सिंदखेड राजा प्रतिनिधी )

वाढता कोरोना चा उद्रेक बघता तसेच मेहकर तालुक्यातील हिवरा आश्रम येथे वाढती कोरोना रुग्णांची संख्या लक्षात घेता
हिवरा आश्रम येथे

दिनांक:-२७/०४/२०२१ ते ३०/०४/२०२१ किराणा दुकान, हॉटेल कडकडीत बंद ठेवण्यात येणार आहे, फक्त दूध सकाळी ०६ ते ०९ ,आणि मेडिकल दवाखाने नेहमी प्रमाणे सुरू राहतील ,त्याकरिता सर्व व्यापारी वर्ग आणि जनतेने ग्रामपंचायत प्रशासनाला सहकार्य करावे,
कोणीही विनाकारण घरा बाहेर पडू नये ,तसेच गर्दि करू नये ,तोंडाला मास्क लावणे बंधनकारक आहे,अन्यथा होणाऱ्या कार्यवाहिला आपण सर्वशी जवाबदार राहाल ,तसेच लसीकरण आणि कोरोना तपासणी नेहमी प्रमाणे सुरू राहील.
सौ.प्राजक्ता नितीन इंगळे
सरपंच ग्रा.पंचायत, विवेकानंद नगर(हिवराआश्रम)

सचिन वाघे वर्धा

हिंगणघाट :- 26.4.21
उपजिल्हा सरकारी रुग्णालयात आक्सिजनच्या सोयीसह 200 बेड्सची व्यवस्था करण्यात यावी या मागणी साठी आज सोमवार,दि.26 एप्रिलला प्रहारचे विदर्भ विभाग प्रमुख रुग्णमित्र गजुभाऊ कुबडे यांनी आपल्या स्वतःच्या घरावरील छतावर 12 तासाचे लाक्षणिक उपोषण केले.
सायंकाळी 7 वा. हिंगणघाटचे पोलीस निरीक्षक श्री संपत चव्हाण यांच्या उपस्थितीत आपले उपोषण तात्पुरते मागे घेतले.तत्पूर्वी येथील उपविभागीय अधिकारी श्री चंद्रभान खंडाईत यांनी सायंकाळी ६ वाजता व्वाट्स-उप कॉल वरून श्री कुबडे यांच्याशी चर्चा करून या मागणी बाबत प्रशासकीय पातळीवर सकारात्मक चर्चा सुरू असून या निर्णयासाठी थोडा अवधी देण्याची विनंती केली.
रुग्णमित्र गजू कुबडे यांची प्रमुख मागणी ही शहर,ग्रामीण भाग व समुद्रपूर तालुका येथे दिवसेंदिवस कोरोना रुग्णाची संख्या वाढत आहे.येथील व्यवस्था अपुरी असल्यामुळे अनेक रुग्णांना बाहेरगावी उपचारासाठी जावे लागत आहे.त्यामुळे येथील उपजिल्हा रुग्णालयात 200 बेड्सची व्यवस्था करावी ही त्यांची मुख्य मागणी आहे. सर्व परिस्थिती पाहता येथील उपजिल्हा रुग्णालयाच्या इमारतीत आक्सिजनच्या व्यवस्थेसह 200 बेड्सची व्यवस्था केली तर या भागातील गोरगरीब रुग्णांना येथेच उपचार घेता येईल व त्यामुळे सर्वसामान्य जनतेला दिलासा मिळेलच सोबत सावंगी,व सेवाग्राम येथील दवाखान्यांवर पडणारा ताणही हलका होईल.या संपूर्ण बाबीचा विचार करून श्री गजू कुबडे यांनी 22 एप्रिलला जिल्हाधिकारी वर्धा याना उपविभागीय अधिकारी यांचे मार्फत निवेदन दिले होते. व या मागणीकडे प्रशासनाचे लक्ष वेधण्यासाठी रुग्णमित्र गजू कुबडे यांनी आज 26 एप्रिलला स्वतःच्या घराच्या छतावर एक दिवसाचे लाक्षणिक उपोषण केले. मागणी मान्य न झाल्यास प्रहार स्टाईलने तीव्र आंदोलन करण्याचा निर्धार त्यांनी व्यक्त केला आहे.
या मागणीबाबत प्रशासन गंभीर पणे सकारात्मक विचार करीत असल्याचे संकेत आजच्या प्रशासकीय अधिकाऱ्याच्या चर्चेवरून प्राप्त झाले आहेत.

गजानन सोनटक्के जळगाव जा

जळगाव जामोद तालुक्यातील भेंडवळ बीटमधील चावरा येथे दिनांक २५ एप्रिल रोजी दुपारच्या सुमारास जळगाव जामोद पोलीस स्टेशन चे हेड कॉन्स्टेबल अनिल सुशिर यांना गुप्त बातमीदारांनी सदर अवैध गावठी दारूची चावरा येथे सर्रास विक्री चालू आहे अशी माहिती मिळाल्यामुळे पोलीस हेड कॉन्स्टेबल अनिल सुशिर यांनी होमगार्ड गणेश दांडगे यांना सोबत घेऊन जावरा हे गाव गाठले व दुपारी एक वाजेच्या सुमारास अवैध गावठी दारू पकडण्यासाठी पोलिसांनी रेड केली असता आरोपी किशोर वासुदेव मेहेंगे वय २७ वर्ष राहणार कवठळ तालुका संग्रामपुर याला पकडले असता त्याच्या जवळून १५ लिटर हातभट्टीची गावरान दारू किंमत अंदाजे एक हजार पाचशे रुपये प्लास्टिक कँनसह बागडताना मिळून आला यावरून अनिल सुशील यांनी अपराध नंबर २८९/२१,६५ इ. महाराष्ट्र दारूबंदी कायदा अंतर्गत कलम १८८,२६९,२७० भारतीय दंड विधान नुसार आरोपी किशोर वासुदेव मेहेंगे याच्यावर गुन्हा दाखल केला आहे पुढील तपास जळगाव जामोद पोलीस स्टेशन ठाणेदार सुनील जाधव यांच्या मार्गदर्शनात पोलीस हेड कॉन्स्टेबल अनिल सुशिर हे करीत

सचिन वाघे वर्धा

समुद्रपूर 26.4.21 माउंट कार्मेल कॉन्व्हेंट स्कूल च्या प्रशासनाने व्हाट्सअप ग्रुपच्या माध्यमातून आमच्या पाल्याला पुढील वर्गात प्रवेश दिल्याचे सामायिक नोटीस द्वारे कळविले ,परंतु शालेय फी न भरल्यामुळे आम्हाला निकाल पत्र देण्यात आले नाही . त्यामुळे आमच्या पाल्याला शाळेने पुढील वर्गात प्रवेश दिला की नाही याबाबत आम्ही पालक संभ्रमात आहोत . तसेच शालेय प्रशासनाने इयत्ता नववी व दहावी चे ऑनलाईन क्लासेस सुरू केले असून ज्या पालकांनी शालेय फी भरली त्यांच्याच पाल्याला ऑनलाइन शिक्षण देणे सुरू आहे .इतर पाल्य शिक्षणापासून वंचित आहेत .इयत्ता आठवी पर्यंतच्या ऑनलाइन शिक्षण २६एप्रिल २०२१ पासून सुरू होणार असून त्यामध्ये सुद्धा विद्यार्थ्यांना अद्याप व्हॉटस अॅप लिंक पाठवलेली नसून शालेय फी भरण्यासाठी शालेय प्रशासनाने तगादा लावला आहे त्यामुळे ७०% ते ८० % पाल्य शिक्षणापासून वंचीत राहणार आहे . तसेच मागिल शैक्षणिक वर्षात एप्रिल २०२० ला काही पालकांनी आपल्या पाल्यांचा नर्सरी वर्गा करिता २०९६० रुपये फि भरून प्रवेश घेतला परंतू संपूर्ण वर्षभर नर्सरी ची कोणतीच शाळा किंवा वर्ग घेतले नसतांना शाळेने यावर्षी नर्सरी च्या मुलांना पुढील वर्गात म्हणजे KG -1 मध्ये दाखल केले . परंतू यावर्षी सूद्धा शाळेकडून K G – I ची भरावी लागले अशी शाळेकडून मागणी होत आहे मग आमचे २०९६० रुपये फि चे काय ? याकडे सुद्धा माय बाप सरकारणे लक्ष द्यावे . आधिच कोरोना महामारी मुळे आम्ही पालक वर्ग आर्थिकदृष्टया परिस्थिती हलाखीची झाली आहे. त्यामुळे शालेय फी भरण्यास असमर्थ असून फार तर आम्ही ५०% फी भरू शकतो . शालेय फी न भरल्याच्या कारणाने शिक्षणापासून विद्यार्थ्यांना वंचित ठेऊ नये असा शासन निर्णय असताना शालेय प्रशासन शासन निर्णयाची अवहेलना करीत आहे .
करिता शालेय प्रशासनाला तातडीने आमच्या पाल्यांना पुढील वर्गात प्रवेश देऊन त्यांचे निकाल पत्र व्हाट्सअप च्या माध्यमातून देण्यास व सर्व विद्यार्थ्यांना ऑनलाइन शिक्षणासाठी सामावून घेण्याचे आदेश देण्यात यावे
याबद्दल पालक वर्गाकडून सचिन गावंडे ,रवींद्र लांबट ,अजय पानेकर ,विनोद डगवार यांनी निवेदन दिले

सचिन वाघे वर्धा
हिंगणघाट ,26.4.21
कोरोना विषाणूचा वाढता प्रादुर्भाव पहाता राज्यशासनाने दि,१४ एप्रिल पासुन १ मे पर्यंत राज्यासह जिल्ह्यात संचारबंदी लागू केली आहे.
याचा गैरफायदा घेत किराणा दुकानदार व खाद्यतेल विक्री करणाऱ्या ठोक व्यापाऱ्यांनी नफेखोरी करून जास्तीचे दर आकारुन ग्राहकांची सर्रास आर्थिक लुट करीत असल्याचे निदर्शनास येत आहे. तेलासह साखर,गुळ,दाळ अश्या अनेक वस्तुंचे भावदेखील वाढवून ग्राहकांना वेठीस धरले आहे.प्रशासनातील अधिकारी मात्र यावेळी मुग गिळून चुप बसल्याचे दिसुन येत आहे.
लॉकडाऊनमुळे हाताला काम नसलेल्या गोरगरिबांना जीवनावश्यक वस्तू
जास्त दराने विकल्या जात आहे
जिल्हा पुरवठा अधिकाऱ्यांनी किराणा मालाचे भाव जाहिर केल्यानुसार साखर ३५ रु. किलो ,गुळ ४५ रु.किलो, हरभरा डाळ ६० रु.किलो ,शेंगदाने १००रु किलो , तेल ९५ रुपये किलो, तुरदाळ ९० रु ‌किलो , देण्याचे निर्देश दिले आहेत. परंतु आज किराणा व तेलासारख्या जीवनावश्यक वस्तु चढ़या दराने विक्री करण्यात येत आहे. मोठे दुकानदार साठा करुन भाववाढ करुन कीरकोळ दुकानदारांना जास्त किंमतीत माल पुरवठा करीत असल्याने किरकोळ किराणा विक्रेतेसुद्धा जादा भाव घेऊन विक्रि करीत आहे.
उपरोक्त भाववाढ करुन गोरगरीब जनतेला वेठीस धरणाऱ्या व्यापाऱ्यांवरती कठोर कारवाई करण्याची मागणी साहसिक जनशक्ती संघटनेचे अध्यक्ष यांनी उपविभागीय अधिकारी चंद्रभान खंडाईत व तहसीलदार श्रीरामं मुधंडा यांना निवेदनाद्वारे केली आहे ,

यावल ( प्रतिनिधी )विकी वानखेडे

येथील विरारनगर परिसरातील रहीवासी व राष्ट्रवादी काँग्रेस पक्षाच्या यावल शहर अध्यक्ष सुरेखा सिताराम पारधे वय३५ वर्ष यांचे आज अल्पशा आजाराने डॉ . उल्हास पाटील यांच्या गोदावरी रुग्णालयात उपचार घेत असतांना दुपारी ३ वाजेच्या सुमारास निधन झाले, सुरेखा पारधे या महीलांच्या सामाजीक व विविध प्रश्नासाठी धावुन जाणाऱ्या कार्यकर्त्या म्हणुन त्यांची ओळख होती .एक महीला म्हणुन संघर्षमय जिवन जगणारी आमची उमदा कार्यकर्ता निघुन गेल्याचे आपल्या शोकसंदेशात राष्ट्रवादी काँग्रेसचे तालुका अध्यक्ष प्रा . मुकेश येवले यांनी म्हटले व त्यांना श्रद्धांजली वाहीली . सुरेखा पारधे यांच्या पश्चात कुटुंबात आई , बहीण , पुतण्या , पुतणी असा परिवार आहे .