गजानन सोनटक्के जळगाव जा

बुलडाणा येथुन स्थानिक गुन्हे शाखेच्या पथकाने लाखो रूपयांचा अवैध गुटखा जप्त करून क्रार्यवाही केली आहे. या कार्यवाहीने स्थानीक पोलीस अन्नभीन्न झाले आहेत. जिल्हा पोलीस अधीक्षक अरविंद ऊब चावरिया यांच्या पथकाने गूप्त माहितीच्या आधारे संग्रामपूर तालुक्यातील ग्राम लाडणापुर येथे धाड टाकून तब्बल १० लाख ३२ हजार ५७० रूपयांचा गूटखा जप्त केला आहे. हि कारवाई दि. २१ मे रोजी दूपारी ४ वा. पासून रात्री उशिरापर्यंत करण्यात आली. या कारवाईने अवैध धंदे करणाऱ्यांचे धाबे दणाणले आहेत. अवेद्य गूटख्यासह दोन आरोपींना अटक करण्यात आली असून एक आरोपी फरार आहे. बुलढाणा येथील स्थानिक गुन्हे शाखेच्या पथकाला अवैद्य गुटखा विक्रीची माहिती प्राप्त झाली होती. त्या माहितीच्या आधारे लाडणापुर येथे धाड टाकून १० लाख ३२ हजार ५७० रूपयांचा गुटखा तसेच ५ लाख ५० हजार रूपयांचे चार चाकी वाहन असे एकूण १५ लाख ८२ हजार ५७० रुपयांची कारवाई केली आहे. स्थानिक गुन्हे शाखेकडून शुक्रवारी दुपारी चार वाजल्यापासून रात्री उशिरापर्यंत कारवाई सुरू होती. याप्रकरणी सोनाळा पोलिस स्टेशनला रात्री उशिरापर्यंत गुन्हे दाखल करण्यात आले. या प्रकरणी आरोपी देविलाल जयस्वाल, नितिन जयस्वाल यांना अटक करण्यात आली. तर तिसरा आरोपी धिरज जयस्वाल घटनास्थळावरून फरार झाल्याची माहिती पोलिसांनी दिली आहे. या प्रकरणी सोनाळा पोलिस स्टेशनला पोलींस हेड. कॉ सुधाकर काळे स्थानिक गुन्हे शाखा बुलडाणा याच्या फिर्यादी वरून वरील तीन्ही आरोपींवर कलम १८८, २६९, २७०, २७२, २७३ भादवी सहकलम अन्न सुरक्षाव मानके कायद्याअंतर्गत २६(2), ,(iv),५१ अन्वये दाखल करण्यात आला आहे. सदर कार्यवाही जिल्हा पोलीस अधीक्षक यांच्या मार्गदर्शनात सहाय्यहक पोलीस निरीक्षक मनीष गावंडे यांच्या सह पो काॅ सैय्यद हारून, नापोका संजय नागवे , सूनील खरात, दिपक पवार, वाहन चालक सुरेश भिसे आदी पोलीस कर्मचाऱ्यांचा सहभाग होता. स्थानिक पोलिसांच्या नाकावर टिच्चून बुलढाणा येथील गुन्हे शाखेच्या पथकाने अवैद्य गुटख्यावर मोठी कारवाई केल्याने सोनाळा पोलिसांच्या कार्यक्षमतेवर प्रश्नचिन्ह उपस्थित झाले आहे. या प्रकरणी पूढील तपास सोनाळा पोलीस स्टेशनचे पोलीस उपनिरीक्षक प्रकाश पवार करीत आहेत. आदिवासी भागात मोठ्या प्रमाणात अवैध गूटखा विक्री, तस्करी सूरू असल्याचे यावरून सिध्द झाले आहे.

विकी वानखेडे
यावल तालुका (प्रतिनिधी)

भुसावळ ऑर्डनन्स फॅक्टरी जनरल मॅनेजरची हुकूमशाही- फॅक्टरीच्या सुविधा बंद करणार !
भुसावळ,
अनेक दिवसांपासून भुसावळ जनरल मॅनेजर यांनी हुकूमशाही करीत भुसावळ कंडारी रस्ता बंद केला आहे. शिवसेना, ग्रामपंचायत कंडारी, संयुक्त कृती समिती ऑर्डनन्स फॅक्टरी भुसावळ यांनी वेळोवेळी जनरल मॅनेजर यांना चर्चा करण्यासाठी वेळ मागितली. या सर्वांनाच भेटीची वेळ दिली नाही तसेच फोनवर चर्चा करण्यासाठीसुद्धा तयारी दर्शवली नाही.
ऑर्डनन्स फॅक्टरी, रेल्वे कर्मचारी, तसेच कंडारी परिसरातील महिला, जेष्ठ नागरिक, विद्यार्थी अश्या ५००० नागरिकांना मोठ्या अडचणींचा सामना करावा लागत आहे. दीड किलोमीटरचा फेरा वाढल्याने सर्वसामान्यांना पेट्रोलवर जास्त खर्च लागतोय याची काळजी जनरल मॅनेजर यांना नाही म्हणून आज भुसावळ उपविभागीय कार्यालयात शिवसेनेचे उपजिल्हाप्रमुख ऍड. श्याम श्रीगोंदेकर, तालुका संघटक प्रा.धिरज पाटील, शिक्षकसेनेचे जळगाव जिल्हाप्रमुख प्राचार्य विनोद गायकवाड, युवासेनेचे तालुका समन्वयक सुरेंद्र सोनवणे यांनी निवेदन सादर केले.
भुसावळ फॅक्टरी तर्फे उत्सर्जित झालेले सांडपाणी, घाण कचरा हा कंडारीकडे जातो, फॅक्टरीत असलेले कर्मचारी, रहिवासी किराणा, मेडिकल, एटीएम दवाखाने तसेच धार्मिक अंत्यविधीसाठी कंडारी भागात येत असतात. या सर्व सुविधा बंद करण्याचा इशारा यावेळी देण्यात आला.
संरक्षणमंत्र्यांकडे तक्रार दाखल:
जनरल मॅनेजर परराज्यातील असल्याने त्यांना स्थानिक मराठी माणसाच्या त्रासाशी काहीही देणेघेणे नाही. एका प्रकारची हिटलर शाही फॅक्टरी परिसरात सुरू आहे म्हणून देशाचे संरक्षणमंत्री राजनाथ सिंह, मुख्यमंत्री उद्धव ठाकरे, पालक मंत्री गुलाबराव पाटील यांच्याकडे तक्रार केली आहे, असे प्राचार्य विनोद गायकवाड यांनी कळविले आहे.

गजानन सोनटक्के
जळगांव जा.प्रतिनिधी

जळगाव जामोद तालुक्यात दिनांक १४ मे रोजी तरोडा बु! शेत शिवारामध्ये १० मृत काळवीट आढळले होते. त्याविषयी दिनांक १४ मे रोजी नियमानुसार आरोपीवर कारवाई करून वन गुन्हा ६७८/१६९२७ जारी केला होता. तसेच वन गुन्ह्यासंदर्भात दिनांक १५ मे रोजी गावातील परिसरात फिरून चौकशी केली असता आणखी तीन काळवीट मृत अवस्थेत आढळून आले होते त्या विषयी दिनांक १५ मे रोजी वन गुन्हा क्रमांक ६७८/१६९२८ जारी करून वनविभाग त्या दिवसापासूनच आरोपीच्या शोधात होते त्या प्रकरणी वनपरिक्षेत्राधिकारी बी.डी कटारिया जळगाव जामोद व त्यांचे वनकर्मचारी या प्रकरणी तपास करीत होते सदर प्रकरणातील मुख्य आरोपी चा छडा लावण्यात वनविभाग यशस्वी झाले त्यांना मिळालेल्या गुप्त माहिती मिळाली होती माहितीवरून वनपरिक्षेत्राधिकारी बि.डी कटारिया व त्यांचे वन कर्मचारी यांनी सदर आरोपीचा पाच दिवसांमध्येच शोध लावला सदर आरोपी मुख्य आरोपी हा हनवतखेड येथील राधुसिंग छत्तरसिंग डावर याच्या मुसक्या आवळण्यात वन विभागाला यश आले आहे त्याचा कबुलीजबाब घेऊन त्याला प्रथम श्रेणी न्यायालयासमोर हजर केले असता त्याचा दिनांक २४ मे पर्यंत वन कस्टडी रिमांड देण्यात आला असून या प्रकरणाचा तपास पुढील कालावधीत करण्यात येईल संपूर्ण प्रकरणाचा तपास उपवनसंरक्षक बुलढाणा अक्षय गजभिये आर आर गायकवाड सहाय्यक वनरक्षक बुलढाणा यांच्या मार्गदर्शनाखाली वनपरिक्षेत्राधिकारी बी.डी कटारिया यांच्यासह वनकर्मचारी श्री.जी दंडे,पी.जी.सानप वनपाल,व्हेरोडे,पर्वते,खेडकर, बुधवत,ताडे,कु.फळके,फड,बारेल,जुमडे,चालक गणेश तराळे,महेंद्र तायडे यांनी परिश्रम घेतले.

यावल (प्रतिनिधी) विकी वानखेडे

यावल : तालुक्यातील चुंचाळे येथील श्री वासुदेव बाबा दरबारात साजरा करण्यात येणारा गुरु-शिष्य पुण्यतिथी सोहळ्याचा सार्वजनिक कार्यक्रम रद्द करण्यात आला आहे. कोरोना विषाणूच्या पार्श्वभुमीवर पारंपारीक पध्दतीने मोजक्याच भाविकांच्या उपस्थिती धार्मिक विधी संपन्न होईल तेव्हा येथे दर्शना करीता कोणी येवु नये असे अवाहन श्री वासुदेव बाबा दरबार येथील भक्तांनी केले आहे.
दरवर्षी वैशाख शुध्द बारस रोजी चुंचाळे येथे गुरु-शिष्य पुण्यतिथी सोहळ्याचे आयोजन असते यंदा २३ मे रोजी रविवारी येथे हा सोहळा साजरा होणार आहे मात्र, कोरोना विषाणुच्या पार्श्वभुमीवर प्रशासना कडून देण्यात आलेल्या सुचने नुसार येथे सर्व सार्वजनिक कार्यक्रम रद्द करण्यात आले आहे व मंदिरात भक्त, भाविकांना प्रवेश बंदी करण्यात आली आहे अशात रविवारी पारंपारीक पध्दतीने श्री समर्थ सदगुरू सुकनाथ बाबा तपोभूमी, श्री समर्थ रघुनाथ बाबा जन्मभूमी व श्री समर्थ सदगरू वासुदेव बाबा कर्मभूमी चुंचाळे ता. यावल येथे साजरा होणारा गुरु श्री समर्थ रघुनाथ बाबा व शिष्य श्री समर्थ वासुदेव बाबा यांचा गुरु-शिष्य पुण्यतिथी सोहळा साजरा होईल यात मंदिरातील पुजारी मूर्ती स्नान व पूजाअर्चा करतील व बाबांच्या सर्व महाराष्ट्र सह गुजरात व मध्य प्रदेशातील भक्तांनी घरूनचं दर्शन घ्यावे कुणीचं दर्शना करीता येवू नये असे अवाहन श्री वासुदेव बाबा दरबार येथील भक्तांनी केले आहे

कचरा , कंपोस्ट डेपोचे नियोजन शुन्य, महसूल विभाग
शहरवासीयांना न्याय देतील का?

हंसराज उके अमरावती
====================
अमरावती जिल्ह्यातील नांदगाव खंडेश्वर नगरपंचायत नेहमीच कोणत्या ना कोणत्या नेहमीच चर्चेत असते आणि आता सन
२०१५ पासुन पहिल्या निवडणूक
राजकारण,कहि खुशी कही गम
चे राजकीय लोकसेकाने आप आपल्या पक्षाच्या नेत्यांनी आणि कार्यकर्त्यांनी प्रतिष्ठा मिळवून पहील्याच पंचवार्षिक मध्ये नांदगाव खंडेश्वर नगरपंचायतला
दोन नगराध्यक्ष वेगवेगळ्या पक्षाने
दिले पण नगरपंचायत वाशियांचे
किती भाग्य कि गेले पाच वर्षांपासून आपल्या देशाचे पंतप्रधान सबका साथ सबका विकास पण विकास सोडाच गेले
पाच वर्षाच्या कालावधीत शहर वाशियांच्या मुलभूत अधिकारा पासुन कोसो दुर ठेवल्याची चर्चा नागरिकांमध्ये होत आहे गेले पाच वर्षांपासून आरोग्याच्या दृष्टीने स्वच्छता अभियान राबविण्यात येत आहे पण कचरा व्यवस्थापन आजच्या तारखे पर्यंत सुध्दा शुन्य प्रगती पथावर असल्याचे जन लोकांमध्ये चर्चेचा विषय चालू आहे त्यामुळे सर्वसामान्य नागरिकांच्या आरोग्याला धोकादायक कचरा, कंपोस्ट डेपोचा प्रश्र जैसे थे प्रलंबित नग
रपंचायत मध्ये धुळ खात पडलेला आहे त्यामुळे सर्वसामान्य नागरिकांच्या आरोग्याचा खेळ एका प्रकारे सुरू आहे व निवार्याबाबत बोलताना नागरिक
रमाई आवास योजना, पंतप्रधान आवास योजना , छबरी आवास योजनेंतर्गत घरकुल योजना बर्याच कुटुंबापर्यत पोहोचले नसल्याचे नागरिकांमध्ये चर्चेचा विषय आहे त्यामुळे सर्वसामान्य नागरिकांच्या समस्या कचरा कंपोस्ट डेपोचा प्रश्र्नाकडे मा. जिल्हाधिकारी नांदगाव खंडेश्वर नगरपंचायत कडे लक्ष देतील का? नागरिकांना न्याय मिळवून देतील अशी चर्चा जनसामान्य नागरिका मधे होत आहे.