सिंदखेड राजा ( सचिन खंडारे )

पोलीस म्हटलं तर आपल्या डोळ्यासमोर उभे राहतो तो खाकी वर्दीतला माणूस !कठोर शब्दात बोलणारा तर कधी प्रेमाने बोलणारा !

होय खाकी वर्दीतला लोकांचे रक्षण करणारा आपली ड्युटी तन-मन-धनाने करणारा म्हणजे पोलिस! . सद्रक्षणाय ..खलनिग्रहणाय ! हे ब्रीदवाक्य खाकी वर्दीतील प्रत्येक पोलिसांच्या अंगावरती असते !

म्हणजेच चांगल्या माणसाची तुम्ही रक्षण करावं !दृष्ट लोकांना शासन करा !

परंतु काही वेळेस चांगल्या लोकांना शासन होतं तर काही दृष्ट लोकांना ही शासन होतं .ही गोष्ट वेगळी !

पोलीस तपासामध्ये दोन्ही बाजूंचा सारासार तपास करून योग्य पद्धतीने न्यायनिवाडा करण्याचे काम करत असतात !

परंतु एका बाजूने न्याय देताना दुसऱ्या बाजूच्या लोकांच्या नाराजीचा सामना त्यांना करावा लागतो .
अनेक वेळा दारू अड्ड्यावर ती किंवा जुगार अड्ड्यावर छापा मारतांना त्यांना लोकांच्या किंवा अवैध धंदे वाल्याच्या सामना करावा लागतो .

पोलीस कसाही असला तरी शेवटी तो पोलीस असतो .आणि ते आहेत म्हणून
महिला सुरक्षित आहेत .

मागील भाग सोडला तर गेल्या दीड वर्षापासून महाराष्ट्र पोलिसांचे अवलोकन केले तर घर दार आई – वडील ‘ मुले . पत्नी .यांना सोडून कोरोनाच्या संकट काळामध्ये लोकांनी विनाकारण बाहेर फिरू नये म्हणून त्यांना धाक दाखविण्यासाठी हातात दंडुका घेऊन ! कोरोना पासून लोकांनी वाचाव म्हणून भर उन्हातानात रस्त्यावर पोलिस दादा उभी असतात !

आणि विनाकारण फिरणाऱ्या एखाद्या व्यक्तीला विचारणा केली असता त्यातही त्याचे वाहन लवकर सोडले नसता लोकांच्या रोषाला सामोरे जावे लागते !कोरोना संकट काळामध्ये गेल्या दीड वर्षापासून पोलीस आपला स्वतःचा जीव धोक्यात घालून लोकांचे रक्षण करीत आहे !

त्यामध्ये अनेक पोलिस दादांचा धोरणामुळे लोकांचे रक्षण करत असताना कोरोना ची लागण होऊन आपला जीव गमवावा लागला आहे ।

आणि दररोज पोलीस लोकांचे रक्षण करत असताना उपचाराअभावी मृत्यू ची झुंज देत आहेत :

अनेक तरुण पोलिसांचे नुकतीच लग्न झालेली असते लहान मुलं घरी असतात म्हातारे आई वडील असतात ‘ पत्नी असते .या सर्वांना घरी सोडून मंत्री असतील खासदार असतील आमदार असेल कुठे भांडण झाले असेल अशा सर्व ठिकाणी पोलिस बंदोबस्त ला जात असतात .त्यांचे रक्षण करत असतात !

असाच एक प्रसंग काल सिंदखेडराजा तालुक्यातील शिंदी गावात सायंकाळी घडला !अरे निमित्त होते बुलढाणा जिल्ह्याचे पालक मंत्री नामदार डॉक्टर राजेंद्र शिंगणेजी काही कामानिमित्त
सरपंच विनोद खरात यांच्या शेतामध्ये पाहणी करण्यासाठी आले होते !

पाहणी करत असताना एका ठिकाणी लोकांच्या अडीअडचणी सोडवत असताना थोड्या अंतरावर त्यांच्या ताब्यातील पाच ते सहा पोलीस कर्मचारी साखरखेर्डा येथील दुय्यम ठाणेदार राणे साहेब व मी पत्रकार सचिन खंडारे ‘असे आम्ही चर्चा करत बसलो होतो ‘अशातच एका पोलीस कर्मचाऱ्याला छोट्या मुलीचा फोन आला ‘पप्पा आज तुमच्या लग्नाचा वाढदिवस आहे केक कधी आणताय !

हे शब्द ऐकून पोलिसांनी आपल्या छोट्या मुलीला गमतीशीर उत्तर दिले की बाळा मला घरी यायला रात्रीचे ११ वाजतील ‘आणि त्या पोलिस कर्मचाऱ्यांचा लग्नाचा सहावा वाढदिवस होता ‘यावरूनच पोलीस कुठल्याही प्रकारचा सण-उत्सव साजरा करता त्यांना येत नाही नेहमीच लोकांच्या रक्षणासाठी ते बाहेर असतात ‘लोकांचे रक्षण करत असतात .आणि तेवढेच ते कठोर असतात तेवढे ते मनाने मवू सुद्धा असतात !
अर्धा तासा चर्चा केल्यानंतर मी तिथून घरी आलो ‘परंतु अजूनही माझ्या डोक्यामध्ये पोलीस कर्मचाऱ्यांच्या मुलीचा फोन घुमत होता !

खरंच पोलिसांना घर .दार पत्नी .मुल सोडून इतरांचे रक्षणासाठी झटत असतात ‘ पोलिसांमुळेच सर्वसामान्य लोक आज लग्न साजरे करतात वाढदिवस साजर करतात ‘आमदार . खासदार ‘ मंत्री ‘ कार्यक्रम साजरे करतात ‘परंतु अहोरात्र लोकांच्या रक्षणासाठी झटणाऱ्या पोलिस बांधवांना मात्र कुठलाही सण उत्सव वाढदिवस साजरा करता येत नाही !

म्हणून पोलीस कितीही कठोर वागले तरी त्यांच्याही मनामध्ये मायेचा पाझर फुटत असतो ! ‘

पोलिसाच्या आतही असतो माणुसकीचा झरा ‘
पोलिसातील माणूस तुम्ही जाणून घ्या हो जरा !

गजानन सोनटक्के जळगाव जा

कोरोना चा कहर सुरूच आहे पंधरा ते वीस दिवसांवर पेरणी येऊन ठेपली आहे दिवसभर बंद त्यामुळे पीक कर्ज बियाने खते आदींचे कामकाज कसे पार पडावे असा प्रश्न आर्थिक अडचणीत सापडलेल्या शेतकऱ्यांना पडलेला आहे मागील वर्षापासून सुरू झालेले कोरोना संकट थांबायला तयार नाही सध्या मे महिन्याला सुरुवात झाली असून शेतीविषयक कामे उरकून पिक कर्ज सावकारी उसनवारी कर्ज यासारखे व्यवहार आणि यासोबतच बाजारपेठेत जाऊन खरीप हंगामाकरिता बी-बियाणे खते आदी तयारीला शेतकरी महत्त्व देतात परंतु यामुळे खरिपाच्या तयारीवर मोठा परिणाम होत आहे लॉकडावून काळात बँकेच्या वेळ मर्यादित आहेत बँकांना लागणारे कागदपत्र करिता कार्यालयात जाणे तिथे सध्या कर्मचाऱ्यांची उपस्थिती कमी असणे यामुळे तोंडावर आलेल्या खरीप पेरणीचे नियोजन कसे करावे या विवंचनेत शेतकरी सापडला आहे संचार बंदी मुळे सर्व दुकाने कालपर्यंत सात ते अकरा पर्यंत सुरू राहून बंद होतात त्यामुळे यांची चौकशी सुद्धा करणे कठीण झाले आहे व आता सुरू झालेला लॉकडाऊन त्यातच नैसर्गिक नापिकी व दुष्काळामुळे आर्थिक संकट असल्याने काय करावे असा प्रश्न शेतकरी वर्गाला पडलेला आहे पेरणीचे दिवस जवळ जवळ येत आहे तरी खरीप हंगाम हातातून गेल्यास कुटुंबाचा उदरनिर्वाह कसा करायचा या चिंतेत शेतकरी जीवन जगत आहे शासनाने यासंदर्भात कृषी निविष्ठा वेळेत सूट देऊन सर्वतोपरी आर्थिक मदतीचा हात देऊन शेतकऱ्यांना दिलासा देण्याची गरज भासत आहे त्यातच शेतकऱ्यांना सरकारकडून पीक विमा किंवा कोणतीच मदत मिळाली नाही परिणामी शेतकरी हा मोठ्या कोंडीत सापडला आहे व येणारा खरीप हंगामाचे नियोजन कसे करावे याचा प्रश्न जळगाव जामोद परिसरातील शेतकऱ्यांना पडत आहे

यावल ( प्रतिनिधी ) विकी वानखेडे

संपुर्ण राज्यात कोरोना विषाणुच्या संसर्गा प्रादुर्भाव आरोग्य यंत्रणा ही सर्तक व सज्ज असतांना ही कमी होतांना दिसुन येत नसुन या महामारीचा प्रसार ग्रामीण भागात अत्यंत वेगाने वाढतांना दिसत असुन , महाराष्ट्र राज्य परिवहन महामंडळाने आपल्या ग्रामीण भागातील जवळपास सर्वच एसटी बससेवा ही पुर्णपणे थांबवल्याने ग्रामीण भागातील नागरीकांची लाईफलाईन व दळणवळणाच्या साधनावर मोठा परिणाम जावणत आहे . यावल एसटी आगारातुन तालुक्यातील सुमारे ३५ते ४० गावामध्ये २४शेड्डलय फेऱ्याव्दारे ही सेवा दिली जाते , सर्वसामान्यांची आवडती लालपरी ही जणु मागील काही महीन्यांपासुन प्रवासांची रुसली आहे की काय असे ही ग्रामस्थांमध्ये बोलले जात आहे . यावल एसटी आगारातुन लॉकडाऊन पुर्वी एकुण ७२शेडुअल फेऱ्या सोडल्याजात असे , १४ लांब पल्यांच्या १४ फेऱ्या , मध्य पल्यांचा ६ फेऱ्या तर८ अंतरराज्य फेऱ्यांची बससेवा प्रवासांसाठी दिली जाते, मात्र कोरोनाच्या लॉक डाऊन गोंधळामुळे यावल आगारातुन अत्यंत मोजक्या बससेवा प्रवासांसाठी सोडण्यात येत असल्याने अनेक प्रवासांना आपल्या गावाकडे जाण्यासाठी अवैध मार्गाने चालत असलेल्या खाजगी वाहनाने मनमानी भाडे आकारणी देवुन प्रवास करावा लागत आहे . कोरोनाच्या महामारीचे उच्चाटन होवुन सर्वस्थिती पुर्व पदावर सामान्य होई पर्यंत आपल्या गावात सुखरूप व सुरक्षीत पहोचवणाऱ्या लालपरीची आपल्याला प्रतिक्षा करावी लागणार हे सत्य आहे .

गजानन सोनटक्के
जळगाव जा

आज दिनांक 9 मे रोजी ग्रामपंचायत कार्यालय येथे मेवाड रत्न हिंदू सूर्य महाराणा प्रताप यांची 481 जयंती साजरी करण्यात आली सर्वप्रथम सुनगाव येथील सरपंच रामेश्वर अंबडकार यांनी महाराणा प्रताप यांच्या प्रतिमेचे पूजन करून पुष्पहार अर्पण केले महाराणा प्रताप हे मेवाड येथील शूर वीर योद्धा होते ते असे योद्धा होते की त्यांना शत्रू सुद्धा अभिवादन करीत होते त्यांची शौर्यगाथा जगात गाजलेली होती अशा या थोर महाराणा प्रताप यांची जयंती साजरी करण्यात आली यावेळी द्रोपदी गवई,उमेश कुरवाडे, राम राजपुत, दिनेश ढगे,राहुल इंगळे,उत्तम ढगे,संतोष वंडाळे, रामेश्वर अंबडकार, पत्रकार गणेश भड,गजानन सोनटक्के,पवन पालीवाल,प्रभुगव ई,गणेश ढगे,गजानन धुळे, संतोष ताडे,विलास मिसाळ, शालिग्राम भगत अनिल भगत उपस्थित होते