवार यांच्या नेतृत्वाखाली स्थापन झालेल्या राष्ट्रवादी पक्ष हा देशहीत , समाजहित व सर्व जाती धर्मांना बरोबर घेवुन चालणारा राष्ट्रवादी पक्ष हा जनसामान्यांचा पक्ष असल्याची भावना यावेळी दिसुन आली , यावल तालुका येथील खरेदी विक्री सहकारी संघाच्या व्यापारी संकलनाच्या आवारात आज दिनांक १० जुन रोजी राष्ट्रवादी कॉंग्रेस पक्षाचा २२वा स्थापन दिवस साजरा करण्यात आला , यावेळी राष्ट्रवादीचे तालुका अध्यक्ष प्रा . मुकेश येवले , राष्ट्रवादीचे नगर परिषदेतील नेतृत्व करणारे नगरसेवक अतुल पाटील , नगरसेवक अभीमन्यु विश्वनाथ चौधरी (हेन्द्री ) , नगरसेवक तथा माजी उपनगराध्यक्ष राकेश कोलते ,डॉ . हेमन्त येवले, एस .पी . बोदडे, राष्ट्रवादी आदीवासी विभागाचे जिल्हा अध्यक्ष एम .बी . तडवी सर , कृषी उत्पन्न चे माजी संचालक दिनकर पाटील , युवक राष्ट्रवादीचे ॲड. देवकांत पाटील , राष्ट्रवादीचे शहराध्यक्ष अब्दुल करीम मन्यार , डॉ .जी .पी . पाटील , राष्ट्रवादीचे जिल्हा सरचिटणीस विजय प्रेमचंद पाटील , गिरधर काशिनाथ पाटील , गनी खान अफजल खान , वसंत पाटील , ओबीसी सेलचे तालुका अध्यक्ष निवृत्ती धांडे , बापु जासुद, हितेश गजरे , मनोहर महाजन , दहीगावचे सरपंच अजय अडकमोल, कामराज घारू, अय्युब खान सर , द्वारकाबाई श्रीनिवास पाटील , सौ . शामल भावसार , सौ . उज्वला किरण , ॲड . निवृत्ती पाटील ,शांताराम पाटील , ललित पाटील , गणेश महाजन , एजाज देशमुख , श्रीराम सपकाळे , नरेन्द्र शिंदे , भरत पाटील यांच्यासह आदींनी उपस्थित राहुन राष्ट्रवादीच्या स्थापनदिनी पक्षध्वजाचे पुजन केले .दरम्यान या वेळी कोरोनाच्या संकटकाळात पक्षासाठी कार्य करणारे दुदैवीरित्या मरण पावलेल्या पक्षाच्या विविध पदधिकारी व कार्यकर्त्यांना या वेळी श्रद्धांजली वाहण्यात आली . याप्रसंगी पक्षाच्या स्थापन दिनानिमित्त उपस्थित राहीलेल्या सर्व कार्यकर्ते व पदाधिकारी यांचे आभार प्रा . मुकेश येवले यांनी मानले .

यावल तालुका (प्रतिनिधी) विकी वानखेडे

तालुक्यातील किनगाव खुर्द ग्रामपंचायती कडून दलीत वस्ती सुधार योजने अंतर्गत मंजुर झालेल्या निधीतुन दलीत वस्ती सोडून दुसरी कडेचं कामे केली जात आहे अशी तक्रार पंचायत समिती कडे पीआरपी कडून करण्यात आली असुन कामाच्या चौकशीची मागणी करण्यात आली आहे
येथील पंचायत समिती मध्ये गटविकास अधिकारी डॉ. निलेश पाटील यांच्या कडे पिपल्स रिपब्लिकन पार्टी ऑफ इंडीयाचे यावल तालुकाध्यक्ष राहुल बापू साळुके व जिल्हा उपाध्यक्ष रतन रमेश वानखेडे यांनी दिलेल्या निवेदना नुसार किनगाव खुर्द ता. यावल ग्रामपंचायती कडे सुमारे २० लाखांचा निधी हा दलीत वस्ती सुधार योजने अंतर्गत प्राप्त झाला आहे तेव्हा या निधीतुन दलीत वस्तीत विविध विकास कामे होणे आवश्यक होते मात्र, सदरची कामे ही फक्त कागदावरच असून प्रत्येक्षात जुन्या कामावर डागडूगी सुरु आहे. तसेच सदर काम दलीत वस्तीत न करता इतर ठिकाणी सुरू आहे. तेव्हा या कामांची त्वरित चौकशी होऊन काम थांबविण्यात यावे अशी मागणी करण्यात आली आहे तेव्हा आठवड्याभरात चौकशी न केल्यास पंचायत समितीवर मोर्चा आणून जन आंदोलन करण्याचा इशारा निवेदनाव्दारे देण्यात आला आहे.-पुर्ण—फोटो आहे